|
يا محمد بن فيصل عند بوابة 27 ضربنا واهنا لعيون الزعيم لماااذا ؟؟؟؟ في البداية نحمد لله على كل شي بالرغم من ضياع الدوري ولكن يكفينا فخرا انه بطوله وحيده من اصل 7 بطولات على العموم المباراة ذهبت بخيرها وشرها ولكن بقولك اللي صار بالمباراة وقبلها وبعدها بوابة 27 باستاد الملك فهد الدولي فيها اهنا وفيها ضربنا لا لشي سوا لاننا هلاليين همجية العسكر وعدم التعامل من قبلهم بحضارية ادى لتصرفهم الهمجي الذي لا ارى له اي داعي واي سبب بعد صلاة المغرب بالضبط توجهت لبوابة 27 انا وزميلي واخوي داخل المدرجات حاجز لنا اماكن الباب مقفول وقفنا ننتظر لين ينفتح الباب واقفين مالنا من الشيطان طاري وساكتين جاء ملازم من الحرس الوطني وفتح الباب دخل وانا كنت اول واحد عند الباب قفل الباب العسكري فجأه كذا دون مقدمات جتني ضربة على ظهري بشي مادري كيف اوصفه ولكن حسيت ان الكهرب نفضني التفت جتني ضربه ثانيه على كتفي انا قمت اتلوى والعسكري ماغير يلعن ويشتم طبعا ً دون شعور دفيته وقلت بالحرف (( والله لو ما عليك البدلة لا امسح فيك الارض )) ابو الشباب زاد بالضرب ويوم شفتها كذا قلت خربانه خربانه وامسكه طول الله اعماركم واتمردغ في بطنه واخذت عصاه وضربته شوي الا الظاهر 496497497494646497 الف عسكري فوق ظهري وجلدوني لين اذنت ودخت ماقدرت اتحرك خلاص ودوني للجيب واناظر الجيب مليان من العيال مالي مكان جلست بالارض مكلبش تعباااااااااااان خائر القوى <<< متعوب عليها جلست الا يجني ابو عصا العسكري الاول اللي تذابحنا انا وياه وتلفظ وتكلم وتهجم وانا جالس على الارض مكلبش المهم جاء الفرج مع الملازم اللي فتح الباب ودخل حق الحرس الوطني وشرح الوضع وجو العسكر بكل برود وقالوا حنا اسفين على الازعاج نحسبك فتحت الباب ولا تلومنا من الظهر وحنا هنا لعن الله ابو ابوكم وش يفيدني عذركم فيه بعد ما انضربت وانهنت وتكسرت ؟؟ بكل برود اسفين وبعدين ذا شغلكم سواء كان الظهر ولا الفجر انت عسكري التزم بشغلك ظهر عصر فجر مغرب ذا شغلك وللعلم كل عسكر الاستاد ولا واحد حاط اسمه يا جماعه الخير من ياخذ حقي ؟؟ وكيف اخذه ؟؟ بعد ما صار اللي صار ؟ يا شباب ياليت اللي تعرض لمواقف مثل كذا يعلمنا |
للرفع |
ان شاء الله ابو سلطان يقوم باللازم وياليت يصدر امر ان كل عسكري لازم يكون اسمه معلق على البدلة العسكرية عشان يعرف الواحد من يشتكي |
والله امرك غريب |
مااااااااااادري |
ليش منعت الشالات التي تحمل صور ؟؟؟ |
عندنا تخلف وبصراحه صاحب القرار مايدري وبسبات عميق تصدقون كنت عطشان من العصر داخل الملعب ورحت للعسكري عند الباب وقلت ابطلع اشرب موية وارجع قال اطلع بس ماتقدر ترجع ؟؟ قلت انا حاجر مكان واخواني معي قلت له طيب العامل مستعد ياقف خلف الباب ويعطي النس مويه وينتهي موضوع ادخل واطلع قالي تبغى طريقه قلنت كيف قال شف الشباب من فوق الجدار يرمي لهم العامل الهندي المويه ترمي انت الفلوس وهو يرمي لك الموية قلت معقولة وانا أضحك من قلبي المهم طلعت بين الشوطين وقلت الشباب ميته عطش وصعبه اشرب وانساهم فاخذت مجموعه عصيرات ومويه لاخواني وجيراني وتفاجأت عند البوابه ليته يتكلم يقول ممنوع انا جاي بحسن نية ابدخل مادريت الا بكل يدينه يدفني لولا اللي وراي كان رحت فيها والله رميت المويه والعصير ورجعت دخلت الملعب عطشان ؟؟ الا متى هالتخلف بالملعب طيب اذا كان من ناحية امنية وخوفا من رمي علب الموية تقدر رعاية الشباب تتفق مع الشركة الراعية توفو مويه بأكياس ومو صعبه كانت موجوده سابقا .. او الاستفاده من الملاعب العالمية .... يعني معقوله ناس من العصر داخله الملعب ولاتقدر تشرب موية الا عن طريق القمز من فوق الجدار الا متى وحنا |
جميع العسكر المتواجدون بالملعب من انصار الفرق الاخرى فتراهم يمنعون عنا في المدرج الماء اللذي لاحياة بدونه والبيبس والسادوتشات وكل شي لا لشيئ الا للتطفيش ولحد الان لم يجدو الرادع لهم علمآ اني اشوف مدرجات الفرق الاخرى شاي وببسي وسندوتشات وفله وفصفص مانقص الا يدخلون عليهم العساكر بلباس القرسونات ويقدمون لهم وجبة عشاء فاخره ياشيخ الله يلعنه امن بهالطريقه والله يلعنها رئاسه من دون قرارات عادله لاتلوموني انا مقهور لكم ان تتصورو اني اقعد من العصر للعشاء وان طلعت قالو مافيه رجعه وان وصيت احد من برا يجيب مويه اشربها قدام الكسكروانطل الكاس يقولون ممنوع حتى تشرب هنا وان طلعت ماعاد فيه دخله عرفتو ليش انا قاعد اللعن اعداء الانسانيه |
ايه نسيت اقول شي الصلاة ممنوع تطلع تصلي ان طلعت ماعاد ترجع وممنوع تصلي حتى جوا في الاماكن الفارغه بعد المدخل مباشرة |
الله يعين...!!! |
إقتباس:
شكل العسكري الثاني الي هناك هلالي ودخلني ما قال شي:D |
نفس إلي صار لي عند بوابة 22 بين الشوطين طلعت اشرب ماء يوم رجعت قال ممنوع الدخول يبن الأجاويد يا لحبيب يا لطيب أبو الشباب راسه يابس اجتمعو الجمهور عند الباب وهو رافض يدخل أحد ( إلي شفتهم انضربو اثنين واحد تجمعوا عليه وصفقوه الين قال آمين وواحد والعسكري يحرك عصاه بتهور ضربه مع راسه بالغلط ) تدرون متى دخلت ( الدقيقة 10 من الشوط الثاني ) والسبب إني تكلمت على العسكري وقلت للي داخل صوروه خلو أبو سلطان يشوف الظلم وكيف يتم حجر الجمهور الهلالي خاف العسكري وقال ادخل . أما المصيبة الكبرى دخول الجماهير إلى إستاد الملك فهد قبل المباره سياج امني ومدخل لنصف شخص وهذي أنا مصورها فيديو بس ما عرفت انزلها في المنتدى . |
والله مهزله هذا الاستاذ والله كلامكم صدق جاين من قبل المغرب وجلسنا عند البوابه ساعه الاربع متراصين حتى جوالي اختفت الابراج من الزحمه ولا يدخلون الا كل دقيقه واحد والله اعجبني الجمهور يوم دفو الحرس واقتحموا البوابه بس سوو تفتيش ثاني على طول والله مهزله اول واحد جلس يبي يفتش لازم ينهان ويتلحط على راسه من ذا العسكر والله قهر بس عشان الازرق كل شي يهون |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ همج العسكر |
كلمه واحده تغنينا عن اشغال ابو سلطان بمشاكلنا فقط حسبي الله عليه ونعم الوكيل ياشباب ترا ابو سلطان مو حمل مشاكل النادي وحتى مشاكل الجمهور خلونا نخف شوي عليه وبعيدين صحيح الامر ماينسكت عليه بس ربكم ارحم تقبلوا وجودي |
| الوقت المعتمد في المنتدى بتوقيت جرينتش +3.
الوقت الان » 10:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd