#1  
قديم 23/04/2006, 07:47 PM
زعيــم متألــق
تاريخ التسجيل: 02/03/2005
المكان: $$فوق هام السحب$$
مشاركات: 1,439
:: فــي ذات مـسـاء .. الـزعـيـم أفـرح الأعـداء ::

بسم الله


(( شكر وعرفان ))

أتقدم بالشكر الجزيل لصاحب السمو الملكي الأمير / فيصل بن سعود وإبنه الأمير محمد بن فيصل وأعضاء الشرف الداعمين .. مجلس الجمهور الهلالي .. وكل هلالي حضر وآزر .. ورجع خاسر

.

.

.

(( تبون الجد ))


إن كانكم تبون الجاده .. والكلام الي يجمد على الشارب .. جمهور الهلال ما ينعطى وجهه (( خشه )) .. إيه والله ما تنعطون وجهه وأتحدى أطلق شنب يرد علي .. كأس فيصل مرتين كأس ولي العهد مرتين كأس الملك مره وكأس التضامن ضد الإرهاب مره ..

تبون الجد .. الهلال لم يقدم أي شي بل هلالنا نسي أبجديات الكره .. في الليله ضلماء يفتقد " عمر " .. وآه من هاللاعب .. بصراحه وبلا مجامله .. الشباب كان أفضل .. بكل شي ما عدا الجمهور .. نشأت أخذ يصول ويجول بدون مراقبه .. زيد المولد أخذ يفعل ما يحلوا له في بدايه الشوط الأول وكل هذا على حساب الجبهه اليمنى .. الدفاع مهزوز والمحاور ضائعين .. وسط بقياده (( الكابتن )) نواف .. كان يفتقد كل شي ولا كوره صحيحه للهجوم تسديد عشوائي تأنن ملحوظ .. عدا من 4 لاعبين والله لو الكوره للشلهوب كان مشروع هدف ناجح .. ولكن أراد " الكابتن " التفنن بالخامس .. مع كامل ودي وإحترامي .. نواف ذيك الليله أناني ..

تبون الجد .. المفرج وآه يا مفرج .. في مباراه الإتحاد قبل أيام كان المفرج هو قائد الدفاع الهلالي مع توأم روحه تفاريس .. ما رأيكم بلاعب مظلوم إعلاميا وتشجيعيا لم يترك لـ كالون مجال بأن يربط جزمته وأنتم بكرامه طبعا .. مفرج روح جعل أمك بالجنه ولا ترد عليهم

تبون الجد .. حينما رجعت البيت رأيت ولد عمي يصيح وأقوله ليش يقول ما شفت دموع كماتشو وهو بالإحتياط لاعب يعشق ناديه ممكن ولكنه يبكي لخروجه صعبه شوي يا حبيبي .. كماتشو فقط لعشقك للهلال مني وأمام أعضاء شبكه الهلال لك شيك مفتوح يا شيخ .. ولا يهون خويك

(( قبل المباراه ))

كان مجلس الجمهور الهلالي متواجد منذ ساعات مبكره في تلك الليله .. أعلام بلاستيكيه .. رولات .. ورق متناثر .. وحب متبادل .. ما أروعك من مجلس .. وما أروعه من مجهور .. تخيلوا لم يجدوا مكان في الساعه الـ 8:30 لمشاهده المباراه .. كل هذا من أجل الهلال .. روحوا جعلم بالجنه يا رجال


.

.

.

(( المباراه ))


بصراحه لا شيء يذكر .. كرات مقطوعه قبل بناء الهجمه .. كأني ألعب أمام العين بالقطاره في تلك الليله .. اللاعبين لا أعلم ماذا دهاهم .. أعتقد الإرهاق وضح عليهم .. كماتشو والشلهوب هم المظلومون في هذا اللقاء .. سامي كان هو الورقه الرابحه .. وأين جيوفاني في تلك الليله ..

الشباب بسط نفوذه وإستحوذ على كلا الشوطين .. نشأت يتلاعب بالمحاور والدفاع وكأنه ( سامي ) .. لا أدري ما العله ؟؟

عميد لاعبي العالم .. لا يسأل عن كل الأهداف .. بل وفي عز الخساره أقول هو اللاعب الهلالي الأفضل في اللقاء بعد الشلهوب ..


.

.

.

(( همسه ))

جماهير الهلال .. كنتم الوقود في تلك المباراه .. ووالله لو أني لاعب كان شقيت الفنيله منكم .. تفاريس يلعب وكانه في وسط ريوديجانيرو كأنه فاهم حقوي وش يقول يوجه ويخطط ويشد من أزر الدعيع ويصحح أخطاء الوسط .. ما رأيكم أن تفاريس حينما ( طقت كبده من نواف ) خرج لبناء هجمه وكان خوجه في الموعد ليلتقطها .. جمهور الهلال أرجوكم أرجوكم أرجوكم كونوا أكبر من هزيمه .. لا أريد أشبهكم بغيركم ولكن .. جمهور الهلال تعود على البطولات فإذا فقدها يرحل ؟؟ إذا جوابكم لا .. نريد الإثبات في فجر خميس .. ما بعد القادم كونوا بالموعد

أبو سلطان .. كنت أنت وأبوك وراء الفريق في كل شيء في هذا الموسم .. إذا كانت نجوميه الموسم حصريه لي لأعطيتك أنت وأبوك وعمر الغامدي إياها .. ولكن أول شيء تفعله يا بطلنا .. التجديد لتفاريس وكماتشو .. نرجوك يا رئيسنا المحبوب

سامي .. الأماكن كلها مشتاقه لك ..


(( آخر الكلام ))

هوامير الدوري السعودي ضبطوا أمنيا .. فكان التنفس لصغار المستثمرين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:17 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube