السسسسسسسسسسسسسسسسسسلام عليكم ورحمة الله وبركاته <=== صدام ماصورة من قوة الحماس


أبشركم .. الهلال أخذ بطوووووووولة .. ترى الخبر صدق .. <==== بيتسطر



طبعا قبل كل شي ... أنا أنتظرت لين هدأت عاصفة الأفراح ... عشان ألقي بأفراحي وانبطاعاتي الشخصية

ولكن أبدا موب موضوعي الرئيسي هذا ... بس اصبروا .. والا تدرون .. بخربط وكلن يفهم على قد عقله



طبعا ألف مبروك للزعيم السداسية ...

ألف مبروك عود نواف للإبداع ...

ألف مبروك عودة الهلال لسمتواه الطبيعي ...

ألف مبروك لنا أبو سلطان ...

ألف مبروك هالجماهير العالمية ...

ألف مبروك .. ألف مبروك .. ألف مبروك .... ألف مبروك <=== علق




بعد رحيل مدرب النكبة.. الفنان القدير : كندنيو عبدالقادر .. رجع الهلال لمستواه .. ورجعت للزعيم هيبته ...




وكتقدير للزعيم ونعتبره رد جميل ... أتمنى

أتمنى ...

حضور الجماهير يوم الأربعاء لاستاد الملك فهد الدولي ...

يوم أربعاء ... واعتبروها تغيير جو عقب الاختبارات ... ومنها نرد الجميل للزعيم ونسانده لكسب 3 نقاط مهمة ...

وأول من يحضر أنا بإذن الله <=== دايم يقول بيحضر


شباب قسم إني منب راعي سحبات ... بس قسمن قسمات تصير لي ظروف أسرية <== تحلف بيحذف ترم


ولكن بإذن الله يوم الأربعاء بكون موجود بالملعب وأصارخ وأناقز وأقول ياهلال .. لين يطيح حلقي بالارض







على فكرة .. أنا قريت اسماء الحكام اللي بيديرون المباراة ...





حكم ساحه : ميدين سمسول( حكم دولي) <=== موب تقل اسم علاج ؟؟؟

مساعد أول : أنج واه جون سنام( دولي ) <== تحلف اللي مسميه غاص بصامولية

مساعد ثاني : تانج يومون ( دولي ) <=== الله يذكر رمضان بالخير

حكم رابع : عبدالبشير عبدالملك( دولي) <== شكلهم يسمعون ببشير ... وش عبدالبشير ؟؟ ..
واحد يقول لي اذا هو اسم من اسماء الله ؟؟ يصحح معلوماتي


مراقب المباراه : عبدالحميد عبدالغفور ( دولي) <== هذا أحس إنه فلة .. تقل فلم مصري
من المالديف

مراقب الحكام : عثمان عمر( دولي) من ماليزيا <=== هذا مثل اللي يقول جورج سميث من النعيرية





شباب قسم اني خايف من التحكيم .... دايم الهلال ينظلم بالآسيوية ... ويخلون لنا القهر ...

كلنا نذكر مواقف الحكام من الهلال آسيويا ..

ولا أبي أجيب طاري أوكادا الله يجعله للزلزال اللي يبلعه كل ماتذكرته كرهت اليابان <== عاد اليابان اللي تحبك



نبي 70 ألف... ماتغلى على الزعيم والله .... خلونا نشوفكم ...


ودايم أقول ياحبي لكم ... خذ من يعز عليك ... ماخف حمله وغلى ثمنه



وأنا بإذن الله بتواجد في الملعب مالم يطرأ علي طاريء ما <===




أتمنى ... من كل قلبي ... يلعب الجمعان والصويلح وجيوفاني أساسيين ...

خاصة جيوفاني ... لاعب يلعب بفكر عالي .. يصنع لك هدف من لمسة ...

ولأن المباراة بين أرضك وجمهورك ... راح يلعبون للتعادل

يعني 10 لاعبين بملعبهم ... وهذي تبي الجمعان وكماتشو ..



تمنياتي للزعيم بالتوفيق في هالمباراة ..... ويالله الثلاث نقاط يارب .....

عشان نرتاح من هم الذهاب ... ويبقى الاياب ...

وياعين جايك الدور ... ساعته تعرف ان العين ماتعلى على الزعيم

لاعين ولا خشم ولا إذن .... ان شاء الله البطولة هلالية ........ وعدنا مع الذهب بإذن الله ...







للتذكير فقط ............. مباراة الهلال بكرا ترى ياجماعة .............. دبّر نفسك وامسك خط الرياض

المكان :
استاد الملك فهد الدولي بالرياض
الزمان :
الاربعاء 14 / 3 /1427 هـ
الموافق12/ 4 / 2006 م
الوقت :
8:25 مساء

القنوات الناقله : <===== الوعد الملعب... وخل عنك شغل المقاهي






تحياتي لكم أبوساري ..... سنغافورة .... جوار تانج مزمزيل حكم الراية



وآسف لو طولنا عليكم والا طلبنا غالي .... ولاحد يناشبن بالردود ترى من حيني مالي خلق شي

أي كلمة خارجة عن العادات والتقاليد ترى باند

الله يوفقك ويستر عليك


و بالتوفيق للزعيم


بس وش فيك طاير ومستعجل

أركد ترا الركاده زينه

والله أنت الفلة أنت ووجهك


أخبارك يادرج

تصدق والله ما عاد لي نفس أحضر مباراة

اللي طلع ميت

وإلا رجع مزروف

وإلا طقوه

واللي كسروا سيارته

خلني بالبيت أطلق


وبعدين تعال يادرج :

وراك طاقني حظر بالماسنجر؟

وأنا ملتزم بالشروط

وعلى فكرة من يوم أضفتك ذيك الأيام وأنت بالخارج

فرد حمزة

فرد حمزة مدري فرد عضلات ..

هلا بك أخوي .. أنا مستعجل بيحطون الغداء وأخاف يشطبون عليه المشافيح

مشكور أخوي على المرور والاسعافات الاولية











عاشق الزعيم من اليمن

هلاااااااااااااااااا بك عااااااااااااااااااااااشق <=== يقاله ماسوى شي

ياحبي لك أبد رح وخذ تأمين مفتوح من أبوساري .. أي أضرار تعالي بس

بعدين ياحبي لك قسم قسمات انا الماسنجر فيه 170 شخص .. ولا واحد فيهم حظر ... مع العلم نصهم مسوين لي دليت

انا ماعندي حركات بلوك وخرابيط ... تركنا حركات المراهقين ذي

بس شكلي بعدل الشرط الأخير .. بخليه تقبل حالة اني مادخل المسنجر خير شر

ألف شكر على مرورك .... ولايهمك تعال بس ماجاك على حساب أبوسلطان

بعدين لاتقول درج ... خلك أنيق وقل مكان لوضع الأشياء



تحياتي أبوساري

خخخخخخخخخخخخخخخخخخخ ابو ساري .

انا من يوم قريت ابشرcom وانا حاس ان الموضووووووع مفههههههههي .


هههههههههه موضوع رائع ودمه خفيف جداً ونقاطه في غاية الاهميه .

إقتباس حكم ساحه : ميدين سمسول( حكم دولي) <=== موب تقل اسم علاج ؟؟؟ مساعد أول : أنج واه جون سنام( دولي ) <== تحلف اللي مسميه غاص بصامولية مساعد ثاني : تانج يومون ( دولي ) <=== الله يذكر رمضان بالخير

ههههههههههه لا ترى الاول يقصدون فتسميته انه made in سمسووول هههههه سمسول ذي اسم ديرته .


والثاني انج واه <----- ذي فرنسيه يحتكون فاهل باريس بنجواااااار بس ينطقونها انجواااه

و جون يحتكون اهله فراعين لندن .

اما سناااااااام خخخخخخخخخخ فاهله يوم جو يسمونه يحتكون هله فيناااااا وفبعاريننا خخخخخخ.

اما الثالث تراهم يقصدون انه مايشرب التانج الا يومين فالسنه خخخخخخخخخخخخخخ

من جد موضووووووع حلو ومشكوووووووور .

حكم ساحه : ميدين سمسول( حكم دولي) <=== موب تقل اسم علاج ؟؟؟ مساعد أول : أنج واه جون سنام( دولي ) <== تحلف اللي مسميه غاص بصامولية مساعد ثاني : تانج يومون ( دولي ) <=== الله يذكر رمضان بالخير حكم رابع : عبدالبشير عبدالملك( دولي) <== شكلهم يسمعون ببشير ... وش عبدالبشير ؟؟ .. واحد يقول لي اذا هو اسم من اسماء الله ؟؟ يصحح معلوماتي مراقب المباراه : عبدالحميد عبدالغفور ( دولي) <== هذا أحس إنه فلة .. تقل فلم مصري من المالديف مراقب الحكام : عثمان عمر( دولي) من ماليزيا <=== هذا مثل اللي يقول جورج سميث من النعيرية


الله يقطع سواليففففففففففففففك ضحكتني

ابو سارى شكلك ناجح بالملاء بتقدير ما يخالف !!!!

ودي شايف حالتك وانت تكتب الموضوع ! شكل الجو غيم

اجل هداءت العاصفه ماثره عليك طلعات البر

الله يوفق الزعيم يوم الربوع وتحيتي للجميع

المستبد

تسلم المستبد على مرورك العسل

ماقصرت ومرورك كان غاية في الاهمية <=== لطش الكلمة منه

ألف شكر مس مس





هلالي و مانشستراوي

دوووووووم هالضحكة ياحبي لك ...

ألف شكر على مرورك هلالي ...

ماقصرت




صفر واحد

ايه انا متعلم الاملاء عند سبّاك بحارتنا .. بس ماشاء الله عليه يطقطق بالاملاء

اي والله أمطار وخير وبركة ... الله يديمها علينا ان شاء الله ...

تسلم صفر واحد على مرورك ...

وماقصرت

و الله يامواضيك فله و فيها أنواع الرجه

إقتباس يوم أربعاء ... واعتبروها تغيير جو عقب الاختبارات ... ومنها نرد الجميل للزعيم ونسانده لكسب 3 نقاط

إن شاء الله الجماهير ماراح تقصر و بتحضر

هلا ابوساري
عز الله مقامك <<<< وش يبي هذا
مايحتاج تقولنا احضروا بنحضر سواء قلت والا ماقلت <<< يؤ جامل طيب

لا عاد ان شاء الله الحضور بيكون مثل مباراة الترجي او اكثر بعد ;)
وان شاء الله الفوز للزعيم ونأخذ المركز الثاني الى ان يجينا الخشم = الانف ;) <<< إحلف

بالتوفيق للزعيم مع اني اعتقد ان الجمهور بيكون اقل من المأمول لأننا ماخذين كأس قبل كم يوم
لكن ان شاء الله تخيب توقعاتي وبالتوفيق للزعيم

وسلملي على السنغافوريين كل ابوهم

يعطيك العافيه ابو ساري