قتلوها ...... وأي متعة قتلوا - نادي الهلال السعودي - شبكة الزعيم

شحته الدمراني · #1 08/04/2006, 02:10 AM

المخرج ياسادة ياكرام أخفى النجم الأول بهذه المبارات

ألا وهي الجماهير الغفيرة التي ملأت درة الملاعب

المخرج يدري إن متعة الجماهير للمشاهد عبر التلفزيون لاتقل عن متعة اللعب

لم نشاهد الأمواج الزرقاء ولم نسمع الهتافات ولم نقرأ اليافتات

حسبي الله عليك يامخرج مثل ماحرمتنا المتعة

ادري بتقولون قلعتك وراك مارحت للملعب ياملا ا لتبن

بس والله اني معذور.

وتسلم رجلك يانواف ياابو المتعة الكروية انت ياشيخ

يلومونن بك !!!!

ويسلم راسك الذهبي يالمفرج يازين رجعتك ويازين تغطيتك للمرمى تستاهل قبلة راس

وحسبي الله عليك يالمخرج ، وعسى الله مايشفيك من مرض اللون الأزرق ومت بغيضك

وعقبال السابعة

وعندها سنعيد صياغة التاريخ

عشقي تيماوي · #2 08/04/2006, 02:32 AM

قبل تبدى المباراه حطوا الكاميرا على كل اللافتات وحده وحده....
وعلى الجماهير
اما المبارات كانت سريعه مافيه وقت وعلى العموم الحمدلله الفوز

مبروووووووووك الفووووووووووووز!!!!!!!!!!!!!!!!!!!!!!!!!!!!!!!!!!

صفر واحد · #3 08/04/2006, 02:35 AM

شحته وش السالفه !!!!!!!!!!!!!

مره مصري واليوم قصيمي ارس على بر

بعدين الاخراج عندنا كيف الحال !! خصوصا ضد فريق الهلال

مبروك على البطوله وعقبال الاسيويه والدوري

هلالي توب · #4 08/04/2006, 02:37 AM

قناتنا الرياضيه موب غريب عليها مثل هل الاخفاقات في الاخراج

يمكن اللي غطىى عيوب قناتنا انه المعلق هو الاستاذ محمد البكر الرائع والمتألق دائما

واذا بتشوف المباراة اعاده شفها علىى اوربت افضل لك لانه

صوت الجمهور خيالي وكميرات رووعه والتعليق جميل

صفر واحد · #5 08/04/2006, 02:39 AM

شحته وش السالفه !!!!!!!!!!!!!

مره مصري واليوم قصيمي ارس على بر

بعدين الاخراج عندنا كيف الحال !! خصوصا ضد فريق الهلال

مبروك على البطوله وعقبال الاسيويه والدوري

عاشق الزعيم من اليمن · #6 08/04/2006, 03:02 AM

يا حليلك يا شيخ شحته

أكيد أنك شفت المباراة على القناة السعودية

لو أنك شفتها على أوربت كان شفت مباراة غيييييييييييير
طول المباراة بل ومن قبل المباراة بوقت كبير وكاميرات أوربت مركزة على الجمهور الهلالي

شحته الدمراني · #7 08/04/2006, 03:29 AM

لا تلومونن يالربع ، تفرجت عليه وسط اعيالي وماعندنا الا غصب الرياضية

بس والله شي يقهر يوم تشوف كل شي تطور والاخراج الرياضي للخلف در

لا والمصيبة الميول تلعب بحسبة المخرج لعب

تصدقون ياجماعة الربع اللقطات اللي شفته قبل المبارات بساعة ماعاد عرضو شي عقبه ابد

انا مش عارف ازاي يجرؤ هؤلاء على البربسة !!!!!!

هلاليه سنعه · #8 08/04/2006, 03:56 AM

حسبي الله على بندر مجرشي
والله انك صادق اخووووي شكله محتر
ماجاب على فرحة الجماهير
لقطات بعيده ..اخراج فاشل ..
حتى كلمه مبرووك فوز الهـــــــــــــلال ماحطوها على الشاشه ....!!!!!!!!!!!!!!!!!!
لكن الهلااااااااال فاز وهذا اهم شئ لامخرج ولاغيره بيخرب علينا الفرحه
مشكوور اخووي ..

laptop · #9 08/04/2006, 03:59 AM

سلام يا شحته

والله يا فاتك حماس بالملعب وامواج وتصفيق وفله ابي اقهرك لانك ما حضرت خخخخخخ
امزح معك لكن ولا يهمك اكيد الشباب مصورين لقطات للملعب وانا منهم بس والله ما اعرف احطهن هنا وش رايك نتواعد بمكان وارسلك اياهن بلوتوث ..... انواع المخ الفاضي خخخخخ انشالله بحط اللي صورته بالمنتدى بس ابي احد يعلمن شلون وابشر
نرجع نقول 45 والقادم مذهل اكثر

محب الذئب9 · #10 08/04/2006, 04:04 AM

المعلق هو الاستاذ محمد البكر الرائع والمتألق دائما

الار تي جايبين الشوالى مدرى وش عندهم

شحته الدمراني · #11 09/04/2006, 08:11 PM

هلا وغلا بالأخ العزيز : Laptop

الربوع الجاي ان تساننا من الحيين

تشوف لك واحد صاف مع ثلاثة بزران - ولدين وبنت - هذولا اعيالي

اترس جوالك بلوتوثات وسلم المهمة لولدي (باسم)

سوق الزعيم نسب نسب ونا اخوك ... الله يديم افراحنا بالزعيم ، وشكرا لمرورك

أخي : محب الذئب9

محمد البكر ماينتفوت .

ومشكلة إخراج الرياض أزلية مع الهلال .

بس مانقول إلا الحمدلله على نعمة تشجيع الزعيم

ودامت افراحك

أضــــــــــواء · #12 09/04/2006, 08:32 PM

هو المفروض يكون فيه صور موجهه للجمهور والله غرت والمعلق يقول الله على الامواج وانا مأشوف الا الاعبين بس

بس الحمدالله اهم شي الفوز وبصراحه كانت المباراة سريعه جدآ

بس ان شاءالله الجايات احلا وافضل

تقبلوا وجودي