#1  
قديم 02/09/2006, 09:58 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool بهدوء وروية اجابات منطقية تهم الشعوب الهلاليه ((( بربسه)))

الســــــــــــــــــــــــــــــــــــــلام

في البدايه احب أن أحيي جميع الاقلام العاقله في هذا المنتدى

وبعد المقدمه أحب ان اطرح عليكم سؤالين أثنين (( أجب بصح أو خطأ))
<====( مستقبل مدرس)
س1/ هل تعتقد ان الهلال محارب من الاتحادين السعودي والأسيوي ؟؟
س2/هل ترى ان الإدارة الهلاليه تحابي (( بدري على اللي في بالي يفهم وش معناها )) بعض نجوم الفريق كالكابتن سامي الجابر ؟



انا بجاوب من وجهة نظر شخصيه تحتمل الخطأ وتحتمل الصواب



الاتحاد السعودي لكرة القدم جهاز يسير وفق مقولة (( شد لي واقطع لك ))

يعني بالعربي الدعوى كلها مصالح وتسيير امور شخصيه اما رياضة الوطن وسمعة الوطن هذا يجي بعد المصلحه الشخصيه
واذا صار فيه استنكار وانتقاد طلع لنا واحد قال نحن نسير وفق خطط مدروسه

اي خطط واي خرابيط ونتيجة الخطط نجي بالمركز 81 لا ومستانسين بعد مباراة الهند حطونا بال 75 وتجيك شلة المطبلين والمطهبلين وخذ يا مدح

* محاباة (( اقول ابو سعد انت وابو عمار افلقني بعجرا يا شيخ اذا فهمتوا )) بعض الانديه على حساب المنتخب او الاندية
الاخرى

الاتشاد كمثال

في بطولة كأس العالم للانديه
تفريغ لاعبي الاتشاد من المنتخب وتعطيل الدوري بتأجيل حوالي عشر مباريات وفي النهايه يجيك الثور منصور ويقول حنا مادعمونا

الله آبوك يالدب غيروا القوانين واحرجونا مع بلاتر والاتحاد الدولي

حتى بلاتر يسولف لي يقول وش شغل ذا البزور اللي عندكم كل شوي مغيرين قانون خلاص ثلاث لاعبين يعني ثلاث لاعبين تحطونها سته ليه

(( كن ذا الزياده فيه احد فاتح عينه كلهم سبايك والدليل مقلب النصر بالهديه))

والهلال يا حظي يعطون لاعبينهم اجازه ويقولون اقعدوا في بيوتكم ولا تلعبون مع الفريق (( طيب الفريق في مهمه خارجيه فيها تشريف الوطن )) (( يقولك لا المنتخب اولا ))

ويوم عطونا الخمسه في مباراة العين طلعت عناوين بالجرايد تقول يله ورونا ازعجتونا نبي لعيبتنا ورونا وش بتسوون

ياخوك لعيبتنا وانتم معطينا من حلالكم شي ويوم فزنا قالو كلها بفضل الجهود المبذوله والخطط العلمية المدروسه
اقول سقها انت واياه




نجي لاتحاد فلمبان وشلته

اوصخ اتحاد في الدنيا

اتحاد يقول وين الرشاوي معه

اتحاد يقول اللي عنده دراهم اكثر هو الزعيم هو البطل هو اللي يامر وينهي

أجل بن خمام هو وخشته يقول وين زعيمكم اللي حتى الخليجيه ماتأهل للدور الثاني

جوائز تروح لابو ضحكه جنان هو وعلكه ونقول يستاهل اهم شي أنه سعودي (( أبطت بس يالله وش نسوي ))

القاب معيي يعطيناها ونقول مسيره يرد ويعرف ان الله حق

تحكيم ملعون خامس وغش عيني عينك وفريق مايحكم له الا حكم واحد

وكل ذا ويقول انتم يا المتخلفين يالدلوخ خلوكم مثل كوريا واليابان خلوكم محترفين زيهم
اقول له رح نظف اتحادك وتعال تكلم

نجي للسؤال الثاني

كلنا نعرف الكابتن سامي الجابر ومدى اهميته لو انه تاكي على دكة الاحتياط
بعض الناس قام يشب ويهاوش ويقول وش حيث سامي قاعد في فرنسا ويوقع
لا وموسم واحد بثلاث ملايين ولا جا يتدرب

اقوله سقها وانت دافع من جيبك شي
بيقول حتى ولو اخاف تتأثر نفسيات اللاعبين
اقوله ابد ما على الهليل حسوفه ان كانها بتتأثر نفسيته(( يا بعدي يبو هليل اخبرك حساس من يومنك صغير ))
بقريح كوده يخلي الهلال ويروح للفيصلي(( اي واحد يتنسق يورح للفيصلي مدري ليه حتى يقولون ماطر وقلب الاسد شريفي ناوين يروحون ))

سامي بن عبدالله الجابر
لاعب له من الانجازات الشخصيه مايفوق بعض الانديه السعوديه له من الالقاب مايجعل بعض الناس يرتفع ضغطه اذا شافو صورته
رجال خدم الهلال بكل ما يملك كم مره سامي اهداك بطوله كم مره سامي انقذ الفريق بعد توفيق الله من هزيمه محققه ولك في نهائي الشباب خير دليل

عشان كذا مستكثر عليه ثلاث ملايين وتكية في فرنسا
سامي ان كانك تبي زود ترى معي ميتين

الهلال اللاعبين فيه سواسية
بس الاختلاف فيه بالعطاء يعني لاعب زي عزيز بتعطيه من الاهتمام زي الهليل (( ياذا الهليل اللي ذابحك ))
ولا المفرج ادام الله عليه لباس الصحه والعافيه او خليل

يعني بتعطيني مردود وبتطامر في الملعب ابشر بالتقدير والاحترام لاكن بتجي وتخنبق وبتقول حبوني اقول بدري عليك يبو هليل

مابين السطور

* الخروج من الخليجيه له اسباب كثيره منها قناعات المدرب الله يهديه اجل ابو هليل لاعب خبره وهو مايعرف يثبت كوره
*التشكيله متغيره كل شوي مره في الدفاع مره في الوسط ومره في الهجوم ماشفنا الا حسن اساسي

* المفرج (( بالله اللي يعرف رقمه يعطيني ابي اخليه يحللني يا اني اقطع فيه قايم قاعد )) اقول ابو مفرج الله يحلل الحجاج عند ولده والله يوم شفت مطرسة احمد خليل وانا اتحسف على الكلام

* المفرج لاتحسب انك تفت لاكن انت افضل السيئين يعني لو يجي واحد اطلق منك جنب تفاريس بحشك

* الهليل بالله دور لك اي خانه الا المحور واللي يرحم والديك يا شيخ

* المرشدي اظبط لعبك ولا تتقدم واجد وصك رجولك عن الكباريات وانا اشهد انك بتصير بطل

* الجري لو تبطل تسحيب وتناول كورتك بسرعه اظمن لك مستقبل كويس

* تفاريس ياحليك وانت راس حربه قسم بالله انك رهيب اجل ناوي تسحب باللي قدامك الا اقول كيف الحال

*عزيز ياخي اقدرك انت ودمجتك (( عادي امون ))ياخي لاعب ماعنده مهارات حتى المره الوحيده اللي سوى فيه كعب طلع اصابه بس يعجبك قتالي لابعد درجه

* نواف تصدق مالك داعي ياخي وين نواف المقاتل اللي يلاحق الكوره ابو بندر ارجع كما كنت

* الجمعان ياخي انسان غريب راهنت عليه ولا مليون مره وقلت انه فنان بس ماش ابو جمعان مزاجي مره محد يوقف في وجهه ومره يضيع بالملعب

* الخراشي الله يوفقك

* الموري انشاء الله بيرجع من الاصابه وبيبدع

* نجي للمدرب
ياخي احس انك داهيه فلته رهييييييييب بس ماش ماشفنا شي على ارض الملعب
اشوفك مرسم وطلق البدله قبل المباراه اتذكر العجلاني يوم نهائي ولي العهد يوم يجيك مرسم وفي النهايه هزمناهم (( لعد تشبه والله يرحم والديك )) لا بس اشوف خططك احس انك ماعرفت الفريق صح
بس الامل برجوع لعيبة المنتخب ونحكم عليك

* رئيسنا الرهيب محمد بن فيصل
اقول خل عنك الدلع وكل شوي مروعنا تقول ابا اخلي الهلال ترى فيه ناس تبي ذا اليوم باللي هي به

* نائب الرئيس المهندس طارق التويجري
ياخي يوم شفتك امس وانت حاجر المقدم وترد عليه ردود خلته يصرف ويطلب اتصالات الموضوع هذا يبيله موضوع خاااااااثر

برايفت للزهراني مقدم برنامج مداد التعصب اقول بدري عليك تصير مثل بتال القوس حتى لو مسكت ذقنك وحاولت تنكت وتستفز الضيف ترى التميز بالتلقائيه والأبتكار (( مايمديك يا .............)) موب بالتقليد

* باقي اعضاء الاداره الهلاليه ياحبني لكم والله

* جوال الزعيم ......... خير وش السالفه وين جواله الزعيم الموسم الماضي وين جوال الزعيم بكأس العالم اشوفكم كنكم طفيتو شوي

تراي دافعن لكم دراهم بلا خنبقه

* قناة الزعيم تراكم ابطيتوا علينا
بس فله لو ما يجيك الا حقوي يطربك

*فيصل ابو اثنين

ياخي احبك واثمن كتاباتك الرائعه


اعذروني على الاطاله
وموعدنا في مواظيع قادمه وبطولات قادمه
يالله فتكوا بعافيه
* للي لما الحين قاعدين يقرون
صراحه عشانكم صبرتوا وتحملتوا لكم جاءزه بس تجاوبون على سؤال واحد بس
س3 كم مره جبت طاري الهليل في الموضوع؟؟

اخر تعديل كان بواسطة » maanmaan في يوم » 03/09/2006 عند الساعة » 09:25 AM السبب: كل اللي دخلو ردوا على العنوان وجحدوا ام الموضوع
اضافة رد مع اقتباس
  #2  
قديم 02/09/2006, 10:09 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
الموضوع طويل وانا مواصل من امس ما نمت اذا صحيت من النوم قريت موضوعك يعطيك العافيه على البربسه


لي رجعه
اضافة رد مع اقتباس
  #3  
قديم 02/09/2006, 10:46 AM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
بربس وانا خوك

تصدق عاد انت سئلت اسئلة وجاوبت عليها

خلاص ماعندي اجابات اكثر من اللي قلتها

يامبربس


اضافة رد مع اقتباس
  #4  
قديم 02/09/2006, 12:09 PM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool

الاخ خالد

في انتظارك

ولا تبطي




السهم السعودي
ابأبربس لعيون الهلال

مشكور على المرور
اضافة رد مع اقتباس
  #5  
قديم 02/09/2006, 12:13 PM
زعيــم مميــز
تاريخ التسجيل: 24/07/2005
مشاركات: 14,960
لاتعليق

لان الموضوع طويل ولا قريته
اضافة رد مع اقتباس
  #6  
قديم 02/09/2006, 12:40 PM
زعيــم مميــز
تاريخ التسجيل: 02/12/2005
المكان: جده
مشاركات: 3,427
موضوعك رائع ومدامك جديد على الشبكه اتوقع لك مستقبل كبير في شبكت الزعيم

بس يخوي علامك على الهليل

جواب سؤالك الاول ( نعم ) الهلال محارب من الاتحادين الفاسدين

وجواب السؤال الثاني ( نعم ) ويستاهل سامي كل خير

اما سؤالك الثالث ( تعبت وانا اعد كم مره جبت اسم الهليل )
الهليل لاعب قلب دافع جيد جدا وسيكون له مستقبل كبير لو اخذ الفرصه الكامله

بس مع هذا المدرب الي نكبه ولعبه محور اتوقع ان نهايت الهليل على هذا المدرب
الله يستر على الهليل



وشكرا
اضافة رد مع اقتباس
  #7  
قديم 02/09/2006, 12:46 PM
زعيــم فعــال
تاريخ التسجيل: 13/04/2006
المكان: الـــــــــــــرياض
مشاركات: 499
يعطيك العافية ع البربسة

وبعد المقدمه أحب ان اطرح عليكم سؤالين أثنين (( أجب بصح أو خطأ))


الحمدلله ان مافيه مع تصحيح الخطأ
اضافة رد مع اقتباس
  #8  
قديم 02/09/2006, 02:09 PM
الصورة الرمزية الخاصة بـ ♫ ROMAntico
زعيــم مميــز
تاريخ التسجيل: 24/07/2006
المكان: a l z a e e m
مشاركات: 2,832
الله يعطيك العافيه ..بربسه ولا أروع

أتوقع بيكون لك مستقبل كبير في مجال البربسه

نجي للاجوبه :

ج 1_الهلال محارب من اتحاد الخطط المطروسه واتحاد بن خمام بعد مايبيلها كلام

ج2_سامي يستاهل كل خير..مافيه شي خساره على ابو عبدالله

إلا ياخوي وش فيك على الهليل ..شوي شوي على الولد
اضافة رد مع اقتباس
  #9  
قديم 02/09/2006, 07:14 PM
زعيــم فعــال
تاريخ التسجيل: 21/09/2005
المكان: الرياض
مشاركات: 324
شكرا كتيررررررررررررررررررررر

اشكر كل من رد على الموضوع وماقصرتو
اضافة رد مع اقتباس
  #10  
قديم 02/09/2006, 07:46 PM
الصورة الرمزية الخاصة بـ زعيم زعيم زعيم
زعيــم مميــز
تاريخ التسجيل: 01/05/2005
المكان: الرياض
مشاركات: 2,411
كلام جميل.
اضافة رد مع اقتباس
  #11  
قديم 02/09/2006, 08:04 PM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,524
يعطيك العافيه

والاسئله انت جاوبت الله يريح بالك
اضافة رد مع اقتباس
  #12  
قديم 03/09/2006, 08:33 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
تـــــــــــشـــــــــــكـــــــــــرات كثيرات للي ردوا

الاخ سور الهلال
اهم شي شفناك

الاخ الفارس

تسلم انشاء الله
وانا ماقلت شي في الهليل بس واللي يرحم والديه لا يلعب محور تراه يضيق الصدر من جد

ومشكور على المرور

الاخ شوق الزعيم

مشكور وما قصرت

الاخت القمر الهلاليه

انتي اول وحده تجاوبين

<====(( ونت خليت احد يجاوب))

بس الهليل ماكل علي دراهم وحبيت اطب فيه شوي
مابيني وبين الهليل اي شي الا انه ضيق صدري في ذي البطوله بس

الاخ ثلاث زعيمات

مشكور على الطله

الاخ الرايق

تسلم وما قصرت

يالله فتكوا بعافيه
اضافة رد مع اقتباس
  #13  
قديم 03/09/2006, 08:56 AM
في انتظار تفعيل البريد من قبل العضو
تاريخ التسجيل: 23/04/2005
المكان: جـدة غيير ..!
مشاركات: 5,001
بربس يارجال محد يمك
اضافة رد مع اقتباس
  #14  
قديم 03/09/2006, 10:28 AM
زعيــم فعــال
تاريخ التسجيل: 20/05/2005
المكان: في الرياض
مشاركات: 417
الموضوع جميل جدا ويعطيك الف وخمسمائة عافية وسلمت اصابعك ويهون مخك
بس انت نسيت لاعب مهم ماذكرته الا وهو النمساوي احمد الصويلح يقولون انه بيشارك في دورة جمباز هو صدق


ملوحظة : الي عنده توقيع زايد وما يبيه يتصدق علي تراني في حقه
اضافة رد مع اقتباس
  #15  
قديم 03/09/2006, 10:57 AM
زعيــم مميــز
تاريخ التسجيل: 01/05/2005
المكان: تحت قدم أمي
مشاركات: 1,757
مشكور
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:58 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube