|
كلمة لكل من حضر وسيحضر.. ارجوا التفاعل يازعماء السلام عليكم ورحمة الله وبركاته الى زعماء القارة الصفراء الى زعماء اكبر قارات العالم ابارك لكم هذا الفوز الكبير وتلك اللمحات الفنية الرائعة التي اتحفنا بها لاعبي الزعيم الاسيوي ونحمد الله ونشكره على هذه النعمة ولكن العتب وكل العتب موجه الى الجماهير الى الحضور الرائع والمقنع ولكن للأسف غالبيته متفرجين وليسوا مشجعين اعلموا يازعماء ان بحضورنا للملعب ليس إلا للمؤازرة والتشجيع ورفع حماس لاعبي زعيم اسيا ليس لمجرد الحضور وملئ الكراسي الفارغه والله لو كان الحضور 70 الف واغلبهم متفرجين فقط والله لن يكون لهم اي تأثير في مجريات المباراة ولنا في كم مباراة امثلة عديدة مباراة الزعيم امام ماشال الاوزبكي والحضور مع احترامي للجميع اغلب من حضر لم يتفاعل ابدا مع الرابطه ولم ينفذوا ماطلب منهم ابدا كل شغلنا الشاغل كان تعويد الجماهير على الاهازيج الجديده والحركات الجديده التي سيشاهدها الجمهور في باقي منافسات الاسيويه والمربع الذهبي ,,,, ماللذي يمنع الحضور من ترديد الاهازيج وتشجيع الفريق ألم نحضر من اجل هذا الشئ ؟؟ ماللذي منع الجمهور من تنفيذ بعض الجمل الفنية في المدرجات ومنها طريقة التشجيع الارجنتينيه وهي القفز ووضع اليد على كتف زميلك الم تكن هذه الحركة ممتعة لجميع من شاهدها في نهائي ولي العهد ؟؟؟ الكل ابدى اعجابه بها الكل لفتت انتباهه هذا الطريقه حتى التلفزيون اقام برنامج يتحدث به عن الجماهير فماللذي يمنعنا من تنفيذها بشكل اجمل واروع ؟؟؟؟ بصراحه عندما يقدم رئيس الرابطه الاخ ابراهيم حقوي كل انواع الاهازيج ولا يجد احد يردد معه سوى 20 شخص ويستمر بالتشجيع فهذه شهادة له بأنه يعمل من كل قلبه ولم يتوقف بسبب تطنيش الجمهور للتشجيع خساره ان يكون اكثر من (40) الف شخص متواجد في الملعب لأجل الهلال ولكن لا يشجع سوى 400 شخص تقريبا فبعد مطالبات بشراء سماعات ومايكات جديده وعند حضورها لانجد من هو متحمس فهذه مأساة وانا لا اريد ظلم احد فالجمهور يشجع كل ربع ساعه او نص ساعه لمدة 15 ثانية ومن ثم يعودون للسكوت ( ياجماهير الامة وجماهير الزعيم الاسيوي وابطال التاريخ والارقام القياسيه ) ارجوا منكم دائما التفاعل مع الرابطه لأجل محمد بن فيصل اللذي دفع مالايقل عن 8 ملايين ريال من اجل ان يوفر الدخول للجماهير في الاسيويه مجانا لكي يؤازروا فريقهم بكل قوة اتمنى من مباراة الاتحاد القادمة التواجد والتفاعل مع الرابطه وترديد الاهازيج الهلالية كما اتمنى ممن يتواجدون في الملعب ترك الحركات الصبيانية وخفة الدم الزائدة فنحن حضرنا لأجل الهلال ولم نحضر لأجل مشاهدة اشخاص يرقصون ويستخفون بعقولهم امام الناس ومن هنا اوجه طلبي لرئيس الرابطه ولجماهير الهلال في منتديات الزعماء بأن يتواجد مع الرابطه من الجماهير الهلالية من هم متحمسون لتشجيع فريقهم لو تواجد حول الرابطه 200 شخص متحمس والله وبإذن الله سيمتد الحماس لكل ارجاء الملعب لأن هناك 200 شخص يرددون بصوت واحد لذلك اما ان يتكفل رئيس الرابطه او احد الاعضاء بإنزال موضوع يستقبل فيه طلبات بعض الاعضاء بالتواجد بجوار الرابطه ومؤازرتها وتشجيع الجمهور على المؤازرة طوال وقت المباراة وستجدون المتعة في الملعب تمتد منكم عند وصولك لهذه الكلمة اتمنى ان تكون قرأت كل الموضوع كاملا وابداء رأيك بكل صراحة وعفوية تقبلوا تحياتي سعد بن ناصر |
- صدقت يابو ناصر .. التفاعل كان قليل في المبارة للاسف .. واقترح وضع زاوية معينه للجمهور المتحمس مع الرابطة بدلا من التشتيت فيكون بينهم الصامت المتابع والمشجع المتحمس .. نبغى تفاعل اكثر المباريات الجاية .. وصدقوني عندنا كنز نادر بين كل الاندية وهو الجمهور الغفير متى ما استغلينا تواجده بأفضل شكل .. شكرا مرة اخرى .. |
الحمد لله وبالشكر تدوم النعم ربنا لك الحمد كما ينبغي لجلال وجهك وعظيم سلطانك تأكدوا يا جماهير الزعيم ان ماحدث ويحدث لنا . خاصة نحن جماهير الزعيم . هو دليل واضح ودامغ على خوفهم من هدير امواجنا وهتافاتنا المزلزلة لارضهم وكيانهم المتزلزل اصلا . حضوركم خلف الزعيم واستجاباتكم لنداءات ابو سلطان ( الظاهرة ) سببت لهم حالات نفسية وعصبية وتشنج حتى تطورت الحالات واصبحت ارهابية قال الله تعالى ( ومن شر حاسد اذا حسد ) قلوبهم من الحسد تآكلت وحناجرهم من الحسد تشققت ورئتهم من الحسد اهترأت ورؤوسهم من الحسد انفجرت واكبادهم من الحسد تليفت وعيونهم من الحسد ابيضت عندما يهتف الجمهور الهلالي وقبلهم ابو خليل ( يا هلال . ياهلال . ياهلال ) تتزلزل الارض من تحت اقدامهم فلا يستطيعون ان يقفوا عليها فيتساقطوا كحبات المطر . لم يستطيعوا ان يفعلوا شئيا امام الهلال في الميدان فاتجهوا الي جمهوره . لكن هؤلاء الضعفاء اتجهوا للجهة الصعبة وللرقم الصعب جمهور الهلال فويل لهم ثم ويل . ما اعظمك يا جمهور الهلال . اللهم احفظ جمهور نا من كل شر . |
بلا والله كل واحد خايف على موتره |
ماقصرتوا على مروركم وترى حضورنا ليس الا لمؤازرة الزعيم كافي نتحمل انواع المضايقات والاذية والترجيم والتكسير لكن لعيون الازرق كله يهون |
بلا والله كلن ايده على قلبه واحد يقول لاشكلها القزازة اللي ورا بس والثاني يقول الله يستر مايجي الرديتر شئ :( للاسف جمهورنا يحارب والامن يتفرجون ... ابوزرنوق |
صح لسانك مشكور |
ياخوان بلاش اعذار غريبه معقول واحد جاي المبااة وخايف ان سيارته يصير فيها شي على كذا اجل كان ماحضر بسيارته انا اجي بسارتي اذا كنت لحالي واوقف عند المحلات اللي في مخرج 9 واخذ تاكسي واجي للملعب بـ 10 ريال وارجع مع ربعي انا ماجيت اقعد ساكت وافكر وش بيصير في سيارتي ترى اللي يخاف على سيارته يروح بتاكسي ويتفق مع التاكسي وياخذ جواله عشان يجي يرجعه ثاني مره ترى مو معقول 40 الف نحط عذرنا خايفين على سياراتنا |
اتفق معك ... ماذا لو ردد عشرة الاف ... لبث الرعب .في الفريق المقابل .. وهذا ما نحتاجه .. شكرا لك .. |
والله اخوي العزيز كلامك صحيح نوعا ما بس احب أذكرك ان جمهور الهلال عمره ما كان عنده رابطة وكان جمهور الهلال دائما متفاعل ومتحمس ويشجعون بصوت واحد يعني ما هو شرط اجي واغني مع الرابطة انا مع ان يكون هناك رابطة مع الهلال وهذا شيئ رائع لكن في تشجيع يحمس الاعبين اكثر من الأهازيج يعني لاعب عمل حركة فنية المفترض اني اتفاعل معه انا جاي اشجع وفي نفس الوقت اتابع المباراة انا ليس من الرياض من جدة ودائما احضر مبا ريات الهلال في جدة لكن ما احب اجلس مع الرابطة احب أتفاعل مع الفرص وبس يعني حركة حلوة اتفاعل معها بالصراخ دفاع طلع كورة نصفق ونشجع لانه صعب تغني وفي نفس الوقت تتابع المباراة هذه وجهة نظري اخوي و1000 شكر للرابطة على كل الجهود الي يقدمونها للهلال وعلى فكرة قد يكون رايك مخالف لرأيي لكن بكل امانة موضوعك يستحق التثبيت |
العفو الشاويش والله صدقت راح نكون رعب لكل من نجابهه ياليت التفاعل يكون اكثر في المرات القادمه |
اخوي الغالي اسامه كلامك رائع واحترم وجهة نظرك واشكرك على روعة ردك في الاخلاق والعقلانية لو تسمح لي اعلق على نقطه ذكرتها وهي اننا نتفاعل مع حركة حلوه او مع دفاع يخلص الهجمة هذا شي جميل لكن لأجل انا ادفع اللاعب لعمل حركة رائعة يجب ان اشجعه من البدايه احسس الخصم ان لاعبيننا وراهم جمهور نتاج التشجيع هو الابداع في السابق ماكان عندنا رابطه وكان جمهور الهلال يعير بجمهور الفصفص وهذا الشي مانرضاه والحمد لله الان الرابطه جالسه تقدم افكار حلوه ترى الرابطه مو مهمتها بس اهازيج ترا عندها تنظيم وطرق تشجيع جديده اتمنى ان تتغير نظرتك في الرابطه والجلوس بالقرب منهم :) واشكرك مرة اخرى على كل ماذكرته ولك مني اجمل تحية اخوي اسامه |
العفو اخوي انا كل ما ذكرته عن روعة موضوعك كان بكل أمانة على العموم أخوي سعد بن ناصر الرابطة فيهم الخير والبركة انا من جدة وعمري ما سمعت أن جمهور الهلال يعيرونهم بجمهور الفصفص يمكن هالكلام في الرياض ما عندي خبر على العموم 1000 مبروك البطولة وإن شاء الله بإذن الله نبارك لبعض يوم الاحد القادم |
بإذن الله يالغالي راح نبارك لبعضنا يوم الاحد ان شاء الله وربي يكتب لنا التوفيق ان شاء الله شكرا مرة اخرى |
والله شوف يا عم سعد أنا جيت من اليمن عشان أشجع <<<<<<<<<<<<<< نصاب :D المهم جيت اشجع وكسروا السيارة الله لا يوفقهم :upset: الحين بالنسبة للتشجيع النقطة المهمة ألا وهي تواجد الأعضاء اللي يحمسوا الجمهور بجوار الرابطة لأن أغلب اللي يقعدوا عند الرابطة تلاقيهم يبون يترززون جمب أبو خليل ومسوين فيها رجال وهم من جمبها إاذا ضرب شورت البطارية حق الماكرفونات تلاقيهم ينحاشون زي البنات نبي جمهور قول فعل يهيضون الجماهير ويحمسونهم شكرا مرة أخرى يا عم سعد |
| الوقت المعتمد في المنتدى بتوقيت جرينتش +3.
الوقت الان » 03:38 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd