بسم الله اولا واخيرا
يا ناس تعبنا وحنا نبارك لبعض والله الواحد يمل من كثر ما يقوله لذلك منب قايلكم مبروك لانه صار شي عادي
اثبت رجال الهلال انهم بالفعل زعماء وقد كلامهم ووعودهم بس هالمره كان الطعم غير لانه وبكل صراحه جا الفوز على خصم جدا عنيد وخلانا على اعصابنا لنهاية المباراه لكن من جد احمد الله اني هلالي
لاعبينا كلهم كانوا نجوم ابتداء من الاسد الدعيع وحتى البرقان اللي انتقدوه البعض انقذنا من اكثر من كره خطره
الواحد يحتار من يرشح احسن لاعب
هو الدعيع اللي افتدى بنفسه عشان يخلص اخر هجمه ولا ثلاثي الدفاع تفاريس والمفرج وخليل ولا اظهرتنا الموسى والخثران ولا مهندسين الوسط بقيادة عزيز اللي خلا نور يصير ظلام والغامدي البطل والشلهوب الموهوب ولا هجومنا القناص ابو قحط....باختصار كلهم نجوم
صح لسانك يابو سلطان من جد الدب وذبحناه والنمور وقتلناهم..صاروا قطاوه على قولة خوينا منص
الله يقطع سواليفك يا منص
اكثر ما ضحكت عليه بعد المباراه لقطة الجمعان وهو يطرد الاتحاديين ههههههههه ليته ماسك كل لاعب ومعطيه شوته يوصله لجده اوفر لهم من الطيارات بس المشكله بدبهم البلوي يبيله يجتمعون عليه عشره من طقة الجمعان عشان يشوتونه وليتهم يوصلونه
عذرا للاطاله بس منبح صوتي ما قدرت اتكلم فلذلك عوضت بربرتي بالكتابه ودام اني هلالي يحق لي اقول اي شي صح ولا لا
صورت شقتنا قبل المباراه وودي اوريكم اياها بس ما اعرف اذا ما عليكم امر ابي احد يعلمن (يعلمني لغير المتحدثين بالقصمنجي) وشكرا