#1  
قديم 23/04/2006, 03:03 AM
موقوف
تاريخ التسجيل: 29/11/2004
المكان: الظهران
مشاركات: 227
وتبغونا بعد نفوز ؟؟؟

تبقى حبيبنا مهما حصل , فأنت من رفع هامتنا فوق الجبل , وجعلتنا ننادي لمن تحتنا ونقول , هل من منافس يتحدى البطل .
فكانوا متلزمين الصمت , الا ثلة منهم قد عذبناهم , فوق الجبل وأسقطناهم , كانوا فوق جبلنا لبرهه , جائنا أليهم و أنزلناهم .
لجبلنا عدة أسامي , سموه الشموخ , وشيخ الشيوخ , وأسميناه القمه , وجبل رفاق الذئب سامي .



نحن نستحق الخساره والسبب :

** لاعبينا ملوا من تحقيق البطولات ورفع الكؤوس, تخيلوا أنهم وصلوا لدرجة أنهم بعد تحقيقهم لأي بطوله تجدهم يتسابقون نحو الحافله التي ستقلهم للنادي , في أحد البطولات الأخيره سألت أحدهم وكان يضع الميداليه الذهبيه بين فكيه ومنطلق نحو حافلة النادي فأوقفته وسألته :لماذا بعد تسلمكم الميداليات الذهبيه والكأس تنطلقون الى الحافله التي هي بنتظاركم خارج النادي ؟؟ فقال وهو في عجلة من أمره (( أنت تعرف أن الكأس ثقيل !! وحنا كل يوم نشيل كأس , وبعض الأحيان نتكل على بعض وننساه في الملعب , فقررنا نسوي مثل نظام العزوبيه وقت الغداء والعشاء (( آخر واحد يشيل الأكل )) بس حنا آخر واحد فينا يشيل الكأس من الملعب الى النادي ,وبعد هالعباره ماشفت الا غبره وراه , وتبغونا نفوز بعد ؟؟؟ غيرنا صار لهم عقد من الزمن ماجابوا بطولات ويتمنون بس ميداليه أو درع فما بالكم لو فازوا بكأس ؟؟؟ صدقوني راح يقوم الجلد بينهم والسبب ((كل واحد منهم وده يشيل الكأس ومستعد يوديه للنادي لو مشي !!! )).

**يوم النهائي أشترى الوالد جريده (( الوالد شبابي ))قلت لأبوي :ممكن الجريده شوي, قالي :من جدك ؟؟ تبي تلطعني ؟؟ أنت وفي المباريات العاديه تحلل الجريده تحليل عاد شلون اليوم لاوالنهائي السابع على التوالي ؟؟؟ قلت له أنا عارف وحافظ وش بيقولون اللعيبه , تبي الدليل : أفتح صفحه سته مكتوب على اليمين فوق :محمد بن فيصل مصرح والعنوان هو : اليوم يوم الرقم الصعب , وتحته سامي الجابرومكتوب العنوان :الذئب :عفواً البطوله لن تذهب عن أحضان الهلال ,ولو تبيني أسمع لك وش مكتوب تراني جاهز , قبل أمس كنا نعلب على نهائي واليوم بعد تبي الاعبين كل يوم ينزلون تصريحات ؟؟ ترى المسأله عند الصحفيين والمسؤلين عن الصحف كلها قص ونسخ , ناظرت في أبوي وقلت : لأتخاف أبطالع التشكيله بس ,أبتسم الوالد وعطاني الجريده بس لاحظت في عيونه علامات التعجب والاستغراب ((والهزيمه المبكره )) , وتبغونا بعد نفوز .

**يوم المباراه قال لي واحد صديق : توني عرفت أن واسطة سامي قويه وله مركز مهم في النادي , قلت له ليه وش دراك ؟؟ قال : شفت له صور وهو في البيت وفي الحاره وكأس الملك معاه , ضحكت عليه وقلت له أنت لو رحت لبيتكم ولقيت عندكم ضيوف وعددهم مهو بالقليل ومالك مكان تنام فيه , وش تسوي ؟؟ تنام في الحوش قالي لا أروح أنام في بيت أخوي المتزوج , قلت له ((خلاص حط الكأس مكانك )) راح لبيته قصدي لنادينا ولقى الدولاب مليان وماله مكان شاف سامي الجابر وقاله لو سمحت ممكن أنام عندك كم يوم ؟؟ سامي أنغث وقال بدون نفس حياك ياخوي البيت بيتك , وتبغونا بعد نفوز .
** أقيمت دوره رياضيه في حي العريجاء وكنت أنا المشرف عليها ويوم تسليم الكأس طاح الكأس مني وأنكسر قبل المباراه (( تخبرون الكأس تقليد )) تورطت مدري وش أسوي الين ماشار علي أحد الشباب وقال خلنا نقمز لنادي الزعيم ونشوف عندهم كؤوس تقليد ,المهم رحنا ولقينا أبو سلطان قلت له السالفه ,رد وقال : كؤوس تقليد ماعندنا بس عندنا كأس اللعب النظيف أخذناه مدري في أي بطوله ((ماتنلام يابو سلطان من كثر النهائيات ماعاد تثبت ))الكأس مانحتاجه يفداك دامك هلالي , وتبغونا بعد نفوز .

بعد كل هالمقدمه وهالسوالف أبي أوضح لكم شي واحد فقط (( فلوا الحجاج لأن الدنيا ماتسوى زعل الزعماء))وحنا طغينا في البطولات وتشبعنا منها ولازم نقول الحين الحمد لله ,والوعد دوري أبطال آسيا ياجن الملاعب وبعدها مالكم العذر .
**يستاهل فريق الشباب الكأس لسببين :
1- لأنه هزم زعيم نصف الأرض .
2- لأن لاعبيه أغلبهم من صنع النادي نفسه (( يعني مو نادي تجميع )) ماعدا كم لاعب جاي أعاره وبيرجع لناديه .

بس اللي مو عاجبني في هالنادي ((الرئيس المصلحجي )) .
** ياناس راح تصدقوني لو قلت لكم أني شفت شي غير مخلوق يبكي ؟؟؟ منتم مصدقين صح ؟؟ اللي يبي يتأكد يشوف الكأس يوم سلمها أبونا عبدالله لكابتن نادي الشباب صالح صديق , ولا بعد سمعت الكأس يقول لصالح صديق , وش تبي أنا ما عرفك , أنا أبوي قالي لاتروحين مع واحد ماتعرفينه وهذاك أبوي ينتظرني تحت بس مدري وش فيه مر قبل شوي بجنبي ولاناداني ولاأخذني البيت معه , همس صالح صديق في أذن الكأس وأبتسم لها أبتسامه ملامحها خبث : ((تعالي أنا معاي أنا أوديك لبيتكم أنا ولد جاركم ماعرفتيني ؟؟ )) وفي النهايه ودي أقول لصالح صديق وش جاب العريجاء لكم ومن متى وأنتم جيران لنا ؟؟؟ ((عيب تكذب ياكابتن )) .
** آه لو كان للكأس أقدام بس والاجنحان ((صدقوني راح تشوفون الكأس ماسك طريق العريجاء وماغط الطلبون )).
** لاشعورياً غنيت بعد مارأيت الكأس في أحضان لاعبي الشباب ((باأودعك يالضنا أنا وباخليك , عسى عيونك ماتشوف النكاده )).
** ياناس ليه الزعل والحزن ؟؟؟ أعتبروها زكاه , وخيرها في غيرها والوعد مباراة العين ياشباب الزعيم ويارقمه الصعب .


وبعد الهزيمه الثلاثيه سأقول وأصرخ بعالي الصوت :


أنا هلالي وأن جار الزمن





عقيل الرافع

اخر تعديل كان بواسطة » المستقبل هلالي في يوم » 23/04/2006 عند الساعة » 05:12 AM
اضافة رد مع اقتباس
  #2  
قديم 23/04/2006, 04:15 AM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
ياسلام ياسلام والله كلام راااااااااااائع جدا جدا ويعطيك الف عافيه

والله وسعت صدري اللي يوسع صدرك

مانقول غير الحمد لله على كل حال (( عسى ان تكرهوا شيئا وهو خير لكم ))

بالتووووووووفيق للزعيم باذن الله وخيرها في غيرها ان شاء الله
اضافة رد مع اقتباس
  #3  
قديم 23/04/2006, 04:40 AM
زعيــم فعــال
تاريخ التسجيل: 25/01/2006
مشاركات: 406
وربي كلامك روعه
.
.
يعطيك العافيه
والوعد ان شاء الله الاسيويه
اضافة رد مع اقتباس
  #4  
قديم 23/04/2006, 05:07 AM
موقوف
تاريخ التسجيل: 29/11/2004
المكان: الظهران
مشاركات: 227
يعطيكم العفيه أخواني على المرور
اضافة رد مع اقتباس
  #5  
قديم 23/04/2006, 05:33 AM
زعيــم مميــز
تاريخ التسجيل: 23/02/2005
المكان: اكيد في بيتنا
مشاركات: 5,145
يعطيك العافيه
والحمد لله على كل حال
اضافة رد مع اقتباس
  #6  
قديم 25/04/2006, 12:24 PM
زعيــم فعــال
تاريخ التسجيل: 04/12/2004
مشاركات: 245
يعطيك العافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube