[ .. الزواج عبر الانترنـت .. ] - نادي الهلال السعودي - شبكة الزعيم

فيصل · #1 11/04/2006, 05:58 AM

[align=center]*
*
*
صباح/ مسـاء الخيـر
شخبـاركم ان شاء الله عال العال ..

على غيـر العاده من سمونا الكريم بااطلع من المواضيع الفكاهيه
وابدخل في موضوع جاد شوي وابناقشه معكم عشان اشوف ارائكم حوله ..

:: السـالفه ::

كنت اول اتصفح المجلات وافتح على صفحه اللي يبون يتزوجون
واضحك عليهم واقول ذولي مصدقين احد يبيهم ..

مع اني كنت اول واحد اخق لين شفت حرمه قايله مواصفاتها
بس المشكله اتحطم لين طلبت واحد وسيم

:: زواج الانترنت ::

ذاك اليوم جالسين وكان حديثنا حول الزواج قال واحد من العيال
تصدقون الحين في شئ اسمه زواج نتي :73:

قلت انا كيف يعني زواج ماسنجر << يستعبط

قال لا تدخل موقع وتحط مواصفاتك وترسل لك بنت كانها تبيك

قلت ايه ذا مغازل عيني عينك ياشيخ
قال لاتحط بذمتك شئ ورح شف وجرب

عاد انا من فضـاوتي رحت جربت وقلت منيب خسران شئ
بس لاني منيب حول زواج ذيك الايام قلت ابسجل بااسم بنت << موب لايق عليك

:: موقع زواج ::

دخلت النت وقلت ياقوقل طلبتك ابي موقع زواج كويس مره
قال ابشر ماطلبت شئ وعطاني موقع للزواج

منيب معلمكم وشو عشان ماتقولون يسوي دعايه

دخلت الموقع وسجلت بااسم سوسو السعوديه

وحطيت المواصفات طبيعي زي اي بنت سعوديه
بس قلت الركب بيضاء << يستهبل

سجلت الفجر ورقدت ويوم قمت الظهر
واثر البريد الوارد يشتكي من الرسايل

94 رسـاله
صدق شعب سعودي مقبل على الزواج بشراهه < الله من الحتسي
طبعا هالـ 94 رساله بعضها مكرر وبعضها يموت من الضحك

يعني فيه بنت مرسله لي تقول يااختي لاتقطعين رزقي

وفيه واحد مرسل وبكل بجاحه يقول رقمك عشاني ودي اشوفك اول
وفيه المحترمين اللي طلبوا رقم بيتنا بس استحيت ولا عطيتهم :$

الرسايل تعددت والهدف ثنين
يايبون يغازلوني او يتزوجوني :$

:: للنقـاش ::

هل تؤيد الزواج عبر الانترنـت وتجده مقنع وقابل للنجاح ؟

عزيزي الشاب هل ممكن تعرض مواصفاتك بالموقع ونيتك صادقه انك ناوي تتزوج ؟

عزيزتي الفتاه هل ممكن تعرضين مواصفاتك بالموقع ونيتك صادقه للزواج ؟

هل ترى باأن من يرتاد مثل هالمواقع هدفه الزواج ام المغازل ؟

انتـظر مداخلاتكم ونقاشكم ..

سلامو[/align]

blueblood_999 · #2 11/04/2006, 06:22 AM

::
هلا فصو و و و و لي ..
:
والله اذا تبي الزبدة << متعيجز ولا هو يحب الفلسفة

:
ما عندي استطاعة أشتري قطعة بسيطة من النت .. مهب عاد أتزوج ..!!
:
وبالنسبة لذي المواقع .. فصراحة أنا أشره ع اللي يدخلونها وهم بقصدهم الزواج ..
:
يمال اللي اللي يقطع ظهورهم

ما كثـّر الله إلا الخطابات .. وما شابهها

(خوات - أم - بنات عم .. etc ) ;)
:
بعدين ما وصلتك رسالتي ..؟ تراني حاط رقم جوالي وباسم مستعار .. حاط اسمي ريري الرياض

:
المهم خاف ربّك ولعد تعيدها .. حسافة راحت علينا سوسو

::

مغرور حدي · #3 11/04/2006, 08:23 AM

هلا وغلا فيصل ..

وش رايك تعطيني هالموقع خخخخخخ

لا بجد يعني عندنا بالسعوديه خصوصا والخليج عموما ماراح يتقبلونها يمكن تعجبهم بعد كم سنه وتصير موضه .....

لان عاداتنا وتقاليدنا ماتسمح .. يعني تتزوج من ناس ماتعرف اصلهم وفصلهم ... سمعتهم .. واشياء كثيره .

واي انا من المؤيدين اذا حجت العنز على قرونها ...

ببلدان عربيه أخرى يمكن بتكون عاديه ... بس ماتلاحظ كل مواقع الزواج مغربيات ....

....................................................................................................

ومن ناحيه المواصفات كلها نصب أجل سعودي عيونه خضر واشقر وعمره 16 ويوم توافق عليه يطلع شايب عمره ستين ..

طبعا اكيد انا ما افكر احط مواصفاتي << اخص يابراد بيت

.................................................................................................

والي يدخلونه يا يدورون مغازل او أنهم ناس فاضيين
يعني ماحولك أحد ....

مثل مايقول المثل : اذا كان حبيبك عسل لاتلحسه كله <<< اطلع برا

يمال العوافي على طرحه هالقضيه الهامه

تحياتي

متيم به · #4 11/04/2006, 11:39 AM

اقول اللي يعرف طريق زواج المسيار تكفون يدلني

عاشق الزعيم من اليمن · #5 11/04/2006, 11:53 AM

هههههههههههههههههههههههه

بصراحة الله أعلم

مع العلم حسب إعلانات الموقع إنهم زوجوا ناس كثير .

وإعتقادي الشخصي بأنه لا علاقة لهذي المواقع بالمغازلة
وأكبر المستفيدين منها هم كبار السن من النوعين وأيضاً المطلقات ، تعرض نفسها ويعرضون أنفسهم على النت

أما أن وأننت يا بلو بلوود تونا عزاب (على باب الله) ، أنا مغترب في الرياض (بس بين أهلي) وأنت الله يعينك بإمريكا تصدق توك قايلي وش اسم الولاية ونسيت.
المهم سلم على اليماني اللي يشتغل في المحطة .

تصدقوا ياعيال !!
الولاية اللي فيها أخونا ريان أول مرة أسمع بإسمها وفيها أبو يمن واجد

ينعن ابليسهم واحد بنشري واحد في محطة بنزين

لا والمصيبة العظمى إن الثالث خطيب جمعة في مسجد !!

بو عهود · #6 11/04/2006, 01:08 PM

والله بصراحه انا ما اييد الموضوع

بس اخوي فيصل ممكن انك تعطيني رقم سوسو

هههههههههههههههههههههههههه

عـز الهلال · #7 11/04/2006, 02:40 PM

والله في ناس كثير يسونها

وأنا مثلكـ أول ما عرفتها مادخلت مخي

بس الحين

لا

مواقع كثيرة ادخلها

الا ويطلعلي ذاك المربع على جنب

ومكتوب عليه

إقتباس


	اذا كنت شاب وتريد الزواج اضغط هنا ........... اذا كنت فتاة وتريدين الزواج اضغط هنا

بس دايم اسحب عليها

وعلى اسئلتكـ الي تحت
اكثرها
لا

والأخير

إقتباس


	هل ترى باأن من يرتاد مثل هالمواقع هدفه الزواج ام المغازل ؟

اعتقد ان اكثرهم للمغازل

واعتقد بعد ان الي كاتب انا بنت

هو في الأساس ولـد

والعكس صحيح

غامض · #8 11/04/2006, 07:53 PM

ما صار زواج

الفيروسه الزرقاء · #9 11/04/2006, 08:37 PM

هلا بـ فيصل

...

الشمس اليوم من وين طالعه

! غريبـه فيصل بالمجلس العام

!
لأ لأ إنجاااز :p ====> أقول لايكثر

من زينه :p

وش عندك مع هالموضوع ! ناوي تعرس ...!
ترى إذا بتعرس الخطابه موجودهـ لأ تروح مواقع ولأ شي

، بس أنت قلي وبخطب لك وحدهـ ماتحلم فيها طول عمرك

! وحدهـ ماتعرف تفرق بينها وبين الليل إلا إذا طلعت سنونها :p
=====>>> تبي تبهذله ..

إقتباس


	بس المشكله اتحطم لين طلبت واحد وسيم

لوووووووووو

وووووووووول

وأخيررررررراً أعترفت أنك مانت وسيم

! أعترفت أنك أشين شباب الرياض

====>> ماتبي تسب أخوها وتخليه شين

إقتباس


	دخلت الموقع وسجلت بااسم سوسو السعوديه وحطيت المواصفات طبيعي زي اي بنت سعوديه

مانتب هينه ياسوسو :p

إقتباس


	بس قلت الركب بيضاء << يستهبل

خخخخخخخخ ياشينك أنت وثقالة دمك :p

كاني قازهـ واحد عمره 26

، وشوله يجي هالمواقع أن كانه يبي فعلاً يتزوج

ورى ماجاء عندي واخطب له

!
وذا أبو 45 فيه حيل يتزوج

!

إقتباس


	طبعا هالـ 94 رساله بعضها مكرر وبعضها يموت من الضحك

ياأخي أنا فاضيه ( هو سألك وقال فيو فاضيه

! )، أعرض كل الرسائل المضحكه خل أوسع صدري واضحك

عليهم

إقتباس


	وفيه المحترمين اللي طلبوا رقم بيتنا بس استحيت ولا عطيتهم :$

ياأخي خل الخطابه تدخل وسيطه بينكم

، عطني رقم بيتكم ياسوسو وأبعطيه هالرجال

كودتس تعرسين وتريحين اميمتس

..

إقتباس


	الرسايل تعددت والهدف ثنين يايبون يغازلوني او يتزوجوني :$

شف يالعجاز

، هالاسمايل مايطلع عندنا

إذا بتنزل موضوع أختر من سمايلتنا ولا تنسخ مواضيعك بالكامل ====>فاااضيه تتشرط وتعقد فيصلوهـ ..

إقتباس


	هل تؤيد الزواج عبر الانترنـت وتجده مقنع وقابل للنجاح ؟

الحين مادخلت مزاجي فكرة الزواج عن طريق الخطابه علشان تدخل مزاجي فكرة الزواج عن طريق النت ..!

إقتباس


	عزيزي الشاب هل ممكن تعرض مواصفاتك بالموقع ونيتك صادقه انك ناوي تتزوج ؟

لأ لأ لأ لا يمكن

-----> أنتي وش دخلك

!، حولي ع السؤال اللي تحته

..

إقتباس


	عزيزتي الفتاه هل ممكن تعرضين مواصفاتك بالموقع ونيتك صادقه للزواج ؟

لأ والله ماأعرض

..

إقتباس


	هل ترى باأن من يرتاد مثل هالمواقع هدفه الزواج ام المغازل ؟

مدري ، بس أتوقع فاضي ويبي يستهبل زي حركتك

...

إقتباس


	انتـظر مداخلاتكم ونقاشكم ..

مسكين

ينرحم ، بيجلس في صالة الإنتظار وبينتظرنا

<<====== ضغط فيصل أرتفع بسببها

صن كيو ع هالموضوع الثقيل اللي مثل صاحبه

وسلم لي ع سوسو

دونت زعل من أنا

الفيروسه الزرقاء

الهلالي دائماً · #10 12/04/2006, 12:00 AM

السلام عليكم ورحمة الله وبركاته ...

هلا وغلا اخوي الغالي فيصل .....

بصراحة الموضوع اللي طرحته حساس جدا وانا عندي تجربة لاباس بها في هذ ا الموضوع ...:p

وبعد إذنك اخوي الغالي فيصل ...

سأطرحها بشيء من التفصيل (وبدون تحفظ )...

في البداية أود ان اقول اني كنت من اشد الناس معادة لسالفة الزواج عبر الانترنت ..

وذات يوم جاني احد الزملاء واخبرني انه اسس موقع لزواج عبر الانترنت وهو الموقع الذي سجلت فيه
(زوجتي دوت كوم )
وبدأت أاعمل معه في الموقع ..

ومرة ذهبت الى احدى المقاهي وكان فيه مسؤول سوداني اسمه( وائل ) تعرفت عليه واهديته بطاقة مجانا
وبعد فترة اختفى وائل فجأة لمدة ثلاثة شهور!!

ثم لقيته بعدها فسألته وين يازول مختفي ..

فقال لي بالحرف الواحد :
(( انت خدمتني خدمة ما انساها لك العمر كلو )) ؟؟

ثم قال البطاقة اللي ادتيني اياها دخلت فيه الموقع وتعرفت على( زولة )من المغرب وسافرت ليها في هذا الفترة تزوجتها ورجعت !!!!؟؟؟؟؟

وانا والله اني ناسي اني معطيها بطاقة ...:p

وبعد شهرين جاني وائل ومعاه وحدة في السيارة -ماشاء الله تبارك الله - قلت مين معاك يا هووو !!!!

قال هذي المدام

جات من المغرب قبل اسبوع ؟؟!!

هذه قصتي مع وائل باختصار ,,,

بعد قصة وائل تشجعت وسجلت في الموقع قلت خلني اشوف السالفة واحط مواصفاتي الحقيقة ولم ارسل أي رسالة
وبعدمدة قصيرة لقيت اربع رسايل في بريدي ؟؟

الاولى كانت من رجل يقول اذا انت جاد اتصل على وحط رقم جواله !!!

والثلاثة الرسائل الاخرى كانت من بنات يتضح من اسلوبهن اننهن جادات في الموضوع ...
اما انا وبصراحة لم اكن جاد ابدا وكنت توني داخل الجامعة
وبالطبع لم ارد على أي رسالة من الرسائل ..

و رقم جوالي القديم الا الان معلن في الموقع
>>>>> غيرت الرقم

وكان يتصل على اشخاص كثر وكنت اقابل بعضهم ...

والقصص والمواقف كثيرة ..........

المهم >>>احس اني طولت عليكم ...

ولكن الذي عرفته وتاكدت منه في هذه التجربة انه اذا كان الزواج عبر الانترنت غير مناسب لي ولك
فهو مناسب وجيد لكثير من الناس ...

وكم هي فرحة الانسان حين يجمع بين راسين بالحلال
اسال الله ان يحسن نياتنا ويكتب لنا ما فيه الخير والصلاح ....

وعلى فكرة اللي هو جاد ووده يتزوج تراني جااااااااااااااااااااااهز >>>>>>

على قولة محمد البكر زوجووووووووووووووووه

تسلم لي فيصل والله يعطيك العافية ...

محبكم / ماجد ,,,

abu_riman · #11 12/04/2006, 12:27 AM

الإنسان عدو ما يجهل ..
بعيداً عن القناعة بالشيء من عدمه لم نجعل الاعتراض أولاً ؟ لم لا نجعل القبول هو الأصل ؟
لكل شيء إيجابيات و سلبيات حتى بعض ما حرمه الله لحكمة ظاهرة تارة و تخفى علينا تارةً أخرى له إيجابيات و حتى لا يكون مثل هذا مجال تشكيك في كمال الدين ذكر الله في القرآن أن في الخمر المحرم منافع للناس و أن حرمته لمضاره الأكثر ..

من هذا المنطلق ما كان دون حدود الله فلينظر المرء للإيجابيات و السلبيات و كيف يجدها !

و في حالتنا من يناسبه ما يوفره الزواج من خلال الإنترنت من مميزات فليستغل ذلك و من يجد مميزات الزواج بواسطة الإنترنت لا تغريه فهناك وسائل عديدة .

هذه ليست سوى رؤية شخصية .

فيصل .. شكراً ..

الهنوووف · #12 12/04/2006, 02:32 PM

ياهلا اخوي

احب اعلق باختصار

هالمواقع مدري ماودي اتكلم عنها وعقلووا انتم ولاتدخلونهاااااااا

واذا تبون تتزجوون قولو لنا نخطب لكم لايلعبووون عليكم هالاجانب

اما اذا كان من شات ومسنجر
ماتوقع يمشي الزواج حده شهرين
لان الثقه بتصير معدومه بينهــــــــــــم

وش بعد

يعطيك العافيه
وجعلنا نفرح فيكم شابا شابا فتاتا فتاتا وتخفوو هالزحمه الي في الزعيم

مهووسة الزعيم · #13 12/04/2006, 02:51 PM

ياهلا وغلا ...
باختصـــار كان مرة من المرات عندنا خالتي وبنت خالي ...
وهم في سن الزواج امي عرضة عليهم الفكرة وتقبلوها نوعا ما ....
وسجلوا (زوجتي دوت كوم ) ..
المهم ..بنت خالتي تعرفت على واحد مرره كويس والصراحه جاد ...
وكلها شهرين وامي بعدها كلمتك بالجوووال وقال انا ابي اخطبها
بس انتي كلمي اهلها لكن للاسف امها مارضيت لانه كان من اهل الجنوب ...;)

~بنت الزعيم~ · #14 13/04/2006, 03:27 AM

انا ما اعتقد أن اللي يرتادون هالمواقع اعني مواقع الزواج
هدفهم يجدون بنت الحلال على قولتهم ويتزوجونها
حتى لو جاء واحد وقال انا ايد الزواج بهالطريقه
هل تعتقدون ان اهله بيوافقون يروحون يخطبون له بنت ما يعرفونها
ولا اهلها ولا سمعتها ....وغيرذالك
.... لا لا يمكن اعرض مواصفاتي لاي احد
والناس اللي يدخلون مثل هالمواقع ناس فاضيين ويبون يقضون فضاوتهم باي شي<<< ابد ما تقصدك
.......... والله منت بهين يا فيصلوووه اجل 94 رساله طلعت مطلوب من حلاك ووسامتك
وفي وقت قصير بعد الله يخلي سوسو السعوديه بس ههههههههه
مشكور خيو على الموضوع والله يعطيك الف عافيه

TOTTI_99 · #15 13/04/2006, 09:12 AM

لااااااااااااتعليييق