السلام عليكم ورحمة الله وبركاته

أخواني ... أخواتي

بكل أسى ... يسقط الهلال في موقعة أوزباكستان ... <== أبوك يالرايق







ولكن فيه أشياء لازم نقولها ....




هل تعلم عزيزي الهلالي :

أن المباراة نستطيع أن نطلق عليها (( موقعة ملعب القرع )) وذلك لأن الملعب كان في زمن سابق مزرعة

وتحول فيما بعد إلى ملعب .. والوضع عادي .. لو بارونا بملعب سداسي ماحد متكلم ولا معترض ..







هل تعلم عزيزي الهلالي :

أننا كهلاليين نعتبر خارج حسابات الوطن .. لأننا لايطلق علينا نادي الوطن

على فكرة .. أتوقع يجنسون تفاريس و كماتشو .. يقولون مالها داعي ناخذ 9 لاعبين ومدرب ..

نكمل جميلنا وناخذ هالاثنين







هل تعلم عزيزي الهلالي :

أن مدرب الهلالي بكل فخر يلعب أمام فريق متواضع بخمسة مدافعين ومحور واحد ولاعبين اثنين في الوسط

ومهاجمين .. قمة العجب عندما تلعب بدون صانع لعب ... خمس مرات أتهجأ كلمة ماشال .. أقول ماشال والا الريال ؟؟







هل تعلم عزيزي الهلالي :

أن اللاعب الكبير والعالمي جيوفاني لايحتاج لبذل مجهود .. لأنه لاعب كبير جدا ومشهور .. عيب علينا نتعب الرجال

واخزياه من العالم ... .. وش بيقولون عنا ...

أحسن شي نخليه يتسدح بالملعب .. واذا شفنا انه تعب .. ندخل لاعب من عندنا نخليه يراكض بالملعب







هل تعلم عزيزي الهلالي

عندما يفقد اللاعب حماسه ورغبته في الفوز لأجل الشعار .. يصير لاعب يتحكك ويهوجس بالملعب

يقول فزنا خير وبركة مافزنا الله أكبر عاد وش صار ...

الله يذكر أيام يتأخر الهلال بالثلاثة ويلحق .... الحين نتأخر بهدف وأمسك راسي أقول الله يعين بيجي الثاني







هل تعلم عزيزي الهلالي :

نحن كجمهور نطالب بأن نكون صبورين وأن للنادي علينا حقوق بحكم إنجازات سابقة ...

لكن .. ماواجب النادي تجاه جمهور يحضر من مناطق عديدة ويخسر ماديا وجسديا ونفسيا .. ؟

هل يجب علينا كجماهير أن نصبر على لاعب أحر ماعندنا أبرد ماعنده ..!!!







هل تعلم عزيزي الهلالي :

أن وجود أشخاص يمثلون نادي الهلال أمثال العبدالسلام وبدر الدوسري والهليل والبرقان يسبب لنا فقدان شهية

لحضور المباريات .. بحكم الفقر الفني لهؤلاء اللاعبين ..!!!







هل تعلم عزيزي الهلالي :

أن الهلال يجب عليه ترميم الفريق بلاعبين على مستوى عالي ...


أولا : بيرتفع مستوى الفريق الأساسي بسبب منافسة الاحتياط له

ثانيا : نبي نكسب فريق ثاني في حالة غياب الأساسي

لكن مع وجود شلة العبدالسلام ... أتوقع الخثران مايحتاج يجي يتمرن والتمياط بياخذ إجازة ..

عزيز والشلهوب بيقولون اذا جت المباراة عطونا رنة وقفوا ..







هل تعلم عزيزي الهلالي :

إن مباراة الهلال ضد نادي العين راح تكون مباراة بلا طعم ولا لون ولا رائحة ...

لأن ساعتها العين بيكون متأهل .. والهلال بيلعب بدون دولييه ...

وياقلب لاتحزن ..... لو قلت فداك ياوطن بكون كذاب .. لأن الوطن ماقال فداك ياشعب






يتهموننا بعدم الوطنية بمنتدياتهم .. جردونا من الوطنية وطلعوا علينا كلام مثل (( رسالة الجماهير للفيفا الملفقة ))...

اذا مدرب والأساسي كامل حرم الوطن ممثله في أكبر بطولة قارية بسبب معسكر خارجي فقط ...

هل تعتقد في نادي يقدر يستغني عن لاعبيه في بطولة مثل هذي ... ويستغني عن مدربه في منتصف الدوري ؟؟

لابووووها وطنية تعرفونها اذا تعتبرون كل هذا عدم وطنية .... فريقكم ماسواها .. أو الوطن ماقدر يسويها فيه

التاريخ مايرحم ... واللي يكتب الهلال خسر وخرج خروج مذل .. مايكتب (( بدون لاعبيه ومدربه )) ...


معوضة الآسيوية إن شاء الله ياهلال بس ماتوقع خلال الثلاث سنوات الجاية....

مابي أتشائم ... بس المعطيات عندي تقول الهلال خرج بشكل نهائي من البطولة ...



تمنياتي للأخضر بالتوفيق في كأس العالم


أبوساري

رغم الاستثناءات التي أضرت كثيرا بالزعيم هذا الموسم إلا أنه يحسب له إضافة بطولتين إلى بطولاته الأربعة السابقة

فأصبح صاحب نصف دستة بطولات متتالية

والسنة القادمة سيكون للزعيم لحن آخر ، حيث لااستثناءات ولا بطيخ .

وإلى أن يأتي الموسم القادم امنحونا فرصة الاحتفال بالسداسية .

وامنحوا رجال الهلال فلاصة إعادة ترتيب الأوراق وأخذ الأنفاس .

فرغم الحرب العشواء على الزعيم إلا أنه خرج منتصرا بما حقق .

ولا يغرنكم من يرقص فرحا بأي خسارة للزعيم ، فما هو إلا محموم يتنقل بين تنور ورمضاء .

ولا تدعو فرصة للشاتمين من الغربان السوداء والجرذان الصفراء .

أخوي شحته

أنا مانكرت ان الهلال أسعدنا ...

لكنه أبكانا مرتين ورى بعض بمستوى هزيل

أنا لو أنهزم بمستوى مافكرت ..

بس أنهزم بمستوى قسم بالله نخلي اللي يسوى واللي مايسوى يتكلم ...

خلها على ربك

هل تعلم عزيزي ابو ساري اني وجدت في داخلي عروق تونسيه ....ففداك ياوطني الحبيب تونس
وأما المنتخب البرازيلي (ِِSAUDI ARABIA ) فأنا أتوقع له انقطاع في الشبكة من قلة الأهداف


فتك بعافية

اخوي ابو ساري


هذي اهم نقطة

هل تعلم عزيزي الهلالي :

أننا كهلاليين نعتبر خارج حسابات الوطن .. لأننا لايطلق علينا نادي الوطن

على فكرة .. أتوقع يجنسون تفاريس و كماتشو .. يقولون مالها داعي ناخذ 9 لاعبين ومدرب ..

نكمل جميلنا وناخذ هالاثنين




كل منتخبات العالم بما فيها المرشحه للقب لم تمنع لاعبيها


من مشاركة انديتهم ولا تقدر اصلا



حتى الاعبين اللي يلعبون عندهم في فرق محليه



ما منعوهم ,,,,



ما عدا المتخب السعوووودي


واتحادنا ما شاء الله دايم له السبق في (الامور اللي مالها سنع)


لكن لو شي بيفيد ما فيه امل يطبقونه


لكن نخليهم بخططهم ا(لمحيوسه )و(نشوف مشيهم في السروال)