للعقلاء فقط ادخل وسجل تنازلك عن نواف التمياط للإتحاد
 

السلام عليكم

شاهدنا اليوم ماطلبه نواف من الهلال وهو مبلغ30 مليون وهو مبلغ مبالغ فيه على لاعب عمره 30سنه

وأغلب المباريات يلعبها مركون في دكه الإحتياط وبعض الأحيان عاله على الفريق كما حصل في مباراه الشباب

وأعتقد 30 مليون هذه بإمكان الهلال أن يشتري بها أفضل اللاعبين من خط الدفاع إلى الهجوم

وخصوصا أنه دفاعنا يحتاج ترميم ومصاريف النادي للسنه المقبله 30 مليون تكفي تقريبا نص تكاليف الفريق مع الرواتب

بل بإمكاننا نحضر ريفالدو إلى السعوديه بهذه المبلغ يعني مبلغ فلكي أتوقع أنه التمياط وضعه لكي يعجز الهلالين

لأني كما ذكرت مسبقا أنه منصور البلوي سوف يعطي لنواف شيك كل الى على نواف أن يضع رقم المبلغ فقط

وأنا أعتبر ماقام به نواف التمياط كارثه بحق جماهيره أو بمعنى أصح للي يحبونه اللاعب أكثر من الهلال الكيان كهلال

وانا بيني وبينكم سعدت بماقام به نواف لكي يعطي بعض الجمهور الهلالي درس أنهم يحبون الهلال ككيان أكثر من

لاعب أنت وش تبي بالضبط من التمياط تبيه يلعب عشان يجيب بطولات طيب هو طول فتره الإصابه مده سنتين والهلال

يلعب بدونه الهلال ماتأثر بغيابه وأحرز بطولات إذا البطولات ماشيه بنواف وبدونه وغيابه لن يؤثر وإذا فيه لاعب

فعلا تحبونه كلاعب فهوسامي الجابر لأنه من أعمده الهلال وياما فاوضوا منصور البلوي في باريس وعرض عليه أن

ينتقل للإتحاد لكن سامي فكر بجمهوره كيف ستحل عليهم الصدمه وهو ينتقل منهم واللاعبين الي من طينه الكبار

هؤلاء قربوا ينتهوا بعد رحيل يوسف الثنيان وقرب رحيل سامي أما اللاعبين المتواجدون الآن بالساحه فلاهم

لهم سوى الفلوس ولاأريد أن أقول أصبحوا مثل الخرفان الي يدفع أكثر يشيلني ولكنهم بإمكانك أن تتحكم بهم

متى ماوجدت الماده بيدك والي سواه التمياط أسوأ بكثير ماسواه احمد الدوخي فالدوخي لم يكن يتمتع بجماهيريه

عريضه وسط الهلالين حال نواف وأنتم يمكن توكم تسمعون خبر انتقال نواف وغير مصدقين لذلك

لكن أنا أجزم وبل متأكد 100%أنه نواف رايح للإتحاد بعد ماقابلت رئيس الهلال بعد مبارتنا مع العين وبعض الجماهير

وسئلناه حول نواف فوالله العظيم كل من سمع حديث رئيس الهلال أيقن حتى الـتأكد أنه نواف سوف ينتقل من الهلال

وبإمكانك تقرأ ماقاله رئيس الهلال بالحرف من خلال هذه الموضوع الذي كتبته في وقت سابق

http://vb.alhilal.com/showthread.php...32#post3449232

وأتمنى من المشرفين أن يهيأو لبعض الجماهير غير المصدقه خبر انتقال نواف للإتحاد لأنهم ماهم مصدقين إلى الآن

ويعتقدون أنها اشاعه جرايد وأنا أجزم أنه القريبين من النادي وخصوصا الأخ الغالي محمد أبولما يعي ذلك لقربه

من النادي لكنهم ينتظرون لعل وعسى أنه نواف يبقى

وأنا من هذه الموضوع أطلب من جميع الجماهير الهلاليه أن تشيل نواف من تفكيرها مثل ماهو شالكم من تفكيره

وأن لاتضغطوا على أبوسلطان بمطالبتكم بالتجديد معه

واللي يشجعون الهلال وأحط تحتها مليون خط متأكد أنهم ماهمهم انتقال نواف لأنه بإستمرار أبوسلطان بإذن الله

البطولات الهلاليه مستمره وغياب لاعب غير مؤثر على الهلال لن يحرمنا من البطولات


أما الي يشجعون نواف فقط بإمكانهم تشجيع نواف وهو يلعب للإتحاد بماأنهم يشجعون اللاعب وليس النادي



وأطلب من الجماهير الهلاليه أن تسجل تنازلهم عن نواف التمياط من خلال هذه الموضوع قبل أن يتنازل عنكم

وعلى قولتهم نتغدى فيه قبل مايتعشى فينا.

خلوووووووووووووووه ينقلع

بصراحه انت انسان تافه فكيف تشبه إنسان إذا تكلم ذكر الله وحمده قبل تطرقه في اي موضوع رجل يحب الخير الى كل الناس وخاصه ذوي الأحتياجات الخاصه من معاقين وغيريهم وتشبه بالخرفان يباع ويشترا جد أن الكوره تعصب وتجمع الملااهقين أكثر من العاقلين اتركوا نواف في حاله فهو هلالي ولا يريد الى الهلال وسأل واحد قريب منه ويعرفه ويعرف ماهو مقدم عليه

اظاااااهر انه انهبل 30 مليون هههههههه مسكين والله المفروض يوقع للهلال ب
اقل سعر كان مصاب وماقصروا معاه الحين بيسوي فيها شكله بيصير تشااادي وانتوا بكرامه

والله نواف يستاهل كل خير بس الثلاثين مليون والله واجد واتحدى اي نادي يدفع المبلغ هذا


الى اذا كان فريق اوربي

مادام معنا الله ثم ابو سلطان الامور ماشيه


لكن اتمنى اذا كان عازم على الرحيل


يروح لنادي السد القطري

لقد اجتمع عظماء الهلال ليقولو لكم لاتقلقوا

فالزعيم في أيد أمينة . وسيكون استعدادنا للموسم القادم مبهرا .

وأنا أثق برجال الزعيم وما علي إلا أن استمتع بالرحلة .

أما مسألة انتقال نواف لفريق الاتحاد .

فمما لاشك فيه أنها مفاجأة مثيرة . ومحزنة بنفس الوقت .

إذ هل يعقل أن يحرق الانسان بنفسه كل مكتسباته المعنوية مقابل مكاسب مادية .

وهل يعقل أن محبة الجماهير لاتساوي شيئا .

وهل يعقل ان يتحول الحب كرها والوفاء غدرا .

لـن أرد عـلـيـك يـا حـبـيـبـي و لا تـكـون نـسـيـت الـرضـاعـة..!!

و انا أؤيد ذهاب نواف لمصلحته..!!

الخبر الاكيد ان مفاجاءة البلوي هي ان نواف سيصبح اتحادي والطبخه على نار قد تكون باردة شوية لكن اكيده يبدو ان نواف يعاني من بعض الاصابات وهنا ادارة الهلال حبت تخليه على راحته في الرحيل الى الاتحاد وبالتوفيق له

المصيبة الاتحاد يشتري في لاعبي الهلال وحنا ما نقدر نشتري لاعب واحد منهم حقيقة مرررررررررة لنا صدقوني الاتحاد قوته في محمد نور وعقده انتهاء لو نقدر عليه يضيع الاتحاد بما فيه لكن من يشتري عقده هنا السؤال

يا زعماء نووووووووووواف كبير

ويستاهل 30 و 40 مليوون


والله من عيونا يا نواف بس إنها كثيره على النادي


وانا متإكد الي يعرف هذا العب زين ماراح يتكلم عليه


اهم شي الهلال

اي والله وانا اخوووك ياكاتب الموضوع بس ذا نجم كبير


واقول لنووووووووواف انت هلالي وبإذن الله ستبقى هلالي


يا ليت مثـــل ســــــــــــامي عبدالله الجـــابر واحد

عادي يروح نواف لاي نادي لكن القهر انه بيلعب مع المروح الدقري مهمد ثور يعني بيلبس اصفر باسود اللي ماقدرة اتخيله فيها

مساكم الله بالخير جميعاً

في البداية اخوي الاسد ترى والله عيب نغلط على الرجال وهو احد ابناء الهلال وياما قدم للهلال
ولكن ان نسيئ له ونشببه بالحيوانات فهذا شي مرفوض من كل هلالي

نواف انسان واعي ورجل يعرف وش يسوي وهو ادرى بمصلحتة ولو طلب الغالي يرخص لة وهذا من حقه لانه محترف
اما ثلاثين مليون فهذي اعتقد انك مبالغ فيها

وبعدين يبي يروح الاتحاد خلوووووووووووة براحتة بس انا نسيئ الادب وياه هذي مرفوضه ولاهي من اخلاقيات ابناء الهلال

وتروني والله ثم والله متاكد ان نواف مستحيل يترك الهلال مثل ماني متاكد اني الحين قاعد ارد على موضوع بمنتدى الزعيم لكن لا تستعجلون الزعيم بمن حضر ولن تتوقف مسيرة البطولات الهلالية على لاعب اواثنين


وبالتوفيق للزعيم

يا اخوان وش فيكم منهبلين .. أولا نواف في هولندا .. و ما بعد صار شي رسمي ..
ليه مستعجلين ..
ثانية تونا بدري على هالكلام .. الموضوع كله كلام و ما بعد صار شي رسمي ..
نواف بيحترف خارجيا و أنا متأكد ..
و اذا راح للاتحاد بسبب ناس مثلكم يسمعون الخبر و يالله سب في اللاعب .. طيب اصبروا و تأكدوا قبل لا تحكمون على اللاعب ..
30 مليون مو سهلة .. بالنسبة للاعب لن يتجاوز ما تبقى من حياته الكروية 3 سنوات ..

اتمنى انكم ما تستعجلون و انا متأكد انه لو نواف ما جدد بيحترف خارجيا .. مستحيل ينتقل للاتحاد .. يا ناس تخيلوه بطقم الاتحاد .. والله موب لايق ابد ..