أبني عبودي عمره 6 شهور حقق مع الهلال بطولتين وولدخالتي ابنه (9) سنوات مافرح بشي - نادي الهلال السعودي - شبكة الزعيم

طاير بليا جناح · #1 10/04/2006, 12:46 AM

السلام عليكم ورحمة الله وبركاته

مبروك

أمس كنا نتناقش أنا وولد خالتي نصراوي وبصراحه احتد النقاش بيني وبينه وانا بصراحه مابغيت اطول معه قلتله بس شوف حبيبي ابنك عمره تسع سنوات ماشاف بوجهك فرحه بطوله والظاهر انه بيصير عمره 50 سنه وهو على هالحال :p

وانا ولدي عبدالله عمره ست شهور واشتريت له بدلتين هلال وافهم يابابا ...!!!

بصراحه حنا كهلاليين بنعمه كبيره نحسد عليها ونحمد الله عليها ...

وتلاحضون كنا ناخذ البطولات بأهدف عاديه المهم بطوله والحين صرنا نتشرط مانبي بطوله إلا بأهداف عالميه نواف ومن قبله كماتشو .. امام الشباب في الموسم الفائت

ربنا لك الحمد والشكر

ناهيك عن الاسعافات ليلة المبارات يووه زحمه هذا مرتفع عليه السكر واللي في السرير الثاني ضغطه واصل مليون واللي في الغرفه الثانيه جايه حالة اختناق كله بسببك يازعم حارق دمهم ..

اذا تعرفون قناة الكأس والدوري القطريه فيه شريط تحت لرسائل الـ sms فيه كثيرين اذكرهم يهايطون ومن يوم المباراة ماشفت ولاواحد ماشوف الا الهلاليين واثقين ....

أبو سلطان تستاهل كل خير هذا اللي أقدر أقوله ..

تحيتي لكم والسلام
طاير بليا جناح

توتي - 2004 · #2 10/04/2006, 12:58 AM

الحمد لله على نعمة الاسلام

وعلى نعمة تشجيع الهلال ..

نبارك لك ولولدك ( عبودي ) البطولة .. والجايات أكثر ..

والحمد لله أن عايلتنا هلاليه كاملة .. بحكم أني الكبير ومسيطر ع الوضع

مشكوووووور ع الموضوع

والله الله بالحضور يوم الأربعاء

محب الذئب9 · #3 10/04/2006, 12:58 AM

الله يوفقك الهلال

بيشوف حفيدة وهو ماشاف بطولة للنثر

طاير بليا جناح · #4 10/04/2006, 01:52 PM

مشكورين على مروركم الكريم

Turki(الرايق)Turk · #5 10/04/2006, 02:12 PM

هههههههههههههههههههه
ومبروك البطولة

خالدهلالي سدير · #6 10/04/2006, 02:33 PM

جعله عبد صالح واقر الله به عين والديه
والف مبرو البطولتين خلال ثمانيه شهور

كلك 9 ذوق52 · #7 10/04/2006, 02:50 PM

ولد خالتكـ راحـت عليــه بس ألحق على ولده وقلـه :

العـقــل السـليم في تشجــيع الزعيــــم . .

ومبروكـ لكـ ولعبودي وبإذن اللــه تشتري له البدله الثالثــه . .

هلاليه ذووق · #8 10/04/2006, 02:53 PM

مشكوور اخووي
والله يخليلك ولد ويتربى بعزك

المسك والعنبر · #9 10/04/2006, 03:10 PM

الله يحفظ لك عبودي من كل شر

طاير بليا جناح · #10 11/04/2006, 12:21 AM

مشكورين على شعوركم ولكم من تحية خاصة

رهـيـف · #11 11/04/2006, 01:35 AM

ههههههههههههههههههههههههههههههههههههههههههه

كفو يا زعيم

عزوز الأزرق · #12 11/04/2006, 02:52 AM

مبروك عليك وعلى ابنك ...

بس حبيت اقولك ان حبيبي عبود حطم رقمك القياسي ,,,

حصل مع الهلال ع بطولتين وعمره 4شهور ...
تقولي ماصارت اقولك ان شاء الله بتصير ..
هذي الأولى وجت .. والثانيه بعد اسبوعين ... قل امين ...

سلملم,,,