النصراويون يهنأوننا .. شكراَ يا أفضل المنافسين ... - نادي الهلال السعودي - شبكة الزعيم

ابونوره · #1 09/04/2006, 12:11 AM

السلام عليكم ،،،،

"نحن أبناء وطن واحد فلا تجعلوا الرياضة تفرقنا"

هكذا بدأ البطولة الأغلى (محمد بن فيصل) لقاء الدور الأول مع شقيقنا نادي النصر ... لعلمه الأكيد وثقته بأن النصر هو أفضل المنافسين للهلال على مر السنين والبطولات والمحافل .. ولاننسى بأن أول زياره له بعد ترأسه النادي كانت لنادي النصر ، وكانت خطوة للأمام هي الأجمل لاذابة ثلج التعصب والمناوشات التي تحصل بين بعض المحسوبين على الهلال والنصر ..

واليوم .. يرد لنا ادارة وجماهير النصر جميل ماقدمنا ويتقدمون خطوة رائعه مصافحين ومهنأين بفوز الهلال ببطولة ولي العهد الغاليه .. ويبعثون بتهنئة بمناسبة الفوز لادارة نادينا ...

كما بدأ الهلال بعهد ليس بجديد مع البطولات .. فقد بدأ النصراويون مع فيصل بن عبدالرحمن عهدا جديدا لايصال النصر لمكانه الطبيعي مع الهلال في قمة الهرم الكروي السعودي ..

كتوقع شخصي .. سيكون للموسم القادم طعم خاص بظهور النصر وبسقوط الاتحاد .. ولا اعداد لكأس عالم

...

أتمنى من كل من يقرأ موضوعي أن يرد بعقلانية وبحب للجميع وليس بتعصب .. لأننا ابناء وطن واحد .. فلا تجعلوا الرياضة تفرقنا ....

أخوكم/ أبو نوره

Mr Hilale · #2 09/04/2006, 12:22 AM

هههههههههههههههههههههههههههههه

كثر منها ذي

يكفي مساندتهم للأهلي

بس البيت يقول
أن قومي تجمعوا ***** وبقتلي تحدثوا
لا أبالي بجمعهم ***** فكل جمع مؤنث

يسلم اللي قاله

واهم شي سكتنااااااااااااهم

وانا مو متعصب بس هذا الحق

ليه نصير مثاليين وهم ماتركو فينا شي

حتى قالوا عننا يهود

يساندون اي احد يقابل الهلال

واخرها الاهلي والميناء والاتحاد

وهذا مايدل الا عا الحقد اللي في قلوبهم
كيف تبغاهم يهننونا

انا اشك في انكـ تدخل منتداهم
انا دخلته مره وحده في حياتي والله يقرررررررررررررررررف

كله عن الهلال سب شتم
اللي في ناديهم هذي عقوبه من اللي يقولونه في الهلال

النصراويين مستحيل تلقى بينهم واحد عاقل ومو متعصب
واذا كان مو متعصب يقول الهلال يهود وسامي مو مسلم

صدق العقل نعمه
والهلال نعمه

الاسير2005 · #3 09/04/2006, 12:43 AM

بصراحه الرياضه ليست تعصب
فنحن ابناء مدينه واحده
والهلال والنصر عينين في راس
واحده ونتمنا عوده النصر لمنافسه
الهلال حتى نحس بالمنافسه الشريفه
والتي فقدناها بعد ان اصبح نادي الاتحاد
منافس للهلال مع العلم انها دائما الخساره من الهلال

سعد بن ناصر · #4 09/04/2006, 12:44 AM

والله اللي يبارك لنا نقول له الله يبارك فيك

وبس هذا اللي اقدر اقوله عشان ما اقلل من احد او اتهجم على احد

اكيد في نصراويين كثر يهنؤون اخوااااااااااااااانهم الهلاليين كما هو الحال لباقي جماهير الفرق الاخرى

ابويارا المغترب · #5 09/04/2006, 12:53 AM

انت من جدك؟؟؟؟ رح لمنتداهم وشف كيف الحقد الدفين عندهم

اخر من يفكر في الروح الرياضية هالفقراوية......

أبـوكـــادي · #6 09/04/2006, 12:55 AM

لا يهمونك ..

Pablo Aimar · #7 09/04/2006, 12:56 AM

جماهير الهلال فاهمه وواعيه ولا يهمها إلا فريقها وبس وطيبه وتقدر الفرق الثانيه بما فيهم النصر .
اما جماهير النثر للاسف الشديد ( وصل كرههم للزعيم الي حد الاتهام بالرشاوي والكذب والقذف بالزوور ولا استبعد اذا قالو لاعبي الهلال يهوود كفره فجره ) صدقني هذا هو الواقع رح لمنتداهم وشف مواضيعهم فاتحين فرع ثاني لمنتدى الزعيم كل مواضيعهم عن الهلال ما يهمهم فريقهم يهمهم ان الزعيم يخسر بس
لو جاء فريق اسرائيلي يلعب مع الهلال صدقوني تلقوون جماهير النثر اول المشجعين للفريق الاسرائيلي

ياخي وصل كرههم الي ان قالو قاطعوا المنتخب على شان ان المدرب هلالي واكثر اللاعبين من الهلال , ليش ماقالو الكلام ذا يوم يوردانيسكو بغى يدرب المنتخب او على شان يوردنيسكو مدرب لعميلهم الاتشاد .

الهلال دايم يبادر بالسبق لابعاد التعصب واخرها (نحن أبناء وطن واحد فلا تجعلوا الرياضة تفرقنا )
بالله هم وش سووا هذا دليل كرههم للزعيم

لكن القافله تسير وال ......... .............

شكرا

ابونوره · #8 09/04/2006, 12:59 AM

إقتباس

الرسالة الأصلية كتبت بواسطة Mr Hilale


	ليه نصير مثاليين وهم ماتركو فينا شي حتى قالوا عننا يهود يساندون اي احد يقابل الهلال واخرها الاهلي والميناء والاتحاد وهذا مايدل الا عا الحقد اللي في قلوبهم كيف تبغاهم يهننونا

أخوي هلالي .. اكثر منها ليش لا .. مثل مافيه من يسب الهلال بالنصر فيه من يسب النصر بالهلال .. الهلال والنصر جماهيرهم اكثر من انك تحكم على نادي من تصرف شخص او اثنين او حتى ألف أو ألفين ..

رجائي .. اننا نترك كل شي يقولونه ونحاول نقرب المسافات بينا وبينهم ..

المثاليه عمرها ماكانت عيب .. حنا نعلم الكل المثاليه .. تحياتي ..

ابونوره · #9 09/04/2006, 01:09 AM

أخواني الاسير ، سعد بن ناصر ,,

مشكورين على ردودكم .. وكثر الله من امثالكم .. تحياتي

ابونوره · #10 09/04/2006, 01:16 AM

ابو يارا .. عمر المنتديات ماكانت قياس ..

وبعدين النصر له أكثر من منتدى لكن اللي يهمنا المنتتدى اللي تشرف عليه الادارة النصراوية برئاسة فيصل بن عبدالرحمن ...

صدوق الود · #11 09/04/2006, 01:16 AM

عـجـايب الـدنيـــا سبـع وثـامنهـــا أن يهـنــاء النـصـراووين الهــلال بالكــأس.. !!!!

Mr Hilale · #12 09/04/2006, 01:19 AM

ابو نوره عزيزي انا مااتهم احد ولا راح اكون مثلهم اتهم بدون دليل

بس روح لمنتداهم ودور عا الموضوع

صفحااااااااااااااااااااااااااااااااااااااات

مافيه الا ثنين يقولون حرام اللي تقولونه كلنا عيال بلد واحد وانتم تكفروونهم

وكلهم مع اللي كاتب الموضوع السخيييييف

اللي يقول اطردوهم من بلدنا ها اليهود وغيره من الكلام اللي يخجل الواحد اذا قراه

واكثر رد قهرني لما رد واحد وقال سامي والهلاليين مسلمين حرام

رد اللي بعده وقال اما سامي مسلم كثر منها هذي!!!!!!!!!!!!!!!!!

فيه كره يوصل لها الدرجه كره حقد ماشفته من احد من قبل اقسم بالله يعاملونا كأننا يهود

لكن تأكد الجماهير الهلاليه اول من يحارب التعصب لكن توصل لها الدرجه
لا والف لااااااااااا

اغلبهم من ها الاشكال المتخلفه
هذا الواقــــــــــع

اشكركـ اخوي على موضوعكـ

ابونوره · #13 09/04/2006, 01:31 AM

الزعيم 15 .. شكرا لمرورك ..

أخوي: Pablo Aimar

انا مانكر كره بعضهم لنا واكيد بيقولون اكثر .. لكن يظل اللي يقول مثل هالكلام معروف مصادر وموجهينه .. انا افكر ببداية جديدة بينا وبينهم وخصوصا مع تغيير الادارة .. فيه بينهم عقلاء مثل مابينا عقلاء .. وبينهم جهلاء مثل مابينا ..

SHMAK · #14 09/04/2006, 01:35 AM

تظل المنافسة مع النصر شريفة وخالية من اللؤم والخديعة والشبهة .. ويظل النصراويون من أرقى الخصوم .. وأكثرهم أمانة في المنافسة .. ولا أدل من تعادلهم مع الاتحاد .. رغم عدم أهمية المباراة لهم ..

الهـADRIANOـلال · #15 09/04/2006, 01:38 AM

والله اللي يبارك لنا نقول له الله يبارك فيك ......

واللي يشتم ويسب فلن نرد عليه لأنــــــــــــــه سفيـه وسقيـــــم,,,,,,,,