#1  
قديم 10/04/2006, 12:58 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
Thumbs up مهم وضروري (الصورة هذي بنسويها) أرجوا التثبيت لأنها خطيييرة


أيها الزعماء الأشاوس

مساكم الله بالخير

مبروك البطولة الي مدري كم عددها!! يمكن 45 أو مدري بالضبط

لاتلوموني ماعاد نجمع من كثرتهن ((اللهم لك الحمد))

حبيبنا ابوسلطان ((أشهد بالله انك تستاهل البطولة وتستاهل حب هالجماهير الي جلست تصفقلك طول المباراة))

عموماً وللإختصار

تذكرون الصورة الي كنا نتمناها وتوقعناها صعبة ((صورة الملعب بالأزرق والأبيض))



يوم جيت لمباراة الكأس من الساعة أربع ونص لأستمتع بالزعيم وجدت أن مجلس جمهور الهلال قد وضع على كل كرسي من كراسي الاستاد التي شيرت البلاستيكي وهذي حركة راااائعة

لاكن لقيت فكره جهنمية جلست أفكر فيها طول عصر الجمعة ((من الفظاوة))

ودي أشرحلكم بس طولوا بالكم علي ؛ لأني ماأعرف المسميات

كلنا شاهدنا التيشرتات الي على المقاعد وطبعاً كانت كلها باللون الأزرق فقط

كأنكم بديتوا تقرأون أفكاري

برافوا عليكم ؛ عيني عليكم باردة ؛ ماتنلامون زعماء

الفكرة هي بإضافة الشيرتات الزرقاء تكون هناك شيرتات بيضاء

مثلاً

المدرج الي بين البوابة 25 و 26 نحط على كراسيهم شيرتات زرقاء

المدرج الي بين البوابة 26 و 27 نحط على كراسيهن شيرتات بيضاء

المدرج الي بين البوابة 27و 28 نحط على كراسيهم شيرتات زرقاء

المدرج الي بين البوابة 28 و 29 نحط على كراسيهن شيرتات بيضاء

وهكذا

فبالتالي سوف نحقق الصورة المذكورة أعلاه

وياحبذا تكون هناك بالونات نظراً لأن لها مردود أكثر من رائع وأقل شي يتسلى فيها الواحد وقت فراغه;)

عطونا رايكم

صدقوني إذا سويناها والله راح نسكت الكل

ويمكن يقلدونا في أوروبا ويسمونها المدرج الهلالي أسوتاً بالأمواج المكسيكية

آسفين على الاطالة


أخوكم
هاوي سراب
اضافة رد مع اقتباس
  #2  
قديم 10/04/2006, 01:09 AM
زعيــم متألــق
تاريخ التسجيل: 22/09/2005
المكان: هـــــداج تيمـــــاء
مشاركات: 1,292
فكرة حلوة اخوي بس وين التنفيذ ؟
اضافة رد مع اقتباس
  #3  
قديم 10/04/2006, 01:10 AM
زعيــم متألــق
تاريخ التسجيل: 22/09/2005
المكان: هـــــداج تيمـــــاء
مشاركات: 1,292
فكرة حلوة اخوي بس وين التنفيذ ؟
اضافة رد مع اقتباس
  #4  
قديم 10/04/2006, 01:21 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
اخوي سعود

مشكور على المرور

مشكور على التفاعل

أنا ودي أعرف رأي الجماهير أولاً وأنا قشها معاهم بعدها راح أكتبها في تقرير وأقدمها لمجلس الجمهور لأنهم مايقصرون في أي شغله جديدة

بس وين الردود

أبي واحد يناقشني فيها

أنتظركم

هاوي سراب
اضافة رد مع اقتباس
  #5  
قديم 10/04/2006, 01:50 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
ياجماعة الخير

وين ردودكم!!!!!!!!!!!!؟؟؟؟؟؟؟؟؟

مايصير هالكلام أبداً

ناقشوني

الفكرة حلوه والا من جنبها

نبي نتناقش سويتاً علشان ننفذها على أرض الواقع

أنتظركم

((لاتفشلوني الله يهاديكم))

57 مرور ومافيه الا رد واحد فقط!!!!!!!
اضافة رد مع اقتباس
  #6  
قديم 10/04/2006, 01:56 AM
زعيــم متواصــل
تاريخ التسجيل: 19/10/2005
المكان: حوشنــا .. يعني فين ..!!
مشاركات: 56
فكررره روووووووعه


اتمنى انك ترفع تكلم المجلس .. وان شا الله نشوفها بالمباريات الهـلاليه


تحياتـي [email protected]@
اضافة رد مع اقتباس
  #7  
قديم 10/04/2006, 02:04 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
ابوريم

الله يجبر بخاطرك

أخيراً لقيت واحد يرد الصوت

يعني أفهم من كذا ان الفكرة معجبتكم

لو فيه ملاحظات عطونياها علشان أناقشها مع مجلس الجمهور

أنتظركم

هاوي سراب
اضافة رد مع اقتباس
  #8  
قديم 10/04/2006, 02:11 AM
موقوف
تاريخ التسجيل: 14/09/2004
مشاركات: 1,169
ياهاوب السراب أنا والله أطالب من زمان أن نسوي هذه الحركة إذا عندك إتصال بياسر الطلالسي تكفى كلمه وريه الصورة عشان يقتنع ويجب أن تكون بنفس اللون الموجود في الصورة
اضافة رد مع اقتباس
  #9  
قديم 10/04/2006, 02:17 AM
موقوف
تاريخ التسجيل: 14/09/2004
مشاركات: 1,169
يأخ ياسر أرجوك تكفى تكفى لاتردني ياياسر طبق حركة جمهور البرشا في هذه المناسبة التاريخية التي يشاهدها الملايين من العرب والخليجين يإبراهيم ياحقوي تكفى طالبك هيا لاتردني، نبغى نطبق حركة جماهير البرشا في النهائي تكفى لاتردني ،الحركة بسيطة جداً جيب ثلاثين ألف لوحة فلين بيضاء في المدرج العلوي وثلاثين ألف لوحة فلين زرقاء في المدرج السفلي من الدرجة الثانية أو سواءًمن خلف المرمى الهلالي أو من الدرجة الأولى لرابطة الهلال ويكون هناك معك خمسين إلى ستين شخص يشتغلون معك ويتوزعون على جميع الدرجات الأولى والثانية سواء في المدرج العلوي أو السفلي لتوزيع لوحات الفلين، وثم إخبار كل شخص يقوم بالتوزيع بإعلام الجماهير متى ترفع اللوحات ، ترفع لوحة الفلين عند دخول اللاعبين لبداية المباراة وعند كل هدف هلالي للهلال، أرجوك أرجوك لاتردني المسألة يبغالها تنظيم فقط في الذين يشتغلون معك، طبعاً يكون توزيع اللوحات الفلينية قبل بداية المباراة بساعتين لأنني أعلم أن جماهيرالهلال في المناسبات والنهائيات تحضر وتملأالدرجة الثانية تماماً قبل بداية المباراة بساعتين، وأعتقد أنها فرصتكم جيدة لترتيب الجماهير وتنظيمها قبل المباراة بساعتين خصوصاً أن أغلب المدرجات ستكون هلالية وهي فرصة جميلة لتكوين لوحة فنية جمالية أمام العالم عن جماهير الهلال في هذه المناسبة التي يشاهدها الملايين من العرب
هذا ماكتبته قبل النهائي للأخ ياسر الطلاسي يأخ هاوي السراب
اضافة رد مع اقتباس
  #10  
قديم 10/04/2006, 02:18 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046
اخوي الو زعيم

طالما ان فيه ناس مؤيدين للفكرة صدقني انها راح تصير

يعني من ثلاثة شهور واحنا نتفرج على هالصورة ونتحسر ونقول ياليتها تصير

بس صدقني بحول اللي ماتنام عينه ان تشوف هالصورة على أرض الواقع واذكر كلامي زين

عندنا مجلس جمهور يسعى لما هو جديد ولاهم مقصرين في أي شي بيض الله وجيههم

ترى السالفه ومافيها شيرتات بيضاء ووضعها على الكراسي قبل اللقاء والي يجي عند كرسيه يلبسها وانتهى الموضوع

بإذن الله سترونها في مباراة العين

إن شاء الله تعالى


هاوي سراب
اضافة رد مع اقتباس
  #11  
قديم 10/04/2006, 02:27 AM
موقوف
تاريخ التسجيل: 14/09/2004
مشاركات: 1,169
يأخ هاوي إنت ساكن بالرياض أرجوأن تحضر للنادي وتجتمع بالأخ ياسر الطلاسي وتوريه هذه الصورة الرائعة وتخبره أن يجب في مباراة ماشال أو العين أن يجهزو خمسين شخص من مجلس الجمهور الهلالي ويتوزعو على المدرجات سواءً في الدرجة الثانية في الطبقة السفلى او الطبقة العلوية أو سواء خلف المرمين أو في الدرجة الأولى، وترى المسألة ليست أن يلبس المشجع هذه البلاستيك فلو تدقق في جمهور البرشا كان يحضرأوراق وفليين وبلاستيك لايلبسها إطلاقاً بل عندما يدخل لاعبو برشلونة يقومو جمهور برشلونة جميعاً برفع اللوحة بأيديهم للأعلى ويلتقطها مصوري الكاميرا وليس لبس البلاستيك كما تقول
اضافة رد مع اقتباس
  #12  
قديم 10/04/2006, 02:27 AM
زعيــم فعــال
تاريخ التسجيل: 13/11/2005
المكان: الجبيل الصنآعيه
مشاركات: 476
والله الفكره روووعه

وقالوها قبل فتره زعماء غيرك بالمنتدى بس وين التنفيذ

يعني مثل ما يوزعون على كل المقاعد ازرق يقسمونها بين ابيض وازرق على ارقام البوابات اللي ذكرتها

بس اللي يقهرك ان فيه بزران يجون يترقصون تحت وهمهم بس الوناسه والضحك والاستهبال والخراب والهوااش

هذولي وين تبي تفهمهم ويطبقون اللي تبي ؟؟؟

الله يعطيك العافيه اخوي على موضوعك الرائع وان شاء الله نشوف تجاوب
اضافة رد مع اقتباس
  #13  
قديم 10/04/2006, 02:31 AM
زعيــم فعــال
تاريخ التسجيل: 13/11/2005
المكان: الجبيل الصنآعيه
مشاركات: 476
إذا نبي نطبقها او تم التجهيز لتطبيقها

نبيها لمباراه العييييييييييين

نبي العييييين والله ننتظرهااااا يا ناااااااااااس

والله ما اسكت طول المباراه نبي نهز الملعب ونبي هالحاجات اللي تخلي هالعيناويه تصفق ركبهم ببعض
اضافة رد مع اقتباس
  #14  
قديم 10/04/2006, 02:32 AM
الصورة الرمزية الخاصة بـ xxGOALxx
زعيــم فعــال
تاريخ التسجيل: 24/04/2003
المكان: الرياض
مشاركات: 337
فكره رائعه وتمت المطالبه من قبل

ولكن لم تجد صدى لدى المسؤولين في مجلس الجمهور

أو انهم إستصعبو المسألة على الجمهور

ولكن بعد حركة الجماهير في مباراة الكأس (( حركة الجمهور الأرجنتيني ))

أعتقد ليست بالمسألة الصعبة أن نطبق مثل هذه الفكرة

ولكن حبذا أن تكون ورق مقوى أو كرتون ويتم رفعها عند طلب المنظمين

وستكون رآئعه الفكره مثل جمهور البرسا
اضافة رد مع اقتباس
  #15  
قديم 10/04/2006, 02:32 AM
زعيــم نشيــط
تاريخ التسجيل: 22/10/2005
المكان: بين السهول و التلال
مشاركات: 508
فكره ولا اروووووووووع

يسلمووووو على التفكير الرائع

نعم نحمل في طيات منتدانا اعضاء ذو تفكير عالي

فكره ولا اجمل منها

اتمنى ان تكون ونكون منبسطين من خلف الشاشه نناظر لكم والمنظر الرائع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube