الجماهير الهلاليه تطالبك ياابو سلطان بوقف التذاكر المجانيه وعلى الجمهور فعل هذا الامر بعد المسخره اللي صارت في الملعب امس قاطعو كثير من الجمهور الهلالي حضور مباريات الهلال وانا واحد منهم والله ما احضر اي مباراه للهلال دام الوضع التخويفي ( وليس الامني ) كذا انا ولله الحمد ما جاني شي لكن يا كثر جماهير الهلال اللي تأذت والأسباب هي كالتالي 1- الامن اللي ما ادري اوصفه باي وصف دوني فالحين على الجمهور الهلالي : العلم هذا ما تدخل فيه والولاعات ممنوعه والخ............ ويستقعدون لك في كل صغيره وكبيره وتاركين مصايب تسير في الخارج 2- التذاكر المجانيه واللي سمحت بدخول ناس حقيره بين المدرجات وسيرها بين مواقف السيارت اما الحلول : 1- تكثيف وجود الامن عند بوابة الاستاد الرئيسيه 2- منع التذاكر المجانيه على الجمهور لمنع دخول مثل اللي وصفتهم فوق ^^^^ 3- اغلاق البوابات الرئيسيه للاستاد عن بداية المباراه ومنع دخول وخروج اي شخص او اي سياره الا بعد التفتيش الدقيق 4- وضع رجال امن وسيارات شرطه عند المواقف الخارجيه في برحة الاستاد لان ذاك المكان مستهدف وسهل على الجمهور الهلالي انا عن نفسي سأقاطع حضور مباريات الهلال المجانيه وارجو من جميع من تضرر او حتى من لم يتضرر وخايف على نفسه ( إذا بغى ) يقاطع حضور المباريات المجانيه او حتى المباريات اللي التذاكر بفلوس الين ما تشوف ادارة الاستاد حل وتكثف الامن عند السيارات واللي يقدر ياخذ معه سلاح ( فرد ) نصيحتي ياخذ لان القتل في هالحاله يعتبر دفاع عن النفس اعذرني يا ابو سلطان لكن حياتي وسيارتي ومالي اهــــــــــــــــــــــــــــم |
لا نآمت أعين الجبناء نطالبك يا ابو سلطان يا حبيبنا بأعطاء التذاكر المجانيه وسأدفع أنا 5 تذاكر حسب استطاعتي لمعرفتي الخاصه .. يوم الاحد لدينا مباراة حاسمه لترويض بساس جدة |
أنا قالي ولد عمي أي مباراة بلاش لاتحضرها والله أنه صادق |
الحمدلله ما جاني شئ نجيت ولله الحمد ابو سلطان لا يمنع الدخول المجاني ولكن الغلط على الأمن وينهم الظاهر اننا بنجيب مكافحة الارهاب يشيل هالأشكال اللي تشوه السمعة السعودية والله ما رحت الملعب اذا بيصير كذا الا اذا بجي مشي |
انا قايل بهوب صاير خير |
يارجال والله ان الدعوه وصلت سواطير امس وانا طالع للمواقف شفت شاب يحمل ساطوره طول الذاع والشباب يلاحقونه من بعيد :) يقولون له ماصار الا الخير ويهدونه لكن كان ناوي شر انا عن نفسي صحيح فيه مشاكل لاكن خلك في حالك ان شاء الله ماجايك شي وانا منيب مقاطع المبارايات ووعدنا مبارات الاتحاد |
لاحول ولاقوة الا بالله .. !! |
الحمد لله وبالشكر تدوم النعم ربنا لك الحمد كما ينبغي لجلال وجهك وعظيم سلطانك تأكدوا يا جماهير الزعيم ان ماحدث ويحدث لنا . خاصة نحن جماهير الزعيم . هو دليل واضح ودامغ على خوفهم من هدير امواجنا وهتافاتنا المزلزلة لارضهم وكيانهم المتزلزل اصلا . حضوركم خلف الزعيم واستجاباتكم لنداءات ابو سلطان ( الظاهرة ) سببت لهم حالات نفسية وعصبية وتشنج حتى تطورت الحالات واصبحت ارهابية قال الله تعالى ( ومن شر حاسد اذا حسد ) قلوبهم من الحسد تآكلت وحناجرهم من الحسد تشققت ورئتهم من الحسد اهترأت ورؤوسهم من الحسد انفجرت واكبادهم من الحسد تليفت وعيونهم من الحسد ابيضت عندما يهتف الجمهور الهلالي وقبلهم ابو خليل ( يا هلال . ياهلال . ياهلال ) تتزلزل الارض من تحت اقدامهم فلا يستطيعون ان يقفوا عليها فيتساقطوا كحبات المطر . لم يستطيعوا ان يفعلوا شئيا امام الهلال في الميدان فاتجهوا الي جمهوره . لكن هؤلاء الضعفاء اتجهوا للجهة الصعبة وللرقم الصعب جمهور الهلال فويل لهم ثم ويل . ما اعظمك يا جمهور الهلال . اللهم احفظ جمهور نا من كل شر . |
جمهور الهلال العزيز نعم الي حصل صحيح! ولاكن انا متاكد ان سمو رئيس النادي سوف ياخذ بعين الاعتبار المشكله هذه وسوف يحلها في المباراة القادمة امام التيشاد لذا عليكم الحضور والمؤازره الرجل المخلص لناديه ولجماهيره الوفيه وكذالك الزعيـــــــــــــــــــــــم |
سواطير ؟؟ حبيبي يلحقون بزر عمره 8 او 9 سنـوات عشانه لابس شال هلالي ومستانس .. يلحقونه يضربونه وربي شي ما ينوصف .. كلها مجآنية المبآراة وصدق ولد عمك يآ شلـيويح |
والله ياجماعة مع احترامي للجمهور الهلالي الكبير لو توقفت التذاكر المجانية هل تتوقعون يحظر الجمهور اللي حظر مع الميناء او مع ماشال.. اتمنى مافي احد يزعل من كلامي وشكرااا لكم ايها الشعب الهلالي الكبير |
حسبي الله على شله المرتزقه |
اهم شي ان ابو سلطان وحتى المتضررين يوصلون شكواهم لوزارة الداخليه علشان تحسب حسابها |
الوقت المعتمد في المنتدى بتوقيت جرينتش +3.
الوقت الان » 04:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd