هلالكم ما ينعطى وجه !! + يا أهلى ما قلت لك حظك مقرود ؟ " دردشة بعد الفوز "
الهلالي أبو سارة يعود لكم من جديد ,,
ألف مليون مبروك , كأس جديد وأولوية جديده ولكن لا جديد ,
ليس الغريب أن نسمع كلمة مبروك إنما الغريب أن نسمع كلمة هارد لك . يمكن ينط لي واحد منكم ويقول لا يا الخالدي, ما غريب الا الشيطان . راح أقول له والله انك نشبه يا غالي ولا يهمك هارد لك والشيطان
أطلق الاسباني صافرته معلناَ إنتهاء المباراة , قام كل هلالي وشغل سيارته وراح بيته ونام ,
ليش كذا يا هلال ؟ قسم بالله انك ما تنعطى وجه . ياخي اجحدنا سنه سنتين , عزيزي حسسنا بروعة البطولات ,
غيرنا لا منه أخذ بطولة وحتى لو كانت وديه راح يعمل مسيرة وموكب وسهر الى الصباح ,
لكن للأسف نحن محرومون , نأخذ البطولة فنذهب للنوم ولا نحس بفرحة هستيرية ,
يا هلال اثقل تراهم يقولون : إذا كان صاحبك عسل لا تلحسه كله ,
لكن للأسف هلالكم ما ينعطى وجه , شاف البطولات عسل قام لحس أبو مندوبها ,
الحرمان في عالم الأندية السعوديه هو نوعان :-
1- حرمان من البطولات :- وهذا حرمان يعانيه 11 نادي سعودي بسبب تسلطن الأزرق ,
2- حرمان من طعم الفرح بالبطولات : وهذا خاص بجمهور الهلال الذي ألف البطولة وألفته فأصبحت عنده وكأنها مبارايات ثلاث نقاط .
كبير أنت يا هلالي ,
تترنح في جولة أو جولتين .,يبدأون الشماتة بك, فسرعان ماتصفعهم ببطولة فإذا هم خامدون !
عندما سقط الهلال بكامل هيبته وذاق الهزيمة بالخمسة رفعوا عقيرتهم وضحكوا وسخروا وظنوا أنك انتقلت الى رحمة الله .
ماهي إلا مسألة أيام حتى بدأ موسم جديد , شفّرت فيه كل بطولاته على قمرك الرائع : هلال سات ,
وبدأ الموسم الذي يليه . مضت منه الآن بطولتان وكلها في خزائنك أيها المتفرد ,
وبقيت بطولة أخيره لا أظنها والله إلا في خزائنك كي تهنأ بإخواتها .
لن أقول هكذا هم الكبار ينهضون ويردون سريعا , لأنني لا أظن أن هناك من الكبار أنفسهم من يفعل كما فعل الهلال ,
سأقول : جميل ورائع أنت أيها الأزرق , تفوز فيفرح نصف الوطن وتبطش حين تبطش فيبكي النصف الآخر .
جمعت قلوب العشاق على حبك , لن أقول شاهدت رجلاَ أتى من تبوك . ولن أقول رأيت هذا أتى من الظهران وهذا من أقصى الحجاز ,
لا ,, لكن سأقول لكم ما رأيته بعيني في المدرج :
رأيت شباباَ أتوا من الكويت , وعلى يساري شابُ ُ لا يتجاوز عمره ال18 أتى من عمان , وأبناء دولة زايد حضروا بلوحاتهم , والكثير من أبناء البحرين والدوحه ,
هلالًُ ُ جمع العشاق من كل مكان , أحبه الجميع فأسعد الجميع ,
أتعبتني بحبك يا هلال , بل وأعجزتني حتى عن التغني بك وإعطاءك بعض ما تستحق ,
-----------------------
عريس الليلة وساحر الكرة :-
لم أنتقد نواف في فترة سابقه إلا لأنني ببساطه : أحبه يا ساده .
لم أنتقد نواف إلا لسبب واحد : أعلم تماماَ أن نواف إذا أراد أن يفيد فريقه فالله يعين خصم الهلال.
مع كاندينو كان الفريق فوضى والكل يلعب كما يريد وانتقدت الفريق وقتها وطال نواف من نقدي نصيب ,
لكن :-
في مباراة النهائي كان واضح من بداية المباراة أن نواف " حاط " الأهلي في راسه . منذ الدقيقه العاشرة وانا أقول لصاحبي :
إن كان فيه هدف هلالي فنواف صاحبه أو صانعه , الليله ليلة أبو بندر .,
أخذ الماكر الشلهوب الكرة , رفع رأسه فرأى توأمه التمياط على يساره , بلعبة يساريه من الشلهوب وصلت الكرة إلى نواف ,, هنا : أبتدأ الدرس " الشمري " ,,
قام كل من في الملعب وصرخوا : شووووووووووووت ,,
لكن الاخ أبو بندر الله لايهينه كان باله طويل من جد ,. وجحدنا ولا شات
صرخ البعض : نااااااااااااااااااول ,,
أيضا الأخ ابو بندر مارس التطنيش وترك الكرة تستمتع بين قدميه ولم يحركها !
تقدم نواف قليلاَ , لاعبين أهلاويين اثنين ينتظرون تسديه عنيفه منه ويحاصرونه ,
الحارس في مرماه مستعد لصاروخ التمياط المتوقع ,,
الجماهير واقفه على أعصابها بما فيهم أنا وزميلي ونحن ننتظر قذيفه هائله ,
ولكن يا لسخرية القدر يا أبنائي ,, نعم ,نعم يالسخرية القدر !!
نواف " سحب " علينا كلنا واستغفلنا أجمعين ,
أنا وزميلي و60 ألف متفرج وملايين المشاهدين بالاضافة للدفاع والحارس الأهلاوي ,, كل هؤلاء راحوا شربة مويه مع نواف ,
لا هو اللي ( قذف ) الكرة , ولا هو اللي ( مررها ) ولا هو اللي ( راوغ ) فيها .
فقط بلمسه سحريه حنوونه رومانسيه لم يتوقعها الا نواف نفسه , أرسلها في أقصى مرمى المسيليم وولجت الشباك في منظر سينمائي ليس نادراَ بل مستحيل ,
ثلاث أو أربع ثواني مرت علينا ونحن نشاهد الشباك تهتز والهدف أتى ولم نحرك ساكن ,,
فجأة استوعبنا الموضوع وقمنا نحضن بعض ونقول: هييييييه قوووووول !
ما أقول لكم إننا رحنا غلطه مع ( مخ ) و ( عقل ) هالتمياط
----------------------------
هلاليات أبو سارة :-
** محمد بن فيصل . ماراح أجاملك لكن بأقول الحق , والله لأول مرة أشوف رئيس نادي شعبيته تنافس شعبية نوادي !
دخل الملعب للسلام على الجمهور فهاج الملعب وماج وكأن الهلال أحرز هدف , مع العلم ان المباراة لم تبدأ ,
الحب هذا أقل مما تستحق ., فرحتنا عادت إلينا بفضل الله ثم بمجهوداتك , والقادم معك مذهل أكثر,
** أبو سلطان يفرح مع هلاله بالكؤؤس . والبلطان والبلوي حظهم منحوس ,
وعلى طاري البلطان وش أخبارك يا العايد ؟ أبوك ياالركبه ياشيخ
تبرأ البلطان من العايد وبياناته , وليت العايد سمع نصيحة أخونا الداهية عزومي قوية , لما أصبح حاله بهذا السوء المزري !
** أرجو أن يتقدم كل من انتقد المفرج بإعتذار رسمي له , فهذا المقاتل النجم البارع وقف ليس لأخطاء زملائه الدفاع . بل حتى لخطأ الدعيع ,
أنقذ المرمى من هدف محقق , ومارس حبه الأزرق بكل فدائية وكان في نظري من اهم نجوم المباراة ,
** لو لم أكن من متابعي الدوري الاسباني وأعرف شكل هذا الحكم جيداَ لقلت :
إنه حكم متقاعد أو قهوجي أسباني دخل بلادنا بفيزة حكم !
نواف كاد أن يفقد مفصله بل وساقه بل وحتى جمجمته ! يا ساده وصل الضرب إلى جمجمة نواف والحكم يتفرج ,
يا زين التحكيم المحلي , رجعوه حتى لو كان يسبب لنا كهلاليين كوارث !
** الخثران في اليمنى والموسى في اليسرى , أعتقد ان هذا تشكيل المنتخب في المونديال مع كامل احترامي للدوخي !
عبدالعزيز الخثران مقاتل , ضعه في اي مكان في الملعب وخذ ولد , وفوق هذا كله ملتزم وخلوق , يعني إنسان فل كامل
أما كامل الموسى فلن أقول عنه أي حرف , بل سأوجه كلامي للإدارة وأقول: أريحونا بشراء عقده.
** خالد عزيز , أثبت ان الاصرار والروح والانظباط والجهد المتواصل هي وصفة النجوميه حتى وإن ( كابر ) البعض ,
خالد عزيز في وقتٍ ما كان الجمهور يصرخ قائلا: أخرجوه ,
والآن شعبيته في ازدياد بين الجماهير وأصبح من ضمن النجوم المحبوبين في الفريق بسبب روعة أدائه وإخلاصه ,
** بالمناسبه , من كان في الملعب أظنه شاهد كيف عمر الغامدي كان ( يعرج ) بعد ضرب تيسير الجزار , الغريب ليس في ظرب الأهلاويين ولكن الغريب أن الغامدي حرث الملعب طولا وعرضا حتى وهو يعرج !
واصل المباراة بالبنج تارة وبإصراره تارة حتى انتهت المباراة ,, والنتيجه :
غيابه عن مباراة ماشال القادمه , ألا يستحق من أقلامكم بعض إنصاف يا أبناء الهلال ؟
بالنسبة لي : عمر أحد أفضل اللاعبين وأقربهم إلى قلبي وهو من فرض علي ذلك .
** كماتشو , تفاريس , ثنائي أصبحت أتأفف من إطلاق كلمة اجانب عليهم ,
هؤلاء مواطنون يا ساده , هؤلاء تربوا في الهلال إن لم أكن مخطئاَ ,,
روح تندر ان تجدها في لاعب محلي فكيف بأجنبي , روح مقرونة بمستويات , وأعتقد أن التجديد لهم ضربه موجعه للصحافة الصفراء وخصوم الهلال ,
بالمناسبه وش رايكم في لقبي الجديد على كماتشو :
المنجنيق ,, غريبة الكرة وهي تخرج من قدمه الصغيره , تخرج بسرعه فائقة ومركزة تتلذذ بها وكأنك تأكل قطعة حلوى (( تكفى يابوسارة لا عاد توصف ))
** سامي الجابر نزل الى الملعب فكادت خيام الملعب أن تسقط على أم رؤؤسنا بسبب الترحيب والهوس الجماهيري بهذا اللاعب ,, هنيئاَ لك الحب يا سامي .
** القحطاني ياسر , هالمرة ما أطلقت عليه لقب . لكن زميلي الله يرجه هو اللي تهور وعطاه لقب ,
يقول ان لقب ياسر : الحية ! يغرك منظره وتقول ناعم أو مو حق كورة , لكن ينشب لمرسول المدافعين نشبه . ياهو ماشاء الله عليه وااجد لحاله وتلقاه محاصر أربعة مدافعين .
ياحبني له والله أبو قحط .
** الدعيع محمد بإختصار : أهم صفقه محليه , بل صفقه عالميه ولكن في نطاق محلي ,
معه شهدنا أنواع التتويجات . وقف سداً منيعا في وجه كل الفرق , وأمام الأهلي تصدى لهم بأقدامه من زود الفسقه
أبو عبدالعزيز يا الجار , يا حبني لك لو تدري
** حسين عبدالغني ,, فيه كلمة " تقرقع " جواي ولازم أقولها وأرجو أن تتقبلها بصدر رحب وإن لم تتقبلها بصدر رحب يكون أحسن :-
حسين أنا أتوقع لك مستقبل كبير في سلاح الشيش في الملاكمة في المصارعه الرومانيه أو حتى الياباينيه ,, جمباز مو مشكله ,, كاراتيه عادي .,
لكن كورة قدم اسمح لي ياحسين او لاتسمح لي ,, الكرة في وادي فاطمة وانت في وادي حنيفه ,
أجل فيه لاعب يشوت رأس لاعب ! ياخوي والله لو انك من حزب البعث
** شاهدت سيارة اسعاف تتجه للمدرج الهلالي ثم سمعنا أن هلاليين تعرضا لدهس وماتوا !
رحمهم الله إن صح الخبر وأسكنهم فسيح جناته . وهذا سببه بعد الله يرجع لأفكار العالمي النمشان الذي ( حصر ) الهلاليين في نصف الملعب , وترك النصف الآخر رغم عدم حضور الخصوم !
يجب وفوراَ على الادارة الزرقاء فتح ملف تحقيق في الموضوع ورفعه الى الرئاسه .,
مللنا يا ساده زحمة المدرج الهلالي وفضاء المدرج المقابل
أمام الاهلي وامام الاتحاد في مربع العام والنهائي مع الشباب ونهائي الكأس مع القادسيه كلها وقائع تثبت ان الرياض معقل هلالي صرف , فاتركونا من ( برابيسكم ) ياجماعة الخير !
والله اني خفت ان الملعب يميل في أي لحظه وكأنه سفينه تايتانيك !
وقت المباراة أصبحنا نمشي فوق أقدام بعض ولا نرى الدرج من الكثافه بينما الاهلاويين يجلس الواحد منهم في كرسي وقدماه في كرسي آخر !
* بالنسبة للبلطان والبلوي والطقة ذول .. والله يا إني كان ودي اشوف وجيههم الجمعة ..
* بالنسبة للمفرج .. وينكم ياللي خيستونا وانتم تقولون المفرج ما يصلح .. والا يوم ابدع تسكتون .. الله يسامحكم بس ..
بوسة على راسك يامفرج
* اما الحكم الاسباني انا سمعت تعليق خطير ..
يقولون انه كان وده نواف يصاب عشان مايلعب قدام اسبانيا بكاس العالم ..
* اما الخثران فل كامل .. الله يرجك .. والله انك ما نمت للحين شكلك
* كامل الموسـى والله يا إنه يلعب هالولـد .. بطل ما شا الله عليه
* خالد عزيز .. آآه بس وربي عقدت العريف ذا ..
* والله شوف وانا اخوك عند ولد عمي .. لازم اسحب بريك شوي ..
عمرتي وما ادراك ما عمرتي .. انا فدا روحه هالرجال .. لاعب مخلص .. لاعب عاشق للأزرق .. يكفيك تحامله على الاصابة شوط كامل ..
انا فدا راسك يا عمر .. وعسى اللي صاحوا في مباراة ابو يعقوب .. يتعلمون الحين ..
عمر الغامدي .. والله انك نجم النجوم ..
لاعب جوكر .. تبيه ظهير ايمن لعب ..
تبيه محور لعب .. تبيه وسط ايمن لعب ..
ياشيخ احس لو تبيه مدرب لياقة لعب .. ماعنده مشكلة .. ما شا الله عليه ..
* كماتشو مبدع اما منجنيق .. الظاهر انك شايف فيلم تروي امس .. بس تفاريس ياخي خطير في الدقيقة 93 .. فاول للهلال المدرب يقوله ارجـع للدفاع وهو مزلب انعن ام الفلة وسامي يقول للمدرب ماعليك .. خله علي ..
* سامي .. لاتعليق
* ياسر الكاسر .. الحية .. اللي يسوي الهوايل .. مشكلة بعض الجمهور اللي يحسب المهاجم يسجل قول بس ..
والله انه تعب الدفاع بكامله والله انه ذبحهم .. جننهم .. خلاهم يدورون حوالين انفسهم ..
لله درك يا ياسر .. والله اننا نحبك .. والله اننا نحبك .. [----------- كيف اننا بس .. حلوة مو ..؟
* الدعيــع .. عملاق في كل شي .. الله يحفظه لنا يارب ..
هلا وغلا بابو ساره
تصدق احس انك ساحر
اذكر قبل كذا انتقدت كماتشو ورد عليك بهدف ولا اروع
وهذي المره انتقدت نواف قبل النهائي وبرضو رد عليك بهدف ولا اروع
الله لا يهينك ابيك تنتقد الدعيع ياخي نفسي اشوف الدعيع جايب هدف حلو
تراكم ازعجتونا بكماتشو كماتشو تراه لاعب عادي بس انه جاب هدفين العام قدام الاتحاد والشباب وجت البطوله لكن تبي منه تمريره تصليحه مافيه شي يمرر يمين يسار يبطي اللعب ولا يرفع راسه ااااااه ياسامي ونواف والشلهوب هم اللي يوسعون الصدر في النص تمريرات ذكيه تسفر عن هدف ابي هدف واحد من تمريره من كماتشو ياناس انا عارف انكم بتحطوني مااسوا ولكن هذا الحكي الصدق.............. خويي النصراوي مسكين يااخي اكلمه ماله نفس اقول وشفيك يقول الى متى كذا الهلال وبس بطولات وحنا لا.......................... وسلامتكم
,, غريبة الكرة وهي تخرج من قدمه الصغيره , تخرج بسرعه فائقة ومركزة تتلذذ بها وكأنك تأكل قطعة حلوى (( تكفى يابوسارة لا عاد توصف 
!
الوضع العادي
