#1  
قديم 11/04/2006, 08:18 AM
زعيــم مميــز
تاريخ التسجيل: 10/05/2005
المكان: (في السمــــاء الثامنة )
مشاركات: 3,596
Lightbulb لمحبي اللغة الإنجليزية (جيرلز آند بويز)

صباح الفل والياسمين لأعضاء شبكة الزعيم الغالين ..

بما أننا بنهاية السنة وبما أنه بقالي شهرين وأتخرج من الكلية قسم أدب إنجليزي .. حبيت أقدم نصيحه للراغبين بدخول القسم ...

في البداية أنا دخلته عن رغبه من الصغر وصدقوني الرغبه لوحدها ماتكفي .. لابد يكون لك درايه في أساسيات اللغة .. أنا من كنت بالمتوسط وأنا أطور لغتي والحمدلله لما دخلت الكليه حيل فادني هالشي .. واللي يبغى لازم يحدد ترجمه بالجامعه ولا أدب إنجليزي بالكليه .. الصدق الترجمه أفيد من الأدب لكن المشكله أنها بالجامعه والمتعارف عليه أن الجامعيين مايقارنون بخريجين الكليات بالنسبة للوظايف ..
ومن ناحية المضمون .. الأدب حلو لكن دراسته تذبح وتشيب الراس .. صحيح ثقافه غير بس من جد متعبه ولاتقارن نهائي بقسم الترجمه ..

تصدقون رغم أن دراسة الإنجليزي ممتعه وحلوه بس تفقدك أشياء كثيره .. مثلا كنت قبل ممتازة في اللغة العربية وأكتب خواطر وبأسلوب فصيح رائع والإملاء كنت ممتازة فيه من كنت صغيره ,, واللحين والله ما أكذب عليكم نسيت الفصحى وأسلوب الكتابة وحاولت أرجع زي أول وعجزت.. حتى الإملاء وربي كلمات سهله أغلط بكتابتهن .. لا والمضحك أني لافتحت دفتر أو كتاب أفتحه من اليسار حتى لو كان عربي .. وربي دفتر الإجابة في المواد المشتركه أقعد ساعه أقلبه ماتعودت أفتحه من اليمين أحس فيه شي غلط ..

والمشكله الأكبر ماأدري ليه أحيانا بالعامي أعجز أعبر عن أي شي أتكلم عنه وألاقي الكلمة بالإنجليزي توفي أكثر وتعودت على هالشي والصراحه مسبب لي إحراج خصوصا مع اللي مايفهموني يظنون أني مغروره وأتفلسف عليهم .. بس من جد ذخيرتي اللغوية في الإنجليزية محت العربيه وهذا مو حالي بس لا كل اللي داخلين القسم عن حب .. ونصيحتي للجميع اللي يبغون يدخلون يحاولون التوفيق بين الأثنين أما أنا راحت علي وتمكن الإنجليزي مني .. خلاص ماعقب أربع سنين شي ..

الله يوفقكم يارب وينولكم اللي في بالكم ...
اضافة رد مع اقتباس
  #2  
قديم 11/04/2006, 08:27 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
بيني وبينك ولا أحد يدري

انا تخصصي لغه انقليزيه بس ما أدري وش السالفه ...

يمكن كسل مني او انهم مغييرين باللغه عشاني دخلت هالقسم ...


الله يوفقك يارب ونشوفك تحضرين ماجستير ودكتوراه بالادب

يعطيك العافيه

د.اليزابيث هيرلي


تحياتي
اضافة رد مع اقتباس
  #3  
قديم 11/04/2006, 08:34 AM
زعيــم مميــز
تاريخ التسجيل: 10/05/2005
المكان: (في السمــــاء الثامنة )
مشاركات: 3,596
هلا بك .. من جد قسمك إنجليزي ..

شي حلووو والله ,, بس أقولك شي مو كسل منك إلا أكيد مغيرين باللغة ...

مشكوور يالغالي وأخجلت تواضعي بمنادتي دكتوره ..

الله يسمع منك يارب لأني ناويه عن جد أكمل دراسات عليا ..

ثانكس ألوت على المرور ..

لاعدمتك ..
اضافة رد مع اقتباس
  #4  
قديم 11/04/2006, 11:16 AM
زعيــم مميــز
تاريخ التسجيل: 26/03/2003
المكان: U.S.A
مشاركات: 2,011
شيء جميل .. أن يكون هناك هدف ..
بالنسبة لي انا فأنا ولله الحمد اكتسبت اللغة الإنجليزية
من خلال إثامتي المؤقتة في الولايات المتحدة الأمريكية
وانا حاليا أشارف على الإنتهاء من برنامج الماجستير ( باقي فصل الله يعديه على خير)
واللغة في رأيي تتأتى << حلوة هذي
من خلال صفتين لا بد
أولا .. أن لا تصبح خجولا
ثانيا ... you have to be talkative
الله يوفنا وإياكم .
اضافة رد مع اقتباس
  #5  
قديم 12/04/2006, 12:36 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
قريباً بإذن الله نهنئك بمناسبة التخرج ..
لتتوالى بعدها بإذن الله المناسبات السعيدة في حياتك ..
اضافة رد مع اقتباس
  #6  
قديم 12/04/2006, 12:52 AM
زعيــم مميــز
تاريخ التسجيل: 26/09/2005
المكان: الرياض
مشاركات: 3,589
الله يوفقكم يارب ..
اضافة رد مع اقتباس
  #7  
قديم 12/04/2006, 11:58 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
دكتوره / اليزابيث ..



خذي هالنصائح من طالب مثلك ..
بما انك ناويه تكملين .. واسال الله لك ولنا التوفيق .. ارجو منك ماهو اااااات /:
1/خذي عهد على نفسك انك ماتتعاملين مع الطالبات بغرور .. وتعالي .. امثال دكاترتنا .."السعوديين"
2/الانضباط في الوقت شيء حلو .. لكن الظروف اقوى من كل شيء فيجب ان تتفهمي ..
3/ اهم شيء انك تذكري ايامك هذي "طالبه" وحاولي انك تفكرين بنفس التفكير وانتي " عضو هيئة تدريس "..
4/اهم شيء ادعي لي ...
اعذريني من حقدي ع الدكتور جيت افرغ مابي هنا ...
مبروك التخرج <<<اول واحد يبارك لك لاتنسين..


:برايفت:
اخوي مغرور حدي /:
مشكلتنا يالشباب ان الأرض ماتمسكنا او بالاصح مانعرف نرجهن وانتواتى ..
يعني ارمي الكتب ولا تعرفها الا قبل المحاضره ...
وبركه اذا نزلته من السياره .. خخخخخخخ:p

اخر تعديل كان بواسطة » عزوز الأزرق في يوم » 12/04/2006 عند الساعة » 12:23 PM
اضافة رد مع اقتباس
  #8  
قديم 12/04/2006, 03:27 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
ياهلا اوخيتي
وانتي لين الحين ماتخرجتي
الناس تخرجووووووو وانا وانا ماطبيت الجامعه وانتي ماتخرجتي
الله يوفقنا بس

والانجليزي الصراحه انا اميل له بس مهنا شطاره فيه
وامنيتي ادخله علشان ابوي يحبه بعد وده ندخله

بس اتوقع ماراح امشي فيه لاني ماحب احفظ واجد

ادري اني قاطتن معكم
الله يوفقكم كلكم
اضافة رد مع اقتباس
  #9  
قديم 12/04/2006, 04:39 PM
زعيــم فعــال
تاريخ التسجيل: 05/08/2005
المكان: الريـاض الله لا يخلينا
مشاركات: 377
هلا اليزابيث

انا ادرس ادب انجليزي

ومبسوووووطه مرة مرة

لأني من وانا صغيره يعني في ابتدائي كنت بمدرسه اهليه

فـ كانوا يعلمونا انجليزي

غير كذا كنت اتابع برااامج الأطـفال الأنجليزيه

يعني كنت استمع اكثر من ما كنت اتكلم .. وهالشي له فاائدة كبيره خصوصا باتـقان الـ pronounciation

وكنت احااول اجمع وافهم

ويوم صرت بالمتوسط صار القاموس ملاااازمني بشكل ماتتخيلينه

اي كلمه ما افهمها كنت ادورها .. واذا لقيتها خلااص ترسخ في بالي

كنت اموووت باللغه الأنجليزيه

وكنت امووووت بالرويات الأجنبيه .. خصوصا روبنسون كروزو .. و The mill on the floss

هالروايتين من اروع ماقريت

والأدب الأنجليزي على قولتك يشيب الراس .. لكنه ممتع مرررره

لأن هالقسم بالذات يبي نااس عندها لغه ..

يعني هم ماراح يعلمونك ABCD

اول ماتدخل على طوووول تبداء تتعلم ادب

يعني لازم يكون عندك لغه جيدة عشان تكمل بالقسم

وانا الحمد لله مــاشـه بالقسم ومبسوطه بدراستي

وانـصح كل شخص يحاول يطور لغته ويدخل قسم الأنجليزي .. لأنه مره رووعه


الله يوفقك اخـتي اليزابيث

ومــبروك التـخرج مــقدما
اضافة رد مع اقتباس
  #10  
قديم 12/04/2006, 05:11 PM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
إقتباس
:برايفت:
اخوي مغرور حدي /:
مشكلتنا يالشباب ان الأرض ماتمسكنا او بالاصح مانعرف نرجهن وانتواتى ..
يعني ارمي الكتب ولا تعرفها الا قبل المحاضره ...
وبركه اذا نزلته من السياره .. خخخخخخخ

هههههههههههههههههههههه اي والله ان كتبي ما اعرفها حاطها بالسياره

بس بيني وبينك شف هالبنوتات يتفلسفن خاصه الرد الي فوقي وحنا ماندري وش السالفه خخخخخخخخ

يالله عسى الله يسهلها لنا ونطلع اجيال تعرف تتكلم انقليزي <<< افقلني ياشيخ

راعيه الموضوع ماعليش قلطت معك ..
اضافة رد مع اقتباس
  #11  
قديم 12/04/2006, 06:09 PM
زعيــم فعــال
تاريخ التسجيل: 05/08/2005
المكان: الريـاض الله لا يخلينا
مشاركات: 377
^^^
^^

ههههههههههههههههههههههههههه


مغرور حدي .. الظاهر ان الكتب يـصير لونها اصفر

من الـشمس وهي بالسياره
اضافة رد مع اقتباس
  #12  
قديم 12/04/2006, 07:39 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمـي ..


مــر مـــن هـــنــــا ...


ويـقـول : المفروض تقولين بويز آند قيرلز ;)


عموماً /

# اللغة الانجليزية أصبحت لغة العصر و كثير من الوظائف أصبحت تشترط اتقان اللغة الانجليزية ..

# الممارسة شرط أساسي لتطوير اللغة ..

# أختلف معك في أن دراسة اللغة الانجليزية تُضعف اللغة العربية , فالشخص بإمكانه أن يطوّر أكثر

من لغة في آن واحد , لا سيما و أن أغلب الجامعات تُعطي موادا أساسية ذات تخصصات متعلقة باللغة العربية

و أكبر دليل جامعة الإمام التي تخرجت منها و كانت تعطينا أكثر من تسعة ساعات عربي في كل فصل !!



و شكرا ..
اضافة رد مع اقتباس
  #13  
قديم 13/04/2006, 07:50 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772
عوافي اليزا .. وعقبال التخرج باذن الله ..


اللغه الانجليزيه اصبحت ضروره ملحه الان بداية من الدراسه الى العمل الى حياتنا اليوميه ..


اللغه تشكل مشكله عويصه لاغلب السعوديين والسعوديات بالرغم من سهولتها وجمالها .. الصعوبه برايي تكون في الرغبه والحرص على تعلمها ..

بالعربي .. اللي بيعتمد على المناهج ويتوقع مدرس يحفظه يبطي عظم يتقن اللغه .. بامكانه متابعة الافلام بدون ترجمه او قراءة القصص القصيره ومن ثم قراءة ترجمتها والافضل طبعا الاختلاط بالــ native speakers حتى يتقنها تماما ,,


معلومه بسيطه .. الجامعات السعوديه في طريقها لوضع تجاوز اختبار التوفل معيارا لقبولها .. وان كانت جامعة الملك فهد للبترول والمعادن تطبق هالشيء نسبيا ..



بالتوفيق اليزا << مع ان هالاسم يسببلي حساسيه
اضافة رد مع اقتباس
  #14  
قديم 13/04/2006, 10:16 PM
زعيــم متواصــل
تاريخ التسجيل: 12/02/2005
مشاركات: 164
السلام عليكم .....

ياشباب ويا شابات أنا الحين في ثالث ثانوي الي هي أخر سنه لي في الدراسه الأوليه ...واكره سنه بعد ...

وأنا متردد أدخل انجليزي أو قسم العلوم الأداريه ....لكن مستواي مايئهل أدخل الأنجليزي لأن الأساسيات عندي دمااار أنا يوم كنت بالمتوسط ماكان عندي حب للماده مثل أغلب الطلاب لكن الحين ندمت على مافات واذا جتني جمله ودي أترجمها لكن ماقدر ويجيني أحباط مع كل كلمه وجمله مع العلم أن نسبتي الفصل الأول 97% والقياس 81 قولو ماشاء الله فلذالك ابغى رايكم يازعماء لأن الموضوع هذا شاغل بالي ;) يعني تنصحوني أدخل دوره بالصيفيه ....؟ولا كيف أطور قدرتي في الماده لأني تكلمت مع واحد بالمستوى الثالث بجامعه الأمام وعطاني كتاب كله أنجليزي وقالي أستفد ؟؟؟ يوم شفت الكتاب قعدأضحك مقهوور

أنا الحين عندي رغبه ممزوجه باحباط أرجو أنكم تعطوني رد على حالتي؟؟

ولكم تحياتي ....
اضافة رد مع اقتباس
  #15  
قديم 14/04/2006, 04:26 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
^^
^^
اذا عندك طموح واصرار كل شي بيكون سهل عليك

والله يوفقك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:52 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube