|
شركة الكترونت لخدمة الإنترنت عن طريق الكهرباء- تفاصيل- مقارنه مع DSL -موعد عمل الخدمه الحمد لله راح تظهر شركة جديده ومنافسه لشركة النصب والإحتيال بخدمة نترنت رائعه وسريعه ورخيصه في نفس الوقت الشركة هاذي اسمها الكترونت وهي تستخدم خطوط الكهرباء الموجوده في المنزل علشان تنقل الإشارات باستخدام تقنية الـBPL يعني التلفون على جنب .. يعني الإتصالات على جنب ... يعني فاتورتة التلفون على جنب الإتصالات ما لها اي شغل في الموضوع لا تقدم خدمه ولا تاخذ فلوس ولا رسوم ولا لها اي شغل في الموضوع يعني يمدينا نقول على الإتصالات باي باي حتى شركات الإنترنت مالها شغل مثل اول نت ونسما وجيل وزجول وغيرها اول شي خلونا نتكلم عن السرعات والأسعار و نقارنها مع الإتصالات الكترونت 128 كيلو بايت / 180 ريال شهريا 256 كيلو بايت / 300 ريال شهريا 512 كيلو بايت / 500 ريال شهريا 1024 كيلو بايت/ 800 ريال شهريا اسعار الـ DSL 64 كيلو بايت / 50 ريال شهريا (للشركة المستضيفه)+ 120 رسوم للإتصالات شهريا = 170 ريال شهريا 128 كيلو بايت / 100 ريال شهريا (للشركة المسضيفه)+ 120 رسوم للإتصالات شهريا = 220 ريال شهريا 256 كيلو بايت / 200 ريال شهريا (للشركة المستضيفه)+ 120 رسوم للإتصالات == 320 ريال خلونا نقارن بالقيمه الكهرباء 128 كيلو بايت / 180 ريال شهريا الإتصالات 128 كيلو بايت / 100 ريال شهريا (للشركة المسضيفه)+ 120 رسوم للإتصالات شهريا = 220 ريال شهريا الفرق واضح .. 40 ريال شهريا الكهرباء 256 كيلو بايت / 300 ريال شهريا الإتصالات 256 كيلو بايت / 200 ريال شهريا (للشركة المستضيفه)+ 120 رسوم للإتصالات == 320 ريال الفرق 20 ريال شهريا الأسعار كما قال مدير شركة الكترونت انها راح تنخفض اكثر من كذا الآن خلونا نقارن بالسرعات الإتصالات ما عندها الا ثلاث سرعات وهي : 64/128/256 وتعتبر سرعة 64 بسيطه جدا وغير مؤثره بشكل ملحوظ واقصى سرعه هي 256 الكترونت عندها عندها 4 سرعات او كما سمعنا 5 سرعات 128/256/512/1024 وسمعت ان سرعة 2048 موجوده لكن الى الآن غير متأكد لاحظو ان اقل سرعة هي 128 وهي المتوسطه عند الإتصالات ولاحظو ان أعلى سرعه هي 1024 السرعات العاليه ما تقدمها شركة الإتصالات وهاذي ميزه ممتازه جدا لان فيه ناس كثيرين عندهم القدره الماليه لكن توفر السرعه غير موجود نقارن الحين بالتأسيس تاسيس الـ DSL يتطلب الآتي تمديد أسلاك ومود قيمة فوق 500 ريال وشغل يد <<<<<<<< ميكانيكا ورسوم تاسيس وفي كثير من المناطق يقولك والله حارتكم ما يركب عليها DSL .. الى الحين ما سوينا لكم شبكة شركة الكترونت بدون تمديد أسلاك والمودم مجاني وشغل اليد بسيط جدا ومتوفر في جميع المناطق اللي فيها عداد كهرباء يعني اذا بيتك فيه عداد كهربا لا تشغل هم انتى موضوعك وكبس كهرباء لكن انا سمعت والله اعلم ان فيه تركيب عداد خاص بالشركه يركبونه محل العداد الخاص بالمنزل ويوصلون العداد للكبس ومن الكبس للمودم ومن المودم للجهاز اعتقد الحين المساله ما تحتاج للمقارنه وأي واحد بياخذ DSL ما انصحه ابدا خلونا ناخذ معلومات اكثر عن طريقة التركيب طال عمرك انت وياه كل اللي مطلوب هو كبس كهربائي ومودم هم يجيبونه معهم ومجاني وعلى ما اعتقد العداد اللي بيركبونه وما فيه اي رسوم للإتصالات ولا حتى رسوم لإلكترونت نفسها يعني فقط مجرد قيمة الإشتراكات التجربه جربو الخدمه ناس كثيرين في الدمام ومدحوها وقالو انها ممتازه وفتحو قبل كم يوم معرض لهم في الرياض وناس جربو السرعه في المعرض وبعد قالو انها ممتازه هي الآن تحت التجربه والتأسيس موعد عمل الخدمه كثيرين يسألون عن موعد الخدمه واللي سالو قامو يشكون في الموضوع لان فيه موظفين اللي يقول بعد 6 شهور واللي يقول بد 5 واللي يقول بعد 8 لكن الكلام الصحيح هو ان الخدمه راح تعمل في النصفالثاني من 2006 يعني من شهر 6 الى شهر 12 من 2006 يعني من الآن من بعد شهر الى 7 شهور بإذن الله ولهم موقع تقدر تملي بياناتك وتسجل في وتكتب رقم جوالك وإيميلك وهم يبلغونك وقت ما تشتغل الخدمه هذا الموقع http://www.electronetonline.com/arabic/index.html وهنا للتسجيل http://www.electronetonline.com/arab...istration.html اتمنى اني اعطيتكم اهم المعلومات عن هذه الشركه |
يعطيك ألف عافية .. :) |
يمال العافية |
مشكور أخوي وأنا ساكن بالدمام ويقولون إنها اشتغلت بس أدق على رقم الشركة ماأحد يرد ياليت تردون علي ومشكورين |
مشكور والله يعطيك العافية |
والله الاسعار غاليه الفرق بسيط بنها وبين الدي اس ال |
مشكوووووووووووووووووووور على المعلومااااااااااااااات |
عووافي .. سمعت انها بعد شهرين بالتطبق بالدمام والخبر :) |
الله يعطيك العافية :) .. |
إقتباس:
لكن ما تحتاج الحين للدعم اصبر الى قبل الخدمه او حتى بعد ما تركبها إقتباس:
واذا بتتطبق اعتقد راح تتطبق في الدمام والرياض وجده ( لوجود الدعم الفني الخاص بالتركيب ) وكل انحاء المملكه لما يتتم توظيف موظفين للتركيب لان الخدمه هاذي ما يبغالها شبكة ... الشبكة جاهزه والكهرباء موجوده لكن باقي فقط التأكد من التجربه بشكل نهائي وتوظيف اكبر قدر من مركبين الخدمه |
شكرا لك |
يعطيك الف عافيه اخوي والله يبشرك بلخير متى عشان نقول لشركة الاحتيال خذو تلفونكم ورقمكم مانبيه تبرعوبه إقتباس:
يعني تخيل في الرياض العاصمه ومايركب DSL والله مشكله :confused: |
الله يعافيك يا حبيبي .. لكن اسعار DSL ماهي مضبوطه :) .. اخبر 64 = 100 ريال 128 = 200 ريال ... ..... والباقي على نفس المنوال .. |
الله يعافيك يا حبيبي .. لكن اسعار DSL ماهي مضبوطه :) .. اخبر 64 = 100 ريال 128 = 200 ريال ... ..... والباقي على نفس المنوال .. |
ياناس والله باقي لي شهر واكمل سنه وانا مقدم على شركة الاحتيالات السعوديه ولين الحين ماعطوني وجه مع انهم قالوا لي ان الخمدمة تركب عندك لكن لين الحين وهم يماطلون فيني لكن حسبي الله ونعم الوكيل هاذي شركة هاذي مسخره ومهزله |
| الوقت المعتمد في المنتدى بتوقيت جرينتش +3.
الوقت الان » 08:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd