السلام عليكم ورحمة الله وبركاته....

كيفكم ياحلوين
أشتقت لكم يا عسل.....

اليوم اعود لمواصلة مسلسل اللطم والإنتقاد كعادتنا
نحن الأشقاء العرب والأكل في اعراض بعض وكأننا
جايين من كوكب آخر >>>تكلمي عن نفسك
طبعاً انتم حلوين اللي نتكلم عنهم من كوكب آخر


[blink]اللون الأحمر[/blink]

نذير خطر رمز للحب والحرب
هذا اللون كان لون تعيس بالنسبه لي
لأن مدرستنا للعربي عايلتها الأحمري
وكان بيننا تحدي الله يسامحها سنه كامله وأنا واقفه
لا وانا ويا وجهي داخله ادبي وتدرسنا كل المواد
وكنت واقفه في كل حصصها الله يسامحها
بس الحين تصالحت مع اللون ماله ذنب
الله يذكرها بالخير علمتني أن للحياة وجه آخر

هذا اللون يدفع بعض الشباب "اللي من كوكب ثاني "
للنزول من السياره والقيام برقصات عجيبه
تحت تأثير اصوات خارجه من السياره تزعج الآخرين غير مراعين
حق الطريق وبكل بلاهه مع اللون الأصفر يعودون لينطلقون
بسرعة البرق وتتسائل هل حقاً مارأيته حقيقي؟

هذا اللون يسبب عقده لمن باع بيته وأخذ القروض من الأصدقاء
والبنوك وباع ذهب زوجته وبناته وام الجيران ودخل سراب الأسهم
ليرتمي بسبب لهيب المؤشر في أحضان المرض والتعاسه

الــــــــــــــــــــــدجل والتنجيم....

في السابق هناك العرافات لينبؤا الحمقى بالمستقبل
له عدة طرق الخط بالرمل الأبراج قراءة الكف والفنجان
تطور الأمر ليصبح بالكمبيوتر في بعض القنوات
ارسل رساله لتعرف مقدار نجاح علاقتك بشريك حياتك
ام محمد×ابو محمد النسبه 20%
وعلى فكره ترى بينهم <محمد واحمد وسعد ونوره وساره وهيا...>
والأهم ان عمر علاقتهم تفوق الأربعين سنه


الشعــــــراء والشعر....
وَالشُّعَرَاءُ يَتَّبِعُهُمُ الْغَاوُونَ (224) أَلَمْ تَرَ أَنَّهُمْ فِي كُلِّ وَادٍ يَهِيمُونَ (225) وَأَنَّهُمْ يَقُولُونَ مَا لا يَفْعَلُونَ (226) إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيراً وَانْتَصَرُوا مِنْ بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ (227)
"سورة الشعراء"

في هذا المكان سأقف طويلاً وحدث ولاحرج
هناك شعراء القمه وأصحاب الشعر الحقيقي موجودون
وهناك المنتحلون والمشترون والبائعون وحتى السارقون
اتعجب من شخص مزيف في كل شيء يشتري احساس غيره
وينسبه لأسمه المستعار ليه دفع هالمبلغ ماادري

والجميع يشتكون سؤ الأحوال وتدني مستوى الشعر ودناءة الشعراء
في كل وقت وحين ,وحين يلتقون يتبادلون انواع المديح والثناء
هناك شعراء تحفظ اسمه من كثر ما "يترزز "في كل قناة اومجله
تصاريحه تملاء الدنيا وإنتاجه لم نسمع له حتى قصيده
وهناك شعراء قرأت لهم نص او اثنين تبحث عنهم ولا تجدهم
ظهورهم قليل وإنتاجهم أكثر من رائع على سبيل المثال "هاوي"

هناك كل شيء مباح والكل معترض وغير راضي

هناك سؤال مشغلني منذ مبطي ولم اجد له إجابه
ماعلاقة الشعر بالسبحه والقهوه العربيه والآن السيجاره
لتكون شاعر امسك سبحه وفنجان قهوه وأكتب عن كل شيء
جمال شفايف الناقه أو سهرك مع السيجاره كما قال
صالح الشادي>>>>انا يعجبني كثير صالح استمتع كثير بشعره
وش تخيلتي مكاني قبل تنوين الزياره
وش تخيلتي......
شموع او كوكب او مناره
وش ترين بحالة اللي عاش غربه في دياره
وش بربك...غير حرق الذات
أو حرق السيجاره

او طبعاً استخدام مفردات بذيئه من لعن وسب وشتم
وكأننا في معركه او التسفيل بالفصحى آآآآه من هذي
بأن يضع بيت فصيح وبعده مفرده عاميه منحطه ليضحك جمهوره

اقووول كأني طولت في هالنقطه الممتعه بالنسبه لي

الفنـــــــانين.....
كلهم وجه واحد جميع المطربين بنفس الهيئه والشكل
وجميع المطربات بنفس الهيئه والشكل ماتفرق بينهم
الا سؤال من اللي زين احلام ماعرفتها
حسبتها نجوى كرم ماعرفتها الامن اسم الشريط
الثقل صنعه قلت ابد هالعنف منها تحب الطقاق والإثاره

والأجمل شكلاً أكثر جمهوراُ ولا ابخص الشعراء حقهم
فالصوره أهم من النص وأهم من الطرح



الحـــــــــــظ.......
طلال حمزه يقول....
قلت أنا لحظي دخيلك
واللي يرحم ام امك قوم مره
من عرفتك وانت نايم ...
وش عقب هذي الهزاااااااايم
إبتسم حظي وقال:
والله اني جيتك البارح بنصر ومالقيتك
طلعوا أهلك قالوا نايم
قل لي من فينا اللي نايم
هذا يذكرني بحظي الومه والبلا فيني انا اللي نايمه


البطــــــــــاله......
ظاهره عالميه لها عدة اشكال منها البطاله المقنعه
وأكثر شخص يعانيها مسؤل التوظيف


القـــــــــانون...
شيء جميل يرمز للخير وضعه الإنسان ليتمرد عليه بالواسطه



النــــــــــوم......
اجمل وسيله للهروب الى الواقع من الواقع



السعـــــــــــاده.....
ركعتين بإخـــــــــــلااااااااااااااااااص
وقلب مليء بالحب والتسامح والإيمان والتوكل


طبعاً لازال للطم بقيه كعادتنا نحن العرب
لايعجبنا العجب ولا الصيام في رجب >>>طبعاً لأنه بدعه
>>>مساكين العرب دايم ظالمتهم <<<العرب رائعين
اعتقد المشكله فيني انا وممشكله العرب معي

بالحب والإشراق

هذا اللون يدفع بعض الشباب "اللي من كوكب ثاني "
للنزول من السياره والقيام برقصات عجيبه
تحت تأثير اصوات خارجه من السياره تزعج الآخرين غير مراعين
حق الطريق وبكل بلاهه مع اللون الأصفر يعودون لينطلقون
بسرعة البرق وتتسائل هل حقاً مارأيته حقيقي؟


رااااااائعة

الهنوووف

هلا والله بنور المنتدى كيفك ياقمر

إقتباس المنتدى ناااااااااااااااااااااااااااااااايم بالمرررررررررره يضيق الصدر الاعضاء هجووا

فعلاً >>>شكلك بتمشكليني مع العالم

إقتباس ههههههههههههه انا مانتقد لاني غيــــــــر >>>>>>ودك تعطيني كف محترم صح

كل شي الا حلوتي تنقطع اليد اللي تنمد عليها

إقتباس ايه والله راحت فلوس العالم والله ضايق صدري لما اسفسر عن الاسهم اقول لوني مكانهم كان جاني انهيار عصبي

انا ماعندي مشكله بس أضحك كل ماشفت الشريط
أكيد الكل كره الطماطم والفراوله بسبة هاللون

إقتباس هههههههه الله من التخلف لاوسمعت بعد احيانا تحطين بنت وبنت او شاب وشاب ويطلع زواج كح كح كح

أصحاب العقول في راحه

إقتباس إقتباس: الفنـــــــانين..... كلهم وجه واحد جميع المطربين بنفس الهيئه والشكل وجميع المطربات بنفس الهيئه والشكل ماتفرق بينهم الا سؤال من اللي زين احلام ماعرفتها حسبتها نجوى كرم ماعرفتها الامن اسم الشريط الثقل صنعه قلت ابد هالعنف منها تحب الطقاق والإثاره مابحبهمش

الله يهديهم ويفتح عليهم وانا معك

إقتباس مدري متى بتنحل من خبرت نفسي وعندنا بطاله

الله كريم

إقتباس حارب الله الواسطه تصدقين حتى المنتدى بووه واسطه

الآلآنسه بتدخلنا في السياسه

إقتباس الحمد لله ان فيه شي اسمه نوم وانسى الي حولك ولاتضيق صدرك على طاري النوم امس نمت نووووووووومه من الطفش يوم الاربعاء نايمه 10 من الطفش وشيقه الصدر وهلال مهزوم ودوبي صاحيه الموشر الساعه 8 ونصف صباحا

آآآآآه معك كل الحق

إقتباس الهي عدمت قلبا احب سواك

آمين الله يرزقنا حبه وحب من أحبه

الهنوف لي كل الشرف بتواجدك وانا جداً سعيده بمرورك



هلاليه من الرياض

هلا بأهل الرياض كلهم نفر نفر بيت بيت
حبيبتي تواجدك اسعدني


عظيـم الشـوق

واااااااو عظيم هنا وحشتيني حبيبتي

إقتباس إلك وحشـــة

دايم على البال ياعسل

إقتباس يعطيكِ العافية على هالكوكتيل

الله يعافيك

إقتباس شيء مُحزن مُضحك في نفس الوقت ......., مُصادرة الاحساس و الفكر و التجارة بالكلمات

وسعي صدرك قالوها عش رجباً ترى عجباً

إقتباس لغتنا أجمل بكثير و أعمق من الألفاظ العامية في الشعر نحتاج بشدة لإنعاشها .........

فعلاً لكن بالمعقول

كل الشكر والحب لأحلى بنوته في الدنيا
مرورك شرف لي ولا تقاطعين



محبوبة الزعيم .

قبل كل الشي
ترى الثقفي يقرءك السلام بالضم وموصيني أنطقها مضبوطة الشكل
لأنك دقيقه وماخذه عنه فكره أنه مزاجي>>>هذا كلامه

أما أنا مبسووووطه بوجود الرئيسه هنا

إقتباس ... وعليكم السلام ورحمة الله وبركاته ... ... يالله حي شيخة العرب والعربان >> مضارب الباديه ... أنا تماااام التماااام إنت وينك مختفيه ... والله لك وحشه وحشه

يا أنا تزعجني المسلسلات البدويه بشكل
كلميني عربي وبعيد عن الأعراب
أنا والحمدلله في أحسن حال وأنتي اللي وحشتيني أكثر ياسُكّر


<

إقتباس < كلامك ميه ميه ... ما عندنا إلااااا النقد ونشوف عيوب الأخرين بس عيوبنا نغمض عنها !!! ... وأصلا ما يحلى الكلام إلا لما نتكلم عن غيرنا !! ... يعني إذا كنا ما نسولف عن أحد تلقين الجلسه تجييييب النوووم ... بس خلنا نبدا نحش ... كل اللي نايمين فجأهـ يصحون واللي له دخل و ماله دخل تلقينه قاط في السالفه >> تعرفين لازم نسمع الرأي الآخر >> ... لكن من أبصر عـيـب نـفـسـه شغـل عن عـيـب غــيرهـ ...

أنتي اللي معك كل الحق

إقتباس ... هــــاهـ >>> يقولون من قال هاهـ سمع ... أما حلوين هذي متأكدهـ منها

متأكده ميه بالميه

إقتباس ... الحب ليس لوناً واحداً ولكنه كل الألوان ...

غلبتيني في هذي

إقتباس ... وش هالذهانه ماشاء الله

لو ذقتي اللي ذقته من الظلم كرهتي كل الألوان

إقتباس ... رائده عيني بعينك ..!!! ... ليييش توقفك ... كسرتي خاتري >> كل شي ولااااا كسر الخواطر >> لعلمك بس ترا ما لطشتها من حدا

مرحله وعدت

إقتباس ...شوفي أنا أتوقع والعلم عند الله >>> أنا ما كنت معاكي في الفصل بس أتوقع يعني توقع مو سح مرهـ بس أكييييد يعني ماهما رحنا وإلا رجعنا يبقى في الأخير توقع >>> رائدهـ إنتي معاااي ...أتوقع أنا ما أدري بس أتوقع إنها أكييييد غيرانه ... تدرين ليييش !!! ... أنا ما أدري بس أتوقع إنك تعرفين ... وإذا ما تعرفين أتوقع بتلقين السبب في بطن الشاعرهـ >> تم التأنيث لحاجه في نفس شخابيط >> وافهم يافهييييم !!!!

أنا لليوم مافهمت ليه ماتحبني مع ان ماعندي مشاكل مع أي أحد
حتى هي كنت دايم أتجنبها وماارد عليها أو انزل مستواها

إقتباس ... من أخطائنا نتعلم

أنا مدينه لها لأنها علمتني الصبر وعرفت أني حليمه

إقتباس ... ماقلت لك ... شعاري دائما ودوما "ابتسم فأنت في السعوديه"... ... يعني احمدي ربك على هالمناظر العبقه >> ترى متعوووب على عبقه بس مدري هي لها دخل في السالفه >> أتوقع إيه >> قولي معي إيه

أيه

إقتباس ... احم احم ... ... اسمعوا ياناس ... ... إيه كذا الكلام وإلا فلا ... أشوى ماحشيتي فيه !! ... الله يسلمك رفعتي من معنوياتي ..!!!

أنا ما احش الا اللي احبهم عشان حسناتي ماتروح بعيد

إقتباس ... النووم نعمه ... وأحلى مافي الحياة...! ... ماسمعتي بالمثل إللي يقول "إذا كثرت الهموووم تغطى ونوووووم" >> طبعا أنا مطبقه هالمثل بحذافيرهـ >> بالله ما عجبتك حذافيرهـ

أنا معك مليون بالميه وأطبق عملي

إقتباس ... بس أنا إذا نمت كثير تعرفين وش يصير ...! ... الأرض تزعل مني وتقول محبوبه ما مشت علي اليوم ... ... والنت يسأل ليش ماتصلت عليه ... ... ومامتوو تقول وينك عنا اليوم ماشفناك ... ... وإذا صحيت ولا نمت ... ... السرير والمخدهـ يجلسون ينادوني ويزعلون مني ... ... علشان كذا رضا الناس غايه لا تدرك ^^^^^^^

أكيد الكون يتضايق إذا ماكنتي موجوده
المكان اللي تمرينه يشعر بالسعاده لوجود روحك الحلوه

إقتباس ... أدري تقولين لاااااا يكثر

أموت واعرف وش معناها
قلت لأخوي ودني لأختي وقال أقول لايكثر ومبسوطه واجيب عباتي
يوم نزلت وين عماد قالوا راح واحتريه وماجا الا المغرب ومعاد رحت
شكلها كلمه غير جيده

إقتباس بس لحظه لحضه ... فيه سؤال منذو نعومة أظفاري وهو مشغلني ... ... ليش بل واااااي يقولون إن النوم سلطان ... يختي ليش ما يكون النوم فيصل أو نواف يعني وش معنى سلطان هــاهـ >> عصبت الفتاة ... يله رائدهـ المايك لك بيكوز إز .........

أحم انا ارد لأن سلطان زوج أختي الكبيره وشخص أكثر من رائع
وأحبه وأعتبره والد لي وسموها عليه يستاهل أبو عبدالله

إقتباس <<< ... وكماااان ... للسعادة رافدان أزليان أبديان هما ... البساطة ... الطيبة ...

معك كل الحق

أنا مبسوطه بتواجدك وسعيده بمرورك يالغاليه

أنا جداً مبسوطه بوجود أحلى بنوتات في موضوعي كل الشكر لهم
بالحب والإشراق

لحظه أتأكد


الا من جد هذا القسم النسائي في المنتدى والا وش السالفة من كاتبة الموضوع الين قبل ردي والعنصر النسائي متسيد

>>>>>وش مزعلك

ولا شيء

نرجع للموضوع

تراني سوداني وما احب طريقة الرد بالاقتباس الا اذا فيه نقطة ودي اعلق عليها

وبما اني معجب بكل ما ورد في هذا اللطم اقصد الموضوع فاني ارفع القبعة احتراما لكاتبته >>>>فصحى وعامي

برايفت للهنوف

[COLOR="White"(]عيني عليك باردة الله يعطيك العافية يا فراشة المجلس) [/COLOR]

هلا وغلا رائده ...

ممممممممممممم انا مثل مطيع سوداني وما اشتهي الاقتباسات ..

لكن الشعر هالوقت غير ... احساس ومشاعر ... كلمات سهله وسلسه .. وفيها نظم وفلسفه ..
والي على شاكلة منصور .. والا اسير الشوق .. والا الوافي ... راح يجيهم يوم ... والدنيا ماتدوم ...
والفنانين كل يوم شكل وكل يوم لون ... آآآه لو يدرون .. حتى العجايز صاروا موت .. كلها نظره وتفوت ..
عجايز ماتركوا للبنات شي ... بالميك اب والحركات ذي .. عمرها تجاوز التسعين وبالشكل صغيره شوي ...


تحياتي لك وللجميع

إقتباس الرسالة الأصلية كتبت بواسطة رائدة الزعيم البطــــــــــاله...... ظاهره عالميه لها عدة اشكال منها البطاله المقنعه وأكثر شخص يعانيها مسؤل التوظيف

البطالة المقنعة أحد أهم عوامل كبح جماح مؤشر الناتج المحلي ..

إقتباس الرسالة الأصلية كتبت بواسطة رائدة الزعيم القـــــــــانون... شيء جميل يرمز للخير وضعه الإنسان ليتمرد عليه بالواسطه

هل هو دائماً جميل ؟! أشك في هذا !

إقتباس الرسالة الأصلية كتبت بواسطة رائدة الزعيم النــــــــــوم...... اجمل وسيله للهروب الى الواقع من الواقع

هذا لا يليق برائدة الزعيم ..

إقتباس الرسالة الأصلية كتبت بواسطة رائدة الزعيم السعـــــــــــاده..... ركعتين بإخـــــــــــلااااااااااااااااااص وقلب مليء بالحب والتسامح والإيمان والتوكل

كلمات ليست كالكلمات ..
كما هو معرف ننتظر منه ما لا ننتظره من بقية المعرفات ..

حماك الله ..

الهنوووف
هلا بالقمر مره ثانيه

إقتباس لاتقولينن تجامليني خليني العب على نفسي

أنا ما اعرف اجامل ودايم انطل حكي
وتسلمي لي ياعسل لتواجدك مره أخرى

//

//


مطيع الهميمي

إقتباس لحظه أتأكد الا من جد هذا القسم النسائي في المنتدى والا وش السالفة من كاتبة الموضوع الين قبل ردي والعنصر النسائي متسيد

الله يكثرنا ويخلينا لنا ولأهلنا

إقتباس وبما اني معجب بكل ما ورد في هذا اللطم اقصد الموضوع فاني ارفع القبعة احتراما لكاتبته >>>>فصحى وعامي برايفت للهنوف عيني عليك باردة الله يعطيك العافية يا فراشة المجلس)

الهنوف قمر وتستاهل ودائماً مواضيعها رائعه او اكثر
بس ترى أنا اللي كاتبه الموضوع
وشاكره مرورك الرائع


//

//

مغرور حدي

إقتباس هلا وغلا رائده ...

أهليييييين بالمغرورين

إقتباس لكن الشعر هالوقت غير ... احساس ومشاعر ... كلمات سهله وسلسه .. وفيها نظم وفلسفه .. والي على شاكلة منصور .. والا اسير الشوق .. والا الوافي ... راح يجيهم يوم ... والدنيا ماتدوم ... والفنانين كل يوم شكل وكل يوم لون ... آآآه لو يدرون .. حتى العجايز صاروا موت .. كلها نظره وتفوت .. عجايز ماتركوا للبنات شي ... بالميك اب والحركات ذي .. عمرها تجاوز التسعين وبالشكل صغيره شوي ...

أحترم رأيك وإن كنت أختلف معه كل الإختلاف
واإختلاف في الرأي لايفسد للود قضيه ولولا أختلاف الآراء لبارت السلع
لكن ما اعتقد ان الشعر الحقيقي بينتهي بينما الشعر اللي تتكلم عنه
غثاء وسيذهب وينتهي والشعر الحقيقي هو ماسيخلده التاريخ
المتنبي، الحسن بن هاني ،حسان بن ثابت، قيس، عنتره ،لبيد
الأخطل ، ابي فراس ،الخنساء كلهم اسماء قبل قرون غابره والكل يعرفهم

الآن والآن فقط فهمت سبب تواجد الأشباه في الساحه
لوجودك وأشكالك الله يسلمك ويخليك

شاكره وجودك سيدي الكريم وليت تتقبل وجهة نظري برحابة صدر

//

//

abu_riman

هلا باخوي الغالي سعيده بوجودك

إقتباس البطالة المقنعة أحد أهم عوامل كبح جماح مؤشر الناتج المحلي ..

كلام كبير من شخص كبير
وأكثر من يعانيها عالمنا العربي

إقتباس هل هو دائماً جميل ؟! أشك في هذا !

صدقني جميل بس البعض يشوهه بالقوانين الوضعيه
وبما اننا في السعوديه فبعض الأفراد يشوهونه

إقتباس هذا لا يليق برائدة الزعيم ..

عندما يكون الواقع نائم استمتع بالأحلام لتصحى في لحظه وتحققها

إقتباس كلمات ليست كالكلمات .. كما هو معرف ننتظر منه ما لا ننتظره من بقية المعرفات ..

واو جمله رووووعه عجبتني كثير
اكيد تعجبني لأنك انت اللي كاتبها
مرورك شرف لي وجودك يعطي للموضوع روعه واختلاف
اخوي الغالي تشرفت بوجودك

بالحب والإشراق

إقتباس الرسالة الأصلية كتبت بواسطة رائدة الزعيم صدقني جميل بس البعض يشوهه بالقوانين الوضعيه وبما اننا في السعوديه فبعض الأفراد يشوهونه

رائدة الكلمة !

التفتي حولك ! ألا تلاحظين أن جميع القوانين وضعية ؟!
حتى في السعودية هناك قوانين وضعية على الاٌقل نراها كل يوم على الواقع .

هذا ما أقصده بالقوانين أما ما هو دائماً جميل فهي القوانين المستقاة من شريعة الله فقط ! و أين هي تلك القوانين ؟

خاص لصديقي أحمد !

ألم تسأل نفسك يوماً لم نكتب في هذا المنتدى ؟!

بانتظار توضيحك لوجهة نظرك حتى و إن فهمتها شخصياً فأنتظر التوضيح فهو من حق البقية .

مرحبا ابو ريمان ...

أنا مابغيت أوضح لأن ردي واضح ...

لكن باين على الأخت انها منعميه يوم قرت ردي ...

لكن ابشر راح ابين الرد ...

إقتباس لكن الشعر هالوقت غير ... احساس ومشاعر ... كلمات سهله وسلسه .. وفيها نظم وفلسفه .. والي على شاكلة منصور .. والا اسير الشوق .. والا الوافي ... راح يجيهم يوم ... والدنيا ماتدوم ...

يعني بالعربي باللهجه العاميه ... أن الشعر نوعين شعر زين وشعر معفن ... الحين فيه اشياء ماكانت على وقت المتنبي وغيره ...

لهم زمن وحنا لنا زمن ... الشعر عندنا الحين ... فيه بدر بن عبدالمحسن .. فيه خالد الفيصل .. فيه عبدالرحمن بن مساعد .. فيه سعد علوش .. حامد زيد .. ولو اكتب من هنا لبكره ماراح اخلص ...<<< ذولا الشعر الزينين .. الي مايشترون .

الشعراء الي يشترون انا قلت ان هالدنيا ماراح تدوم لهم يعني يجي لهم يوم وينفضحون .. مثل منصور البلوي .. اسير الشوق .. الوافي ..

هذا ردي ان شالله انها فهمته .. وفهمه منهم على شاكلتها ..


طيب اجي لردك انتي

إقتباس أحترم رأيك وإن كنت أختلف معه كل الإختلاف واإختلاف في الرأي لايفسد للود قضيه ولولا أختلاف الآراء لبارت السلع لكن ما اعتقد ان الشعر الحقيقي بينتهي بينما الشعر اللي تتكلم عنه غثاء وسيذهب وينتهي والشعر الحقيقي هو ماسيخلده التاريخ المتنبي، الحسن بن هاني ،حسان بن ثابت، قيس، عنتره ،لبيد الأخطل ، ابي فراس ،الخنساء كلهم اسماء قبل قرون غابره والكل يعرفهم الآن والآن فقط فهمت سبب تواجد الأشباه في الساحه لوجودك وأشكالك الله يسلمك ويخليك شاكره وجودك سيدي الكريم وليت تتقبل وجهة نظري برحابة صدر

الحين بكلامك هذا وصفتي أن الشعر الي تكلمت عنه شعر فاسد وغثاء .. وانا بينت لك وش الشعر الي اتكلمت عنه ...
انت تقول الشعر بحسان بن ثابت .. المتنبي ... قيس .. عنتره .. اي الشعر فيهم بس لهم وقتهم .. الحين وين شعراء الفصاحه .. كل يوم يجتمعون بأثنينيه ويشربون قهوه ويمشون .. لأن أكثر الناس اتجهت للعامي للكلمه البيضاء المفهومه
للكلام السهل ... وهذا صحيح انه خطاء تجاهل الشعر الفصيح .. تجاهل لغه القران .. لكن انا قلت لك هالوقت الحين غير ...


طيب بما انك مو مقتنعه بكلامي ليش كاتبه ابيات شعر لطلال حمزه ..

إقتباس الآن والآن فقط فهمت سبب تواجد الأشباه في الساحه لوجودك وأشكالك الله يسلمك ويخليك

شكرا لكلامك الي يدل على تربيتك ...


والشكر كل الشكر لك استاذي ابو ريمان ... تحياتي

الـــوردة الزرقاء
هلا بوردتي الحلوه والله لك وحشه ياعسل

إقتباس قسم باللة بخير بعد ماقريت موضوعك اللي يوسع الصدر انا احس اني فاقدتك(ن) اووي وين زمان اول وينك(ن)..>>بس العضوات وين ؟ جوليانا وين رائدة الزعيم ومحبوبه وتغريد والهنووف ومعشوقة الازرق وكويتيه بنت الزعيم وفرصة ضايعه والمعرفة والتميميه وو..والخ .. 8 8 سامحوني فيني عنصرية لخواتي البنات غير طبيعية..

أما العنصريه هاليومين أنا صايره عنصريه بزياده
وسلوكي عدائي بشكل

إقتباس ياليت تلقين لي علاج انا من اقوم لين انووم وانا انتقد في الناس والا احد يعجبني ليه مدري

العلاج لنفسي أولاً ان احنا نراقب سلوكياتنا ونعذر الآخرين على تقصيرهم
ونتعامل بحسن نيه ونتذكر أن أحنا بنتحاسب على كل مانقول
والأهم من ذلك أن رب العالمين مطلع على أفعالنا <<وهذي كافيه لردعنا

إقتباس انا ما احبة مدري ليه حتى في البس يعني لو شفت بلوزه اعجبتني اخلي خيار الأحمر اخر شيء..>>انطم احسن خليت الموقع عالم حواء

أنا مايعجبني كثير أحس أنه لون غبي مع إحترامي له

إقتباس ياقلبي واقفه كل الحصص ...(( وجهه يقول شوفي نفسك اول )) ياوخيتي نفسي اعرف من اللي جاب فكرة الوقوف في المدرسة قسم بالله نذل مرة ابله وقفت بنت طوول الحصة ومادرنا الى البنت طاحت علينا والأستاذة خافت خوووف وبعدها تابت ماوقفت احد.. ماينفع معهم الا هالحركات

والله أنك صادقه بس ما اعرف أمثل مكشوفه

إقتباس وشلون يعني ..>>

لانعرف قيمة الأشياء إذا ماكان لها ضد

إقتباس ياحليييييييلها امي ماهما شيء تصدقين خسرت 35 الف والا همها مبسووطه والله الفلوس تروح تجي عاااادي الدنيا ماتسوى

الله يعوض عليها وعلينا

إقتباس قصدك سعد علووش بس والله تعجبني هالحركة..خاصة اذا جات من سعد علووش

فيه شعراء يدخلونها بطريقه جميله بس بعظهم لا

إقتباس اموووووت في النـــوم احبه حب موب طبيعي .. انا مو مصبرني على الدنيا غير الهلال والنوم..>>اخس قويه

ياحبي للنوم شهادتي فيه مجروحه

إقتباس ابي اقلك شيء رائدة بس ماتعلمين احد.. >>>انا نمت امس من 6 ص الى 10 م ..قولي ماشاءالله

ماشاء الله

إقتباس اما عن تعريفك للنوم فهوو صحيح % ..والدليل في ايام الاختبارات ليه..؟؟ عشان نتهرب من المذاكره

أنا لما أنقهر أنوم ولما ازعل أنوم نوع من الإسقاط
المهم ما أزعج أحد أو أتسبب بألم للناس اللي أحبهم

إقتباس واصلي والله معاك واصلي وحنا معاك

ياحبك للشر

سعيده كل السعاده بوجودك ورردتي المفتحه
ولاتقاطعين ياعسل أقصد ياورده




[NT=""]مغرور حدي[/FONT]
أقدم لك إعتذاري عن إساءة فهم قصدك
وهذا لقصور فيني
وشاكره توضيحك الأكثر أهميه
وأتمنى تقبل أسفي

أما أنا فأهتم للكلمه الجميله قبل الأسم
ولايهمني الأسلوب أكان نثر أو حر أو تقليدي
ولست ضد الحداثه بل ضد الكلمات الرديئه
شِاكره لك مرورك وتواجدك مره أخرى أخوي الغالي
وأتمنى ماتزعل من كلامي وأعتذر مره أخرى

كلك 9 ذوق52

هلا والغلا>>>ماسرقتها من الثقفي

إقتباس تسلم أصابعكـ يارائـدة الإبداع

تسلم لي روحك الحلوه ياحلو

إقتباس سؤالي ليـه الحـزب النسائي مسيطر على المجلس هاليومين ؟

مادري بس يمكن لأننا حلوين

شاكره مرورك يالغالي


يؤ ؤيؤ يؤ
شف الساعه فات موعد الدواء
أقول راجعه لكم بعدين ياحلوين لأني تعبانه وحرارتي أرتفعت
وقبل زعلت ناس وماودي أزعل أحد ثاني لأني أخرف لما ترتفع حرارتي
وما مسكت نفسي سليمه أمسكها تعبانه
بالحب والإشراق