جـــمـــاهـــيـــر الــزعـــــيـــم على خطى البارسا (برشلونه )؟ في مبارة الإتحاد !! - نادي الهلال السعودي - شبكة الزعيم

ساميوناردو · #1 14/04/2006, 04:08 AM

بسم الله الرحمن الرحيم
بصراحه الموضوع لازم ياخذ مأخذ الجديه

مــــتــــى نـــــرى جـــــمـــــهـــــور الـــــزعــــــيــــــــم هــــــكــــــذا

V
V
V
V
V

وكذا

الموضوع سبق وأن طُرح أكثر من مرة ولكن مافي تجاوب وإن كان فيه تجاوب يكون بالمنتدى فقط إما بالملعب مافي أي تجاوب

لكن أنا عندي الحل

ترى الطريقه سهله أكثر من أنكم تتصورون

تبي تقولون كيف ؟ أنا أقولكم كيف ؟

أولاً / مافي شي صعب على الزعيم وجماهيره

ثانياً / والي يسهل الطريقه أن جوال الهلال يبي يخدمنا وإعلان يكون بجميع المنتديات الهلاليه .

وللمعلومه هي ماراح تاخذ أكثر من 3 طرق للنتفيذ بالشكل الصحيح فقط

أول الطرق هي تكون
1/ بتوفير 30.000 علم أبيض من الوجهين و30.000 علم أزرق من الوجهين وهذي ماهي صعبه على رجالات الهلال يعني يكونوا 60.000 ألف علم مشكل بين أبيض وأزرق .

وللمعلموميه جماهير البرسا تستخدم القماش
لاحظو

نجي للطريقه الثانيه
2/ يتم التوزيع الأعلام على كل كرسي يوضع علم واحد من نفس اللون فقط كل مدرج ياخذ لون
الي تحت مثلا ياخذ االأبيض والي فوقهم ياخذون الأزرق وهكذا .
شوفو المستطيل الأول الي تحت يكون أبيض والي بجمبه يكون أزرق وهكذا

زي كذا

أو تكون بالشكل العرضي أسهل للتنسيق من الشكل الطولي كما فعلت جماهير البرسا

الطريقه الثالثه
3/يكون في كل مبارة للهلال تطبيقها كبروفات في مبارايات الهلال القادمه إبتداء من مباراة الأحد مع فريق الإتحاد . وللمعلوميه راح تكون محفز للجماهير للحضور لو يدرون أنه يبي يكون فيه مثل هالحركات لو على دباب

ويكون التنسيق معهم بمكبرات الصوت

جماهير الزعيم مايصعب عليهم أي شي
صلحنا الأمواج المكسيكيه
وفي مباراة مع الأهلي الي على النهائي صلحنا نفس الجماهير بوكا جونير الإرجنتينيه
وفي مبارتنا الأخيره مع الماشال الجمهور مره روعه والرابطه ماسكها شغلها صح ومتعاونه مع الجمهور

يعني تاقف في وجهنا هذي حركه زي هذي

ويكون في كل مباراة تطبق وتدرس السلبيات وتطور

ترا مبارتنا يوم الأحد راح تكون تحدي بين ديربي الكره السعوديه

وترا جمهور الإتحاد مستعدين لهذه المبارة من ناحية الجمهور على كلامهم

وراح يطبقون حركات ماسبق أن صلحها أحد من الجمهور السعودي على حد قولهم
وأنتم تعرفون الزعيم شلون يلعب إذا شاف الجماهير كذا والله راح ناكلهم حبه وحده

حتى نكون مستعدين لمباراة العين وتعرفون كم حنا محتاجين للفوز بهالمباراتين لأننا أولا نبغا نرد الدين لهم
ونحقق الفوز ونتأهل ولازم ناقف مع الزعيم بتشى الطرق

أتمنى أن ياخذ الموضوع مأخذ الجديه

ولا يُهمل كباقي المواضيع المماثله
ولا يتفاعل معه داخل المنتدى فقط (يعني الموضوع ليس لجماهير المنتدى وتشيقم الفصفص بل جماهير الملعب)

أتمنى التفاعل وعذراً على ركاكة الأسلوب فلقد كتبته على عجاله

تحياتي
ساميوناردو

الموضوع سبق وأن طرحته في أحد المنتديات لكن عدلت مايلزم تعديله

عاشق الفيلسوف 15 · #2 14/04/2006, 04:15 AM

يا عمي أي حضور مباريات والوضع كذا والي يا بوي انا خفت على نفسي

كل شوي وواحد من الشباب وطالع لنا بموضوع تكسير سيارته ،

والله هناك عند الملعب بدو همج ما يعرفون شي غير الضرب

والمشكله انهم عصابات ،

الطريقه سرقتهم :

يجيك حوالي العشرين مشجع يناقز حوال السياره كانهم مبسوطين ، واخل العشرين تلقى كم شخص قاعدين يسرقون السياراه وصاحبها واذا قاوم كسروا سيارته ولعنه جدفه .

يا عمي اذا الوضع كذا يمدحون البيت .

ساميوناردو · #3 14/04/2006, 04:22 AM

أكيد إنك ما قريت هالعبارة قبل ما ترد

إقتباس


	الموضوع ليس لجماهير المنتدى وتشيقم الفصفص بل جماهير الملعب

بالتوفيق للزعيم

هلالي جدا · #4 14/04/2006, 04:34 AM

الله يعطيك العافية

ملينا وحنا نقول ونعيد في هالموضوع ..

سبق وتكلمت أنا وغيري من الأعضاء عن الموضوع هذا .. والصورة تشهد ;)

لكن للأسف مانلقى تفاعل من مجلس إدارة الجمهور .. ولا من الرابطة ..

الجمهور على استعداد لعمل أي شي .. لكن لا بد من توجيهه ..

أتمنى من مباراة الأحد يكون التنيظم أفضل مما هو عليه ..

شاكر لك أخوي المشاركة الحلوة ..

بالتوفيق للزعيم ;)

عاشق الفيلسوف 15 · #5 14/04/2006, 05:04 AM

ساميو ناردو :

بصراحه ما ودي ارد عليك لاني اكبر من أرد لى سخفات ،

ولا ودي أقول لك أني اتمنى أنك مكان هالضحيه المسكين من ضحيا الهمج .

http://vb.alhilal.com/attachment.php...6&d=1144939083

انا ردي كان من أجل أن يكون من يحمينا كجماهير من الهمج .

وتقبلي وجهت نظري .

تحياتي .

ساميوناردو · #6 14/04/2006, 05:06 AM

هلالي جدا

مكشور على مرورك

وأكيد كررنا مثل هالمشاركات لأننا واثقين من أننا راح ننفذه بس ننتظر هالأعلام

ياليت من المشرفين يوجهون هالرساله لأصحاب الشأن وتثبيت موضوع يتم التنسيق من خلاله

بين الجماهير

وتوزيع المهمام

وتسجيل أرقام المستعدين للمساعده والتنظيم وترى مانبي إلا 100 مساعد وزعهم على كل مدرج ينظمون الجمهور بس

والله هي سهله مرره

والي مسهلها تقسيم المدرج بالإستاذ الملك فهد يعني ماتحتاج لورقه وقلم

أتمنى من الأعضاء كلنا بصوت واحد وإن شالله راح تشوفونها عن قريب بالإستاذ

هلالي توب · #7 14/04/2006, 05:13 AM

الموضوع هذا سبق ان طرح مئات المرات وتم ايصال الفكره

لرئيس الرابطه الاخ ابراهيم حقوووووي

وحتىى االان ماندرررري متىى التطبيق الفعلي لها

في وقت اللي يعيشه جمهور الهلال من اعمال السطو التخريب

الله يحفظ الجميييييييع

ساميوناردو · #8 14/04/2006, 05:16 AM

إقتباس

الرسالة الأصلية كتبت بواسطة عاشق الفيلسوف 15


	ساميو ناردو : بصراحه ما ودي ارد عليك لاني اكبر من أرد لى سخفات ، ولا ودي أقول لك أني اتمنى أنك مكان هالضحيه المسكين من ضحيا الهمج . http://vb.alhilal.com/attachment.php...6&d=1144939083 انا ردي كان من أجل أن يكون من يحمينا كجماهير من الهمج . وتقبلي وجهت نظري . تحياتي .

عاشق الفيلسوف 15

إذا كان حماسي للزعيم ولحضور الجماهير سخافه فهذا شي راجع لك
أما من ناحية أمنيتك فالله يسامحك ويعوض هالمسكين ويشفيه

لكن هل تعتقد إن المطالبه بحق هالمساكين هي بعدم الحضور والمناداة بالجلوس بالبيت أو المقاهي ؟؟؟
المتضرر الأول والأخير الكيان

أما المطالبه بحقوقهم هذا موضوع آخر مع مراعاة عدم إهماله وليست الإداره الهلاليه هي المطالبه بالتعويض بل الأتحاد السعودي أعتقد هو المعني بمثل هذه القضايا ؟؟

أحترم وجهة نظرك وأسأل الله لك التوفيق
وأسأل الله أن يشفي المصابين ويرد حقوق المتضررين

ساميوناردو

N.M.N · #9 14/04/2006, 05:26 AM

فكره جميله

وان شاء الله تطبق

عبدالهادي السبيل · #10 14/04/2006, 06:43 AM

احيي فيك اصرارك على الموضوع

هلالي جدا · #11 14/04/2006, 11:15 PM

للرفع ..

أتمنى نشوف ردود الأخوة مجلس الجمهور الهلالي والرابطة ممثلة بالأخ ابراهيم حقوي