كالعادة تم استفزاز الاف الجماهير الهلاليه في نهائي ولي العهد وهي ليست الاخيره والقادم اعظم صدقوني اذا لم تثأر الاداره الهلاليه وتتحرر من مثاليتها وتضع النقاط على الحروف .
المباراة على ارض الهلال ليه يقسمون الملعب على كيفهم ، جاوبني يانمشان
من الساعه ست والمدرجات (المخصصه) لجمهور الهلال مليانه عن بكرة ابيها ، وبعضهم جالس على الدرج واللى واقف واللى متقاسمين كرسي واحد ،في حين المدرجات(المخصصه)للاهلى ثلاثة ارباعها فاضي .
لا واذا معك جريده ممنوع واذا بتروح تصلي ممنوع (مافيه رجعه ..انسى) واذا تبي اعزكم الله دورة المياه برضو ممنوع ، حتى يوم جا هدف الهلال خفت انقز من الفرحه لايروح مكاني ، طبعا هذا غير اللى يصير خارج المدرجات الى ان توصل بوابة الملعب (طبعا المباراة دخول مجاني) وتعال شف هالاشكال اللى مدري منين جايه حتى ان بعضهم والله مايدري من اللى يلعب جايين مسعورين يلهثون وتلاقي بعضهم في المدرجات يثير الشغب والفوضى على الهلاليين والاهلاويين مره يرمون شروخه على الناس ومره يحذف قارورة مويه على الرابطه واااااه اذا جا هدف لأحد الفريقين هذا عيدهم تلاقيهم تحت اقدام الجماهير مثل الجراذي يدورله جوال طايح والامحفظه والاحتى زقاره واضنه ياكلها لانه مايدري وشي ،اما جماعتهم اللى خارج المدرج هم الأكثريه طبعا ، متفرغين لتكسير السيارات وسرقتها وياويله اللى يمشي لحاله خاصه من صغار السن تلاقيهم يتجمعون عليه وينفضون جيوبه وهو يضحك .

واخيرا هذا غيض من فيض لما لمسته وعايشته يوم النهائي المذكور وخلصت الى ملاحظات مؤثره من وجهة نظري :
**استاد الملك فهد مجهز بامكانات تقنيه عاليه جدا ولكنها اكبر بكثير من امكانيات مدير الملعب ومسؤل امن المنطقه.
**الدخول المجاني اثبت للمره الثالثه ان سلبياته اكثر من ايجابياته .
**مجلس الجمهور الهلالي المميز العبره في التنظيم وليس بكثرة المايكرفونات والجمهور ، فالاهلي ليس لديه الا (مايكروفونين ) ، ولكن رابطة منظمه ومتفاعله بقوه لاتعتمد على الكثره.
**اعلم ان مجهود المجلس مميز والرابطه تطور باستمرار طريقتها وهذا واضح للجميع واعلم ان المشكله هي في (ثقافة) التشجيع بالنسبه للجمهور في المنطقه الوسطى واعلم ان من الصعب السيطره على هذه الألاف من الجماهير بالتشجيع والترديد ، ولكن بالتعاون وتلافي الخطاء التي حدثت سوف تكون لدينا افضل رابطة مشجعين وافضل جمهور يساند ويؤازر من اول دقيقه حتى اخر المباراة لأجل عيون الزعيم الكيان العظيم ،،،والله اعلم

صدقني ياعزيزي ان المشكله ليست في الدخول المجاني .


ولكن من سووووووء التخطيط من قبل النمشان الله يصلحه .


توزيع الامن غلط فغلط والتقسيم غلطين فغلط .

انا مع كلام الرمز النمشان تنظيمه سئ كما ذكرت انه الملعب مجهز بتقنيات عالية بس متخلفين محد استخدمها بالطريقة المناسبة والعساكر زي قلتهم وان جااك واحد يكون لسانه اطول منه ولكن تدرون ياشباب الدعاء ولاغير الدعاء
حسبي الله ونعم الوكيل
كل ما اذكر المشجع الي توفى اتحسب عليهم وادعيله بدخول الجنة والرحمة والمغفرة
ومشكور على الموضوع

إقتباس استاد الملك فهد مجهز بامكانات تقنيه عاليه جدا ولكنها اكبر بكثير من امكانيات مدير الملعب ومسؤل امن المنطقه.

والله بهاذي صدقت

ليش ما يشيلون النمشان المتخلف ذا؟؟؟

موب احسن

هذا مو مهندس مخرب

( ابن النمشان ) دقه قديمة

المشكلة ربعنا يحبون المعتقيييييييييييييين

كم سنة والدهمش والدهام وطقتهم يتلاعبون في الإتحاد السعودي



((( خطط علمية مدروسة ))) .. شفت كيف

اوافق الراى ان التقسيم كان خطاء للغاية
لان المدرجات الهلالية كانت مليانة من ساعة مبكرة والمدرجات المجاورة لم يقدم احد الا قبل بداية المبارة
وتمنى ان يكون تجزي الملعب على حسب الجمهورررررررررررررررر

يا النمشان الله لا يوفقك دنيا وآخره قل آمين

المفروض ماتكون ببلاش

لان جماهير الفرق الاخرى استفادت ونكبونا

لكن لو بمقابل لكان لا يوجد الاجماهيرنا ونأخذ راحتنا

سلام

حسبي الله وكفى على اللي كان السبب

المنطق يفرض نفسه

المدينه الرياض

المكان استاد الملك فهد

الطرف الاول الهـــــــــــــــــــــلال

الجمهـــور 60 ألف هذا المتوقع كيف تعطيه نص الملعب وش هالتخلف انت تدري والثاني يدري ان نسبة جمهور الهلال

أكثر بكثير وانها رايح تحضر بكثافه ليه الاستخفاف

قسماً بالله يقتلون القتيل ويمشون بجنازته يحتجز المشجعين في مكان يوطون بعض يكفخون بعض يطيحون على بعض بالطقاق

بعدين اخترع واقول سكته جلطه جعل العدو للجلطه ان شاء الله

بعدين تروح وتصلي عليه ليه ما وفرت له مكان ليه لو ان كل مشجع قاعد في كرسيه

الاسعاف يوصل براحه الانقاذ يكون أسرع

حسبي الله ونعم الوكيل حسبي الله وكفى

منصور الله يرحمك ويغفر لك يارب ويثبتك ويصبر اهلك

الشكوى لغير الله مذله وش السوات الشكوى لله