۩۞۩ استسلام 6 حراميه في استاد الملك فهد ، يوجد صور ۩۞۩ - نادي الهلال السعودي - شبكة الزعيم

محمد البرقاوي · #1 17/04/2006, 07:26 PM

فالبداية مباركين بالفوز وان شاء الله نبارك لبعض بالكاس السابع << والله من الطمع مايشبعون بطولات

القصه ومافيها انه (( تم في مساء البارحه الاحد استسلام 6 حراميه في استاد الملك فهد ))<< تنفع متحدث رسمي

واليكم البيان الرسمي :

بتوفيق من الله ثم بتظافر جهود رجال الزعيم اسفرت العمليه التسحيبيه التي قام بها القناص

<< هذا اللي يطلع في الافلام الاجنبيه وبرصاصه وحده يصيب الهدف

وبحضور اكثر من خمسين الف جندي للحفاظ على حقوق الزعيم ، اسفرت عن استسلم ستت << هي صح تنكتب كذا

حراميه كانوا قد تسللوا الى بلاد الزعيم << وين الجوازات عنهم

بهدف العبث والافساد وسلب حق من حقوق الزعيم

<< والله ان يبطون

عاد مالكم فالطويله << اقول ورى ماتخلص بس
المهم ان القناص وبحركه تسحيبية سينمائيه اجبر سته منهم على الاستسلام الاجباري وبدون شعور
ومن باب اخذ الحيطة فسوف اقوم بنشر صورهم لكي يكونون عبره لمن يحاول مجدداً التطاول على بلاد الزعيم وان هذا المصير سيكون مصيره

اولا

المدعو : سعود كريري
حاول عابثاً ايقاف القناص ولكنه تذكر ان الحكم ماهوب نفس الحكم في مباراة الدور الثاني !! فما كان منه الا الاستسلام

ارفع يدينك مضبوط لو سمحت

شاطر ياكريري تسمع الكلام

ثانياً

المدعو : رزا << يعني رضا

تكررر
حاول مثل زميلة السابق ولكن الموضوع طلع من يده فستسلم

ثالثا
المدعو : حمد المنبرشي << افضل لاعب في اسيا

وعلى غير عادته وطبعه الانبراشي يرفع رايه الاستسلام بعد اجزاء من الثانيه من رؤيته لزميله تكررر وهو يقول كله كله << يعني خله خله

لا تنبرش تكفى الحكم اجنبي

<< متى ياحكامنا تنصفون الزعيم

عفوا ابو منبرشي ممكن ناخذ لك صورة ثانيه لان ساعه الشاشه غطت على وجهك

اوكي كذا حلو مع ان مافيه فرق بين الوجه والمقفى

رابعاً

المدعو : مناف ابو شقير
عاد هذا يالربع ماله اي علاقة فالعمليه التسحيبية بس صكته ام الركب من المنظر اللي شافه واستسلم

خامساً
المدعو : مبروك جالك قلق

قصدي مبروك زايد
طبعاً الصوره القادمه لاستسلام جديد من نوعه لذا المرجوا من اصحاب القلوب الرهيفه طمر المشهد للي بعده

استسلام على السداحي << يعني بالعربي محطبه القناص وسدحه

وبعدين استسلم << كان من اول يعني لازم تتمرمط

سادساً
المدعو: ما اعرف اسمه ولا رقم لوحته

بس يورالي انه الظهير الايسر

المهم ان ذا المدعو حاول عابثاً ولكن كنهاية الطقم اللي قبله فضل الاستسلام

انتهى البيان الرسمي

...............................
فاصل (( كلام الصوره ))

بالله عليكم ماكنهم يرقصون العرضه الجنوبيه لعيون ياسر

سؤال المليون :
ليه مبروك زايد منسدح على بطنه ومدنق براسه فالارض ؟

الخيارات :1 / ماخذن له غطه << يعني مقيل فالليل

2 / منفشل من السحبه

< ودنها هاشميه

3 / مساهم فالمواشي وشافها قدام عينه تقفل نسبة تحت

4 / جميع ماتقدم

......................................
وبس والله الله بالردود والتعليقات السنعه

هلالي و مانشستراوي · #2 17/04/2006, 07:34 PM

يعطيـــــك العافيه ووالله ضحكتني هههههههههههه

ريان9 · #3 17/04/2006, 07:44 PM

المنتشري اكيد يحل الواجب
ههههههههههههههههه
يعطيك العافيه

تركي هلالي موت · #4 17/04/2006, 07:48 PM

هههههههههههههههههههههههههههههههه
اعجبني القناص يوم سحب الحارس على خشته
مشكور يابعدهم وتسلم والله لا يحرمنا من ابداعك

angel on earth · #5 17/04/2006, 07:55 PM

ههههههههههههههههههههههههههههههههههههههههههههههههههههههههههههههههههههههههههههههههههههههه

احلى مافيها رقصت العرضه

تاج كل هلالى · #6 17/04/2006, 08:01 PM

هذا الزعيم ولا بلاش

وحيد الشوق · #7 17/04/2006, 08:07 PM

القناص رقصهم
اجل المنتشري افضل لاعب في اسيا !!!

نديم الهلال · #8 17/04/2006, 08:07 PM

إقتباس


	رابعاً المدعو : مناف ابو شقير عاد هذا يالربع ماله اي علاقة فالعمليه التسحيبية بس صكته ام الركب من المنظر اللي شافه واستسلم

ذي الصورة ضحكت عليها من جد وش دخلها يرفع يده بس الخوف مليح

يبيلك تحط تحتها مقطع عادل امام في مسرحية مدرسة المشاغبين

بتحط نفسك في مواقف بايخه

يعطيك العافيه ...

وفكنا الله من الانبراشات المعتاده منهم ...

السهم القناص · #9 17/04/2006, 08:17 PM

هههههههههههههههههههههههه

مبدع في تعبيراتك

الله لا يحرمنا منك

nasoory · #10 17/04/2006, 08:18 PM

هههههههههههههههههههههههههههههههههههههههههههههههههههههههههههههههههههههههههههههه

وش السالفه استسلام جماعي

مشكووووووووووووووور عالصور والتعليق

أزرق عجب · #11 17/04/2006, 08:19 PM

هذا الرد السنع

(( إنما المؤمنون إخوة ))

إنما المؤمنون إخوة

سام15 · #12 17/04/2006, 08:24 PM

هههههههههههههههههه

الله يصلح الحال

كـحـيـلان · #13 17/04/2006, 08:28 PM

والله ما ني من النوع اللي يحب الشماته . . . .بس من جد ضحكتني كثيييييييييييييييييييييييييير
....
...
..
.
.
.
.
.
لوووووووووووووووووووووووووووووووووووووووووووووووووووووووووووووووووووووووول
..
.حلو لما يكون موضوع كذا يضحك بدون قلة ادب وأخطاء على الناس (( بس فيه شوي )) . . احذف حقت الجوازات لكي لا نجرح مشاعر اخواننا . . كلنا مسلمين وعيال بلد واحد الله لا يفرق بينا .
...
..
.
والف شكراً لك

كـحـيـلان · #14 17/04/2006, 08:41 PM

والله ما ني من النوع اللي يحب الشماته . . . .بس من جد ضحكتني كثيييييييييييييييييييييييييير
....
...
..
.
.
.
.
.
لوووووووووووووووووووووووووووووووووووووووووووووووووووووووووووووووووووووووول
..
.حلو لما يكون موضوع كذا يضحك بدون قلة ادب وأخطاء على الناس (( بس فيه شوي )) . . احذف حقت الجوازات لكي لا نجرح مشاعر اخواننا . . كلنا مسلمين وعيال بلد واحد الله لا يفرق بينا .
...
..
.
والف شكراً لك

الفضلي · #15 17/04/2006, 08:50 PM

الله لايعطيك الا كل خير وعافية

تمزع بطني من الضحك كل مقطع احسن من اللي قبله.
مجهود كبير يستحق الشكر والتقدير.