جمــــاهير الهلال ... ليتي انعميت قبل اشوف اللي شفته ..!! - نادي الهلال السعودي - شبكة الزعيم

اليزابيث هيرلي · #1 23/04/2006, 10:30 AM

ليلة السبت .. كنت حيييل حزينه .. وليه ما أحزن وأنا متعوده على الذهب ... لكني ماغضبت ولاعتبت على اللاعبين ...

لأن الهزيمة ببساطة قضاء وقدر ...صدقوني أنا أول وحده نقدت الهلال في مباراة مع العين .. لأنهم جد ماقدموا مستوى يذكر ...

لكن قدام الشباب الأمر مختلف (وش هالفريق اللي طالع منهزم بمباراة قبل ومعنوياته كذا) بس يستاهلون زكاة ست بطولات ..

الصراحه اللي قهرني ذيك الليلة الجماهير .. وربي اللي شايفهم يطلعون يضيق صدره .. فمابالك باللاعبين أنفسهم ..

ليه أبو سلطان واللاعبين مايستاهلون أنكم تصبرون إلى حد ماتنتهي المباراة وتحيونهم .. وربي تحز بالنفس وكأنهم ياعمري مازينوا شي .. هذا وحنا تونا محتفلين بكأس ولي العهد .. أجل لوما أخذناه وش كان سويتوا ذيك الليلة ...

وربي قويه بحق أبو سلطان طلعتكم .. يعني اللي جايين ومتعنين من برا الرياض لهم حق .. بس أنتم ياجماهير الرياض مالكم عذر ...

حنا مو فريق عادي .. اللي يميرنا عن غيرنا الوفا ,, حتى بأصعب الظروف .. لازم نكون مع الزعيم قلبا وقالبا .. مو بس وقت الفرح .. ووقت الشده نتركهم وكأنهم ما يستاهلون الواحد يناظرهم؟!

لا ياجماهيرنا العزيزه .. الزعيم لاعبين وإدارة وأعضاء شرف وجهاز فني يستاهلون كل الشكر على اللي قدموه ..

وبإذن الله رح نعوض هالشي بالآسيويه وهي الأهم واللي الهلال محتاجنا حييل فيها ..

لاعدمناكم ..

اليزابـــــــيث هيرلـــــي ...

ياروحي يالهلال · #2 23/04/2006, 10:34 AM

سور الهلال العظيم · #3 23/04/2006, 10:36 AM

والله معك حق وبعد لازم العيبه كانو افضل وقدرو الستين الف متفرج إلي كانو يساندونهم بس مو مشكله الهلال كبير

اليزابيث هيرلي · #4 23/04/2006, 10:46 AM

يا روحي يالهلال ...

رووووووووعه الكاركتير ..

جراتسي على المرور ...

اليزابيث هيرلي · #5 23/04/2006, 10:47 AM

سور الهلال العظيم ...

والله اللاعبين ماقصروا بس القدر ...

جراتسي على المرور يالغالي ....

Abu Sultan · #6 23/04/2006, 11:46 AM

صح لسانك

فرد حمزة · #7 23/04/2006, 12:07 PM

لا تلومينهم

والله ما تعودو على الخساره

الحمد لله على كل حال

جـن الملاعب · #8 23/04/2006, 12:20 PM

لمـّــا احرزوا الكؤووس حيـّوهم وتراقصوا على انغام هلاليه بحتـه

ولمــّـا اخفقوا اللاعبين في النهائي حاولت الجماهير ان تعبر عن استيائها بطريقتها الخاصه

فـ يمكن تتمنين عينك تنعمي اذا الجماهير تفوّهـت على اللاعبين وانكرت روعتهم في السابق

كـل اللي سوّتـه الجماهير انها عبرت عن رأيهــا بطريقه سلميـه لا تضر أحد وهنا يكمن الفرق

فـلمّـا الفريق يعـرف ان جماهيره ماهيب تجامل وماهيب ترضى الا بالذهب فـ هذا بيخليهم مايرضون بالخساره

بيني وبينـك جماهيرنا ماتعودت الا على الذهب وبعد النهائي انصدمت وهذا اقل شي ممكن يسويه المنصدم

تحياتي

قلعة المرح · #9 23/04/2006, 12:37 PM

معاك حق منظر الجماهير وهي تطلع من الملعب يضيق الصدر

هلااالي الماااسي · #10 23/04/2006, 12:40 PM

اليزابيث هيرلي

صـدقيني ما نقـدر نلوم أحـد من الجمهـور اللي حضروا لأنهم كانوا متوقعين إن البطولة هلالية بنسبة 80% ولكن حصل مالا يحمـد عقبـاه .

وأعتقـد إن النتيجـة كان لهـا دور كبيـر في خروج الجمهـور مبكـراً من الملعب ولو كانت 1/0

وشكـراً لك على حـرصك بس معلومة لك أخت اليزابيث هيرلي " الله لا يلوم اللي يلومهـم " .

ودمتــي بــــود

الألـمـعـي · #11 23/04/2006, 02:20 PM

ما ينلامون مو متعودين الا على الذهب

special049 · #12 23/04/2006, 05:00 PM

انا احد الحاضرين والله اني تضايقت لما طلع الجمهور

اتمنى ان لا نكون جمهور فوز فقط ...

والوعد امام العين انشاء الله

تحياتي

النمنم الهلالي · #13 23/04/2006, 05:08 PM

من حق الجماهير انه تطلع من الساعة الثالثه واحنا في الاستاذ وجايين من جده وفي الاخير ...........

مستوى مخيب للامال

بس انشاء الله انها خيره في الاسيويه ويشدون حيلهم
يارب ياكريم انك توفق الهلال في كل مكان

SFO415 · #14 23/04/2006, 05:14 PM

كلامك سليم مية بالمية لكن الجمهور ما كان متوقع الخسارة الثقيلة

والاصعب انا تعودنا على الفوز

9_ حنان الهلال _9 · #15 23/04/2006, 06:57 PM

صراحه ماينلامون
النتيجه كانت قويه وتخلي الواحد مايقدر يسوي شئ غير انه يرجع البيت