#1  
قديم 13/04/2006, 05:07 PM
زعيــم متواصــل
تاريخ التسجيل: 24/08/2000
المكان: الرياض
مشاركات: 129
والله مايردنا غير امارة الرياض يامنتدى الزعيم !!



نعم ...

والله مايردنا غير امارة الرياض يامنتدى الزعيم !!


طبعاً الجميع لاحظ احداث الشغب اللي صارت بعد مباريات الهلال الاخيره من تكسير لسيارات بعد المبارة
او وهي واقفه في مواقف الاستاد من قله فاسده همجيه لادين ولاتربيه تردعهم !!

قله استغلو تقاعس البعض عن اعمالهم فقامو بالنهب والسرق والتخريب تحت بند من امن العقوبه اساء الادب !!

طبعاً المواضيع اللي تكلمت عن هالموضوع كثيره منها على سبيل الذكر لا الحصر ..



هجوم بالحجارة على سيارات الجماهير الهلالية .. ( صور )



غلطه .. ومن المسئول ؟!



عصابات افسدت فرحتي بالكأس شاهدوا ماذا فعلوا بي اين حقوقنا من يحفظها ؟؟ + صور



وغيرها من المواضيع الموجوده في المنتدى والكثير شاهدها وبعضها مدعمه بالصور !!


بصراحه تفاجئت من رد فعل المنتدى البارد الذي لايوزي حجم الحدث فحدث مثل هذا يراد له تحرك منظم يوازي حجم
الهلال ككيان فليس من العقل ان نترك ثله من حثاله القوم تنكد فرحة وحضور جماهير الهلال وتنغص عليهم بتخريب
سياراتهم فيما هم جالسين يشاهدون المباراة او من خلال تصيد السيارات واستغلال الزحمه بعد المباريات ليقوم بفعلتهم الشنيعه التي لايقرها لا دين ولا عقل !!

استغرب تثبيت موضوع لان اللي كاتبه مشرف واهمال باقي المواضيع !!
اتمنى دمج جميع المواضيع في موضوع واحد لان الموضوع غير عادي !!

اتمنى ان يوضع موضوع واحد ويثبت ويوضع فيه صور لجميع الحالات وظروفها وملابساتها وتفصل ويحدد جميع الامور صغيرها وكبيرها من بداية الحاله الى نهايتها لمعرفة كل شي بتفاصيله ...


ناتي للاهم وهو ماذا نفعل مع تلك الحالات !!


اولاً مدير الاستاد لايهش ولا ينش فلا تطلبون منه مالايستطيع ولو تكلم بيخليكم الغلطانين وهو الصح فاتركوه لحوسه المنصه وسلام اليد على الخد (( الله يعينه ))

ثانياً يجب ان نعلم ان هناك جهات متعوده على التقصير وتحتاج الى دقه من فوق عشان يتحركون ويهتمون

ثالثاً باقي للهلال مبارة المربع واذا الله وفقنا النهائي والاسيويه فلازم يكثف الحضور الامني الرسمي او السيكيورتي
حق الاستاد ليس داخل الملعب فقط فالاستاد يشمل مواقفه والمنطقه المحيطه فيه وتكثيف التواجد الامني في الشوارع المحيطه بالاستاد وهي مسئوليات جميع الاجهزه ..

رابعاً يجب تحديد مسئولية كل جهة في الملعب وخارجه ..

خامساً الدوله حفظها الله وفرت هذه الاجهزه شرطة الرياض - امن المناسبات - دوريات الامن - البحث الجنائي - الطوارى الخ ... واذا ماتحركو بكل قوتهم في هالمباريات المهمه اللي عددها في الموسم لايتجاوز اصابع اليد متى بيتحركون !!

سادساً السيكيورتيه الخاصين بالاستاد ابي افهم وش دورهم قطع تذاكر ويجلس عند باب لاحد يدخل !!

سابعاً مواقف الاستاد مسئولية ادارة الاستاد واذا مايقدرون على تغطيتها النظام وفر لهم كل من امن المناسبات - دوريات الامن - الشرطه فيستعين فيهم خصوصاً للمباريات الجماهيريه !!

ثامناً التذاكر المجانيه وحتى نفتك من المرتزقه من حثالة المجتمع اللي مافي راسهم كوره ولا يدرون عنها يجب اعادة
تنظيم اسلوب توزيع التذاكر مثل يجب ان يكون مشترك في جوال الهلال او توزع من خلال مجالس الجمهور الهلالي في المناطق او توزع من خلال مقر النادي الخ المهم مانترك الحبل على الغارب لكل من هب ودب ..


تاسعاً وهي اخر نقطه والاهم ..

وش نسوي للي تكسرت سيارتهم الخ ..

يجب وضع موضوع يكتب على كل عضو تضررت سيارته
يرسل صور لسيارته ييبين فيها الاضرار
اسم صاحب المركبه ثلاثي وعنوانه
مكان الاعتداء بالتحديد اذا في المواقف او شارع الخ
وصف كامل للواقعه بالتفصيل الممل هل وجد سيارته مكسره او التم عليه شرذمه وكسروها الخ
ماهو الاجراء اللي فعله راح لقسم شرطه وماذا فعلو له تجابو او لا بالتفصيل
وترسل على الخاص

بعد ماتكتمل المعلومات لدى ادارة المنتدى تقوم بتفصيلها وترتيبها ويكتب خطاب رسمي باسم ادارة النادي ممثله برئيس النادي موجه الى اامير منطقة الرياض صاحب السمو الملكي الامير سلمان بن عبدالعزيز يوضح فيه كل شي ويكتب عن تقصير اي جهة من ادارة الملعب او الامن الخ وتوضح الحالات بالتفصيل وصدقوني اذا ماخترشت الجهات المعنيه لانه ابوفهد مايرضى بمثل تلك الاشياء وياليت تحط صوره لوزارة الداخليه ممثله في سمو مساعد وزير الداخليه للشئون الامنيه الامير محمد بن فهد وصوره للرئاسه العامه ممثله في الامير سلطان بن فهد حتى كل جهة تكون في الصوره بشكل رسمي و واضح ومنظم ونضع المسئولين في الصوره قبل لاتجي الفاس في الراس ..



املي في الله وثم اعضاء شرف الهلال ورئيسه الالماسي انهم يقدرون تكاليف اضرار سيارات جماهير الهلال ويدفعونها
فهذا دعم للنادي قبل كل شي وانا متاكد انه جماهير الهلال المتضرره لاتطلب احسانا من احد ولكن المسلم كالجسد الواحد ونحن مسلمين ولوتبون تحطون صندوق تبرعات ترى جاهزين لكم ياللي تضررت سيارتكم من باب الوحده الوطنيه والهلاليه

ونصيحه لاي واحد ماتجاوبت معه اي جهة لاتتعب نفسك معهم لايردك غير امارة الرياض اشتكهم مادامك على حق فسلمان بن عبدالعزيز موجود عشان يجيب لك حقك اذا كنت على حق ...



ملاحظه مهمه جداً ...


اتمنى من الرئاسه العامه والجهات ذات الاختصاص التدخل في توزيع الاستاد للجمهور فالنمشان اثبت انه مافي راسه
فلاننتظر الين يصير فيه وفيات بشكل كبير عشان نتعظ !!
الان المبارة في ارض صاحب المركز الثاني يعني له الافضليه بحكم انه الثاني فالمفروض انه جمهور الاتحاد يكون في الدرجه الممتازه الف وباء + الثالثه اللي على يسار المنصه وخاصه انه جمهور الاتحاد بيكون مع رابطته فتكون في الاولى وباقي الملعب لجمهور الهلال فهي في ارضه والافضليه له بس تجي وتحشر 30000 الف في مكان مخصص لعشرين الف !! فتوقع مصيبه الله يستر ..

رابطة الاتحاد في جده دائماً تكون في الاولى فليش تحطونها في الثانيه في الرياض فهمني يانمشان !!

اتحدى انه جمهور الاتحاد مع المرتزقه من الانديه الاخرى يملون الاولى أ و ب والثالثه !

اتمنى من ادارة الهلال تدعم هالفكره ولو تدفع فرق التذكره لهم وتقلل التذاكر المجانيه ..
اضافة رد مع اقتباس
  #2  
قديم 13/04/2006, 05:12 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
إقتباس
اتمنى ان يوضع موضوع واحد ويثبت ويوضع فيه صور لجميع الحالات وظروفها وملابساتها وتفصل ويحدد جميع الامور صغيرها وكبيرها من بداية الحاله الى نهايتها لمعرفة كل شي بتفاصيله ...

الموضوع ماينسكت عليه ويجب التحرك من الجميع .. وتوحيد الجهود ..
اضافة رد مع اقتباس
  #3  
قديم 13/04/2006, 05:13 PM
في انتظار تفعيل البريد من قبل العضو
تاريخ التسجيل: 26/04/2001
المكان: الرياض
مشاركات: 785
لا حياه لمن تنادي

اضافة رد مع اقتباس
  #4  
قديم 13/04/2006, 05:41 PM
زعيــم نشيــط
تاريخ التسجيل: 01/07/2005
المكان: الرياض ياملا الحر
مشاركات: 807
ياارب تعـوضـهم ..


up
اضافة رد مع اقتباس
  #5  
قديم 13/04/2006, 05:45 PM
زعيــم مميــز
تاريخ التسجيل: 16/10/2005
مشاركات: 2,670
حسبي الله عليــهم
اضافة رد مع اقتباس
  #6  
قديم 13/04/2006, 05:59 PM
زعيــم فعــال
تاريخ التسجيل: 17/09/2005
المكان: المـــدرج الأزرق
مشاركات: 348
والله انا معك بكل نقطه
واعتقد ان هذا الاعتداء سببة لا يخرج عن نقطتين ...
الاولى هي ربما ان يكون هناك عصابة لاتربية لها تقوم بهاذا العمل لتشتيت الحضور الجارف للجهور .
ثانيا ربما يكون هناك عداء شخصي ومن دنائت المعتدي لايجرا على المواجهه بل يتهجم من خلف الظهر.

واتمنى من الادارة مراعات النقاط الهامة في موضوع الاخ نديم الهلال
اضافة رد مع اقتباس
  #7  
قديم 13/04/2006, 06:55 PM
زعيــم متواصــل
تاريخ التسجيل: 24/08/2000
المكان: الرياض
مشاركات: 129
إقتباس
الرسالة الأصلية كتبت بواسطة المشذاب
الموضوع ماينسكت عليه ويجب التحرك من الجميع .. وتوحيد الجهود ..





اخي العزيز ...


باذن الله تعالى وبجهود المشرفين وعلاقاتهم مع ادارة النادي ممثله برئيسه الالماسي سوف ترى
الاجراء النظامي الذي يكفل لناء حقوقنا وحقوق حضورنا خلف الزعيم ...



اخواني المشرفين الكرة في ملعبكم واتركو عنكم اي شي وترى لو تبون اطبع لكم الخطاب واصيغه جاهز وانتم تسحبونه على ورق بس زودني بالمطلوب ..
اضافة رد مع اقتباس
  #8  
قديم 13/04/2006, 07:22 PM
زعيــم متواصــل
تاريخ التسجيل: 01/02/2006
المكان: الرياض
مشاركات: 142
ارجوا من الادارة عدم السكوت

اضافة رد مع اقتباس
  #9  
قديم 13/04/2006, 07:38 PM
موقوف
تاريخ التسجيل: 02/06/2005
مشاركات: 321
يالربع انا لى مدة هنا مااااشفت ادارى او مشرف وينهم


المفروض الموووضوع هذا يوصل الى اعلى المستويات
اضافة رد مع اقتباس
  #10  
قديم 13/04/2006, 07:40 PM
زعيــم مميــز
تاريخ التسجيل: 29/04/2002
المكان: العاصمة الحبيبة
مشاركات: 4,646
صدقوني الموضوع اكبر من اي تصور يمكن يتصوره اي انسان داخل مدينة الرياض .... تهجم وسرق وضرب وتجمهر ... ولا يوجد امن ...
اضافة رد مع اقتباس
  #11  
قديم 13/04/2006, 07:57 PM
زعيــم متواصــل
تاريخ التسجيل: 30/01/2006
مشاركات: 376
وش تتوقعون يقول النمشان

اتوقع يقول انا لي بس داخل الملعب اما مواقف مالي خص فيها
مليون بالميه بيطلع النمشان يقول هالكلام

الحين استاد الملك فهد يعد من احسن الملاعب بالعالم ليه ما يزودونه بكاميرات سريه على المواقف والبوبات
اضافة رد مع اقتباس
  #12  
قديم 13/04/2006, 08:23 PM
الصورة الرمزية الخاصة بـ منادي
عضو إدارة الموقع الرسمي لنادي الهلال
تاريخ التسجيل: 07/03/2001
المكان: الرياض
مشاركات: 5,452
اخوي نديم تأكد بأن إدارة النادي لن تترك حقوق الجماهير الهلالية تضيع ، وهي طلبت من الجماهير المتضرره إرسال صورة من المحضر إلى النادي وذلك لإتخاذ الإجراء اللازم ،،،

وأبو سلطان أبدى إهتمامه الكبير بالموضوع ، وبإذن الله الحق لن يضيع ،،،

تحياتي لك ،،،
اضافة رد مع اقتباس
  #13  
قديم 13/04/2006, 09:28 PM
زعيــم مميــز
تاريخ التسجيل: 02/01/2006
مشاركات: 2,581
نفس الحاله


هي ان جمهورر الهلال يتحاشر


وباقي جهة الفريق الثانيا فاضيه سواء كان الإهلي او الأتشاد اوالنثراوالشباب

مثل العتيبي الذي مات الي يرحمه


ولكن املنا ان يتفهم النمشان


ويكوون لنا الجزء الإكبر لإن الملعب في ارضنا



ومدير الإستاد في جده




معطي جمهور الإتشاد كل الملعب


حسبي الله ونعم اوكيل
اضافة رد مع اقتباس
  #14  
قديم 13/04/2006, 09:50 PM
زعيــم نشيــط
تاريخ التسجيل: 16/04/2004
المكان: الرياض
مشاركات: 630
موضوع في الصميم ويعطيك العافية اخوي

وصدقني ماراح ينصفنا الا الامير سلمان الله يحفظة

اما اذا قعدنا ننتظر تحرك من وزارة الداخلية فازرع فجل في السطح

واذا كنتوا تبون الدوريات في المباراة الجاية دق عليهم وقل اني شايف واحد ومشتبه فيه انه .........................

والله ان ماعاد تقدر تمشي من الدوريات والطورائ و............و.....................

ولكن اذا كان فيه سرقة وتكسير املاك وتهديد بالسلاح في وضح النهار وامام الكل

فهذا طيش شباب وبيهديهم الله

صدقوني ياشباب والله ان هالمشكلة تمس امن الدولة زيها زي الارهاب

ان تتكون عصابة شوارع ومسلحة وبعدد كبير فهذا مؤشر خطير جدا جدا

فالسرقات الان اصبحت زي الرز

والخطف

والاغتصاب


والسرقات العلنية


ولكن للاسف مااحد يسمع

ومالنا الا نقول حسبنا الله ونعم الوكيل


انا صراحة ماحظرت المباراة واشوى اني ماحظرتها ولا كان بيجيني شئ

اشوف هالمساكين ينسرقون ويهددون وتكسر سياراتهم واسكت لا والله مااسكت

واتوقع واتوقع انه ماراح يفكنا من هالاشكال الا تنفيذ حد الله فيهم حتى يرتدع غيرهم

وصدقوني لو قطعت ايديهم ان تقعد السعودية بدون سرقة لسنوات

واخيرا اسف اني معصب واسف على اسلوبي ولكن والله من حر مافيني

خاصة بعد ماقريت موضوع الهلال فوق الجميع حسيت بالغبنة من جد

واتمنى من اي واحد يقرا الرد هذا ويعرف اي شئ عن المشكلة سواء هل مسكوا احد او تعرفوا على احد من هالحثالة

الكلاب عيال الشوارع الشاذين عقليا وفكريا يراسلني على الخاص ويبرد من حرتي

اخر تعديل كان بواسطة » BLUEHUNTER في يوم » 13/04/2006 عند الساعة » 10:07 PM
اضافة رد مع اقتباس
  #15  
قديم 14/04/2006, 01:40 PM
زعيــم متواصــل
تاريخ التسجيل: 24/08/2000
المكان: الرياض
مشاركات: 129
إقتباس
الرسالة الأصلية كتبت بواسطة الزعيم©
لا حياه لمن تنادي







هلا اخوي ...

ماعليك الاخوان ماراح يقصرون ابد واللي علينا انه مانسكت ابد

ومشكور على الصوره الله يشل يد من فعلها ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube