#1  
قديم 10/04/2006, 10:20 AM
زعيــم متواصــل
تاريخ التسجيل: 04/03/2001
المكان: قلب نوره
مشاركات: 177
مندس مع الأهلاويين بسبب الرقيب خلف مناحي والجمهور + نوم الرابطه

صباح النور والسرور أخواني


مبروك لكم الفوز بالبطوله

ولو انها جت متأخره

بس ان شاء الله احتفالاتنا تكون مستمره بشكل دائم


_ _ _

1

في مباراة الهلال والقلعه ( قلعة وادرين )

طلعت بعد الشوط الأول لأداء صلاة العشاء

الحمدلله لله صليت العشا وخذيت لي ( وتر ) ورجعت عشان اكمل الشوط الـ 2


وصلت لبوابه رقم 21 <<< من قدي موقع استراتيجي

مادريت الا ومجموعه من الجماهير مسوين اجتماع بالقرب منها

قربت منهم اسمعهم يقولون أنت أفتح الباب وحنا بندف بعض وندخل كلنا مع بعض

قلت في نفسي غريبه العالم يحبون العنف مع هالعساكر الطيبين


شوي وأوصل البوابه واتفاجئ انها مسكره

قلت للعسكري بكل أدب وذوق

بالله لاهنت رحت اصلي وابغى اكمل الشوط الثاني

المباراة توها ماخلصت وشف وراك الشوط الثاني بيبدا


تفاجئت بالرد الحلو ( هيا روح خلف مافيه دخول )

قلت ليه يالشيخ حنا اماكنا محجوزه وانشالله ان الأمر سهل

رد علي الحبوب انته ماتفهم الكلام انا قلت لك مافيه يعني مافيه

بعدين والله اني ما أخسر رفيقي المسؤول عشانكم

واذا تبغى شي ثاني كلم الرقيب خلف مناحي


قلت ابشر وبعد انتضار دقايق

جانا خلف مناحي الين عند الشباك

وكل الموجودين يترجونه وبجميع الأساليب

انا كنت اكلمه بذوق وأدب ولا جاب خبري

والثانين بقسوه وقوه يقولون له ليه تمنعنا

وواحد ثالث يقوله انت من الجماعه وتعرف فلان وفلان

فديت هاللحيه دخلنا

قام الشيخ الرقيب يتسبم

وقلنا الحمدلله جانا الفرج

بس قال اصبرو ربع ساعه وادخلكم الين تروح الزحمه

تحطمنا جميعاً

بس قلت لحضتها خلاص لازم استعمل ذكائي الخارق

خذيت الشال الأزرق الي على كتفي ولبسته طفل هلالي

رحت أركض من الجهه الثانيه لجمهور الأهلي


لقيت العسكر فاضين لاشغل ولا مشغله

دخلت من عندهم وجلست ادور مكان

رزقني اللخ بمكان حلو جنب واحد دب كنه فهد الحيان من بعيد

جلست جنب الدب بعد اخذ الأذن منه وقمت اتابع المباراة


فجأه تعرض ابو بندر لإعاقه من عبدالغني

بدون شعور قمت من مكاني اصايح وأهاوش

ألتفت يميني الين الدب يناضر فيني

والي تحت التفتو فوق يقولون وش هالي يصارخ


في ثواني قلت ياحكم اطرد هالممثل والله مافيها لا فاول ولا شي

في لحضات شالو العين عني يحسبوني اهلاوي متعصب

بعيد الشر عني يارب


المهم قلت في نفسي لو بكمل الشوط هنا والله العضيم تصير سوالف ثانيه

بعدين لو لاقدر الله جاب الأهلي هدف بيخمني هالدب ويكسر عضامي

ولو جاب الهلال هدف بطمر من الفرحه وبتتكسر عضامي منهم

يعني في جميع الحالات انا متكسر متكسر


قلت ابطلع بس

كلمت الدب خويي وقلت له لاهنت بجيب مويه لي ولك وابرجع

المكان لحد يجي فيه تراه في عهدتك ياشيخنا الدبي

قالي رح لاتشيل هم وانشالله تجي والنتيجه تعادل

قلت في نفسي وانا ابتسم له فال الله ولا فالك ياثور


المهم طلعت مسرع إلى المدرج الهلالي

ويوم قربت لقيت الحال مثل ماهو

حتى العرابجه الي يخططون يترجون خلف مناحي ولا سوو شي


بعد أقل من دقيقه فتح لنا الباب

تصورو كانت الدقيه 27 !!


الله لا يحللهم ولا يبيحهم حرمو الناس 27 دقيقه من فن زعيمي مبهر

تخلله الكثر من لمسات الأبداع التمياطيه




من المسؤول ياخواني ؟؟؟


وش ذنب هالجماهير المساكين ؟؟



_ _ __ _ __ _ _

2

حال الرابط الهلاليه في النهائي


- بعد الهدف بأقل من دقيقه عاد الجميع للهدوء

وكان من المفروض ان تنشط الرابطه جميع الجماهير وتبث فيهم الحماس

بالذات في مثل هذا الوقت ولكن للأسف لم يحدث هذا ..


- تفاجأنا بأهازيج جديده يجهلها أغلب الجمهور

كان المقصد منها هو التميز

لكن وراها والله ماحصلنا لاتميز ولا تشجيعً سنع


- ليت دكة الاحتياط قريبه من مكان الرابطه الهلاليه

لحضتها بتكون نشيطه على طول

السبب النشاط غير الطبيعي عند مرور أبو سطان أو مرور نجم هلالي بالقرب منها

أما وقت المباراة فحال الرابطه ( دقيقه تشجيع وعشر ساكتين )


- عصر ماقبل الرابطه كان جميل جداً

أفراد من الجماهير الهلاليه ذو الحنجرات الذهبيه ( الله لايضرهم ) يحركون المدرجات كثيراً

أن سكت واحد فالمدرج هذا بدا الآخر من المدرج الثاني وعلى هالمنوال في أغلب وقت المباراة

لكن الوقت الحالي لم نعد نرى تلك الأصوات

وهذا حدث منذ أستحداث رابطتنا المصونه ..


- انا مع الرابطه ولكن بشرط إحداث التغييرات فيها وتطويرها بشكل أفضل مما هي عليه الآن

في أقل الأحوال جعل المايك لعدد من الاصوات وليس حكره على أحد


- أنا هلالي وحبي لجميع الهلاليين والنقد هو الطريق الموصل للإبداع

وللجمهور الحاضرين الحكم في ذلك



_ _ __ _ __ _ _


3

أشم رائحة تضحيات هذا الموسم

بأن يتم التساهل في بطوله من أجل الأستعداد الأمثل للبطوله الأخرى

وهذا ماحصل الموسم الماضي وبسببها خسرنا كاس العرب

وارجو أن هالشغله ماتنعاد مره ثانيه

حتى في مسألة إراحة اللاعبين

على سبيل المثال ياسر القحطاني

الهلال يحتاجه كثراً في مباراة ماشال

خصوصاً ان لعبية هذا الفريق ذو الطول الفارع والأجسام القويه

والفريق يحتاج معهم إلى مراوغ سريع وقناص

وأعتقد الهلال سيحتاج ياسر كثيراً هذا اللقاء

فمن الأفضل جعله احتياطي وأشراك الجمعان بدلاً عنه

ودخوله حال حاجة الفريق له


- بداية التفريط في المباراة هو اللعب بخطة 4 _ 5 _ 1

حنا نلعب على أرضنا ونحتاج للفوز

والخصم ليس بالمرعب ولا بالمخيف

إذن من وجهة نضري الخاصه

أرجو اللعب بخطة 4 _ 4 _ 2

مع الإكتفاء بمحور واحد فقط دفاعي

وبذلك سنستطيع حسم المباراة من الشوط الأول بأذن الله

_ _ __ _ __ _ _


رحمة الله عليك يامنصور العتيبي

والله يسكنك فسيح جناته
اضافة رد مع اقتباس
  #2  
قديم 10/04/2006, 10:31 AM
زعيــم مميــز
تاريخ التسجيل: 15/10/2005
مشاركات: 2,233
إلا الرابطة . لا تتكلم عنها .
الجميع يعلم ان المايكات قد تم تركيبها يوم الخميس المغرب . وعندما حضرت الرابطة ليوم المباراة وجدت 8 من المايكات لا تعمل والتي تعمل فقط 2 فكيف بمايكين تريد ان تسمع 40 الف مشجع .


إن بعض الظن اثم
اضافة رد مع اقتباس
  #3  
قديم 10/04/2006, 10:35 AM
زعيــم فعــال
تاريخ التسجيل: 11/10/2005
مشاركات: 268
يارجال احمد ربك انك دخلت بعد
اضافة رد مع اقتباس
  #4  
قديم 10/04/2006, 10:39 AM
زعيــم متواصــل
تاريخ التسجيل: 04/03/2001
المكان: قلب نوره
مشاركات: 177
إقتباس
الرسالة الأصلية كتبت بواسطة متيم به
إلا الرابطة . لا تتكلم عنها .
الجميع يعلم ان المايكات قد تم تركيبها يوم الخميس المغرب . وعندما حضرت الرابطة ليوم المباراة وجدت 8 من المايكات لا تعمل والتي تعمل فقط 2 فكيف بمايكين تريد ان تسمع 40 الف مشجع .


إن بعض الظن اثم


حنا تكلمنا فالنجوم والرؤساء

وبنتكلم فأي أحد

مادام الكلام معقول وفي طور الأدب


انا بيني وبين الرابطه أمتار معينه

ومع ذلك سكوتهم كان اكثر كثيرررررررررررررر من تشجيعهم
اضافة رد مع اقتباس
  #5  
قديم 10/04/2006, 10:41 AM
الصورة الرمزية الخاصة بـ محب الذئب9
زعيــم مميــز
تاريخ التسجيل: 21/01/2006
المكان: ♥ S A M i ♥
مشاركات: 14,143
الله يوفق الرابطة

والتشكيلة الحالية مثالية
اضافة رد مع اقتباس
  #6  
قديم 10/04/2006, 10:45 AM
زعيــم نشيــط
تاريخ التسجيل: 17/03/2004
المكان: الرياض/سدير
مشاركات: 861
إقتباس
الرسالة الأصلية كتبت بواسطة ن ا ر 009
يارجال احمد ربك انك دخلت بعد

,,,,,,,,,,,
اضافة رد مع اقتباس
  #7  
قديم 10/04/2006, 10:49 AM
زعيــم مميــز
تاريخ التسجيل: 13/09/2005
المكان: الريـــاض
مشاركات: 2,127
يا خي انا من زمان اقولكم الرابطه الرابطه يا جماعه الرابطه وكل ما نتكلم يقولون الا اسد المدرجات مدري وشو على عيني وراسي ما قلنا شيء ياخي ونعم فيه بس ترا ساكت وقت المباراة يتفرجون وساكتين ليش ياخي شف الاتحاد والاهلي وهم مهزموين يرجون الدنيا رج
اضافة رد مع اقتباس
  #8  
قديم 10/04/2006, 11:01 AM
الصورة الرمزية الخاصة بـ هولاكو الهلالي
زعيــم مميــز
تاريخ التسجيل: 03/07/2005
المكان: المنطقة الشرقية
مشاركات: 1,769
الحمد لله على الفوز وهذا المهم
اضافة رد مع اقتباس
  #9  
قديم 10/04/2006, 02:41 PM
زعيــم متواصــل
تاريخ التسجيل: 04/03/2001
المكان: قلب نوره
مشاركات: 177
مشكورين على المرور والله يعطيكم العافيه
اضافة رد مع اقتباس
  #10  
قديم 10/04/2006, 02:43 PM
زعيــم متواصــل
تاريخ التسجيل: 04/03/2001
المكان: قلب نوره
مشاركات: 177
مشكورين على المرور والله يعطيكم العافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:18 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube