#1  
قديم 19/04/2006, 07:56 PM
زعيــم مميــز
تاريخ التسجيل: 16/03/2003
المكان: الرياض
مشاركات: 3,238
يابشر انا خايف من يوم الجمعة من كثر الشماته +خذ من السواليف الي تبط تسبدك

ليس من عادة الهلال الشماته لكن هذه المرة زاد الامر عن حده

ويقول المثل لاتشمت ياشمات ربك حي ما مات

والشماته تعود لصاحبها بالخسران

اللي قاعد يصير بالمنتدى من التمهزر بالاتحاد

شي خايف من عواقبة

وش بلاكم هالمره مهتمين بالفوز على الاتحاد وتاركين النهائي كنكم ظامنين النتيجة

فزنا على الاتحاد ولاهي اول مره

لكن هالمرة تقول كننا فازين ببطوله

السالفه وما فيها

فريق عادي وهزمناه وانتهت السالفة

اللي بعده اهم منه

اكرر

الاتحاد ماض انتهى

علينا باللي بعد باكر

وعموما لاتشمت بأخيك فيعافيه الله ويبتليك

فاللهم لاشماته


الله الله بيوم الجمعة

اتركو الثمامه وخل التمشي هالمره بإستاد الملك فهد


على طاري الثمامه

وينك ياعبدالرحمن بن سعود

المهم

يوم الجمعة

لابد الحضور

ويالله فال خير
لو خسرنا هالمباراة تكون خاتمة شينه تضيق الصدر

الفوز يعنينيا الشي الكثير

نبي خاتمة خير آخر الموسم

واللي يريح البال اننا كل ماجينا نروح لكأس العالم يكون الهلال

خذ الدوري

ارجوا الا اكون واهم

اهم شي بعد

ان خالد عزيز

يكوش على اللاعب العراقي مدري وش اسمه

تراه مفتاح الفريق

وياخوفي بعد من التساهل او البرود

وكننا فايزين

انا مرتاع

ليش ما أدري

بس ربك كريم

ثمن لابد ان يلعب سامي هالمره

ترى وجوده

يزرع الثقه في الفريق

ويخوف الشباب

وازين هدف يجي منه

بالنسبه لي اطير من الفرحة

لان سامي ياسلام عليه

هذا الكلام واقوله

وانا ماش خايف

والدعيع يابعد عمري انتبه من العرضيات

والتمياط عليك بالعلم الغانم

وباص
المهاجمين وانتبه من الجزارين

وانت يالشلهوب تراهم حاسبين لك الف احساب بس ورنا شطارتك

واصقعهم بهدف يبرد القلب

ويا لاعبين ترى ياسر

يبي كور مدروسه

وما ينقصه شي

فعطوه ولاتكثرون التشويت في الهواء

وانت يا كامل الموسى
تراك المره الماضيه ترقل
قدام الاتحاد انتبه هالمره

وياسلام عليك ياتفاريس

افرسهم فرس

بس لاتجيب الكرت الاحمر

والله يهديك ياعمر الغامدي خذت كرت

وبتغيب عن النهائي الشكوى لله


وكماتشو موب عارف وش اقول بس ابقول ركز على الفاولات

وش هالعين اللي صكتك

واذا دخلت ياجمعان ترانا

نبي هدف مثل هدفك عام 1418هـ


وياجمهور اتركوا النوم

وشجعوا على طول

وان شاء الله نختمها بكاس جديده

ونفرح في تلك الليله

ولاتنسون الدعاء في ذاك اليوم تراه يوم جمعة

وياكثر من بيدعي علينا ذاك اليوم

ولكن الله ينصرنا عليهم

واذا فزنا

ترانا ها لمره نبي مكافأت

موب كل مره اللاعبين همانا الرقم الصعب
بس عشره مليون ريال ومشكورين








ويارب الفوز

وكذا نصّف البلطان وفريقه مثل ماصفينا البلوى وعبيده


بقي لاانسى موضوع مهم

وانتم طالعين من الاستاد فايزين

بأتجاه طريق الدائري الشمالي

ترى فيه عساكر متقعدين للي يسروعون تراهم صكوني بقسيمه يوم نفوز بكأس ولي العهد مع اني تجاوزت بس 120

وانا داري ان بعضكم بيقول يستاهل وتبون الجد ما استاهل لانني مااسرع بس ياشين الفرحة اذا زادت

وانا عارف انهم حاقدين يانصراويه او من اعداء الهلال اين كان

والسلام

يا معاشر الزعماء
اضافة رد مع اقتباس
  #2  
قديم 19/04/2006, 08:14 PM
الصورة الرمزية الخاصة بـ هلالي بحرة
زعيــم نشيــط
تاريخ التسجيل: 02/09/2005
المكان: جدة غير
مشاركات: 602
يعطيك ألف عافية أخوي وفعلا الشماتة ماهي بزينة لكن الاتهاد يستاهل ههههههههههههههههههههههههه
اضافة رد مع اقتباس
  #3  
قديم 19/04/2006, 08:16 PM
زعيــم فعــال
تاريخ التسجيل: 25/05/2004
مشاركات: 489
كلامك صحيح بس الفوز على الاتشاد المره ذي غيررررررررررر له طعم غيررر طبيعي
السبب هو اننا قهرنا فريقين ماهو فريق( الاتشاد والنثر) وقهرنا النثراويه والاتشاديه واولهم صرصور البلاوي
الكل عارف ان الهلال حاليا محارب من النثر والاتشاد ويحاولون بكل الطرق انهم يوقفوونه ( بعيده عليهم )
لكن الحمد لله جاء الرد قاسي من رجال الزعيم وعلموهم لو تتفق جميع الانديه على الزعيم ما راح يقفوون ضده(الكبير كبير)
على شان كذا جميع جماهيررر الزعيم مستانسه وناسه غير طبيعيه
اما الاتشاد متعودين على هزيمتهم ماهي اول مررره هم دايم بوابه لنا للوصول للنهائي



مشكووووووووووووووووووور
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:21 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube