#1  
قديم 13/04/2006, 10:48 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
المفروض يلزقون الحارس بالقائم

السلام عليكم ورحمة الله وبركاته


أصدقائي صديقاتي فلذات كبداتي .. أعزائي وأخواني من الدم الأزرق ..


خمسة بعين العدو إن شاء الله

هذا الهلال ... وقت الجد جد .. ماعنده لعب عيال


قسم النتيجة خمسة ... وماسك راسي على كل هجمة تضيع .. أبي ستة والا سبعة

الحمد لله على المستوى والنتيجة ... مع تحفظي على سمسوديل حكم المباراة

هالحكم نظامه نظام دوريات .. لازم يخلص دفتر المخالفات اللي معه .. أنواع الكروت الصفر

بس طلع شديد



شوفوا الموري جاب قول .. وهدف ممتاز .. بس أبدا مايصلح ظهير أيمن ... يصلح وسط أيمن ... <== والله ياهي خطمة



نرجع للزعيم ..

وكيف قدر يمسح المستوى المتواضع والصورة البائسة التي كان عليها أبان إشراف كندينيو ... <== هي كذا تقال ؟

بصراحة .. كل ماشفت الهلال ذيك الفترة .. أنقهر .. وكرهت شي اسمه كرة قدم وأتجهت لمشاهدة لعبة كرة المضرب



بس جيوفاني بدّع صح ؟ <== تراه كاتب الموضوع وهو سهران ومواصل

بصراحة جيوفاني قدم مستوى كبير .. صلح هدفين ... وجاب هدف ...

لاعب مكسب للوسط بصراحة ومطلب مهم في الوسط ..

وكل من انتقده قبل وقال عنه صفقة فاشلة قبل ياخذ فرصته رد عليه جيوفاني بمستويات ممتازة من مباراة القادسية

جيوفاني ياناس لاعب عالمي وكبير .. وله خبرته الكبيرة في الملاعب ...

مهم كأهمية سامي في الفريق .. لاعب يلعب بعقله وفكره ...



قد يطلع لي واحد ويعكر صفو سريرتي ويقول لي : ياخي جيوفاني ثقيل ....!!!

بقول له : الثقل صنعه


وقد مثلا يطلع لي واحد ثاني يقول : ياخي جيوفاني شايب وكبير ...!!

بقول له : والله جمهور الهلال ماكان باللي توقعناه أمس ..

بيقول لي ليه ...!!؟

بقول له لأن اليوم أربعاء .. والهلال محقق بطولة ولي العهد ... والناس ماوراها شي ... والدخول مجاني

وجماهير الهلال أكبر من اللي حضروا الملعب


بيقول لي تتوقع الجماهير تجي عشان مجاني والا غير مجاني ؟؟


بقول له لأ موب على كذا .. بس هذا دافع أكبر يشيل معه الناس كلهم لأنه موب دافع حق التذاكر


وقد يقول لي : طيب وش فيها لو دفع ...


ثم آخذ طفاية التتن اللي مهب لي أبد .. ثم أصكه بجبهته .. وأقول له : تراك أدوختنا

المهم ياجماهير الهلال مباراة الاتحاد يوم الاحد ... والعين يوم الاربعاء ... يعني ماتجون أزعل عليكم وأدقكم





المهم نرجع للخماسية ..

ونرجع لحارس المرمى <===== حتى الموت

يناس قسم بالله أتوقع هالحارس بيعتزل وبيبيع خضرة بأوزباكسان

مايعني ان الحارس مايعرف .. ولا يعني ان الفريق كان ضعيف ...

بس لو شفت الاهداف كلها ملعوبة وتدل على ان لاعبي الهلال لاعبين فكر .. موب لاعبين انبراشات وطقها والحقها

بس قسم رحمت الحارس ... تخيلت نفس مكانه

3 اهداف نفس الغلطة .... والله ياهي فشيلة ... أتوقع بيسمونه أبو ثلاثة تيمنا بأهداف الهلال


لو هم حاطين الخشبة اللي يحطونها وسط المزارع تخوّف الغربان كان ماجاء عليه الاهداف هذيك

الله يعينه بس .... وينسى المباراة




الصويلح ... موضوع ثاني ................ ياناس الصويلح مكانه أساسي ...

لاعب هداف ... ويدل المرمى .. <== كل الناس تدله

أما الصويلح وياسر بالهجوم ..... نبي نبتل تجيب أهداف

بالتوفيق للزئبقي ... يواصل على هالمستوى ويطوره .. وإن شاء الله نبي نكسب هجوم ناري يحرق كل الخصوم




كامل الموسى ... خالد عزيز ...

هالاثنين يطربوني اذا حجّروا للاعب

ينشبون له لين ياخذون الكورة ...

ماشاء الله قسم لاعبين يمثلون ثقل دفاعي كبير ....

أتمنى يشترون عقد الموسى ... لأنه لاعب وجوده مهم .. وغيابه مؤثر ...





الموري بصراحة لاعب فنان ولاعب شوّيت ...

بس لاتحطونه ظهير أيمن ... لاعب يحتاجه الهلال وسط أيمن ...

أتمنى الخثران يكون ظهير أيمن ... بصراحة قدم مستوى كبير عبدالعزيز في المباراة اللي راحت ...





أنا تابعت المباراة على قناة دبي الرياضية ...

المعلق كان جدا جميل .. لو ماشفت القناة كان قلت المعلق سعودي ...

أنا كنت أتابعها على الإيه آر تي ... بس المعلق جاب لي المغص ... غيرت القناة لدبي ...

المعلق مدح بالهلال ... وجماهيره ... وهذا موب مستغرب على قناة مثل دبي ...

أحب هالقناة لحياديتها ...






كليبر ... وآآآآه من هالمدرب ....

ذكي وثعلب ... يعرف شلون يلعب ...

الله يوفقه مع الزعيم ... ويجيب لنا التأهل ... ومن بعده الكأس الآسيوي .. بوابتنا للبطولة العالمية بإذن الله ..







آسف على الإطالة ... بس قبل مانهي الموضوع ...



تمنياتي للزعيم بالتوفيق في مباراته الجاية قدام الاتحاد ....

واتمنى حضور الجماهير عشان نتأهل للنهائي ومن بعد الكأس ونحقق شي غير مسبوق على مستوى العالم ..

جميع البطولات المحلية خلال سنتين متتاليتين ....

بالتوفيق للأزرق وان شاء الله الجماهير ماتحتاج دعوة ..



أبوساري
اضافة رد مع اقتباس
  #2  
قديم 13/04/2006, 10:55 AM
زعيــم مميــز
تاريخ التسجيل: 11/06/2004
المكان: القصيم
مشاركات: 1,758
تشكر ابو ساري

بس الهلال لازم ياخذ الحذر.....

البطوله الاسيويه راح يكملونها بدوون الدوليين.....
اضافة رد مع اقتباس
  #3  
قديم 13/04/2006, 11:11 AM
زعيــم مميــز
تاريخ التسجيل: 19/03/2005
المكان: كورنيــــــش الدمـــام
مشاركات: 1,563
لو هم حاطين الخشبة اللي يحطونها وسط المزارع تخوّف الغربان كان ماجاء عليه الاهداف هذيك


ههههههههههههههههههههههههههههههههههههههههه

بوساري من جد شكلك شهرااااااااااااان


وفااااااااااصل العداد عندك

بس موضوع جميييل جدا تسلم اخوي
اضافة رد مع اقتباس
  #4  
قديم 13/04/2006, 11:21 AM
موقوف
تاريخ التسجيل: 17/08/2005
المكان: في قلب حبيبي
مشاركات: 1,052
مشكور اخوي ابو ساري على هل الموضوع
والله يعطيك العافيه
بس حلوه
أما الصويلح وياسر بالهجوم ..... نبي >>>>>>>>>>نبتل<<<<<<< تجيب أهداف
اضافة رد مع اقتباس
  #5  
قديم 13/04/2006, 08:05 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
--نجماوي--

هلا والله نجماوي

ياحبي لك وراه ضايقن صدرك ... مهب من عوايدك

خابرك مهبول .. وأشوفك بالرد عاقل

من متى صايرن ثقيل ياحبي لك ؟

نورت الموضوع نجماوي صديقي اللي يعرف يصلح سمبوسة

والهلال لازم ان شاء الله بالدوليين وبدونهم راح يقدم مستوى كبير ان شاء الله ...

بس وقفتنا معه ومساندته راح يفرحنا ان شاء الله ..

تسلم نجماوي على المرور .. وماقصرت



مجنون سام

هلا مجنون سام

اي والله شهران والحين قمت <== شهران رهيبة قسم

يعطيك ألف مليون طعش أطعش شي على المرور أخوي ...

وماقصرت




زعيمي في العلالي

هلا زعيمي ...

الله يحلي أيامك ... بتلة تحلى

ماقصرت أخوي على المرور ...

وتسلم والله





أبوساري ,,,,
اضافة رد مع اقتباس
  #6  
قديم 13/04/2006, 08:38 PM
زعيــم نشيــط
تاريخ التسجيل: 01/07/2005
المكان: الرياض ياملا الحر
مشاركات: 807
بوساري وراك ما حضرت المباراة ..

والله كـل الاعبين بدّعـو يوم أمس
وبالتوفيــق قدام الاتهـاد
اضافة رد مع اقتباس
  #7  
قديم 14/04/2006, 12:55 AM
في انتظار تفعيل البريد من قبل العضو
تاريخ التسجيل: 30/05/2005
المكان: ريـــــــــ العز ــــاض
مشاركات: 136
وعليكم السلام والرحمه

هلا والله وغلا بـ صديقي التكروني يؤ قصدي الالكتروني .. توم كروز البطحاء ..

اي والله خمسه وخميسه تف تف تف تف اعوذ بالله اعوذ بالله عين الحسود فيها دود مدري عود

ايه والله ابدعوا ماقصروا االلاعبين

وبالأخص جيوفاني والموري و((الصويلح)) ==>> مايبيلها كلام

ياخي جيوفاني شايب وكبير ...!! ====>> هذا كلام ابوي بعد عجوز مو شايب

وماقصروا والله الجماهير والله لو اقدر حضرت من الصبح وانا هيناك بس لاحياة لمن تنادي

اما عليهم حارس كمخه 2007 بعد التجديد

آآآآآهـ يالصويلح بس بجد مبدع بس اللي يقهر مايحطونه اساسي ليه وربي قهر

ايه والله ياليت يشترون عقد كامل موسى هالولد فضيع صراحه لو مايشترونه يخسروونه

وكليبر ان شاء الله يستمر مع الهلال ويوفقه يارب.

والله يوفق الزعيم

وياجماهير ياجماهير تكفون تكفون لاتخلون مباراة الاتحاد والعين تكفون احضروها

ويالله توم كروز البطحاء طولنا عليك وننتظر جديدك من المواضيع الجميله ===>> وجه ماد لسانه

اقـــــــــــــــــــــول

اتوقع ان موضوعك اللي بعد هذا

تدري كيف بيكون













ابو ساري

===========================
ومافيه كلام ابد ولا


صديقتكـ الألكترونيه:
برتني الشميسي..
يؤ
بنوته^^هلاليه
اضافة رد مع اقتباس
  #8  
قديم 14/04/2006, 02:27 AM
في انتظار تفعيل البريد من قبل العضو
تاريخ التسجيل: 26/10/2005
المكان: الرياض
مشاركات: 1,818
ياحليلك يابو ساري شخبارك عساك طيب <======== يبي يصادقك بليهيبه <<<<اتحداك تقراها


المهما موضوعك شزينه يهبل وننتظر المزيد
اضافة رد مع اقتباس
  #9  
قديم 14/04/2006, 02:36 AM
عرّاب التنس
تاريخ التسجيل: 11/07/2005
المكان: الدمام
مشاركات: 5,953
هههههههههههههههههههههههههههههههههههههههههههههههههههههههههههه

الله يسعدك
اضافة رد مع اقتباس
  #10  
قديم 14/04/2006, 06:21 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
ياســـ20ـــر

هلااااااااا يااااااااااسر .. هلا صديقي

والله صارت لي ظروف أسرية قاهرة واسكندرية أضطررت اني ماحضر

أي والله اللاعبين ماقصروا الله يعطيهم العافية

آمين يارب ... الله يوفق الهلال يوم الأحد ..






بنوته^^هلاليه

هلااااااااااااااااا وغلاااااااااااااااا بصديقتي التكرونية والالكترونية برتني

هلا بهالطلة البهية .. <== ايه هين

أي والله حارسهم كمختن عمياء .. أحس انه معنوياتك ارتفعت يوم شفتي واحد أكمخ منك

والله موضوع الصويلح يابرتني مافهمناه للحين ... لاعب يلعب ويسجل بكل مباراة ... ولا يلعب أساسي وهو جاهز ..

غريبة والله ...

وبالنسبة لكامل الموسى .. هو ماعليه كلام أبد .. بس لو يصرفون له خمسة يحلّق شعره كان تمام

ويارب يشترون عقده ...

والله يوفق كليبر مع الزعيم ... هالانسان ذكي ويعرف اللاعبين ....

ولا توصين الجماهير ... ان شاء الله بيجون

وبالنسبة لتطليعة لسانك .. تراي لمسته باصبعي

تسلمين برتني على تفاعلك مع الهجمة ... وردك الممتع في الموضوع .... ماقصرتي






صج هلالي

هلا بك صج ...

ياحبي لك أكثر .. والله تمام بشوفتكم ياحبي لك ...

تبي تصادقن باللي هو به <=== كذا

ياحبي لك انت صديقي منذو مبطي من الزمن

الله يسلمك ومرورك وشزينه بعد

تسلم وما أصّرت ياوله






رهيفـوووه


هلا رهيفوه

ياحبي لك تراي كاتب موضوع ... ماخطبت

الله يسلمك رهيفوه ويسعدك ويسعد كل هلالي .....

تسلم يالغلا على مرورك ...
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube