مدني رحيمي يهاجم رعاية الشباب والمنتخب السعودي - صفحة رقم 5 - نادي الهلال السعودي - شبكة الزعيم

~~~لؤلؤة الزعيم~~~ · #61 27/04/2006, 02:47 AM

كلام كبير

مدمي الشباك سامي · #62 27/04/2006, 02:48 AM

والله يعجبني مدني رحيمي

ابو شوق55 · #63 27/04/2006, 02:54 AM

ما اقول الا الله يسامح من كان السبب وراء ذلك طيب مو لازم يعطونا التسعه لو اربعه فقط مثلا خالد عزيز - ياسر القحطاني - نواف - الغامدي كفاية نعمة من عند ربنا ولكن ما اقول الا على الله

هلالي حبيب · #64 27/04/2006, 02:58 AM

مدني كلامه امس جامد ودق قوي لـــــكن مدري وش هدفـــــه ..!!

والا كلامه اول مرة يعجبني كلامه واتفق مع والجميع كذلك ...

محمد عاشق زعيماوي · #65 27/04/2006, 03:00 AM

انا اول مره بحياتي اشوف اتحاد محلي يدعم الاندية الاجنبيه ضد ممثل وطن

؟؟؟؟؟؟؟؟؟؟؟؟؟؟؟

@@عاشق الزعيم @@ · #66 27/04/2006, 03:43 AM

يارجال لآخر شي يوقفونه لانه تكلم صح

رهـيـف · #67 27/04/2006, 04:03 AM

إقتباس

الرسالة الأصلية كتبت بواسطة أوتار الهلال


	آهـ بس مين يسمع وبصراحة ما توقعت مدني يقول مثل هالكلام لكن طلع رجال وقال الحقيقة المرة

المحلل / مدني رحيمي .. معروف بصراحته وجرائته .. ولن ينتظر منك ولا من غيرك تصنيفه كرجل

استاذ العشق · #68 27/04/2006, 04:14 AM

عزالله ماقال غير الصدق

هلاااالي من قلب · #69 27/04/2006, 04:41 AM

اذا كان قال هذا الكلام فاقوله مشكووور على كلمة الحق اللي قلته

فيلسوف 15 · #70 27/04/2006, 04:57 AM

والله انك جبته صح يامدني رحيمي

الـمـشـاغـب · #71 27/04/2006, 05:13 AM

بيض الله وجهك يادكتور مدني.....

ماقصرت طلعت اللي في قلب كل هلالي وكل مواطن غيور على وطنه....

عز الله انك كبرت بعيونا.....

الله يوفقك لقول كلمة الحق دائماً وأبداً.......

هلهول الزعيم · #72 27/04/2006, 05:20 AM

سلمت والله يا مدني

بلو بليزر · #73 27/04/2006, 05:41 AM

للأسف ما سمعنا هذا الكلام الا بعد خراب مالطا

وين مدني من اول ما صدر القرار

مدني يحاول ان يكسب الاجمهور الهلالي لصفه

يعني يبي يفهم الناس انه وطني !

وعلى فكرة يذكرني بواحد تشاكل ابن عمه مع مجموعه وهرب وبعد ما انتهت الشكله

جاء يسأل وينهم يبي يضربهم , يعني شوفوني ما هربت !

مـعـا الهلال شــر · #74 27/04/2006, 05:47 AM

ازعجونا هم ومنتخبهم ؛؛؛ مسويين بيأخذون كأس العالم وفي النهاية بيطلعون من الدور الاول والله شيء يقهر

تحياتيــ ؛؛؛ معاشر الهلال

مبارك الروقي · #75 27/04/2006, 05:51 AM

ياجماااااعه من زماان مدني رحيمي حيادي في طرحـه

رجل واعي ( بعيد عن التعصب ) ( يتكلم بعقلانيـّـه )

والله كبير يارحيمي قدرت تقول كلمـة الحق ولايهمك لانواف ولاسلطان

قال ايش قال اعداد المنتخب

اي منتخب اللي قاعدين يعدون له

من صدقهم على بالهم بياخذون كأس العالم

اعداد للمنتخب ( اوكي ) سوو اللي تبونـه بس مو على حساب تدمير الانديـه السعوديـه

آنـا اتحــدى اذا هالاعداد اللي يتكلمون عنـه يضيف شيء للاعب السعودي ( مامنه ولا فايده ) بس مسوين زحمـه ويضحكون على انفسهـم والعالم تضحك عليـهم

آه يالقهرر بــــس

وربي لو آدري ان هالمنتخب راح يضيف شي للكره السعوديـه في كأس العالم القادمه كان مايهمني اللي يصير للهلال الحيـن وكان صبرت على همي ( كله لعيون منتخبنا وكأس العالم ) بس وش بيسوي منتخبنا مع اوكرانيا واسبانيا وحتى لو سوى شي مع هالمنتخبيـن .. بنصير اضحوكـه للعالم اذا لعبنا مع البرازيـل او فرنسـا او المانيا او انجلترا او الارجنتين او هولندا او غيرها ..... آه يالقهر يكفيني آه الهم في كـل اتجــآه

نشـوف آخرتها يااتحاد ياسعودي ..