#1  
قديم 15/04/2006, 01:40 AM
زعيــم نشيــط
تاريخ التسجيل: 16/08/2001
المكان: الرياض
مشاركات: 615
الله ياهي لــيــله---الله ياهي مباراة---وقصتي مع المربع العام الماضي!!!

بسم الله الرحمن الرحيم وصلى الله علي نبينا محمد



الله ياهي ليله ليلة الاحد الله ياهي مباراة مع هالتشاديه الله يانواف بيبدع ابداع بأذن الله

وكماتشو كعادته قدام هالتشاديه اما جيوفاني اللي اتوقع له بصمه قويه جدا في هالمباراة

والقناص ياسر تكفى لاتدرنا ترا هدفك بيكووووون غير قدام هالتشاديه





اتذكر العام الماضي


كنت منهبل على هالمباراة ومنتظرها على احر من الجمر


خرجت من البيت وقلبي ينبض بالهلال ودمي ازرق بس الجوع غلاب

كانت الساعه الثالثه عصرا واعدت الشباب بمطعم مكاني اللي بسليمانيه(((شلة دببه اخذوا نص مدرج الهلال)))

وبعد مااكلنا وشبعنا وحمدنا الله قال واحد من الشباب الله يستر بعد هالاكل اللي مانقدر نشوف المباراة من الثقل



المهم بعدها اتجهنا الى الدره كنا سته


دخلت الملعب الساعه 5 ادور مكان يمين يسار الملعب فللللللللللل

والحمدلله لقينا لنا زبنه وجلسنا وبدا التشجيع وانا اقول الله يستر الله يستر

وادخل واشوف لافته مكتوب عليها ياسر هلالي قلت يارب


طبعا قبل المباراة كان فيه انواع المهاترات في الصحافه



جلسنا وذبحنا الحر وملينا من الحب والببسي اللي بدون غازات اللي تقول كنه سن كولا

بدت المباراة اشوف التشكيله مافيها سمسم

ضاق صدري قلت الله يستر

بدت الاتحاديه متحمسين والهلال كعادته هادئ ويعرف متى ينقض على فريسته

وانا بصراحه اذا شفت الهلال هادي اول المباراة اتفائل

والمباراة كانت هاااااااديه ومع بدايتها بداء تفاريس يجلد في هريرا يقوله ورا ماتحلق <<<موصينه المفرج والخثران



قصة الهدف:

بداء الوقت يمر بدون هجمات خطره للهلال ولا للاتحاد المباراه هاديه

وانا اقول الله يستر لاتكون تعادل هالتشاديه محظوظين بالبلنتيات


ويمرر مسفر تمريره خاطئه ويلقطها العنبر وينفرد وينبرش عليه اسامه وياخذ كرت احمر

ويولع الملعب عاد جمهور الهلال مايحتاج اذا ولع


ويبداء التشجيع مع ترقب للفاول

ويتقدم لها ابو الكوتش ويلزقها في الباب حتى لومسك معه حسين الصادق والبلوي ماصدوها

وينفجر الملعب


وخذلك تشجيع وخذلك هبال وانا بصراحه كنت خايف


وبداء هالاتحاديه يلعب مع جهة نور بس الظاهر ناسين ان عزيز كاتم على نفسه

ويصفر الحكم ويقوم الهبال بالمدرج وفي الشارع وبالجوال وبالاستراحه وبالبيت




هذي قصتي داري اني طولت بس تحملوها وكانت في خاطري





بالتوفيق للزعيم




امنيه: ثلاثه صفر للهلال يسجلها ياسر وسامي ونواف
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube