@ ... الحقيقـه التي .... يكرهها .... كل عينـــاوي .......@ - نادي الهلال السعودي - شبكة الزعيم

ناهس · #1 01/05/2006, 11:05 AM

مع احترامي الكبير لـ فريق الـ ع .. الا انهم تطالو كثيراً على هلالنا ..

وقاعدين يقولون ( نحن ) ابطال النسخه الجديده .. وانتم ( مال قبل ) يالا سيرو مناك

واحنا مانعترف ببطولاتكم << لا تكفون اعترفو

والحقيقه تقول ان العيناويين مافازو بالنظام الجديد

الحكايه ومافيها ان فريق ( الـ ع ) فاز بالنسخه ( التجريبيه ) لدوري ابطال آسيا

وماهي النسخه الجديده اللي معمول فيها حالياً

وركزو معي ( نسخه تجريبيه ) بتقولون كيف انا اشرح لكم

نظام النسخه الجديده يقول ان الفرق توزع على مجموعات
وكل الفرق تلعب بطريقة الذهاب والاياب .. مافيه تجميع
وبعدها دور ثمانيه ( ذهاب واياب ) وبعدها دور اربعه ذهاب واياب

البطوله اللي فاز فيها العين ماكانت بهذه الطريقه
كانت نسخه تجريبيه لها شكل آخر مختلف تماماً

و كانت تلعب بطريقة ( المجموعات المجمعه ) واستضاف العين فرق مجموعته في مدينة العين .. وتأهل من ارضه ..

وهووووووبا على طول لـ دور الاربعه .. ( ولاحظو مافيه دور ثمانيه ) .... دور الثمانيه كان ( كوبري )

..

ولعب مع داليان الصيني في دور الاربعه .. وصكه داليان بـ اربعة اهداف .. بس تأهل بمجموع المباراتين

ولعب النهائي مع فريق ( تايواني )

يعني تلاحظون ان اللي لعبو على نهائي ( النسخه التجريبيه ) كانو فريقين مغمورين

لـ درجة ان محد نقل النهائي ذيك السنه الا تلفزيون بوظبي وقناة ( ساسا ) التايوانيه

اتمنى اكون وضحت الصوره لـ جماهير الزعيم

عشان يعرف كل زعيم ان فريقه بطل للبطولات الرسميه المعتمده
وليس ( للنسخ التجريبيه ) .. حتى ولو اعتمدت فيما بعد

.