والله يا هو زعيم

ألف مليون مبروك الفوز وإن شاء الله البطولة هلالية
يا سلام عليك يا زعيم 6 بطولات والسابعة في الطريق إن شاء الله

سابع نهائي محلي على التوالي ... رقم قياسي لم يسبق لأي فريق في العالم أن حققه ..

يا قطاوة شفتوا الزعيم وأفعاله .. هذا الزعيم رجال اقوال وأفعال مو كلام وهذره وهبال ..

زعيم نصف الأرض زلزلهم طول وعرض .. والله يا هو زعيم ...

غاب الذهبي نواف وغاب السفير سامي وتكفل البقية بالقطاوة .. وعطوهم درس لن ينسوه ..

جايين يلعبون على بالهم يبون يفوزون على الزعيم .. قل لهم يخسوون مالها إلا هلالها .. ورجالها ..

روحوا إلعبوا بعيد إلعبوا مع ناس على قدكم .. وفي مستواكم ..

عطيناكم تسعين دقيقة تلعبون فيها على راحتكم لكن وجيهيكم مو وجيه فوز ولا بطولة .. اللهم لا شماته ..

على هالكلام .. جتني رسالة على الجوال طريفة جداً .. قد تكون قديمة بس حلوة أبي اقولها لكم ..

يقولك فيه واحد اتحادي راح البوفيه وطلب عصير عطاه العامل العصير في كيس .. قال له الاتحادي ليه عطيتني في كيس قال العامل انت اتحادي وجهك مو وجه كاس .. حدك كيس ويخب عليك .. هاهاهاهاها

الكبير كبير يا بو سطان ....

في تصريح قوي جداً .. لأميرنا الحبيب .. بعد المبارة .. قال :::
تركنا لغيرنا الكلام والتصاريح والتشكيك في بطولات الزعيم .. ونحن بطولة تلو بطولة أفعال داخل الملعب مو كلام وهذره .. وقال :: على نياتكم ترزقون .. نعم على نياتنا نرزق فنحن الهلاليين نوايانا حسنة .. وليست كما اصحاب القلوب السوداء...


والله قوية يا عصام الشوالي ..

اخبرنا أحد الأخوة ممن تابعوا مباراة الهلال عبر art بأن الشوالي قال كلام في الصميم وقوي وله معاني كثيرة .. ومن قوله ..
أنه كان يتمنى أن يحق الهلال أو الشباب أو العين للبطولة الآسيوية وأن تكون عربية وأن يحقق اتحاد جدة البطولة أيضاً .. (( اللبيب بالإشارة يفهم .. ))..

عزيز اطفئ نور الاتحاد وتفاريس خلى كالون كما البالون نفخوه إلين أنفقع ...

ياسر والشلهوب : ترى ما معنى قفز حواجز يا ناس ارحموهم خليتوهم شوارع .. والله عقدتوهم ..

ويبقى الهلال عقدة الاتحاد الأبدية ..

ويا اتحاد دور ناس على قدك .. ولا تحتك بالزعيم عمك ...

جماهير الزعيم .. والله يا إنكم رقم صعب فعلاً .. والله يعطيكم العافية ...

والله يا ألحن محظوظين بأعضاء الشرف قمة الدعم وقمة العطاء .. والله يعطيكم العافية ..

أبو سلطان محبوب الجماهير .. الله يخليك لنا ويعطيك العافية يا رب.. جن الملاعب والله جننتوهم . حتى رئيسهم تراه صار يكلم نفسه .. ويقول ضاعت فلوسي يا ...... ((هلال ... خسارة .. يوه وش أسوي فيهم .. هذولا ما لهم حل .. ))

المهم ألف مبروك الفوز وإن شاء الله البطولة قريبة .. بس نبغى وقفتكم يا أيها الرقم الصعب .. الجمعة القادمة ..


الحمد لله على الفوز .. ولئن شكرتم لأزيدنكم.. عليكم بالشكر والحمد .. فكل هذا بفضل الله سبحانه وتعالى ...