السلام عليكم ورحمة الله وبركاته

اول شي ابارك لكم فوز الزعيم بالبطوله 45 وان شاءالله عقبال المية بطوله 00

الشي الثاني يااخوان من المحزن والمؤسف ماحدث لي البارح وانا خارج من ارض الملعب

عصابات جديده وخطيره تقوم بتكسير زجاج السيارات وانزال صاحب السياره

من سيارته وسرقة كل مابحوزته وضربه

هذا ماحدث لي بعد المباراة البارحه اقسم بالله موضوع خطير ويندى له الجبين

خرجت من المباراة فرحا بالفوز كغيري

من الجماهير الهلاليه وتفاجأت بعصابه يقدر عددهم بنحو ثلاثين شخص

كسروا زجاج سيارتي وفتحوا الابواب واخذوا كل

مامعي اخذوا جوالي واخذوا محفضتي وفيها جميع بطاقاتي الشخصيه

وبطاقات العمل ومبلغ الفين ريال واعلام واوراق

مهمه وكل شي وعندما انتهوا حاولت ردعهم ولكنهم ضربوني بكل انواع الضرب المشروع وغيرالمشروع

والادهى والامر ان الامن لم يحرك ساكن اكتفى بتنظيم المواكب وترك الجمهور لوحده

اقسم بالله ان ماحدث لي امام مرأى

الناس وفي وسط الزحمه وعند بوابة الاستاد 00

حسبي الله عليهم افسدوا فرحتي ووضوعوني في موقف لااحسد عليه

اطالب ادارة الهلال ممثله في رئيسها الامير

محمد بن فيصل التدخل وبقوه لحفظ الجمهور الهلالي بعد المباراة

وذلك بالتنسيق والتنبيه على رجال الامن لوقف هذه

العصابات وهذه صور لسيارتي بعدما سرقوا كل مافيها وقاموا بتحطيم زجاجها





بالله عليكم هل يعقل ان نحضر لنشجع ونخرج هكذا ؟؟

ارجوا من المشرفين عدم حذف الموضوع لان ماحدث لي لم يحدث لي لوحدي

بل لاكثر من سبع سيارات كانوا امامي

وخلفي ارجوا من الاعضاء والمشرفين المطالبه من ادارة نادي الهلال

حفظ حقوقنا بعد المباراة لان ماحدث لي قد يحدث

لاي شخص فيكم وتقبلوا تحياتي وحسبي الله على من افسد فرحتي قولوا امين

-


لاحول ولاقوة الا بالله ..

ايه هالجحلط ماهمهم انت ولا انا ..

كل همهم صاحب السمو والضباط الكبار يكونون راضين عنهم ..

اما الجمهور وخله يتمرمط ويتبهذل ويتهاوشون ..

نصيحة ياجماعة الخير لا احد يروح للملعب الا ومعاه مسدس لانك ماعندك لا امن ولا امان ..

لا تروح للملعب الا ومعاك مسدس او سكين بالسيارة او اي سلاح ثاني
ولاتروح لوحدك لازم يكون معاك خمس اشخاص .. لان مافيه رجال امن ... مافيييييييييييييه ...

والمشجع المسكين اخر مايفكرون فيه ..

وعسى الله يفكنا من بعض احياء الرياض اللي ماجابت لنا الا المشاكل ..

و الله يا خوي ما أقول إلا الله يعوضك خير إن شاء الله ........ و حسبي الله عليهم .......... و يعطيك العافية على حضور الملعب ...زز

الله يعوضك والحمد لله على سلامتك ومقدرتك على الكتابه وان شاء الله انك بخير


ياخي توجه انت ومن معك ممن تكسرت سيارتهم وانسرقوا الى اقرب مركز للشرطه وقوموا بالتبليغ لان هذا يندرج تحت مسمى الارهاب والحكومه لن تسكت على هذا ابدا لانه ليس وليد فوز فريق او هزيمه اخر وانما ارهاب وفساد

ياليت جميع الاخوان الذين تعرضوا لحوادث يقومون بنفس الشي


اهم شي وانا اخوك انك طيب وبخير والله يعوضك

وصدقني لا ابو سلطان ولا المسؤلين بيسكتون على هذا ابداااااااااا

الحمدلله على سلامة راسك وانا اخوك وفعلا الموضوع ماينسكت عنه!!!!!!!!!!!!!!!!!!!!!!!!!!!

حسبي الله ونعم الوكيـــــــل..

وش ذا التصرف الهمجي؟؟

ماقول غير الا يصبرك ويعينك ياخوي..

وقدر الله ماشاء فعل..

حمدلله على السلامة اولاً اخي الكريم

والله يعوضك عن السيارة انشاء الله


تحياتي لك وماتشوف شر


سلاما عليكم

اشكر كل من مر على الموضوع والله يهونها

اول شي الحمدلله على السلامه والله ينصرك عليهم

تو والله اتكلم مع واحد من اصدقائي يقول كسروا سيارة خويه امس وشفت صور السياره والله شي يقهر الله لايوفقهم

لكن السؤال

من يحفظ حق هؤلاء الذين حضروا لتشجيع فريقهم ليخرجو بهذا الشكل ؟

حسبي الله ونعم الوكيل

اكيد الحادثه في الجهه الشرقيه من الملعب:


اناكتبت عن هذا الموضوع من قبل


لكن لا حيات لمن تنادي


الرجاء التكثير من رجال الامن في الجهه الشرقيه وفي جميع محيط الملعب


والله يعوض عليك بالصحه والعافيه


تقبلوا خالص تحياتي

اخوي
احمد ربك انك مافقدت السياره
والله قدامي صار نفس الموقف مع سياره كامري لدرجة لنهم سحبوه وضربوه وواحد منهم مشى بالسياره.

وعلى فكره اكبر واحد من الهمج اللي سوو الحركه هذه معاك اتوقع عمره 17 سنه من مبزرة الجنادريه والنظيم.

شيل معاك قطله مره ثانيه

ولا أقولك مسدس علشانهم كثير

بلا شرطه بلا قلق

والله طلقه بالجو تشردهم زي البسس ( قطاوى )........

ماتشوف شر

وأهم شي سلامتك

شلون اخوي انت تقول هالشي صار لك بعد المباراه والصور مصوره في النهار والمباراه انتهت في الليل....؟؟؟

عموما الحمدلله على السلامه

الله يخلف عليك بالعافية ..
حسبي الله على هالهمج ... متى الله يفكنا منهم ..
تلقى كلهم نصراوية ..فاضين ماعندهم شغل
اللهم لاشماته بس
ابوزرنوق