هل للإداره علم مسبق بإنتقال كماتشو؟!! - نادي الهلال السعودي - شبكة الزعيم

{vip} · #1 28/04/2006, 12:41 AM

السلام عليكم ،،

شباب انا توني قاري موضوع منزل من قبل إداره الأخبار واكيد هذا خبر موثووق !!

واللي هو إنتقال كماتشو للإتحاد!!

قلت ذولي من جدهم؟؟؟

وانا انصدمت صراحه وقريت بعض ردودا الزعماء يقولون ان الهلال سيجلب لاعب او انه وقع مع لاعب!!

ياناس هذا كماتشو ؟؟ أي لاعب بيجي ويغطي مكانه ؟؟؟؟ ولاتنسون انه بيروح للفريق المنافس للهلال!!

يعني قويه صراحه

واللي يقول لي ان كماتشو مصاب ولا راح يعطي مجهود مثل اول !!

الله يشوفهم الحين يقول كاشفين عليه ؟؟؟؟

شباب اللي عنده علم اكيد يقول لنا

انا صراحه إلى الان ماني مصدق !!

صراحـــه قووووويه !!!

توادعنا · #2 28/04/2006, 12:49 AM

وخير ياطير واذا راح كماتشو صحيح انه لاعب رهيب وكلنا نحبه
لكن الهلال به وبدونه زعيييييم

وابي اقولك شي ترى اي لاعب مايقدم شي للهلال بقدر مالهلال يقدمله

{vip} · #3 28/04/2006, 12:54 AM

تودعنا

ياخوي حنا ندور اللاعب الرهيب اللي انت تقول عنه ،، بكره يجيك لاعب من جمبها مثل جيوفاني !!

بالله مانتب منقهر!!

وقتها بتقول وينك ياكماااتشو اه ياكماتشو

ومشكور على ردك يالغالي

Laheeb · #4 28/04/2006, 01:08 AM

الا متى واحنا نقول الهلال سيضل زعيم

راح الغشيان وقلنا الهلال مو بالغشيان وبعده خميس

وقلنا الهلال من دونه زعيم وبعدين راح الدوخي ونفس الشي

وجواد وبعده كماتشوا الى متى يا اداااااااااااااااااااره لما يروحون كل لعيبتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الف علامة استفهام على الاداره يا ترى من يكون اللي بيروح بعد كماتشو (الساحر)

النمـر15 · #5 28/04/2006, 01:10 AM

والله انك صادق يابعد حيي يا vib

T.ZAEEM.T · #6 28/04/2006, 01:12 AM

والله انا الى الآن محتار هل الخبر صحيح !؟!؟
والله يا أنا منصدم ..
بس ابس اعرف ليه الإداره تفرط بلاعب بحجم كماتشو ليه ..؟
آآآه يالقهــر

{vip} · #7 28/04/2006, 01:22 AM

يارجال ياليت الخبر قايله واحد من العيال

ولا واحدن من الأعضاء ،، هذا كلام إداره الاخبار!!!!

يعني كلام صحيح !!!

<< إلى الان منخبص !

ALZAEEMY · #8 28/04/2006, 01:34 AM

إقتباس

الرسالة الأصلية كتبت بواسطة توادعنا


	وخير ياطير واذا راح كماتشو

أبد مافيه أي شيء !

راح نخسر درازن بطولات !

خله يروح أزين عشان يريحنا !

سعد بن ناصر · #9 28/04/2006, 01:44 AM

والله خساره كبيره جدا كوماتشو

لكن املنا بالله كبير وبلاعبيننا وترى قبل مجيئ كوماتشو كان عندنا الثنائي الذهبي نواف والشلهوب ياقلبي عليهم فن وتكته لأبعد حد وان شاء الله بترجع ايام التكتكه مع الثنائي
وكموماتشو مصدوم من شي واحد هو تصريحه لجريدة الرياض قبل فتره انه لايفكر باللعب لأي نادي غير الهلال في الخليج وان اذا اراد الذهاب سيذهب للبرازيل

ولكن ياخساره

ابـــ فـايـز ـــو · #10 28/04/2006, 01:49 AM

خله يروح

مصاب والهلال انشاء الله يجيب الي احسن منه

الكنكورد انا · #11 28/04/2006, 02:05 AM

والله انك صادق يابعد حيي يا vib

سامي موجود · #12 28/04/2006, 02:43 AM

والله فضيحة

ليتها انتقل للنصر ولا للاتحاد ياخوي البلوى بترتفع اسهمها هالحين عند الهمج حقينه

والله اللي يقول ان الهلال مابيتاثر انه غلطان

ضيعنا خميس ثم الدوخي واليوم كوماتشو وبكرة نواف

كيفي هلالي !! · #13 28/04/2006, 03:35 AM

خشارة كماتشو يروح لنادي الاتحاد وحنا نتفرج !!
لكن خلهم ينفعونه .. قبل يومين جوب يطالب بمستحقاته ,, وكالون يبي يرجع لموناكو ويطالب بمستحقاته
القهر ان سكتنا ,, وقلنا مصاب او فيه غيرهـ
اكيد فيه غيره لكن ليش السكوت دايم ؟؟