|
شوفوا حمد الصنيع وش قالي وهو نازل من المنصه المرفقات 1 السلام عليكم أولا هاردلك الهزيمه من الشباب وبيني وبينكم الشباب استحق الفوز بجداره غير كذا الشباب أكثر من ثلاث سنوات متتاليه متصدر الدوري السعودي يعيني فريق مكافح والي هون علي أمس أنه الي فاز الشباب ماهو الأتحاد ولا النصر المهم أنا مامشيت قبل المباراه انتضرت التتويج وكان الشبك الي ينزلون منه اللاعبين بعد استلام الميداليات كان فاضي بسبب الهزيمه قعدت عند الشبك بالراحه أنا ومعي عشرات الهلالين المهم يوم نزلوا لاعبين الهلال قعدنا نواسيهم لاعب لاعب ونقولهم ماقصرتوا و6بطولات كافيه الخ..... بس الي حزني تفاريس وهو نازل عيونه تدمع:cry: آآآآآآآآآآآآه ياتفاريس وياعيني على الإخلاص الي فيك بصراحه هالاعب كل يوم يكبر بعيني وأكثر اللاعبين شعبيه خالد عزيز يوم نزل كل الجمهور حيوا عزيز حيوا وكلهم ماقصرت ياأبوعزيز والي يقوله والله كفوا يالي مهجد الثور نور تحس خالد عزيز متفاجىء ماكان يتوقع أننا مقدرين له مستوياته ومشى يبتسم تحس أنه فرح بالتشجيع الي لقاه وهذه عادات الجمهور الهلالي الي يبدع نقوله أبدعت وال يخطأ نقوله أخطأت أما ياسر القحطاني ومحمد الدعيع تحس أنهم متأثرين بالهزيمه أما سامي الجابر يوم طلع الجمهور يقول سامي سامي وهو يقول كلكم على راسي بس ماتحس أنه حزين للهزيمه كان مبتسم للجمهور ويوم طلع الأمير محمد بن فيصل كل الجمهور يقولون أنت أحلى بطوله ياأبوسلطان وتفداك مليون بطوله الخ..... وعلى الرغم أنه تحس أنه حزين من الداخل بس كان يبتسم للجمهور ويتكلم معاهم ماأقول غير كبير ياأبوسلطان. الحين خلص دور الهلال جاء الدور على الشباب وبصراحه أمس كان جمهور الهلال الي عند المنصه قمه في الأخلاق وهو يحي لاعبين الشباب ويوقلهم مبروك ولاعبين الشباب أيضا كانوا قمه في الأخلاق وحسن معاذ يكلم الجماهير الهلاليه ويقولهم بطريقه مضحكه أنتوا ماشاء الله عليكم أخذتوا 6بطولات عطونا واحد بس ماتأثر فيكم ويقول الهلال والشباب عينان في رأس حتى شوفوه في الرياضيه وهو حاط الشيله الهلاليه والشبابيه على كتفه في قمه الروح الرياضيه وهو الي هون علي أمس قهر الهزيمه ولو كل الجمهور الهلالي شاف الي أنا شفته من لاعبين الشباب كان هانت عليهم الهزيمه حتى خالد البلطان مع أني كنت أكرهه بس أمس الرجل كان أخلاق وهو يواسي الجماهير الهلاليه الحين نجي لحمد الصنيع وهو نزل من المقصوره قبل لاعبين الهلال والشباب لأنه تسلم جائزه المركز الثالث المهم حمد الصنيع أول ماطلع من المقصوره كان هدوء ومافي صوت أنا من يوم شفت خشته تنرفزت وقلت يالصنيع بصوت عالي ويوم التفت على قلت له ياقليل الأدب بغيت أسبه سبه أكبر بس أخاف يرفع علي دعوه قذف:D تحس انه وجهه طاح من جد ياهو تفشل فشيله وجه صار أحمر من الفشيله بس مثل هالأشكال ماينفعلهم غير كذا المهم أنا الي بدأت الشراراه ولا الجمهور كان مسوي فيها أخلاق في البدايه يوم شتمته كلهم قالولي مالك داعي عيب بس شوفوا هالخسيس وش قال وهو نازل على الدرج قال أهم شي الهلال مافاز البطوله هذه أهم شيء وقاعد يضحك بطريقه استفزازيه عاد تشوف الجمهور كلهم قاموا عليه يوم قال كذا كلهم يالأندونيسي يالوسخ الله ياخذك,يكفي دقينا راس الجاموسه البلوي وبصراحه الصنيع أخلاقه سيئه للغايه ويحتاج يتربى من جديد المهم نتمنى أننا نكون ماطولنا عليكم بالموضوع وتلقون فرحه لاعبين الشباب في المرفقات مصورها من جوالي. |
الشباب على عيني وراسي اولهم الامير خالد والله يستاهل وانه كفو عن نفسي ابدا ماضيقني فوز الشباب اللي ضايقني المستوى السيء بس فدوه لزعيم ولاعبينه بطوله ماتضر بالنسبه لصنيع ماعليه شرهه سفيه |
المضيق صدري سببين الاول : كنت شافي يعني كنت متوقع أن الهلال ياخذ البطولات ونحتكر البطولات لمدة موسمين وخاصة أن هذا الكأس بسم الملك عبدالله الي غالي على قلب كل هلالي وسعودي وكل مسلم الثاني: المستوئ السيء الذي ظهر به الهلال رغم استحواذه على الكرة |
الصقيع إسم على مسمى بعدين تراه معذور ياجماعه لأنه إللي صار فيهم مو قليل |
الف مبروك للشباب وهاردلك للهلال يالله الحين ننسى اللي فات ونفكر في اللي جاي ترانا مشتاقين لكاس اسيا نبي الزعيم يرد من رحلته الطويله عن كاس اسيا اما بخصوص الشباب فهم يستاهلون لننا ما كنا حاظرين في جو المباراه وانا ما الوم اللاعبين بسبب ضغط المباريات المهمه والمصيريه اما بخصوص الشنيع فلا تعليق على هالاشكال غير كلمه سلاما سلاما |
الحين خلص دور الهلال جاء الدور على الشباب وبصراحه أمس كان جمهور الهلال الي عند المنصه قمه في الأخلاق وهو يحي لاعبين الشباب ويوقلهم مبروك ولاعبين الشباب أيضا كانوا قمه في الأخلاق وحسن معاذ يكلم الجماهير الهلاليه ويقولهم بطريقه مضحكه أنتوا ماشاء الله عليكم أخذتوا 6بطولات عطونا واحد بس ماتأثر فيكم ويقول الهلال والشباب عينان في رأس حتى شوفوه في الرياضيه وهو حاط الشيله الهلاليه والشبابيه على كتفه في قمه الروح الرياضيه وهو الي هون علي أمس قهر الهزيمه ولو كل الجمهور الهلالي شاف الي أنا شفته من لاعبين الشباب كان هانت عليهم الهزيمه حتى خالد البلطان مع أني كنت أكرهه بس أمس الرجل كان أخلاق وهو يواسي الجماهير الهلاليه و الله كبرتو بعيني يا تفاريس و معاذ و البلطان إلي كنت أكره |
الف مبرووك للشباب والله فريق يستاهل وتفداكم الف بطوله يالاعبينا. |
سنيئ مافي كويس هادا واهد سيم سيم بلوي مافي مسكله هلال مافي كاس ملك بس فيه كاس ولئ أهد و فيسل بن فهد والهين اسيا اهسن من اتهاد مافي ولا كاس مسكين ههههه |
الجمييييييييع تساهل بالشباب لاكن الشباب اثبت وجود مبروك للشباب |
مبروووك الشباب هاردلك ياهلال |
ألف مبروك لشباب المشكله قبل اسبوعين فايزين عليهم ؟؟ |
إقتباس:
|
الحقير |
| الوقت المعتمد في المنتدى بتوقيت جرينتش +3.
الوقت الان » 06:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd