السلام عليكم ورحمة الله
اخواني بعد التحيه
للفوز على تايلند وايضا بقية المباريات والتأهل لكأس
العالم نحتاج
1- الدعم النفسي والمعنوي والمادي لأبطالنا,حتى ولو اخطأوا
لأنهم بشر وجل من لا يخطئ وايضا اللي ما يخطي ما ينتج
لأن اللي يخطي يتعلم من خطاه
2- رمي التعصب والوان فرق اللعيبه خلف ظهورنا
انا هلالي موت بس مصلحة المنتخب فوق اي اعتبار
مهوب نعيب على المتخلفين في مندي العالمي (الحالمي)
وحنا نروح نسوي مثلهم
كل اللاعبين يمثلون المنتخب
ولازم ندعمهم كلهم مع اني شخصيا مانيب مقتنع بكم واحد
بس مهوب وقته
3 - القتاليه على الكوره معدومه عند اللاعب السعودي
يمكن السبب انهم محبطون من تصرفات الجمهور الارعن
4- وفي الاخير ارجع واقول التشكيله المناسبه هي السبب
الرئيسي بعد قدرة الله سبحانه وتعالى في الفوز
لأن اللاعب لما يلعب وهو واثق من قدرات زملائه في الملعب
يرتاح نفسيا ويعطي كل ماعنده
وانا من وجهة نظري الشخصيه التشكيله المناسبه هي
الدعيع
عبدالغني سليمان خليل الدوخي
الشلهوب نور ماطر
سامي الجابر
الشيحان الحسن اليامي
واللي عنده راي ثاني يقوللي
واتمنى من الله العلي القدير التوفيق في المباراة
القادمه ويسجل الذيب سامي هاتريك
والسلام