بسم الله الرحمن الرحيم ..
بعد ان شاهد الجميع أحداث الملحمة الكروية في استاد الملك فهد الدولي بين الهلال والاتحاد ..
أعتقد من حق جميع الهلاليين ان يرفعوا رؤوسهم و يصرخوا بكل فخر .. أنه لا يوجد فريق سعودي ينافس الزعيم .. لا اتي ولا اهلي ولا نصر ولا غيره ..
***
بالنسبة للدوخي والله اني حزنت عليه ..
يعني كان لك عزك عندنا يا دوخي .. أسألك بالله هل حفنة الدراهم اللي اخذتها تستاهل كل ما حصل لك في الاتحاد ..
يعني بدون مكابرة .. هل تشعر انك تعامل في الاتحاد كما كنت تعامل في الهلال ..
عندنا كان لك قدر عند الجمهور .. وكان لك احترام عند اللاعبين ..
أما الآن أرجوا منك الدخول لمنتديات الاتحاد و تشوف بعض الردود من الناس في الموضوع اللي عنك ..
أو مواضيع اخرى تتحدث عن المباراة .. اللي يطالب بتسريحك .. واللي يقول لاعب ليس لديه تفكير .. واللي مدري وش يقول ..
هذا غير قصتك المنتشرة مع محمد نور في غرفة الملابس .. الله اعلم عن مدى صحتها .. لكن اللي ابي اوصل له .. انه كان من الاولى انك تقتنع بالثلاث ملايين المقدمة لك و تقنع .. لكن المثل يقول الطمع يقل ما جمع .. و من طلع من داره قل مقداره ..
***
ياسر القحطاني .. في بادئ الأمر وضعنا ايدينا على قلوبنا .. خاصة انه في بداية الموسم كان مستواك نااااازل نزول مخيف .. و لكن الآن بعد موسم كامل من المشاركات مع الزعيم أعتقد انك المهاجم الشاب الأول في المملكة .. يا شيخ تستاهل بدال العشرين مليون 120 مليون .. لا منتشري فاد ولا تكر نفع .. يعني مرورك بين كريري و تكر والمنتشري و كل واحد فيهم يرفع يده كأنه يستسلم .. وش مطلع عليهم انت ؟؟ لا يكون مخبي الفرد في الشورت ولا شي :D
***
رسالة الى جمهور الهلال العريض .. تكسرت السيارات .. وانفلقت الرؤوس .. و تروع الاطفال .. و مع هذا كله حضور أكثر من رائع ..
لكن رجااااائي لكم .. لا تفرطوا بالفرح .. و لا تجعلوا اكبر همكم الفوز على الاتحاد .. ولا تستهينوا بنادي كبير مثل الشباب .. (أتكلم عن العناصر الفنية دون الدخول في معمعة الادارة الشبابية و التغييرات المخيفة فيها :eek: )
الاتحاد كان اكبر همه الفوز على جاره الأهلي .. فأقام المعسكرات .. والتصاريح النارية .. وغيرها امور كثيرة .. و حصل لهم ما عملوا من اجله .. فأقاموا الافراح والليالي الملاح ابتهاجا بفوزهم على الأهلي .. ونسوا ان تجاوز الأهلي هو وسيلة للوصول الى البطولة وليس هدف بحد ذاته ..
في اعتقادي ان لاعبي الهلال أكثر وعي من لاعبي الاتحاد .. و ان شاء الله يبيضون الوجه في النهائي .. و ان شاء الله نحقق سابقة تاريخية بالفوز في جميع المسابقات المحلية لموسمين على التوالي .. بالتوفيق للجميع ..