ممــــــرض عاطــــــل عن العمـــــــــــــل - نادي الهلال السعودي - شبكة الزعيم

مون الفتى الذهبي · #1 11/04/2006, 02:44 AM

يمكن تستغربون من العنوان

ممرض وعاطل عن العمل هذا اكيد فلبيني ولا هندي

بس لاتستغربون اذا قلت لكم انه ان وغيري الكثيـــــــرررر

تخيلو درسنا بــــ45 الف ريااااااااااال وفينا الكثيــــــررر ربي يعلم بحاله من وين جاب الفلوس

اختبرنا بوزاره الصحه ونجحنا قالو انتظرو التعيين ولنا اليوم سنه ونص ننتظر وفي دفعات بعدنا جو

ماعينو احد فيهم .

مادري ليش اظن انهم يبون الفلبينيين والهنود يوسعون صدورهم بمستشفياتنا ويخلون ابن البلد عاطل عن العمل

وكل فتره يطلع وزير الصحه ويقول هناك عجز كبير بالتمريض .

تصدقون اني اكتب الموضوع وقلبي بينفجر من القهر ليت الملك عبدالله توصله معاناتنا

ياليت اللي عنده حل لمأساتنا يساعدنا لأن الحال ماصار ينصبر عليه

ليت اقدر اصرخ وتوصل صرختي

لشخص يخاف الله

ويدور لنا حل

مع هالوزاره...

ان شا لله ماكون ضايقتكم ولابكيت احد من معاناتنا

canada2002 · #2 11/04/2006, 03:09 AM

انا اعمل بوزاره الصحه قسم بالله ان وزاره الصحه بحاجه الى ممرضين باعداد كبيره وبالذات في مدينه الملك فهد
قبل سنه من الان تم التعاقد مع ما يقارب 500 ممرضه من جنوب افريقيا وأسيا واغلب هذه الممرضات غير صالحين للعمل وأحدا الممرضات تم الكشف عليها وكانت مصابه بمرض الايدز قسم بالله هذا كلام من احد العاملين بالمدينه

أتمنى منك الذهاب الى احد الصحف المحليه مع مجموعه من الاخوه الخريجين وبشرط انك تثبت انك قمت بتقديم طلب توظيف أنت وجميع الخريجين
وهذا يعتبر سبق صحفي للجريده لان المملكه بحاجه ماسه الى كل الخريجين وبالذات التمريض
أتمنى من الله ان تنفرج كربكم في القريب العاجل

اخوك canada2002

سندريلا الهلال · #3 11/04/2006, 05:01 AM

حسبي الله ونعم الوكيل

نموت جوع وغيرنا يناله من الخير ينبوع!!!!!!!!!!!!!!!!!!!!!!!

ليه وين المسؤلين !!! حرام ليه الظلم ليه الشباب اللي يستحق يشتغل عاطل عن العمل وين السعوده

تدرون وين السعوده,.؟

السعوده في الليموزين ومحلات الخضار والكاشير هذي السعوده الحقيقيه !!!!!!!!!!

لكن تتميز كطبيب مستحيل !! تنجز كمسؤل كارثه!!! تبهر كممرض غير منطقي !!! تبهر كمهندس أنت غيرجدير!!!

أنت فقط سواق ,, بائع ,, سكيورتي !!!!!!!!

هذه السعوده الحقيقيه...........!

أين العدل وأين المصداقيه وأين الرحمه بشباب المستقبل الذي أصبح يتفطّر على الوظيفه!

يجب عليكم ان تتناسوا مقولة ان الشاب السعودي كسول !

الشاب السعودي تغيرت نظرته للحياة أصبح شاب يملك من الطموح الشي الكثير

لا يطلب الا حقه يريد ان يسمتع بخيرات بلد لانه هو اولى به من غيره

الشاب السعودي على استعداد ان يعمل ولكن يجب ان تعطيه على قدر تعبه

لا تجعله بائعاً براتب لا يغطي تكاليف تنقلاته ماذا استفاد اذن!

الشاب السعودي خلفه مسؤليات كبيره له حياته ومتطلبات الحياة الان تتطلب توفير ماده من اجل ان يتكيف مع الحياة

الشاب السعودي تغيّر وأصبح شاباً يعشق العمل والرقي والطموح

ساعدوا شبابنا ننهض بجيلنا

الله يعيينك يارب والله يفرج عليكم وويساعدكم يارب

مغرور حدي · #4 11/04/2006, 08:30 AM

هو بس بالتمريض محتاجين .....

بشرى ساره لكليات المعلمين الصيف هذا مافيه اترام صيفيه ...

والله يسهل لكم وان شاء الله تلقون وظايف

مون الفتى الذهبي · #5 12/04/2006, 01:46 AM

canada2002

وشهد شاهد من اهله وبصراحه وليت في الوزاره ناس مثلك ينصرون الحق ويعينون عليه

ومايطبلو ويدافعو عن بعضهم البعض

سندريلا الهلال

بصراحه عبرتي عن شي بداخلي ماقدرت اوصله واعبر به واعتبر نفسي

اني عبرت عن معاناتي من خلالك

مررتي فأبدعتي مشكوره على حماسك وغيرتك على وطنك

سلمت يداك وحفظك مولاك

مغرور حدي

الله يعيننا ويعينكم وينصرنا عليهم

أبو فالح الهلالي · #6 12/04/2006, 03:56 AM

:::
:::

لا يا شيخ .. لا تحطمني تكفى ..

أنا للحين طالب ولي سنه ..

عطيتهمـ النص وباقي النص ..

وش تنصحني فيه مادامـ لك خبرهـ في الموضوع ..

أكمل ولا لا ؟

والله يوفقكـ ويتمـ تعيينك في القريب العاجل ..

::
::
::

مون الفتى الذهبي · #7 12/04/2006, 11:47 PM

انصحك وبدون تردد

تكمل الدراسه وتجتهد بعد

ولاتلتفت لأي كلام ثاني

أحنا مسألة وقت ونتعين

ان شا لله بس عاد مصيبه يوم خلونا عاطلين

ويمكن عشان جينا مع انظمه جديده

نصيحه من اخو لأخوه كمل ولاتلتفت لأي كلام ثاني

عاشق بويعقوب · #8 13/04/2006, 09:50 AM

إلى متى ونحن مع معاناة وزارة الصحة و ((ريحتهم)) اللي بدت تفوووووووووووووووووووح

ماأقدر أقول إلا الله يوفقك ويوفق جميع الشعب السعودي

جوليانا · #9 13/04/2006, 10:11 AM

اشاركم نفس الالم والمرارة والحزن

سبق وكتبت موضوع
أخي العاطل أختي العاطلة...!
وكانت أغلب مضمون الردود تفائلي ليش اليأس
يعني سبع سنوات وعادي واصلي البحث وانا دايم اردد في نفسي غيرك يرتقي وانتي تهبطين اكثر واكثر طيب وش اسوووي؟؟؟

لاحول ولاقوة الابالله العلي العظيم من وين لي ووواسطــــــة؟؟؟

تغريد · #10 13/04/2006, 06:45 PM

اول شي الله يوفق الجميع يارب...

ثاني شي اتوقع يمكن لانك بالطايف
يمكن مافي مستشفيات كثير مادري يمكن!!

جرب في جده ولا الرياض

وزي ماقال احد الاخوان
مدينة الملك فهد الطبيه اسمع ان فيها وظايف كثيررر
ودائما اشوف عندهم وظايف شاغره في الجرايد

وكمان احب اقول
لاتقعدون سنه وسنتين واكثر تستنون الوظيفة الحكوميه
توظفو في الخاص مؤقت لين الله يفرجها
حرام تضيعون السنين ومنها تاخذون خبره

قوود لك

مون الفتى الذهبي · #11 13/04/2006, 08:02 PM

عاشق بويعقوب

مشكور على مرورك العطر

جوليانا

مشكوره على مرورك ويكفي انك مقاسمتني نفس الألم

والله يعيننا على اللي احنا فيه

بس مادري جربتي تقدمي بشهاده الحاسب على

مستشفيات التشغيل الذاتي ولا لا

لأني اشوف بنات بالذات بالعيادات الخارجيه تسجيل مواعيد للمراجعين على الحاسب

تغريد

اختي انا مقدم على الوزاره بالرياض وقلت عينوني لو في الخرخير مو شرط مكان اقامتي

وتري مو بس انا اعاني قبلي دفعتين وبعدي دفعتين

وكلامهم بالجرايد وتوفر الوظائف عشان يضحكو على الناس ويوهموهم ان مو مقصرين هم بشي

ومشكوره على النصيحه

(((المحامي))) · #12 13/04/2006, 09:43 PM

هل فيه فرق بين خريج المعهد الصحي الحكومي وخريج المعهد الأهلي في أحـقية التوظـيف

مون الفتى الذهبي · #13 14/04/2006, 01:54 AM

هالوزاره مفضلتهم عن خريجي المعاهد الاهليه

مع ان اخبرنا اختبار الهيئه السعوديه للتخصصات الصحيه

وبعدها اختبرنا اختبار وزاره الصحه وعديناه

يعني المفروض مايكون فيه تفرقه بيننا وبينهم

الكناري الأزرق · #14 18/04/2006, 08:19 PM

ما اقول غير الله يعيينكم..’’

ابونوف الهلالى · #15 24/04/2006, 09:14 PM

معدلك زين ولا لاء
الله يكون بالعون قل امين