توضيح بخصوص عدم حضورى لمباراه الهلال=والاهلى..هام جدأ - نادي الهلال السعودي - شبكة الزعيم

افغانى وهلالى · #1 08/04/2006, 02:25 PM

السلام عليكم ورحمة الله وبركاته

الف مبروك البطوله

بعد اللى صار مالى مكان عندكم فى المنتدى

مفاجاه\خمس شعلات و 50 ليزر هديه منى لكم

انا وعدت الجماهير بـ(5 شعلات و50 ليزر) ....صح..!

وقلت انى راح اطلع الرياض مع الباصات اللى تكفل بها شبكه الهلال مع الاستاذ (حسن الناقور)

وطبعأ ثبتوه رقم للتسجيل صح......!

بعد ماعلنوه الشى هذه حاولت الاتصال بالأخ(عبد الله) حتى اسجل اسمى وأعرف مقر الباصات ووقت السفر

حاولت الاتصال الجوال يتصل ومحد يرد والله العظيم يومين وانا اتصل ومحد يرد

المهم يوم الخميس قبل بعد صلاه العشاء حاولت الاتصال ولكن لا فايده

وفجاه رد عليه الاخ (عبد الله)

انا:السلام عليكم

عبدالله:وعليكم

انا:اخوى التسجيل مفتوح ؟

عبدالله ايه مفتوح

انا طيب متى بتحركون أن شاء الله.؟

عبد الله:شوى

انا:وشو ؟
عبد الله:شوى كذه ونطلع

انا :طيب اصبرو ساعه انا اروح اجيب الاغراض واجيكم

عبد الله :طيب

انا:طيب اصبرو خلاص انا اروح اجيب الاغراض واجيكم يالله
عبد الله:لا حنا طالعين خلاص<===يتبهلل
انا:ليه طيب كلها ساعه واجيكم
عبدالله :انتا مين ؟ سعود ..؟

ايه انا سعود

عبد الله:راحت عليك يا سعود خلها السنه الجايه <==كأنه جالس يتبهلل

قفلت الجوال : انتم ترضون بهالشى........؟

مايرد على جواله ويجلس يقولى خلها السنه الجايه ليش لعب عيال هو ..؟
ولا ماتبون تودونى معكم . طيب على الاقل قولى يا أخ سعود انت افغانى واحنا مانبيك تروح معنا غيرك ألف ياخى

والله لو انى واحد امريكى كنتو تصبرو واحتمال كنتو تجو لين عندى فى البيت عشان ماتتعبنى

انا صرفت 2500 ريال وفى الاخير وبكل بساطه خلها السنه الجايه؟

وين اودى وجهى الحين......؟

بصراحه يا شباب هذه اخر موضوع لى واخر دخول لى فى منتدى الزعيم
بعد كذه تعرفوها والله ....هذه أسلوب الحين

انا اطلب من كل عضوه رد على موضوعى السابق انهم يسامحونى

ومنهم العضو(مغرور حدى) ياربى وين اودى وجهى الحين

أقسم بالله يا احمد انى سويت العلم وكنت جاااهز بس كنت منتظر عبد الله واخذ منه وقت ومقر الباصات

اتمنى انكم تسامحونى واذا حصل منى اى خطاء اتمنى انكم تسامحونى فيه

وايضأ أطلب من العضو (جوكر الهلال) و (منصور العلى) انهم يسامحونى قفلت الجوال غصبأ عنى

واتمنى انكم تحذفون رقم جوالى وماتتصلون (وبدون احراج)

والسلام عليكم ورحمه الله وبركاته

سعود عبد المجيد خوجه ......جده

ك و م 116 · #2 08/04/2006, 03:08 PM

يا أخ سعود عدم حضورك هذه المباراة ليس نهاية المطاف .... فللهلال مواعيد كثيرة مع البطولات ...وستحقق ما وعدت به إن شاء الله ..

هلالي من ارض اليمن · #3 08/04/2006, 03:14 PM

حصل خير يا أخ سعود

ومبروووووووووك الفوز

وان شاء الله تستخدم الليزر في ختام كأس دوري خادم الحرمين الشريفين ، وهو ليس بعيد ...

الله يعطيك العافيه والقادم أجمل ان شاء الله

جيوفاني الهلال · #4 08/04/2006, 03:45 PM

ياسعود هذه ليست نهاية المطاف الهلال مقبل على استحقاقات مهمة عندك يوم الاربعاء يمديك تروح الملعب وتاخذ معاك الاشياء اللي اشتريتها اتمنى انك ماتذهب من المنتدى اتمنى استمرارك
وشكرا لك على تفاعلك

دحوم تي · #5 08/04/2006, 03:48 PM

اخوي سعود الهلال ليس لهو ذنب فيما حصل الذنب كله على الاخ عبدالله هداه الله وإن شاء الله الجايات اكثر من الرايحات

وحيدالجزيرة · #6 08/04/2006, 03:52 PM

تعوذ من الشيطان

المشذاب · #7 08/04/2006, 03:56 PM

-

يارجال وسع صدرك ..وش المشكلة

انت ماقصرت واديت اللي عليك واكثر ..

asheg alzaeem · #8 08/04/2006, 04:01 PM

معليش يمكن الشباب كانووا مستعجلين وانت تاخرت عليهم هذا ما يبدولي لكن الا تروووح بعيد اغراضك نبيها ان شاء الله المبارة القادمة بعد 8 ايام امام الاهلي نفسة او الاتحاااد في الرياض قل تم

عظيم يا هلال · #9 08/04/2006, 04:02 PM

اقسم بالله العظيم يا سعود لو ماتركد وتخلي عنك الهرج الفاضي

مع كامل احترامي لك يا حبي مو من حقك تتركنا

ياخي فيه ناس تحبك

ويعلم الله اني اذا شفت يوزرك انت والشايب الزاحف المشذاب اني انبسط

خلك من الكلام الفاضي واسترح بس

ونتقهوى ونشوف وش اخبارك

الا الشعلات وش بتسوي فيها

يمدحون سوق الصواريخ خخخخخخخخخخخخ

لو تقدر الي يحبونك بترجع عن قرارك وياليت ترجع يالغالي

مايهمني الشخص المشرف ع الرحلات

اهم شي انت

عظيم يا هلال ....

ياقاهرهم يالهلال · #10 08/04/2006, 04:06 PM

يارجال وسع صدرك انت سويت اللي عليك

وحسبي الله على الظالم

N.M.N · #11 08/04/2006, 06:31 PM

ما يكون الا خير

والجايات ان شاء الله اكثر من الرايحات

وكلنا واحد في تشجيع الزعيم

HiLaL CrAzY · #12 08/04/2006, 08:01 PM

اولا زي ما قاللك الاخوان اللي قبلي اللي هم :
ك و م 1 1 6
هلالي من أرض اليمن
جيوفاني الهلال
دحوم تي
وحيد الجزيرة
المشذاب
عظيم يا هلال
يا قاهرهم يالهلال
asheg alzaeem
N.M.N
لا تزعل خيرها في غيرها
الهلال ما لو نهاية مع البطولات

دماء زرقاء · #13 08/04/2006, 09:29 PM

ياخوك اللي راح ممكن تعوضه بمبارايات الهلال الباقية

وبصراحه امس وانا بالملعب جلست اشوف عدد كبير من الجماهير ماسكين ليزر يلوحون فيه يمين ويسار قلت افا افغاني جا وماعطاني وحده <<< يلمح هههههه

اتمنى انك ترجع عن قرارك

ونشوفك ويانا وسط جماهير الزعيم

إبراهيم حقوي · #14 09/04/2006, 01:21 AM

هلا اخوب سعود.

اما فكرة طلوعك من الشبكة فارجوا انك تشيلها من راسك.

وهذه الاشياء بإمكاننا استخدامها فى المباريات القادمة وخاصة فى مباراة العين لأنه احنا اللي منظمين المباراة.

اتمنى انك تهدئ اعصابك ولن نسمح لك بالذهاب من الشبكة.

اسمع الكلام اذا كان لنا خاطر عندك.

تحياااااااتي لك ومبرووووووك البطولة.

تسبريت · #15 09/04/2006, 02:10 AM

معليش اخوي .. انا اعرف "عبدالله" معرفة خاصة, والكلام اللي انت تقول لا يمكن يطلع منه !!

والحق ينقال .. مجهود عبدالله, و "شبكة الهلال في جدة" لا يمكن أي احد ينكره او ينتقصه واتحداك اذا احد قال عكس كلامي ..

إقتباس


	انا :طيب اصبرو ساعه انا اروح اجيب الاغراض واجيكم عبد الله :طيب انا:طيب اصبرو خلاص انا اروح اجيب الاغراض واجيكم يالله عبد الله:لا حنا طالعين خلاص

كيف يقول لك طيب, بعدين يقول لك لا خلاص احنا طالعين في نفس الوقت !!

لك تحياتي