نادي الهلال السعودي - شبكة الزعيم - الموقع الرسمي - لا يكون مصدقين انه ايتو .. أزعجونا فيه ايتو زمانه ..

اخواني و اخواتي ..
انا في العادة ادخل منتديات كرة القدم بكافة ميولها لأرصد انطباعات الجماهير عن ما يدور من أحداث ..
الا انه اليوم والبارحة شدني موضوع غريب في منتديات الجار ..
هو ليس موضوع واحد انما عدة مواضيع تدور حول اللاعب صالح بشير ..
لكن المتصفح لهذه المواضيع يلاحظ اقحام اسم الهلال في كل موضوع :confused: و كأن الهلاليين طلعوا للملأ و قالوا ترانا بنتعاقد مع صالح بشير .. و كل شوي طالع واحد يقول بناخذه من قدامك يا بندر بن محمد .. او بناخذه غصب عن الهلاليين .. أو تراه نصراوي و ما تقدرون عليه يا هلاليين .. ياخي مشكلة اللي يشوف ياسر القحطاني يوم قال انا ارغب بنادي الهلال و يحتك فيه :D طالع في التلفزيون يقول انا ابي النصر .. والنصراويين علابالهم انه اكبر همنا ..
أنا ما انتقص من اللاعب .. صالح بشير لاعب قناص و هداف .. لكن اللي عنده الثريا (ياسر , الصويلح , العنبر , الخراشي) وش له بالثرى ( بشير ) ؟؟

ما لنا مصلحة في احضاره .. عندنا اقوى خط هجوم محلي ولا نبي زود ..
مشكلة منتدى الروايح .. ما لهم شغل الا الهلال والهلال والهلال .. حتى ان كان الهلال ما له اييييي علاقة بالموضوع ..
مساكين يبون يحسون لو مرة انهم تفوقوا على الهلال بصفقة .. خبركم سمو الامير بندر بن محمد مو معطيهم مجال على الاطلاق :D مهبل فيهم الله يحفظه لنا .. بالتوفيق للزعيم في المباراة اللي بعد أقل من 4 ساعات و ان شاء الله يعودون من اوزبكستان بالثلاث نقاط المهمة جدا جدا جدا .. وشكرا ..