مكالمة دارت بين ادارة الهلال ومكتب التعاقدات أرجوكم اسمعوها .. وهذا الظهير البرازيلي نادي الهلال: الو : مكتب تعاقد للاعبين المحترفين . المكتب التعاقدي : ايوة نعم طلباتك . نادي الهلال : ابغى لاعب كويس مشهور ويسجل اهداف . المكتب التعاقدي :مهاجم يعني ؟؟ نادي الهلال : مو مشكله مهاجم مهاجم !! المكتب التعاقدي : بس سمعت انكم جايبين لاعب دولي ب25 مليون وعنكم أفضل مهاجمين المملكة (( العنبر وسامي والجمعان والصويلح والخراشي )) نادي الهلال : حنا سياستنا نجيب مهاجمين لو ماعندنا دفاع ولا وسط نجيب مهاجمين !!! المكتب التعاقدي : انا متابع لناديكم واعرف انكم تحتاجون ظهير يمين وعندي لكم مدافع من امريكا الجنوبيه بسعر معقول وفنان ويبي يسد الخانه. نادي الهلال : لا عندنا تركي الصويلح ابن النادي ومو مشكله حنا نجيب مهاجمين ونحطهم احتياط بس مانجيب مدافع . المكتب التعاقدي : طيب فيه لاعب اسمه جيلسون مهاجم وأشك انه بمستوى مهاجمين النادي الموجودين ؟؟ نادي الهلال : طيب وجهزلنا صانع لعب كويس ومشهور . المكتب التعاقدي : معقولة ؟؟!! عندكم كوماتشو والشلهوب والتمياط وسامي بالعكس زيادة عنكم ! نادي الهلال : تنفذ طلباتي ولا رحت مكتب غيرك ؟؟ المكتب التعاقدي : لا أسف بس كنت ابغى مصلحتكم ومصلحه النادي وسمعه مكتبنا كذلك وطلباتك مجابه . طبعا هذة المكالمة من نسج خيالي لكنها صحيحة وواقعيه للأسف ؟؟ كتبت وتكلمت واصابتني صاعقه عندما سمعت ان الهلال تعاقد مع صانع لعب ولم يحضر مدافع ظهير ايمن هل طريقه احضار الاجانب عندنا تتصل بمكتب تقوله ابغى لاعب كويس وماتسأل عن الخانه الي محتاجها وتشكل نقطه ضعف بالفريق وهذي الخانه التي اخرجت جهد فريق سنه كامله من أهم وافضل بطوله هل فيه ناس ادارية بالهلال تساعد في اتخاذ القرار أشك في ذلك أفضل خانه في الهلال هي خانه صانع اللعب بوجود نواف أفضل لاعب سعودي الشلهوب صانع لعب منتخبنا الأول كوماتشو افضل اجنبي وخاصه في صناعه اللعب سامي يأحلى وأجمل صانع لعب خرافي وشفنا روعتها في مباراة الاهلي واللي يبغى يستمتع يتفرج عليها والله بحياتي ماشفت مثل هالتمريرات وايضا بوجود الغامدي وعزيز وياسر تزيد قوة الوسط ومع ذلك نحضر جيوفاني ؟؟؟؟؟ ونحضر الصويلح من دار العجزة وش هالتخبببببببط صدق حالك غريب ياهلال ودوخت جمهورك بهالقرارات في النهائي تخبط المدرب وقبلها في مباراة الاتحاد لولا براعه الشلهوب مدرب خواف وخطه عقيمة ينتظر يجي فيك هدف بعدين يهاجم في مباراة الاتحاد والشباب نلعب بمهاجم واحد والله اتعبنا ياسر مررض هالخطه الأهداف كلها بسبب اخطاء تفاريس(مدافع ايمن) والخثران ( ظهير يمين للأسف) وعزيز (وسط يمين ) أستغرب كل ماطق عصا قالوا المفرج والبرقان بالنسبة للمفرج في مباراة الاهلي انقذ الهلال من كم هدف محقق وكذلك الاتحاد وتفاريس والله انه مقلب وكل مباراة بطاقة وحماقة ياخي بصراححححححححححححححححححححه تكلمت وكتبت ولا أحد سمعني وسموني مندس ليش ادارة الهلال جابت جيوفاني وهو المركز الذي فيه (( كوماتشو والشلهوب والتمياط وسامي والغامدي )) والاداراة عارفه بمشكلة الظهير اليمين والله لاعب برازيلي سريع ظهير يمين او عربي ويبقى الخثران بقمه مستواه في مركزة والغامدي كذلك والموري وبلاش خربطه جيوفاني ب 600 الف بربع القيمه تجيب اسرع واحسن ظهير يمين بامريكا الجنوبية بس خلاص طاح الفاس باالرأس وماجت الضربه الا في نهائي كأس الدوري وشفتوا الاهداف كلها من الظهير اليمين ولا أحد يقولي الدوخي الدوخي مستواه سئ جدااا والهلال يحتاج ظهير سريع وصلب ومافيه الا اجنبي جدد مع كوماتشو والغي عقد تفاريس واحضر ظهير ايمين اجنبي واذا الفلوس زيادة مانبغى وسط نبغى قلب دفاع كويس |
لااتعليـــــــــــق |
لو الهلال يجبون كافو ضهير ايمن ويلغون عقد تفاريس احتجيت تفاريس مع احترامي لايوجد مدافع سعودي افضل منه |
ماتلاحظ ان موضوعك سابق لآوانه |
أستغرب كل ماطق عصا قالوا المفرج والبرقان بالنسبة للمفرج في مباراة الاهلي انقذ الهلال من كم هدف محقق وكذلك الاتحاد وتفاريس والله انه مقلب وكل مباراة بطاقة وحماقة !!!!:confused: :eek: :confused: :eek: أقول كيف الحل؟ |
انا اتكلم عن جيوفاني هل من العقل احضر جيوفاني وعندي مشكلة بالظهير الايمن تركي الصويلح ؟؟ وجيوفاني بالاحتياط ؟؟ طيب ليش تحضر لاعب بهالخانة ؟؟ في نهاية الموسم جت الضربة بالرأس من مشكلة الظهير الايمن ... |
أتمنى ان نضع يدنا على الجرح ونعرف وش المشكلة زيادة الا لخبطة مدرب التعاون وابها صاحب الفكر الدفاعي لاعب بمهاجم واحد ولولا براعه الشلهوب لخرجنا بنفس نتيجة الشباب واستغرب عدم تدخل الادراة في لخبطة المدرب وشاهدنا بعد مباراة الاتحاد اجتماع المحللين بالاوربت والسعودية وفيصل ابو ثنين قال ان الشلهوب اخفاء اخفاقات كليبر باخراجه جيوفاني وادخال محور ثالث وهو البرقان وش التخلف هذا الناس تفكر بالفوز وهو يفكر بالدفاع والهزيمة |
جيوفاني صحيح مقلب لكن تفاريس لالالالالالا افضل مدافع حاليا بالملاعب السعو\دية |
انا معك ان جيوفاني غلط اما تفاريس فنان واحسن مدافع في الملاعب السعودية |
أنا معك أخوي وأقول المفروض نجيب السنة الجاية لاعبين أجانب واحد يصير ظهير أيمن والثاني قلب دفاع مع تفاريس والخثران وكذا يكمل الدفاع والباقي كوماتشو وجيفواني ينقلعون |
أقول كيف الحال ؟؟؟؟؟ معقول تفاريس سيء ؟!!!!!!!!!!!!!!!! وكوماتشو ما يعرف شي .. أقول الله يشفيك ................. ترى الصمت في بعض الأحيان حكمة |
الادارة جابت جيوفاني لارتباط لاعبينا بالمنتخب وزي مانت عارف ان الوسط كله والهجوم كله راح للمنتخب وخصوصا الوسط لان ما في بديل لنواف كصانع العاب لتواجد كماتشو بدلا عن الشلهوب اما الهجوم ففي خير وبركة والدفاع ولله الحمد سلم من عيون المنتخب اتوقع ما نحتاج ظهير واكيد في لاعبين شباب ينتظرون الفرصة فقط لاثبات انفسهم |
معليش افضل مدافع تفاريس وصدقت يوم قلت جيوفاني |
اقوووووووووووول لا يكثر بس تفاريس افضل مدافع بالملاعب السعوديه بغض النظر عن قدراته الفنيه الرائعه لاحظ روحه واخلاصه للفريق لحد انك تجزم انه ابن من ابناء النادي وهذا ما يحتاجه الزعيم الرووووووووووح والاصرار والعزيمه .......ببساطه لن تجدها الا عند تفاريس البطل |
كلام صحيح و اسوء شئ لدينا اننا نحكم على الاعب من خلال اشرطة فديو قديمة..!! |
الوقت المعتمد في المنتدى بتوقيت جرينتش +3.
الوقت الان » 05:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd