أول مره أحضر بحياتي ، شكراً باص الشباب نعم .. أول مره احضر مباراة للهلال في الرياض في استاد الملك فهد .. سبق واني حضرت الهلال والرائد في القصيم .. ولكن في الرياض هذه أول مره أحضر بحياتي .. انا من سكان منطقة القصيم وبالتحديد بريدة .. :) وكما انتم تعرفون لا يوجد باصات لنادي الهلال تنقل الجماهير من بريدة .. وانا مامعي سيارة .. ونادي الشباب وضع باص لنقل الجماهير للملعب ومن ثم العودة بهم من بريدة فقلت يارجال فرصتك تحضر المباراة .. فشديت الرحال معهم .. تجمعنا عند استاد الملك عبدالله .. وتفاجئت بان عدد الجماهير الشبابية 8 فقط !! " شعبية الشباب لا يعلى عليها:D " والبلطان مجهز باصين اثنين .. على العموم ركبنا بباص واحد وتوجهنا للرياض وفي الطريق عرفت ان نص اللي في الباص هلالية .. 4 من 8 شلون كشفتهم ؟؟ جوال الهلال الله يعزه كل ماتجي رسالة لي .. تجي لـ 3 معي .. فكشفتهم انهم هلالية مثلي .. يعني 4 هلالية و4 شبابية مع مسؤول نادي الشباب .. " ونادي الشباب الطموح حاط باص بالكويت ينقل الجماهير .. أي جماهير يرحملي والديك ؟؟:D " وصلنا بفضل الله بالسلامة .. واشترينا اعلام زرقاء .. 3 منا اشتروا وواحد كبير مسوي ثقل رفض يبدو انه قعيطي:D ساندنا بكل مانملك .. وعشنا لحظات مع الجمهور الهلالي عن نفسي لن انساها طول حياتي .. واجدها مناسبة ممتازه .. لاتقدم بالشكر لجميع الهلاليين الذين حضروا وساندوا وقدموا صورة لن تجدها في آسيا كلها .. لن تجدها سوى في أوروبا فقط وفي امريكا الجنوبية .. الله يخليكم للهلال .. ودوم الافراح والانتصارات والبطولات .. وهاردلكم الخسارة .. وان شاء الله التعويض في الآسيوية .. والموسم القادم .. والحمدلله ماكشفنا المسؤول اننا هلالية .. بعدين نجلس نشر بالطريق .. :D أكثر ماقهرني وفقع مرارتي .. ان الباص توجه لنادي الشباب بعد المباراة للاحتفال هناك .. اضطريت اني انزل وجلست اتفرج عليهم وهم يحتلفون .. وبغيت اتهور واتكلم يوم جابوا علم هلالي ودعسوا عليه بالسيارة وحاولوا يحرقونه لكن ماقدروا لان المادة المصنوعة من العلم لا تقبل الاحتراق .. الحمدلله .. يقولون علم اسرائيل ويقولون نيفيا نيفيا .. قهروني بغيت اتهور واتكلم بس قلت ياولد كثارين :D والاعلام النصراوية حاضره وبقوه كعادتهم .. ينتظرون اي مناسبه ليظهرون حقدهم .. شاكر لكم اتاحة الفرصة .. واتمنى اني ماثقلت عليكم .. |
عليك بالف عافيه والحمدلله على سلامة الوصول المهم انك حضرت بس صراحه اثبتوا الشباب ان لهم جمهور المفروض مايرسلون باص ددسن صدر واحد ويرجع فيها السواق بس |
إقتباس:
ددسن:thumbup: |
الحمدلله على السلامة والله انك بجيح رايح معهم وتشجع الهلال هههههههههههههههههههههه احسن خل الـ ............. يحترون |
لووول الله يرجك رجـــ يا دب هههههههههههه |
ان شاء الله نشووووفك في مباراة الهلال والعين بالرياااااااااااااااااااااض |
الحمدلله على السلامة |
هههههههههههههههههههههههههههههههههههههههههههههههههه والللللللله يانت ظحكتني الله يرجك بس كفوووووو وتعجبني .. |
المشكلة في مباراة العين مافيه باص للهلال أو للعين:D |
موضوع حلوو وشيق وقصة رائعه مرثونيه حضورك للملعب هي عن عشر بطولات إن شاء الله تحضر دوووم وتدوم الأفراح أما عن طاري حرق أو محاولة حرق العلم الهلالي والدعس أو الوطي عليه فهذا عمل همجي يأتي من نصراويه ولا الشباب مالهم جماهير عافاك الله |
أما عن طاري حرق أو محاولة حرق العلم الهلالي والدعس أو الوطي عليه فهذا عمل همجي يأتي من نصراويه ولا الشباب مالهم جماهير ^^^^^^^^^^^^^ عين الصواب :) |
الحمد لله على سلامتك |
والله انك زاحف اشونهم مادروا عنك وخلوك تجي مشي |
والله انك بجيح رايح معهم وتشجع الهلال هههههههههههههههههههههه |
يعطيك العافية والحمدالله على سلامتك وماقصرت ذيب ماشاء الله عليك ضحكت عليهم ماعليك منهم ضعاف نفوس حثالة من قهرهم وحقدهم على اسيادهم سووا كذا |
الوقت المعتمد في المنتدى بتوقيت جرينتش +3.
الوقت الان » 08:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd