#1  
قديم 23/04/2006, 02:12 AM
موقوف
تاريخ التسجيل: 13/11/2005
مشاركات: 790
هذا اللي أبكاني الله لا يخزينا*

أمس وما أدراك ما أمس أمس ماقدرنا ننام من زود القهر
مو عشان البطولة والله أني مليت من الدوري من كثر ما كوشنا على البطولات لكن اللي قهرني وخلى دمعي على خدي

..........................................................شماتة الأعداء ..............................................................

كل الصحف والله فرحانة وشوي وتطير من الفرح وكل منتديات الأندية الأخرى تقول الكأس لهم يعني أمس سيرت على كل منتدى وما ألقى فيه إلا الهلال والهلال ( والله كبير وربي كبير)
ويقولون ليش الأندية ضد الهلال ؟؟؟؟؟؟؟؟؟؟؟؟؟؟؟؟ بسهولة لأنه زعيم وادلع يا كايدهم

أمس كل الصحف والمقالات وأصحاب الزوايا اللي حطوا الكأس بعريجا من يوم الأحد وخدرونا طاروا وانهبلوا من الفرحة

و أنا أعرف اللي يتوقع شيء يحب يكون التوقع صحيح حتى ينقال عنه ذو رؤية تحليلية خبيرة؟؟ ولكن اللي صار دليل على أنهم والله خدرونا وفرحوا ببطولتهم واللي هي عدم أخذ الزعيم للبطولاتالقهر أمس من لعيبتنا اللي والله ماكنت أبي أجي للملعب خوفاً من فوز الشباب بسبب التخدير بس يوم شفت وش كاتبين قلت بس الكأس يلمع والهلال يلذع

بس القهر شفت لعيبة و الله يجيك أحساس أنهم لعيبة حواري

يعني مباراة الإتحاد كان كل واحد يرجع ويغطي وكنت في ذيك المباراة مندهش من الحماس و فجأة يوم ماكان بيننا وبين الكأس إلا الشباب يعني شدوا شوي الكأس عندكم أشوف لعيبة بيحترفون بأوروبا
مع أحترامي لكم
المفرج أبي أسأله ليه العنف الجسدي اللي تمارسه في حق نفسك يعني ماشاء الله يومياً إصابة و في الأخير تنكبنا أكبر نكبة والله أنا أحملك مسؤولية الهدفين يعني الأول لو تخليه أصرف والثاني وش كنت تسوي وراه بالله عليك

الخثران والله ما ألومك لأن المدرب والجماهير عاوزين كدا يا ناس يا أوادم لاعب يلعب يسار كيف تلعبه يمين بالعقل 70% من مهاراته سيفقدها وكل الأهداف من جهتك بس سؤال لك برضوا وينك في الهدف الأول أنا با جاوب عنك

كنت تقول أن البرقان وراك؟؟؟ بس وين ياحبيبي البرقان غير
البرقان ما يساند الهجمة ولا يدافع مثل الناس ولا يغطي يعني مادري وش وظيفته في الحياة والله أنه يحمل لواء الخسارة أمس هو والمفرج بكل أستحقاق و جدارة
ياسر القحطاني أنا ماني قايل إلا شيء واحد لك شفت هدف عطيف الثاني ولا لا؟؟؟
تراه درس لك في التعامل مع أنصاف الهجمات اللي تبي تشوفها في كأس العالم وكفاية برود عجيب
يعني والله الشلهوب جاب لك فرصة على طبق بيض في الشوط الأول وأنت حطيتها بجنب الرجل وجت بالعارضة يعني لو لفيت حول نفسك كان شفت لك 6 أمتار فاضية وجبت هدف لكن الله يصلحك فيك البرود والإستعراض خله عنك الله لا يهينك

كماتشو بطأ الكرة الهلالية ككل والكورة تطول عنده وهذا غير مطلوب في الكرة الحديثة

أختبار لكلبير............................

* يعني كامل الموسى مطلعه بعد الهدف دليل أنك غير مقتنع فيه فليش تسوي المعكرونة وتلعبه في مباراة كؤوس
فأنا مع احترامي ماني مقتنع بالموسى أبد لأنه فشل في الإختبارات الحقيقية اللي جته وما يستاهل نحط فيه أكثر من 3 مليون وإلا نكون ما نعرف نجيب لعيبة يعني لاعب بطيء إذا تجيه تحط الكورة يمينه وتشطفه بكل سهولة هذا مع احترامي موب مواصفات ظهير
والله لاعب تقول معه عصا يتوكأ عليها كنه جاي رجليه من الربع الخالي

* تدخل الجمعان البطيء السلبي وتخلي الجابر لا وبعد تدخل الصويلح

لآ أحد يقول مستقبل تراني مليت وأنا أنتظر منهم هجمة يعني جعلوا الدفاع الشبابي ينكتون مع بعض من كثر الفضوة
يعني لو دخل سامي كصانع لعب وجيوفاني كمهاجم ثاني كان أصرف
* أمس أيقنت أن كرة القدم صغبة وتبي مدرب قدير فيوم تشوف التغيرات تدري أن الدعوة حط تشكيلة وبس
ياناس فريق عزل الوسط عن الهجوم والأظهرة الله بالخير كيف تدخل اثنين مهاجمين وتطلع لاعب وسط صانع لعب
يعني واضح أنها تغييرات غير منطقية وسلبية والدليل أن الهلال استسلم بعد التغييرات لأن الوسط تشتت وصار فيه بس 3 لعيبة في وقت أنت محتاج لزيادة الوسط عشان يتشتت الشباب


*أتنمى أن الهلال ما يتعاقد مع الموسى لأن الهلال أكبر منه صراحةً والفلوس نحتاج نجيب فيها لاعب ظهير أيمن

و أنا أقترح النجم الكبير الهائل محمد بركات لأن الهلال سيصبح بعدها ولا أروع ( يعني نوفر الفلوس اللي نبي ندفعها عشان ظهير أيسر ثاني غير مجدي ونجيب بها لاعب كبير مثل بركات


* الهلال بدون روح كالجسد بلا روح*
اضافة رد مع اقتباس
  #2  
قديم 23/04/2006, 02:17 AM
موقوف
تاريخ التسجيل: 17/07/2004
المكان: نـــــــجـــــــــد
مشاركات: 371
* الهلال بدون روح كالجسد بلا روح*
اضافة رد مع اقتباس
  #3  
قديم 23/04/2006, 02:24 AM
في انتظار تفعيل البريد من قبل العضو
تاريخ التسجيل: 27/06/2003
المكان: الرياض
مشاركات: 2,952
ويقولون ليش الأندية ضد الهلال ؟؟؟؟؟؟؟؟؟؟؟؟؟؟؟؟ بسهولة لأنه زعيم

ويقولون ليش الأندية ضد الهلال ؟؟؟؟؟؟؟؟؟؟؟؟؟؟؟؟ بسهولة لأنه زعيم


ويقولون ليش الأندية ضد الهلال ؟؟؟؟؟؟؟؟؟؟؟؟؟؟؟؟ بسهولة لأنه زعيم

ويقولون ليش الأندية ضد الهلال ؟؟؟؟؟؟؟؟؟؟؟؟؟؟؟؟ بسهولة لأنه زعيم
اضافة رد مع اقتباس
  #4  
قديم 23/04/2006, 02:30 AM
موقوف
تاريخ التسجيل: 13/11/2005
مشاركات: 790
شكراً على مروركم
اضافة رد مع اقتباس
  #5  
قديم 23/04/2006, 02:56 AM
زعيــم متواصــل
تاريخ التسجيل: 01/12/2003
المكان: الرياض
مشاركات: 177
شاكر لك على الموضوع الرائع الله يهدي المفرج ولا ياخذ عمر ه من هالنادي
وبعدين بصراحه من جد ياسر حق استعراض
يا ياسر ندري انك فنان بس العب صح
وسط منتهي رايح فيها
الشلهوب ابطء لاعب شفته في حياتي جدي يسابقه
وتقبل تحياتي
اضافة رد مع اقتباس
  #6  
قديم 23/04/2006, 05:53 PM
موقوف
تاريخ التسجيل: 13/11/2005
مشاركات: 790
هلالي قوي شكراً على مرورك بس ترا الشلهوب صحيح ما كان بالفورمة أبد لكن والله ما معاه أحد يعني كماتشو يبطء الهجمة بقوة وتمركز الشلهوب كذا ما يصلح وترى الشلهوب له سنة كاملة وبعدها تأقلم مع الخثران ثم فجأة يجي المدرب يشيل الخثرا نويحط كامل الموسى اللي ما في أدنى تجانس بينه وبين الشلهوب ثالثاً ترا الشلهوب ممسك بلا عبين والشلهوب قصير القامة صعبة أنه يتحرك بسهولة إلا لو جاب المدرب لاعب سريع يفك الرقابة عن الشلهوب وهذا كان غير متاح في الهلال بس المدرب لازم يقرأ المبارة مضبوط ويفكر أن المدرب الخصم يبي يمسك نقاط قوتك ومو معقولة يخليهم يمرحون عنده

يعني سامي كان مطلب ملح لكي يشغل على الأقل دفاعات الشباب ومعروف أن سامي مرعب للدفاع ولو ما سوى شيء يبي على الأقل يفتح اللعب لغيره
وللأسف المدرب مافهم ولا شيء من هذا كله

وشكراً على مرورك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube