رغم هزيمــة البارح الثقيلة كان لمشجعين الزعيم في جدة رئي آخر (تقرير مصور) - نادي الهلال السعودي - شبكة الزعيم

بدر بن جلوي · #1 22/04/2006, 11:12 PM

السلام عليكم ورحمة الله

اول شي هارد لكم يازعمـــاء صحيح انا خســرنا البطولة السابعــة وفقدنــا انجاز غير مسبوق

بس لاتنسون انــا قبل كل شي محتكرين البطولات السعوديــة سنتين متتاليتين ومن العدل

والمســاواة واقل حقوق الانســان انــا نعطي جماهير المملكة ولو بطولة وحدة

عشان كذا عطيناهم هالبطولة ومثل ماتعرفون بعد ان في لاعب فقراوي مع الشباب وبسبب

هالاعب وبسبب ان جمهور الشباب في الجهــة الجنوبية وهي جهة النصر وصكها معهم

على قولة بعض النصرواويين فهم شركاء في البطولة وكنهم ماخذينهــا بعد

ومن جهــة ثانية لابد للذهب من زكاة وللبطولات من دفعــة بلا وهذي زكاتنــا

ودفعـــة بلانـــا مستقبلاً ان شاء الله

ما ابي اطول عليكم بس فعلاً رغم الهزيمــة والي نعتبرهــا بكل صراحة تاريخية

الا ان في نــاس قلوبهم كبيرة واوفيــاء للزعيم رغم الهزيمــة راحوا يشجعون بكل حب

وبكل تفــاؤل ولســان حالهم يقول مايكفي ان بطولتنـــا ماكملت اسبوع واحد !!!

وغيرنا اذا خذا بطولة جلس يشجع ثلاثة شهور وممكن يشجع سنوات مثل بعض الافرقــة

الفقيــرة الي لليوم وهم محتفلين بمــاجد ومحيسن اللهم لاشمــاتة بس

والشي الثاني ان جمهور جدة معروف وش يشجعون ومعروفــة مواقف الزعيم معهم

واخراجهم من البطولات صحيح ان الكل استغرب من هالناس المتفائلة الي ماضربوا

حســاب للخسارة وطلعوا يشجعون بأعلامهم وسووا مواكب وقلبوا جدة فوق تحت

بس والله كان ودي كل الهلاليين يسوون مثلنـــا لأنا خسرنا من الشباب وكنا المركز الثاني

وطلعنـــا افرقتهم فريق فريق والشباب يعجبونكم أي شبابي يدخلون في عينة ويستلمونة

شرشحــة عشان كلكم عارفين مافية جمهور شبابي بالمملكة كلهم عشرة مشجعين

ثمانية منهم موظفين فالنادي واثنين انتقلوا الى الدار الآخرة لأنهم منومين بشهــار

واي واحد يقابلنا يهايط بالشباب وماخذ اعلامهم نوقفــة ونسئلة وش تشجع انت ؟؟؟

طبعــاً بيطلع يا اهلاوي حاقد او اتحادي حاسد وكل الفريقين مأدبهم الهلال هذي السنة

اذا كان اهلاوي ردينــا علية وش الشي الي صار يوم الاحد الي فات ؟؟؟؟

واذا كان اتحادي نقولة يابو اثنين طبعاًَ مهوب فيصل واحد ثاني غيرة

يعني نتيجة مبارتنــا معهم والشي الثاني نقولة من الفريق الي مطلعكم من الدوري ؟؟؟

خلاصــة الموضوع كل مارفع احد يدة وأشر بثلاثة والي هي نتيجة مباراة البارح

اشرنـــا بستة وهي عدد البطولات الي صاف فيهم الهلال فرق الدوري السعودي فريق فريق

المهم ما اطول عليكم هذي صور مصورهم انـــا لأحتفالات البارح وكلة لعيون الزعيم

وقبل كل شي ابيكم تعذوروني عشان قلة جودة الصور لأنهم بالفلاش والفلاش مايوصل بعيد

والليل ظلام والظلام مافية نور ونور لاعب وصخ عشان كذا الجودة مهيب بالحيل

يعني لكم عليها شوي من ناحيـــة الوضوح :

طبعــاً هذولا ماشاء الله عيني عليهم باردة شباب متحمسين ولا اهتموا في احد

وهذا منظر لبدايــة تجمهــر عشـــاق الزعيم والنواة الاولى للموكب

هنا الشباب سدوا طريق الكورنيش والمشكلة فيه ناس يتلزقون معهم اعلام شبابية بس مسكتينهم

ولايقدرون يقولن شي

شبـــاب في قمــة الحمــاس رافعين روسهم بالزعيـــم

من داخــــل الموكب

صورة طوليـــة للموكب بعد انضمام الكثير من السيارات لنــــا

تفـــاؤل كبير وروح مرحـــة بين الزعمــــاء

وهذولا الشباب الا يبينون فرحهـــم قدام الموكـــب بعد ماسدينـــا الشارع

في نهــــاية الموضوع اتمنـــى يارب تكون الصور والتقرير اعجبوكم

وما انسى اشكرك كل الرئعين الي قابلناهم البــــارح وشجعوا وكأن الهلال فائز

ونبي هذي الروح هي روح الزعمـــــاء دوم ووقوفهم مع فريقهم في حال الفوز والخســـارة

مثل بعض ....... وارفـــــع راسك انت هلالي

كل الود والتقدير

ابوجلوي

الأزرق 11 · #2 22/04/2006, 11:25 PM

مشكور عالصور ,,, وخيرها بغيرها ان شاء الله

الرياض14 · #3 22/04/2006, 11:28 PM

يعجبونك

على الحلوة والمرة

الرياض14 · #4 22/04/2006, 11:29 PM

يعجبونك

على الحلوة والمرة

أموووول · #5 22/04/2006, 11:33 PM

و عليكم السلام و رحمة الله و بركاته

بدر بن جلوي

هذا الأزرق و هذا جمهوره

بطولة راحت و ستة جات يعني ما يهم

و الجايات أكثر بإذن الله

بصراحة صوووور خطيرررره و دائماً

يعجبونك جمهورنا

بس ليش ما قلتوا قبل عشان أطلع أتفرج عليكم

يعطيك العافية أخوي و ربي يعوضنا بالأخير منها ...

الــهــايــم · #6 22/04/2006, 11:34 PM

الكبير كبير

واعتقد الخسارة امس مافيها شي

كنا نتمناها سباعية لكن الله ماكتبها لنا ان شاء الله نعوضها بالاسيوية

لوتس الهلاليه · #7 22/04/2006, 11:35 PM

أخوي بدر الله يعطيك العافيه على ها التغطيه

وإحنا دايم الدوم إنشاء الله رافعين الراس وزي ماقلت زكاة عنا

والله والنعم في جمهور الزعيم بجده والله كلهم على راسي

الهلالي رافع الراس · #8 22/04/2006, 11:37 PM

انا امس كنت مو جود وصراحةموكب كبييييييير وخسارة يريت الموكب كان على الفوز وهاردلك للهلال

النجماوي · #9 22/04/2006, 11:41 PM

الله يعطيك العافية اخوي على الصور

وشفنا امس الجمهور بعد الخروج من الملعب يسوون نفس الشي

أســتــاهــلــكــ · #10 22/04/2006, 11:49 PM

حلوووة سالفة الزكاة

وصراحه نشكرهم ونشكرك على الحماس الحلووو وليتني معكم في جدهـ

الله يعطيك العافيه

زعيمووف · #11 23/04/2006, 12:42 AM

من حقكم تفرحون رغم الخساره انتم تشجعون الفريق الذى حقق 6 بطولات من 7

alz3im_45 · #12 23/04/2006, 12:52 AM

ياحبيلكم ياجمهور الهلال
اقولكم جميعا يازعماء اللي مايكتب امره عسير
والبطوله ماكانت مكتوبه لنا
بس الحمدلله على كل حال
والجايات راح تكون احسن بحول الله وقوته
وهاردلك يازعمــــــــــــــاء

الهايلوكس الأزرق · #13 23/04/2006, 01:12 AM

حلووه اذا رفع واحد ايده

اشر بثلاثه وحنا نشر بسته هههههههههههههههههههه

هذي واله استانست عليه وبعدين الهلال لو ينهزم كل المباريات

خلهم يجبون بس نص بطولاتنا لانه الهلال زعيم بطولات وما سمي بهاللقب الا

انه حقيقة زعيم بطولات ومشكووور على الصووور وعلى مجهوودك

رعبوبة الزعيم · #14 23/04/2006, 01:22 AM

روعه..روعه..روعه..روعه..هذا أقل شي أقدر أقوله
مشكور أخوي بدر على الموضوع الحلو والصور الأحلى
ويقولك
...((نظرا لكثرة كؤوس الزعيم تم التنازل عن هذا الكأس))...

يلوموني فيك · #15 23/04/2006, 01:38 AM

موضوع بطل من بطل يابو جلوي ..

أجل نور