السلام عليكم

بدخل فالموضوع على طول ، للمره الثانيه على التوالي من نطلع من البوابه الشرقيه لاستاذ الملك فهد نتعرض لمايلي :

1 / جمهره لا تقل عن 5 الاف متمرد !!

2 / يأشرون لك واذا وقفت كسرو سيارتك وسرقوا جوال ومحفضتك !! واذا ماوقفت احذفوك بحجر ولا بأي شي تقع عليه ايديهم وكأنك العدو الصهيوني ؟؟ وكسروا سيارتك طبعا قدامك خيارين :
1 - يا توقف تبي تعرف من اللي كسر زجاج سيارتك وعندها تحمل مايجيك لانهم يحذوفون السيارات كطعم عشان توقف ويبدون بنهب وبضرب !!
2 - يا تنحاش بصوابك وانت تقول حسبي الله ونعم الوكيل !!

والادهى انني ذهبت لاحد الدوريات وبلغتهم قالوا وش نسوي ؟؟؟؟؟؟؟؟ مانقدر نترك محلنا !! برغم ان محلهم اللي هم فيه ماله اي داعي !! واقفين حول عشرين دوريه عن اشاره مرور ؟
ويوم وقفت عند الدوريه وربي شفت شي عجيب غريب !! وراي اكثر من خمسين سياره كلها مكسر زجاجها ؟؟

ياربع حنا وين ؟؟ هذي الرياض ولا وينا فيه ؟؟

تكفون ياربع اللي عنده يوزر واصل في منتدى الزعيم يبلغ المسؤلين يبلغون ابو سلطان يضمن للجمهور ابسط حقوقه وهو الامان !!

الله يعووووضكم ياارب
وحسبي الله ونعم الوكيييل على كل الحاقدين
والله يهديهم ويصلح بالهم ان شاء الله
ودوريات دايم تتفرج لاجديد
ياليت احد يوصلها لابوسلطان
مالنا الا ندعيلكم ويعوضكم ربي

كل مايحدث داخل الاستاد يقع تحت طائلة الرئاسة العامه لتدمير الشباب .
فهم المسؤولون عن توزيع الامن فيه .

بصراحه اللي حصل فضيحه وكأننا في العصور الوسطى عصور النهب والسرقه والغزو .