ما راح أقول أللي يبي يتفضل؟؟؟ بسم الله الرحمن الرحيم طرحت قبل يومين موضوع فيه بعض صور لجمهور برشلونة وكتبت بالموضوع أني أتمنى أرى جمهور الزعيم بنفس الطريقة ظهرت بها جماهير البرسا وما زلت أصر أننا قادرون على الظهور بنفس الشكل منذ أن كتبت ذلك الموضوع وأنا أفكر بالطريقة التي يمكن من خلالها ترتيب الجماهير وتوزيع الأعلام البلاستيكية البيضاء والزرقاء من دون أن نترك فراغات كما حدث في المرات السابقة والظهور بالشكل التالي http://goeup.com/6/5/32233.jpg وخطرت ببالي طريقة أتمنى أن تؤخذ بعين الاعتبار من قبل الإدارة ومحاولة تطبيقهاs60s :thumbup: أولاً يجب أن يكون هناك عدد كبير من المتطوعين بزي مميز ( لونه فسفوري مثلا ) يكونون متواجدين بالمدرجات اللي فوق ومجموعه كبيره أيضا موجودة بالمدرجات أللي بالأسفل (وطبعا الجمهور الهلالي جمهور وفي لناديه ولا راح يبخل أي شخص أن يتطوع في تنظيم مثل تلك الحركة أللي راح يكون لها تأثير كبير على نفسيات اللاعبين في أي مباراة حساسة) طبعا بالصورة أللي فوق نشوف المدرجات مقسمه إلى لونين قسم أزرق وقسم أبيض طبعا يجب أن يتوفر عند كل قسم ( مثلا 5 أشخاص متطوعين ) المتطوعين هذولا يقومون قبل المباراة بساعة إلا ربع بتوزيع الأعلام البلاستيكية بشكل سريع على الجمهور المتواجد بالمدرجات بالنسبة للمدرجات أللي فوق واللي ملونه باللون الأزرق أنا شفت بنهائي كأس خادم الحرمين على ما أعتقد أن الجمهور صار لو أزرق بالكامل طبعا الفراغات كانت موجودة لكن منظرها كان جميل جدا راح نطبق نفس الشي لكن على المدرجات أللي فوق وطبعا لازم يكونون المتطوعين موزعين ومنظمين بشكل جيد وزي ما قلت من أول عند كل قسم عدد معين من المتطوعين ( يفضل من خمسه وفوق ) ويتم التوزيع قبل ساعة أو ساعة إلا ربع. طبعا كل هالأمور يمكن أن تتم بالتنسيق بين مجلس الجمهور الهلالي و جوال الهلال أتمنى ألقى الجدية بالموضوع هذا من قبل إدارة مجلس الجمهور الهلالي وأيضاً ألقى الدعم من الجمهور الهلالي وأعضاء منتديات الزعيم لتوصيل هالطريقه لإدارة المجلس وأنا بانتظار آرائكم تحياتي |
روعه وأنا كنت بالملعب بالمباراة النهائية وكان المنظر رهيب جدا |
مشكور أخوي تاج كل هلالي على مرورك وأتمنى أنها تطبق هالحركه بالتنظيم اللي ذكرته لعل وعسى يدخل جمهور الهلال التاريخ من أوسع أبوابه |
أنتظر آرائكم؟؟؟؟؟؟؟؟؟؟؟؟؟؟؟ |
الفكره مره حلوه بس بصراحه من ناحية التنفيذ يبيلها تعب شوي |
أخوي كم أحبكم مشكور على مرورك وبالنسبه لكلامك أنا معاك باللي قلته وما فيه شي يجي بسهوله وبالذات إذا كان العمل بالحجم هذا يتطلب تكاتف الجهود ليظهر جمهور الهلال بالشكل اللائق بجمهور بحجم جمهور الزعيم تحياتي |
بانتظار آرائكم |
الوقت المعتمد في المنتدى بتوقيت جرينتش +3.
الوقت الان » 11:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd