مسابقة اعرف منهو وخذ جائزه - نادي الهلال السعودي - شبكة الزعيم

الحريف · #1 18/09/2001, 12:38 PM

السلام

حاول التعرف على هذا اللاعب

والذي ابدع مع الزعيم فتره من الفترات

ولكنه اختفى بسبب الإصابه ثم التنسيق

اول عضو يذكر الإسم الصحيح

سيفوز بتذكره للدخول لأحد مباريات الزعيم

بشرط ان تكون في محافظة الخرج

مع الإقامة على كورنيش الساقي قبل وبعد المباراه بساعه

في فندق 3 نجوم (( احسن شئ في الخرج ))

ملحوظة : الإفطار اجباري

تحياتي

الحريف

نايف · #2 18/09/2001, 12:57 PM

أتوقع والعلم عند الله.. .

اللاعب سعد مبارك.. .

الحريف · #3 18/09/2001, 01:03 PM

السلام

شكرا للمشاركه ياستاذ نايف

بس للأسف ماحزرت

حاول تتصل مره اخرى

تحياتي

الحريف

زعيم العز الأزرق · #4 18/09/2001, 01:40 PM

اخوي كل شي الا الخرج ديرتي وديرة اجدادي
واتوقع اللاعب (( محمد لطف ))

عزيز · #5 18/09/2001, 01:44 PM

النمشان

انا احب سامي · #6 18/09/2001, 01:50 PM

اخوي الغالي الحريف

اللاعب هو (( حسن النمشان )) ;) ;) ;)

اكيييييييييييييييييييييييييد صح

**********************
تحياتي
اخوك اسرار الهلال

الحريف · #7 18/09/2001, 04:08 PM

السلام

اخوي زعيم العز الأزرق

ياهلا بك والله

بس حتى لو انك من اهل الخرج ماقدر اغششك

غلط ماهوب لطف

العزيز عزيز

صح يابو سعود

وانت احق واحد بالجائزه ساذكر لك مستقبلا

الطريقه التى تحصل بها على الجائزه

عزيزي اسرار الهلال

يعجبني فيك انك واثق

لكن ياخساره الجائزه طارت

ونعوضك انشاءالله مستقبلا

تحياتي

الحريف

هـاجس · #8 18/09/2001, 04:31 PM

الحريف من جدك فيه جوااائز تصدق اني اعرفه بس قلت ما دام مافيه جواائز مو لازم

ما ودنا نخسرك وانا اخوك

الا وشهي الجائزه ما تدري يمكن نشارك المره الجايه

وسلامتك ،،،

عاشق النمر · #9 18/09/2001, 05:49 PM

يالحريف خلك عاقل وعط الرجال الجائزة الا هذا(( حسن نمشان ))

يعني الجائزة من حق (( اسرار الهلال ))

بس السكن في الفندق من حقي لاني بجي ازورك هاليومين

البارق · #10 18/09/2001, 06:31 PM

عرفته عرفته عرفته عرفته عرفته عرفته عرفته عرفته عرفته

عرفته عرفته عرفته عرفته عرفته عرفته عرفته عرفته عرفته

لا يهمك اسرار الهلال وابو سعود اللي انت تقول كلهم غلط

هذا هو صالح السلومي

متى بس تبيني اجي واسكن بالفندق <=== ضامن

اخوك / البـــ2000ـــارق;)

الحريف · #11 18/09/2001, 08:33 PM

السلام

انت ياعاشق النمر

عويذ الله من شرك

ياخوي وش تبي بي

وبعدين تراي نقلت للسليل يعني لاتتعب نفسك

وانت يالبارق

ياخوي تراك غلطان

هذا محمد التمياط يومه صغير

تحياتي

الحريف

صمام الامان · #12 18/09/2001, 10:48 PM

اخوي الحريف صحيح اني ما جاوبت بس نستحق الجائزة لاني كنت عارفها وساكت

ويمدوحون السكن بجوار الساقي خاصة في الدلم

انا احب سامي · #13 19/09/2001, 10:22 AM

الغالي الحريف

الجائزة انا متنازل عنها

بس عندي اقتراح
مدام الشباب يبون الجائزة وش رايكم نحضر كلنا مبارة الهلال والشعلة عندكم قل تم ;) ;)

اما انت يا البارق 2000 وش جاب السلومي لنمشان معين تجي ( اتراني امزح )

تحياتي لكم
اخوكم اسرار الهلال