مساء الخير

أحب أوضح المشكلة اللي صارت معي
أنا جهازي N70 وجديد قبل اربع ايام المهم جتني مشكله الرسائل والجهاز يطفي لحالة ولا جيت ادق كل مره يطفي واذا اشتغل دق كويس المهم عجزت اتحمل على اني سامع عيوبه بس معجبني وغير كذا ماشي مع ولد خالي زي العسل ماشاء الله رحت لفرعهم الموجود في مكتبه جرير وقابلت الموظف وتخيل قبل كل شي قال وين كرت الضمان (من حقه )يوم شافه قال رح ختمه من فرع العليا العام وارجع وبعدين سألته طيب الجهاز وش فيه وكم بيقعد عندكم قال يبيله سفت وير الجديد 2006ويزين ويطلع بعد 3 أيام؟؟؟؟؟؟؟؟؟؟؟؟
3 أيام ومشاوير من العليا وارجع للحمراء ولا يوجد جهاز بديل
المهم مااعجبني كلامهو رحت للفرعهم اللي في العويس وشف الزحمه وهونت
وصدقوني رحت لمحل اتصالاات ياشباب والله 6 دقايق وهو مركب السفت وير الجديد 1/3/2006

ولا يرحون الضمان عليك ولاشي ولا مشاوير وتختيم ولا3 ايام؟؟؟؟؟؟ شف الفرق 3 يام وهناك 6دقايق

والله قهر مزعجينا الناس اكسيوم والله من الدجه فيهم

واسف على الأطاله وياليت ياأصحاب N70 نوضح لأخوانا ابرز العيوب وحلولها اما المزايا والله العظيم انه جهاز ولا اجمل
وأسالوا ناس مجربينه.