ماأدري إلى وين وصلت المفاوضات بين الكابتن نواف التمياط وبين الإدارة ومدى مصداقية الأرقام اللي تطلع بالصحف لكن اللي يدعو للضحك تعليقات البعض من الأخوة الأعضاء بربط موضوع الانتقال أو البقاء بالوفاء والأمانة!! وأنا ودي أسأل اللي يربط هالأمور بالوفاء لو كنت مكان أي لاعب بنادي معين وجاك عرض بالملايين هل سترفضه? أتحدااك
وبقي سؤال:كيف شفتوا إن ياسر يستحق الملايين ونواف استكثرتوها عليه مع ان مبلغه أقل??!

ياسر لما انتقل للهلال كان عمره 24 سنه ونواف الان طق الثلاثين

وياسر ماراح يطلب من النادي اكثر من كذا
يعني ماعليه خوف

باي باي نواف
روح الله يستر عليك
بس انتبه لاتتعلق بالشبك زي الدوخي
هههههه

ياسر لم يأخذ من الهلال الا 6 ملايين لمدة خمس سنوات فقط .

واتمنى من الجمهور التفريق بين لاعب يجدد عقده مع فريقه او لاعب ينتقل من نادي ثاني .

على العموم نواف هلالي بأذن الله بمبلغ اقل من 10 ملايين لمدة 4 اربع سنوات .

يااختي مع احترامي لكي انت تخلطي الامور موضوع ياسر يختلف كليا عن نواف اذا بغيتوا راي في موضوع نواف انا اقول نواف يستاهل الملايين لكن من دون مبالغة مثل مانقراء اليوم في الصحافة مرة10 ملايين ومرة30 مليون فااقترح على الادارة والكابتن نواف حل وسط وهو التوقيع سنتين ب5 مليون ------------------ ومشكورة اختي

نواف تجديد وليش شراء عقد مثل ياسر

اعتقد ان المسأله تختلف تماما

اتمنى التجديد لنواف لكن مو بالمبلغ الكبير اللي سمعنا فية

مافي ابد مقارنه بين ياسر ونواف بقيمة العقد

اول شي ياسر لم ياخذ 20 مليون هي 7مليون وتنازل عن مليون

يعني 6مليون وتنازله عشان يجي الهلال ويخفض المبلغ على الهلال

مع ان هذا من اقل حقوقه ويستاهل 10 مليون بس الدعوة كانت عناد

من الاتحاد والقادسية وشفنا ياسر ماشاء الله عليه

وبعدين نواف هلالي ليه يضغط على الهلال بهالمبلغ المبالغ فيه

ياسر لو الامر بيده جا بلاش وهذا الي قاله بعد سنه ينتهي عقدي

واكون حر وبجي بدون مقابل للهلال وطبعا مابيكون يلعب

اساسي بناديه بسون زي المحياني بطفشوه

وينخفض مستواه بس الحمد لله رجال هلال فكروا بالوطن قبل كل شي

مشاركة كاس العالم ولازم مستواه وحالته النفسيه تكون جيده

لانه لاعب عاشق للهلال

وبعدين نواف الهلال عانى من اصابته وعالجه

وجدد معه عقده بكم مليون وهو مصاب

يعني مافي نادي يسويها وصبر عليه

ويوم رجع مستواه يرد الدين لناديه بهالطريقه

ماتوقع ان كلام الجريدة صحيح

ياخي ياسر حاله خاااااااااااصه ياسر كانت هناك مزايده بيينا وبين البلووووووووووووووووووووي

فكر قبل لاتكتب يااخي العزيز ؟!!

نواف يطالب بـ30 مليون ؟!! صاحي ذا ولا يستهبل ؟!!

ياناس ريفالدو نجيبه الحين من اولمبياكوس بأقل من 30 مليون

مو كلام هذا ؟!!! انا ماقلل من نواف او انه مايستاهل بالعكس نواف يستاهل كل خير وسوى شي مع الهلال مو سهل ومن اللاعبين النادرين اللي بالسعوديه في مركزه

بس 5 مليون صعبببببببببببببببببببه عليه فما بالك 30 ؟!!!

ياخي سامي وهو سامي ماقعد يبلبل يوم جا يوقع عقده يوم كان بسن نواف ؟!!!

لو يحب الهلال صدقني بيرضى باللي يعطونه ورجال الهلال مو مقصرين بس صدقني سكوته هالسنه مضايقني مرررررررره

واسمح لي اخوي الكريم (( اي واحد يفكر انه يزايد علينا مكانه برى النادي ))

ولنا في الدوخي عبره واللي بيسوي مثله يروح غير مأسوف عليه

هذي وجهة نظري المتواضعه ولك مني جزيل الشكرررررررررررررر ,,,,,,,,,,,,,,,,,,,,

اضاهر نواف كان متحلم انه يلعب نهائي كأس العالم ومن زيادة الحماس اللي عنده قال 30 مليون اصبروا شوي لين يصحى من الحلم اللي اهو فيه الله يهديه ويفتح على قلبه ويستر عليه بعدين نقول له ليش 30 مليون

ملاحظه:-هذا اذا كان الكلام صحيح مو كلام جرايد

اذا كان المبلغ الي طالبه نواف صدق فا بدون احترام يا نواف الى مزبله الرياضه

مع احترامي لنواااف و لكن ما يستاهل 30 مليوون .

حتى نص المبلغ هذا كثير عليه لاعب من عرفته وهو من اصابه لاصابه و الهلال

يعالجه على حساب الهلال و اخرتها بعد هذا العلاج يترك الهلال بكيفه



تذكروا شي واحد :
اللي طلع نواااف يطلع غيره .

يا سلام عليكم

جميعا متفيقين ان المبلغ 30 مليووووون كثييييييير جداً

صحيح ونواف مايستاهل هذا المبلغ المبالغ فيه بشكل

رهيب


كلنا بصوت واحد نواف روح و القلب داعيلك

شوف يا أبو الشباب ..
واللي يخلي الهلال يدفع لياسر 100 مليون ولا يدفعها لنواف ..
ياسر كان يبي الهلال .. دفع من عقدة حتى ينتقل للهلال ..
اما نواف ان كانه كان هالكلام فعلاً ..
فالحقيقة أقولها : نواف لا تستاهل هذا المبلغ .. وروح للاتحاد دربك خضر ..
ومالك منا الا الدعاء لك ..

إقتباس الرسالة الأصلية كتبت بواسطة مدمنه الزعيم ياسر لما انتقل للهلال كان عمره 24 سنه ونواف الان طق الثلاثين وياسر ماراح يطلب من النادي اكثر من كذا يعني ماعليه خوف باي باي نواف روح الله يستر عليك بس انتبه لاتتعلق بالشبك زي الدوخي هههههه

أقـول بس الله يرد لك عقلك قولي أمين

وعلى فكــره نواف تو عمـره 27 وأنا ما أبي أغلـط على أحـد لكن اللي بينتقـد ينتقـد نقد هادف ولا يقضب الباب أحنا هنا في منتدى محتـرم ونقبل النقاش ومن حقك أنك تقول أن نواف ما يستـاهل

لكن اللي يقـول يتعلق بالشبـك واللي يقول إلى مزبلة التاريخ أقولهم والله أنتم اللي محسوبين على جمهـور الزعيم بس لا تخـافون راح ندعي لكم كل يوم هذا اللي نملكـه .