#1  
قديم 08/05/2006, 08:19 PM
زعيــم مميــز
تاريخ التسجيل: 14/07/2005
المكان: في عالم الزعامه
مشاركات: 1,895
الرد الكافي والجواب الوافي :: لمن اتهم نواف ::

السلام عليكم ورحمة الله وبركاته

كثر الكلام عن نواف وعن مطالباته وعن وعن وعن

حتى وصل الامر لإتهامه بالخيانه والمساومه والخداع

وانا من هنا احب اوضح بعض النقاط اللي يمكن ماحسبها بعضكم بالشكل المطلوب

اولا ياسادة ياكرام

اذا كان كل ماسمعنا وقرأناه صحيحا فنواف التمياط لازال على الدرب الصحيح

فهو لم يخادع ناديه ابدا ولم يبرم الاتفقيات مع احد الاندية

لازال يتفاوض مع صاحب الحق وهو نادي الهلال والاهم لديه

جعل الهلال هو البداية واذا لم يجد مايتفق عليه الطرفان سيبداء بالتفاوض مع من يريده

وهذي نقطه تحسب لصالح نواف التمياط

وبكل صراحه وامانه ابرز لهم العروض المقدمة له بالمبالغ واسماء الانديه والفترات المطلوب فيها

10 / 3 سنوات من الهلال

16 / 4 سنوات من الاتحاد

30 / 2 من السد القطري

وبما ان نواف لاعب محترف والمحترفين جميعا يعتمدون على المادة واكبر دليل حتى الاجانب عندما نحضرهم ونمجدهم تراه يقول انا حضرت من اجل المادة فأنا لاعب محترف ومن حقي ان اؤمن مستقبلي

وانا ارى مستقبل نواف ان يقبل بالعرض القطري المقدم من نادي السد

سنتين فيها 30 مليون هذا عرض ولا في الاحلام حتى انه يتجاوز العروض التي قدمت له ابان مطالبة اندية هولندا وايطاليا للتمياط قبل عدة مواسم

ومافيها اي شي اذا التمياط قدم مصلحته الشخصية بكل وضوح وقال للهلال انا مؤمن لي 30 مليون من السد لمدة سنتين اذا الهلال قادر انه يدفع المبلغ هذا لي لمدة خمس سنوات فالبقاء للهلال افضل

والهلال لازال على دراية بأي خطوة يقوم بها اي مفاوض

ترى نواف خمس سنوات ويمكن يعتزل وهذا شي من حقه يؤمن مستقبله في اخر عقد سيوقعه

ولكن هل كانت هذه المبالغ موجودة قبل ان يتدخل رجال الاعمال الاغبياء ويفرضون ارقام خيالية اصبحت مطمعا لكل لاعب هنا المشكلة التي بدأنا نواجهها

وارجوا ان تتذكروا كلام في المسقبل القريب عندما يرحل عزيز والصويلح والمبارك بسبب مقدمات العقود لأنهم بيكونون عايشين في عالم الارقام الفلكيه

المهم نرجع لكلامنا واقول

نواف يتكلم بوضوح وصراحه دون لف ولا دوران وكل واحد فيكم والله كل واحد فيكم يقيسها على نفسه

عندك 10 مليون وعندك 30 مليون الاول لمدة خمس سنوات وبعدها ماراح تاخذ غيرها والثاني لمدة سنتين واكيد بعدها راح يكون عندك عرض اخر حتى لو كان اقل لكن شوف الفائدة كم بعد الـ 30 يمكن 10 يعني اربعين في اربع مواسم اتوقع لو نواف رفض عرض السد راح يكون هو الخسران الوحيد من الفرصة اللي اتت له

نواف ماوقع من تحت الطاوله مع احد
نواف ماقابل احد
نواف ما انكر احد

هذا عصر الاحتراف وعلينا ان نبداء من اليوم في استقبال الاخبار المزعجة مثلما نستقبل الاخبار الطيبه

اتمنى الكلام يكون وصل بالشكل المطلوب

وشكرا لكم
اضافة رد مع اقتباس
  #2  
قديم 08/05/2006, 08:27 PM
موقوف
تاريخ التسجيل: 30/05/2004
مشاركات: 545
لحظه من فضلك ..

فليتذكر نواف ماذا فعل معه الاوفياء حين اصابته؟

ولا ننسى ان سكوته سبب جرح عميق للهلاليين

ماذا خلف السكوت يانواف ؟!!

الم تستطع ان تصرح وتقطع القلق الذي يعيشه محبيك ؟!!
بما انه سيأتي اليوم الذي تحسم فيه الامر لامحاله فالتحسمه الان

و لاوجه للمقارنه بين تصريح القناص ياسر لعشقه الهلال وكسره خشوم البعض وبذلك قطع كل المهاترات والشكوك والاشاعات وبين نواف التمياط الذي لازال في غموض صمته

دمت بخير
اضافة رد مع اقتباس
  #3  
قديم 08/05/2006, 08:30 PM
زعيــم مميــز
تاريخ التسجيل: 14/07/2005
المكان: في عالم الزعامه
مشاركات: 1,895
اخوي الكنز

وهل تتوقع انه لما جدد معاه النادي وهو مصاب كان بدون انجازات وماحقق للهلال شي ؟؟؟

قدم للهلال الكثير جدا وهذي نقطه مهمه لاتنساها

ولحد الان هو يتعامل بموقف رجولي مع ناديه وموضح الامور بس اذا انت ترضى تستغنى عن عشرين مليون تقريبا عشان وقعت بثلاثه مليون وانت مصاب فأنا اتوقع انه مايقدر احد يفرط بمبلغ يبني مستقبله عشر مرات

شكرا على مرورك وردك يالغالي
اضافة رد مع اقتباس
  #4  
قديم 08/05/2006, 08:31 PM
زعيــم متألــق
تاريخ التسجيل: 15/04/2002
المكان: بني سويف
مشاركات: 1,430
الأرقام غير دقيقة فلا تعول على عناوين الإثارة
اضافة رد مع اقتباس
  #5  
قديم 08/05/2006, 08:35 PM
زعيــم جديــد
تاريخ التسجيل: 16/01/2004
مشاركات: 33
نعم نحن في عالم الاحتراف
وكل واحد يضع نفسه مكانه اكيد ما فيه مقارنه بين العروض وكلنا راح نقبل 30مليون بدون تفكير

نتمنى له التوفيق اينما ذهب ..................ز

يا عالم افهمووووووووووووووو الاحتراف
واتركوا الكلام الزائد .........................
اضافة رد مع اقتباس
  #6  
قديم 08/05/2006, 08:43 PM
موقوف
تاريخ التسجيل: 30/05/2004
مشاركات: 545
إقتباس
الرسالة الأصلية كتبت بواسطة سعد بن ناصر
اخوي الكنز

وهل تتوقع انه لما جدد معاه النادي وهو مصاب كان بدون انجازات وماحقق للهلال شي ؟؟؟

قدم للهلال الكثير جدا وهذي نقطه مهمه لاتنساها

ولحد الان هو يتعامل بموقف رجولي مع ناديه وموضح الامور بس اذا انت ترضى تستغنى عن عشرين مليون تقريبا عشان وقعت بثلاثه مليون وانت مصاب فأنا اتوقع انه مايقدر احد يفرط بمبلغ يبني مستقبله عشر مرات

شكرا على مرورك وردك يالغالي


اخوي الكريم سعد

ان اردت الاجابه عن سؤالك بخصوص من سيفرط ب 20مليون ؟
اسأل قلب سامي الجابر هذا السؤال سيجيبك في جزء من الثانيه

اعظم لاعب مر على القاره الاسيويه الا انه يترك الحسم لقلبه دائما
فقلبه نقشت عليه حروف الهلال حتى اصبح ينطق به

فالتعلم ان الوفاء والحب والاخلاص هو من يوجه الشخص ولك في قضية القناص ياسر عبره

اضافة رد مع اقتباس
  #7  
قديم 08/05/2006, 08:43 PM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: الرياض
مشاركات: 2,905
نواااف ساكت الى مابعد كاس العالم

اتوقع لسبب واحد

وهو ينتظر بعد كاس العالم فيه احد النوادي الاوربية بيفاوضه ولا لا

واذا محد فاوض نواف فاتوقع تسع وتسعين فاصلة تسع وتسعين %

هــــــــــــــــــــــــــلا لــــــــــــــــــــــــــــــــــــــــــــــــــي
اضافة رد مع اقتباس
  #8  
قديم 08/05/2006, 08:46 PM
زعيــم مميــز
تاريخ التسجيل: 01/04/2005
المكان: زهرة المدائن ورياض الأرض الرياض
مشاركات: 1,780
الاحتراف هذا الذي نراه هو انحراف خاصة من قبل الاتهادية فهؤلاء ليس لديهم اي مبدأ سليم وشريف ،
داخلين تخريب في تخريب ، يعني إذا اللاعب لم يوافق على انتقاله فهم سيرشونه ويخربونه ثم في المباريات ينبرشون عليه ، هذه أخلاقهم الخسيسة والدنيئة ، إذا صدق كلامك فعليه بالعرض القطري ثم اختتام حياته في ناديه الهلال دون قيد أو شرط ، هذه علوم الرجال وأبو بندر من سادتهم !!



اضافة رد مع اقتباس
  #9  
قديم 08/05/2006, 09:47 PM
زعيــم جديــد
تاريخ التسجيل: 05/05/2005
مشاركات: 48
شــوف في البــداية حنا مقبلين على صيفية وإنتهاء الدوري يعتبر ضربة للصحافة وموضوع مثل تجديد للاعب مثل نواف التمياط أتوقع إنه راح يســوي شي كثير لصحافتنا وإعلامنا المقروء والرئي والمسموع بشكل عام .. يعني بشكل أوضح الإعلام هذا وقتــه وهاذي لعبته حتى بداية كأس العــالم ,,




من ناحيـــة نواف التمياط مصلحته فوق مصلحة النادي عادي شي من حقه لكن لاعب يعرض عليه ستين مليون ويتركها وياخذ 22 مليون يعني الفرق كم مليون .؟؟؟

قارن بين ملايين نواف وملايين ياســر وسوف ترى الفــرق والعشـــق ,,,



أكيــد حنا في زمن إحتراف وزمن الماده هي الاهـم لكن يعني وصلنا لمرحلة إن العشرة مليون ما عاد تسوى شي غريب بصراحه ...


لو على الاقل ترد جميــل نادي وقع معك عقد وانت مصــاب يعني ماعمرها صارت في العالم كلــه إن ما خاب ضني ...


انا ما أقف ضد نواف بالعكس يعلــم الله إني أحبـــه لكــن ماصار شي إلى الان ونقول ياخبر اليوم بفلوس بكره ببلاشـــ ...




رســاله خاصـــة للركائز الأساسيــة في نادي الهلال :-

ما تلاحظــون إن بعض لاعبي الهلال في الآونة الأخيره يقومون بالمساومة على حسابكم ونشاهد بعض لاعبي الاندية الأخرى يتركون النادي ويتركون كرة القدم مع أنهم في عز مستواهم ومع ذلك يطردون من النادي ولكن حبهم لناديهم فوق كل الماديات وغيرها ,,,,


والله من وراء القصـــد,,
اضافة رد مع اقتباس
  #10  
قديم 08/05/2006, 09:54 PM
زعيــم مميــز
تاريخ التسجيل: 02/07/2005
مشاركات: 2,426
نواف لاعب خلوق فاهم ويعرف مصلحته زين ماله داعي انا الواحد يجرح في نواف بكلام لايليق عن نواف
اضافة رد مع اقتباس
  #11  
قديم 08/05/2006, 10:09 PM
زعيــم فعــال
تاريخ التسجيل: 09/10/2005
مشاركات: 346
ليش ماقال يوسف وسامي والتيماوي وابو اثنين ليه ماقالوا عطونا مقدم والا بنمشي مع انه كان موجود ايامهم النكران نسينا الغشيان ...

كان وقتهم موجود كل شي وش معنى الوقت هذا تسمونه عصر احتراف ( ضاع يوسف ضاع ابو اثنين ضاع التيماوي )

كلهم احياء يرزقون مع انهم ادج من التمياط ونواف يحمد ربه كم مره جاه مقدم عقد وهالـ 10 مليون لو ياكل كل يوم الف مات ما خلصن ...

الا قل ابن ادم ما يملى عينه التراب ...

وانا اعتقد ان نواف هلالي والكلام اللي ينقال الان هو اجتهادات صحفيه لا اكثر ولا اقل ومعروف اللي ورا كل هالكلام ...

ياناس يعني لو نواف اخذ 10 مليون والله ان يستثمرها استثمار بأقل من 3 سنوات مطلع فوق 10 مليون ...

ونواف يعرف الكلام هذا زين ...

والان 10 مليون ياناس تراها مو سهله ...

فكروا زين وفكروا انه مو 10 مليون فقط يعني بكل بطوله كم يبي يجيه ...صدقووووووووون اقسم بالله انها شي ...

واذا هو يبي الهلال صدقون راح يفكر زين بمقدم العرض ...

وانتم فكروا بكلامي زين ...
اضافة رد مع اقتباس
  #12  
قديم 08/05/2006, 10:58 PM
زعيــم فعــال
تاريخ التسجيل: 04/12/2004
مشاركات: 245
شكرا اخي على هذا الطرح الجميل ولكن يجب ان لا نستبق الأحداث ، وحسم هذا الموضوع سيكون بعد المونديال وانا واثق بان رجال الهلال ونواف سيتوصلون الى حل مرضي للطرفين باذن الله....
اضافة رد مع اقتباس
  #13  
قديم 08/05/2006, 11:19 PM
الصورة الرمزية الخاصة بـ البلاددد
زعيــم متواصــل
تاريخ التسجيل: 04/11/2005
المكان: المملكه العربيه السعوديه
مشاركات: 114
10000000 يحطها بالبلاددد شرط يبيعها بعد 5 سنين ب100000000 انشاءالله بس يوقع هههههههههههههههههههه تراني متأثر بالأسهم
اضافة رد مع اقتباس
  #14  
قديم 08/05/2006, 11:50 PM
الصورة الرمزية الخاصة بـ Z3EEM ASIA9
زعيــم مميــز
تاريخ التسجيل: 21/08/2005
المكان: بين لاعبين الهلال
مشاركات: 3,308
سلامات 30 مليون
رونالدينهو على غفله
اضافة رد مع اقتباس
  #15  
قديم 09/05/2006, 12:04 AM
زعيــم متألــق
تاريخ التسجيل: 20/09/2003
مشاركات: 1,065
السؤال المهم
بقاء نواف مكسب
ورحيله خساره
والاثنتان لصالح نواف شرف له ومكسب البقاء وخساره عليه يترك الزعيم وحب بناه طوال 10 اعوام

ومن حقه البحث عن الماده وليس الحق له ان يتخلى عن الهلال

من حقه ان يقبض مبلغ لتأمين مستقبله وليس من حقه ان يهضم حق الهلال في بروزه والوقوف معه واعداده للعوده الى الملاعب والصبر على غيابه موسمين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:09 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube