نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   اهداء الى ابو سلطان حفيد الجدين (http://vb.alhilal.com/t293332.html)

هلالي صميم وافخر 09/04/2006 12:18 PM

اهداء الى ابو سلطان حفيد الجدين
 
اخواني اعضاء شبكة الزعيم

الف مبروك البطوله الغير غريبه عليكم

اهداء مني الى سمو الامير محمد ابن فيصل ابن سعود

ريئس نادي الهلال تعبير عن حب جماهيره له...



[poem font="Simplified Arabic,5,blue,normal,normal" bkcolor="white" bkimage="" border="groove,4," type=0 line=0 align=center use=ex num="0,black"]
سلام تسليمة محبة وتقدير=من شاعرٍ ودّه يوصّل سلامه
كتبتها فالمنتدى شبه تعبير=عن زود فرحة خافقي واحترامه
مغوار وافرح بانتصار المغاوير=حتى هزيمتهم عليّ انهزامه
فن وطرب ..نظره..ولمسه ..وتمرير=وتسجيل قولٍ للتميّز علامه
ياخذبه الجمهور صيحه وتصفير=من بعد مالاستاد كثر ازدحامه
وهذا بفضل الله ثم منك يامير=يامن نحبك لانهار القيامه
وجه السعد والانتصارات والخير=ونور الصباح اليا انجلى عن ظلامه
تبقى يابو سلطان فوق المشاهير=خامة وطن ماتنوصف بأي خامه
جيت الهلال وكان في وضع تخدير= مرضان ماتقدر تشيله عظامه
واكثر جماهيره كظوم ومصابير= وكلاً يقول الموج الازرق علامه
وعرفت بان الوضع يحتاج تغيير=ويحتاجله وقفه وقوة صرامه
وقلت افرحوا واستبشروا ياجماهير=زعيمكم بارجعّه للزعامه
قالوا صغير وقلت ما احتاج تكبير=العقل نعمه والتراخي رخامه
ولاهي عجب ..ولا.. انت محتاج تبرير=حفيد جدين العطا والكرامه
الجد الاول في نهار المحاضير=سلطان له فالجود ذروة سنامه
تذعن لابو خالد جموع الطوابير=ولياتكلّم من يجبّع كلامه
تجيه زافات الوجيه المعاسير= وتروح من عنده عليها ابتسامه
رضيّ وفي وجهه رسوم التباشير=وغيثاً على شعبه يظللّ غمامه
وغضيب لاثارت غبرة المعاصير=وكلاّ من الدجره يحذف العمامه
يدجر بسيفه مثل مايدجر الزير=لين النهار الشين يركد عسامه
والجد الاخر راعي الهجن والطير=وراعي هلا وابشر وراع الشهامه
عدٍ وروده بالعطايا مصادير=من شرقي الدمام لاقصى تهامه
سعود زبن الكايده والمخاسير=وعلى نحره الجود علّق وسامه
لعلّ من ينشي المزون المزابير= يكسيه ثوب العافيه والسلامه
والخاتمه يامير اسوق المعاذير=مثلك يعجز الشعر ياصل مقامه
موجز يعبّر لك عن الحب تعبير=من شاعرٍ ودّه يوّصل سلامه
حيث ان حبك في قلوب الجماهير=مبذور وانت الحين تجني صرامه[/poem]

هلالي صميم وافخر
شاعرهلالي(سعود)

الأمل البعيد 09/04/2006 12:58 PM

صح لسانكـ...



ابداااع



الف مبروكـ البطولهـ




يعطيك العافية



تحياتي

هلالي صميم وافخر 09/04/2006 05:15 PM

اخي الامل البعيد

صح بدنك ولاهنت

@الذيب سامي@ 09/04/2006 05:35 PM

صح لسانك

جحفاني 09/04/2006 06:24 PM

صح لسانك

هلالي صميم وافخر 10/04/2006 11:21 AM

الذيب سامي

صح بدنك وهلابك

هلالي صميم وافخر 11/04/2006 01:08 PM

جحفاني

اشكر لك مرورك

ياروحي يالهلال 11/04/2006 01:36 PM

تسلم يالغالي

هلالي صميم وافخر 13/04/2006 01:57 PM

اخوي ياروحي يالهلال

سلمت وصح بدنك

هلالي صميم وافخر 01/01/2007 01:57 PM

ترفع لحبي للهلال واميره

الزعيم حارق دمهم 01/01/2007 02:01 PM

صح لسانك إبداع أخوي ومشكور

الهلال-999 01/01/2007 02:04 PM

مشكور على القصيدهـ

وصح لسانك

فارس الزمن المر 01/01/2007 02:11 PM

صح لسااااااااااااااااااااااااااانك

مارسليو 01/01/2007 02:18 PM

صح لسانك

هلالي صميم وافخر 29/05/2008 01:48 PM

الهلال حارق دمهم

صح بدنك ولاهنت والقصيده فيض من حب الهلال والامير محمد


الوقت المعتمد في المنتدى بتوقيت جرينتش +3.
الوقت الان » 03:30 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd